رواية فيروزة الفصل الأول 1 - بقلم حورية مصطفي

حامل من مين انطقي! صرخت بقوة من أثر الصفعة وقالت: والله ما أعرف يا جدي، صدقني محدش لمسني. نظرت إلى أبيها الذي يقف دون رده فعل وقالت بدموع: والله يا بابا ما عملتش حاجة غلط، أكيد التقارير غلط، خلينا نعيدها بالله عليك. رد عليها «عمران» والدها بغضب: بسبب عملتلك دي الناس هتأكل وشنا يا بنت، أنتِ جبتي للعيلة العار. بكت بقوة وقالت بصراخ: أنا بنتك المفروض تصدقني، أنت عارف أخلاقي كويس، فليه تعمل كده؟ رد عليها هو بصوت غاضب:

لا مش عارف تربيتك يا فيروز، أنتِ تربية أمك، إزاي عايزني أثق فيكي؟ فيروز بضحك هستيري: شابوه ليك بجد يا عمران باشا، بدل ما تكون السند والضهر ليا وتحميني منهم. قال «الجد مهران» بغضب: أنتِ قليلة الرباية، إزاي تعلي صوتك على أبوكي، إحنا اتساهلنا معاكي كتير يا فيروز. وأكمل حديثه بنبرة هادئة: هات الكرباج يا سعيد، البنت دي لازم تتربي من أول وجديد. سعيد خوف: حاضر. «سماحها المرادي يا جدي، هي أكيد متقصدش تعلي صوتها على عمي»

مهران بغضب: مش عايز أسمع صوتك يا أميرة وإلا هتتعاقبي معاها أنتِ كمان. أتى سعيد بالكرباج كما طلب منه مهران، ليسحبها بقوة من خصلات شعرها تحت صراخها وهي تطلب من أبيها المساعدة ولكن لا حياة وكأن هذه ليست ابنته!! «كانت لا تعي شيئ من كثرة الضرب تحاول جاهداً الصمود ولكنها فشلت وفقدت وعيها» توقف مهران عن ضربها عندما رآها تنزف الدماء بشدة، ثم قال: خليها مرمية كده من غير أكل ولا شرب. عائشة عمه فيروز بدموع:

هتموت كده يا بابا، حضرتك مش شايف بتنزف إزاي من كتر الضرب. عمران بكل هدوء: تموت دي اللي لازم يتعمل. عائشة بغضب: أنت إيه يأخي اللي مرمية جوه دي بنتك من دمك، ليه كل الأذى ده ولا عشان مش قادرة تأخد حقها لأنها ضعيفة. أميرة بتوسل: قولي حاجة يا ماما. ردت عليها برفض: أنا مليش دعوة هي تستاهل كل اللي بيحصلها دلوقتي. بعد فترة / في غرفة مظلمة كانت تتكلم على الهاتف والأبتسامة تنير وجهها بسبب ما حدث وقالت بإمتنان:

الخطة نجحت بفضلك يا دكتور، دلوقتي أكيد أنت هتيجي هتقولهم بحزن إنها أجهضت بسبب الضرب اللي اتعرضتله.