رواية فيروز الاسد الفصل السادس 6 - بقلم عفاف نصر

اسد بابتسامه: السلام عليكم. هي بحب ارتمت بين احضانه واكملت: اسد حبيبي اتوحشتني جوي. اسد بهدوء: وانتي كمان يا زينب. فاطمه (والده اسد) : اسد يا ولدي اتوحشتني جوي. لي الغيبه الطويله دي يا ولدي؟ اسد بحب: باس جبينها. حقك يا عليا يا ست الكل. بس صدجني غصب عني. فاطمه بحب: وهي تملس على راس اسد. عارفه يا ضناي انه غصب عنك. ولكن لفت انتباهها فيروز الواقف بجانب اسد بخوف شديد. فاطمه بتساؤل: لي اسد. مين دي اللي واجفه جارك يا ولدي؟

اسد بهدوء: دي فيروز. يما. وصمت قليل واكمل. ومرتي كمان. فاطمه بصدمه: وه كلام اي اللي بتجوله ده عاد. انت اتخبلت ولا اي يا ولدي؟ زينب بدموع: هي مرتك كيف يا اسد؟ طب واني ابجي اي؟ اسد بهدوء: انتي كمان مرتي يا زينب. ومستحيل افرط فيكي. فيروز بصدمه نظرت إلى اسد والدموع تتجمع في عيونها ولكنه تجاهل نظراتها تلك.

فاطمه بعصبيه: اسمع يا ولدي دلوجتي حالا تطلجها. لان مقبلش انك تتجوز البت دي. مش دي بردو اللي كانت ممسوكه في القضيه ايها؟ اسد بهدوء: ايوه يما هي. بس فيروز طلعت برئيه. فاطمه بعصبيه: الكلام ده كله ميجيش معايا عاد. اذا كانت برئيه ولا لا. انت روحت اتجوزت من دون علمنا او موافجتنا على الزيجه دي. وكمان اتجوزت على بت عمك اللي بتحبك واللي تضحي بحياتها مشانك. هي دي اخره حبها ليك.

لكن في حين ان هذا كله يحدث، يدخل رجل يبدو في الستينات من عمره. يبدو عليه الهيبه والوقار. وتبدو على ملامحه أثر الزمان. ولكن تبدو أيضا القسوه والصلابه. اسد باحترام: ازيك يا بوي. ابوه: حمدلله على السلامه يا ولدي. اتاخرت المره دي في مصر. اسد باحترام: معليش يا بوي. شويه مشاغل. ابوه: مين دي؟ اسد بتوتر: دي فيروز. مرتي. ابوه بحده: انت بتجول ايه يا أسد. اتجننت إياك. اتجوزت على بنت اخوي؟ اسد: اسمعني يا بوي.

ابوه: مش سامع حاجه. دلوجتي حالا ياما تطلجها. او تأخذها وتطلع من السريا. وانس انك ليك اهل. اسد: يا بوي. ابوه بغضب وعصبيه: طلقها دلوقتي حالا. اسد بص لابوه وفيروز. فيروز دموعها نزلت وهي منتظره رده.