رواية فيروزة الفهد الفصل السادس 6 - بقلم سلمى محمود

فيروزة لفت ليه وقعدت قدامه. "مزعلتش على اللي حصلي ولا ضربتك ليا بالقلم ولا كسر دراعي، مبكيتش خالص قد ما بكيت وقت لما شفت نظرتك ليا ولما صدقتهم وجيت عليا يا فهد، ومع كل ده لسه بحبك." فهد سند راسها على راسه. "والله آسف، حقك عليا والله حقك عليا يا سلطانتي." فيروزة بدموع حضنته.

"مش قادرة أحب حد في حياتي قد ما حبيتك، مش قادرة أعشق حد في حياتي قد ما عشقتك، مش قادرة أبص لحد غيرك زي ما ببص في بؤبؤ عيونك، أنا مش هسيبك طالما أنت هتسيبني يا فهد." فهد وهو في حضنها. "فاكرة إني هسيبك؟ مش هسيبك أبدًا، قلبي لسه أسيرك يا سلطانة وعمري ما هتخلى عنك في يوم." *** نيكولا هو وبيضرب على المكتب. "أُريد زوجة ذاك الفهد في أقرب وقت ممكن، هيا انصرفوا." كان حاطط كيس تلج على فمه. فجأة رن تليفونه. "ألو."

"مطلوبك كله عندي يا نيكولا." نيكولا: "هل أنتِ تعرفينني؟ من أنتِ؟ "تُريد زوجة الفهد حقًا، وأنا هسلمها ليك بكل سرور." نيكولا: "لم تجيبي على سؤالي يا امرأة." "سوف نلتقي قريبًا أيُها الأجنبي ونتفق كثيرًا." نيكولا: "يسرني ذلك." طلع نيكولا من أوضة البار وابتسم بكل شر. كان واقف مع كريستيان. كريستيان: "زوجته صاروخ." نيكولا: "وأعجبتني." كريستيان: "لا إبعد عنها خالص، فهد مش سهل." نيكولا: "سوف نرى قريبًا."

كريستيان: "إبعد عنها يا نيكولا، في بنات كتير هنا في البار." نيكولا: "ولكنها تختلف عن الآخريات." وطلع ماسك قزازته وكان بيرقص مع البنات اللي في البار. *** فهد كان نازل الصبح وجمبه فيروزة. كانت لابسة ملابس بيضاء، جاكيت أبيض وبنطلون أبيض، وفاردة ليها شعرها. فخرية كانت قاعدة على الكرسي المتحرك. وراح فهد عندها. قمر كانت واقفه. وفيروزة همست في ودنها: "فهد هيعرف كل حاجة وقريب هتبقي برا القصر يا حلوة الصعيد."

فخرية بتصنع: "ده عقابك لما سممتيني، بس يا خسارة اتبهدلتي أوي." فهد بعصبية: "جدتي." فخرية: "مالك." فهد: "إلا فيروزة." فيروزة اتنفست بقوة. "أنا مسممتش حد، بصي لأصل الحكاية الأول. ممكن يكون اتفاق منكم وفخ ليا." قمر بسخرية: "كلها دي ملابس، أومال لو دراعك مش مكسور." فيروزة لسه هتتكلم. فهد شاورلها إنها تسكت. وقال بثبات وثقة إنه فهد الجوارح.

"معاها زوج لبسها وسرح ليها شعرها وحممها بحنان، مش هي ضعيفة. عن إذنكم ورايا مشوار أنا وسلطانة الفهد." أخد فيروزة من إيدها نبيلة وسعاد كانوا فرحانين ليهم. فيروزة بصت لـ نبيلة وسعاد وغمزت ليهم. قمر بغضب بصت ليهم ولـ فيروزة. طلعت جمب فهد في العربية. فيروزة: "هنروح فين؟ فهد: "هاخدك الشركة ونرجع بليل سوا، مش هتقعدي في القصر تاني طول ما هما قاعدين وطول ما أنا مش موجود، بخاف عليكي منهم."

فيروزة: "مش خايف عليا من قسوة قلبك يا فهد؟ ممكن تعملها تاني وتضربني." فهد: "خايفة مني يا فيروزة." فيروزة: "لا مش منك، خايفة من الوحش اللي جواك يا فهد، مش هستحمل قعدتي تاني في أوضة التعذيب." فهد حضنها وباس على راسها. "حقك عليا يا سلطانة، والله حقك عليا." فيروزة ابتسمت ومسحت دمعتها. وطلع بعربيته. أول ما وصلوا كان فهد ماسك إيدها. والموظفين بيقدموا ليها ورد. وهي قبلتهم منهم. "الله، كل ده ورد."

فهد: "لأجل عيون سلطانة الفهد." فيروزة ضحكت. فهد: "تعالي أوريكِ المكتب." فيروزة: "شركتك جميلة أوي وفخمة أوي." دخلت معاه فيروزة بإبتسامة. كان مكتبه أسود وأنيق جدًا. وقفت قدامه. فيروزة: "الشركة دي من فلوس حرام." فهد: "من ورث أبويا، كل قرش وجنيه هنا من تعبي، مدخلتش جنيه واحد من فلوس السلاح." فيروزة: "وليه لسه مكمل يا فهد."

فهد: "فيروزة، أنا جايبك هنا علشان تفكي وترتاحي وتشمي هوا، مش تعاتبيني. حاضر يا ستي، عاتبيني في أوضتنا على سريرنا طيب." فجأة دخلت السكرتيرة. السكرتيرة: "فهد بيه." فهد: "اطلعي بره." السكرتيرة: "ليه يا فهد بيه." فهد: "اطلعي قلت." طلعت السكرتيرة ودمعتها على خدها. فيروزة: "أنت بتهزر صح؟ إزاي تحرجها قدامي؟ ادخلي يا اسمك إيه." فهد بصلها وقال: "ادخلي يا اسينات."

اسينات: "فهد بيه، في بنات موظفين جايين علشان الشغل، ممكن تشوفهم." فهد كي يغيظ فيروزة: "حلوين." فيروزة بصت ليه بصدمة. فيروزة: "أفندم." فهد: "ملابسهم قصيرة يا اسينات." اسينات بخجل نزلت الجيبة بتاعتها وقالت: "آه يا فندم." فيروزة: "هشوفهم أنا." فهد: "وأنتِ من إمتى بتفهمي في الشغل." فيروزة: "من دلوقتي يا فهد." وقالت بسخرية وغيظ منه: "بيه، تعالي وريني." طلعت مع اسينات. وفهد ابتسم. فهد: "هجننك يا سلطانة."

فيروزة وهي وماشية معاها دخلت أوضة الاستقبال. شافتهم وفعلاً كانت ملابسهم قصيرة. وشافت واحدة بتمضغ لبّانة بكل مياعة. قربت منها. فيروزة: "أنتِ جاية هنا للشغل يا حلوة." البنت بصت لـ فيروزة من فوق لتحت بمياعة وقالت: "أيوا، في حاجة." فيروزة بضحكة سخرية: "امضغي اللبّانة كويس، فهد بيه بيحبها أوي." البنت: "أوكي." فيروزة وهي طالعة من الأوضة. فيروزة: "والله انتف شعرك دلوقتي." فجأة خبطت في ضياع. ضياع بتعجب: "سلطانة فيروزة."

فيروزة بضحك: "والله ما أنا عارفة طلعتوا بيه منين، سلطانة ده يعم فيروزة، فيروزة." فهد وهو طالع من مكتبه. فهد: "ضياع عايزك." فيروزة مشيت معاه. فيروزة: "نعم يا شريك." فهد: "جهزلي أوضة في فندق... إنهارده بليل." ضياع بإبتسامة: "أمرك يا شريك." فيروزة وهي بتدخل مكتبه. فيروزة: "لمين وليه." فهد: "مش لينا، ده لشريك أمريكي نازل جديد." فيروزة: "بنت." فهد هز راسه بنعم. فيروزة: "هو أنت شغلك كله ستات."

فهد: "استغفر الله وأتوب إليه، لا طبعًا." فيروزة: "مش مهم، أنا جعانة." فهد بضحك: "حالًا كده." فيروزة: "مفطرتش." فهد: "استني، اقعدي هنا، استقبل الموظفين ونمشي." فيروزة جرت كرسي وقعدت جمبه. فهد: "بتعملي إيه." فيروزة: "مبعملش، بس لقيت الدنيا برد قولت أدفيك." فهد: "طيب قربي مني ودفيني أكتر." فيروزة: "اسينات." فهد: "أفندم." فيروزة: "اسينات."

بيبص لقيها واقفة على الباب ووراها البنات. شاورلها إنها تدخل. فهد استجوبهم كلهم ولا واحدة عجبت. جت أم لبّانة. فهد استغرب. فيروزة نزلت راسها للأرض وفضلت تضحك. فهد بغضب: "أنتِ علطول كده باللبّانة دي." البنت وهي بتمضغ فيها بقوة: "آه." فهد: "طيب اتفضلي وهنبلغك بموافقة أو رفض." قبل ما تطلع البنت: "ميرسي يا جامد." فهد طلعت ورمى الورق بتاعتها على الأرض. فهد: "لبّانة ناقصة هي." فيروزة بإنفجار: "هههههه." فهد: "فيروزة."

فيروزة شاورت إنها مش هتتكلم تاني. فجأة بص ليها بطرف عين وانفجرت في الضحك. وهو ضحك معاها. كان باصلها. شد الكرسي بتاعها ليه. وبحركة منه بص ليها. فهد: "ضحكتك حلوة." فيروزة بخجل: "إحنا في المكتب." فهد بإبتسامة: "عادي. ثم قومي يلا خارجين." فيروزة: "فين." فهد: "نتغدى." فيروزة: "بس أنا حابة أتغدى هنا." فهد: "أمرك يا سلطانة."

فهد طلب ليهم أكل ووصل الأكل. فيروزة فضلت تاكل وبصاله بإبتسامة. وهو كان باصص ليها. بعد ما خلصت اداها دواها كان جايبه معاه. وقعدوا في المكتب بإبتسامة. فهد لغىٰ كل اجتماعاته لأجلها. فيروزة: "أنا عايزة أمشي، عايزة أنام." فهد: "أطلبلك قهوة." فيروزة: "يا ريت."

طلب ليها وليه وشربتها. وكانت قاعدة قصاده على كرسي. فهد كان رايح جاي يتكلم في الشغل شوية ويقعد على المكتب ويدير أعماله. فجأة بيبص ليها لقيها نامت على الأريكة. قام من مكانه وخلع ليها الجزمة وعدل رجلها وباس راسها بإبتسامة. بلغ إن محدش يدخل. كان شغال على اللاب توب. فجأة صحيت. وكانت الساعة 6. فيروزة بنعاس: "هو أنا نمت." فهد: "حوالي تلت ساعة." فيروزة: "يلهوي." فهد: "من أثر العلاج، لإن فيه نسبة منوم." فيروزة: "عايزة أمشي."

فهد: "حاضر، أنا هروح بدري لأجلك يا سلطانة." فيروزة: "لا، خلي ضياع يوصلني." فهد بغيره: "بلاش تاخدي عليه أوي كده." فيروزة: "ليه." فهد: "أنا قلت بلاش يعني بلاش." راح قصادها ولبسها الجزمة بتاعتها. فيروزة: "إستنى، هغسل وشي." فهد: "حاضر." دخلت فيروزة الحمام ووقفت قدام المراية وفتحت المياه. برا باب المكتب اتفتح وجريت بنت على فهد بشعر أحمر قصير ولابسة جاكيت أسود وجيبة حمراء قصيرة. "فهد." فهد اتفاجأ لما حضنته.

"أنا حامل منك، حامل حامل حامل في ابني." وبعدت عنه وقبلته على خده. فهد زقها بقوة. فيروزة بصدمة وقعت منه الشنطة بتاعتها. وجريت على الباب فتحته بقوة. فهد وهو بياخد مفاتيح العربية. فهد: "مشوفش وشك في الشركة يا ولاء." ولاء أول ما شافت طلع: "هنشوف يا فهد الجوارح." فيروزة خبطت في ضياع ومسكها قبل ما توقع. ضياع: "سلطانة فيروزة." فيروزة بدموع زاحته وطلعت الأسانسير. قفل قبل ما يدخل فهد. فهد بصراخ: "آآآآه."

طلع يجري على السلم ونزل قبلها. شافها خرجت. فهد وهو ماسك إيدها. فهد: "فيروزة." فيروزة بدموع: "إبعد عني يا فهد." طلعت برا الشركة. وكانت ماشية ما بين العربيات. فهد: "فيروزة، إطلعي العربية." فيروزة بزعيق: "ملكش دعوة بيا." فهد بتحذير: "فيروزة." فيروزة بصراخ في وسط الشارع: "قربك ليا بيدمرني، قلبي مكسور، إبعد." فهد شدها من إيدها بقوة وهي بتصرخ ودخلها العربية. فهد: "طول ما أنتِ مش جاية بالذوق، تيجي بالعافية."

فيروزة بإبتسامة ضربت على العربية. فيروزة: "واحدة من الدميات بتوعك قبل ما أكون أنا السادسة يا فهد بيه." فهد كان سايق ومش باصص ليها. فيروزة: "هتفضل **** لحد عمرك، فاهم." فهد كان سايق ومش مركز معاها ووصل للقصر. نزلت فيروزة بغضب ودخلت القصر. فهد دخل وراها وطلعت أوضتها. وخبطت الباب في وشه. اتمالك اعصابه وفتح الباب ودخل. قمر بضحك طلعت من اوضتها.

قمر: "والله شكلهم كده اتعاركوا. جات الحزينة تفرح ملقتش ليها مطرح. ماشي يا بت القناوي." فيروزة كانت ماشية في الأوضة وصرخت. فيروزة: "إزاي تعملها؟ شكلك مقرف وأنا بتخيلك معاها. إزاي تفكر تعمل كده؟ ولو تفكير." فهد حط إيده في جيبه وقال بثبات. فهد: "عادي." فيروزة بضحك: "عادي؟ عادي تربية خالتو أمينة؟ متمرتش فيك." فهد: "لأنها مكانتش أمي."

فيروزة بصراخ: "أنت مبتحبش حد، أناني، وأنا على ذمتك وفي واحدة تانية حامل منك، أنت حقير و****." فهد شدها من دراعها وصرخ: "انتوا دايمًا صنفكم بريء ومزيف. دموعك مزيفة، كل ما تسمعي إني بخونك تنزلي دموعك دي علشان قلبي يحن لك. والبنت الشمال دي مش حامل وبتألف علشان فلوسي. ارتحتِ؟ امسحيهم بلاش ينزلوا في الفاضي." وكمل بسخرية: "يا سلطانة فيروزة." فيروزة بصدمة بعدت عنه.

فيروزة: "أنا اتخدعت فيك يا فهد، غيروك الفلوس الحرام، غيرتك واحد ماشي في سكة الشمال بتاع سلاح ومخدرات، هيبقى إيه غير واحد فاشل ومدمر نفسه قبل ما يدمر الناس." فهد رفع إيده علشان يضربها. فيروزة قربت منه وقالت: "إضرب، إضرب، ما أنا متعودة على الضرب." فهد بعد عنها وطلع برا باب الأوضة ورزعه بقوة. فيروزة بدموع وقعت على الأرض. كانت بتبكي. فهد نزل طلع برا القصر. وراح عند الجنينة. طلع سيجارته وقعد يشرب ويفكر في كلامها.

ضياع رن عليه. مكنش بيرد. فهد تجاهل الاتصال بتاعه. فجأة شافه وصل للقصر. ضياع: "يا عم برن عليك." فهد: "مش ناقصة الزفة طبله هي." ضياع: "مالك." فهد: "... ضياع: "اتخانقتوا." فهد: "وأنت تعرف منين منها؟ ضياع: "منها إيه بس، أنا كنت جايلك." فهد: "لخص علشان دماغي بايظة." ضياع: "خلاص، أكلمك بكرة." فهد: "أحسن برضوا." قام يمشي. فهد: "رايح البار." ضياع: "لا." فهد: "راقب لي ولاء من قريب أوي، عينك عليها."

ضياع: "هي حصل مشكلة بسببها." فهد: "راقبها واخلص." ضياع: "ماشي." دخل فهد قعد في مكتبه ساعتين. واتفتح الباب. فخرية: "منكدة عليك بنت القناوي." فهد: "جدتي." قام من مكانه وسندها تقعد. فخرية: "مرديتش عليا." فهد: "مراتي مرات فهد الجوارحي، مش بنت القناوي." فيروزة فتحت الباب ودموعها نزلت. فيروزة: "برن على بابا مش بيرد." فخرية: "تلاقيه مات." فيروزة بدموع: "انتوا عملتوا فيه إيه." فهد: "محدش لمسه." فخرية: "مش قلت هتقتله."

فهد: "غيرت رأيي." فيروزة بدموع: "يعني رد عليا أبويا فين." فهد رمى الأوراق في الأرض. فهد: "صوتك عالي." فيروزة: "عالي إزاي." فخرية: "البنت اللي تعاند جوزها تتكسر رقبتها." فيروزة بصت ليها وبصت لـ فهد. فهد: "فيروزة، إطلعي فوق غيري هدومك وانزلي." فيروزة بدموع شافت جدته بصالها بإبتسامة وفرحانة فيها. فيروزة مسحت دمعتها وطلعت أوضتها. فتحت الباب شافت علبة على السرير. فتحتها شافت جاتوه الفراولة ومكتوب عليه (Im sorry)

فيروزة مسحت دمعتها وابتسمت رغمًا عنها. فجأة فتح الباب. فهد دخل الحمام وأخد شاور وطلع. كانت فيروزة حاطة العلبة على التربيزة بعيد وكأنها مأكلتش منها. كانت قاعدة في البراندة. طلع فهد كان لافف الفوطة على جسمه وراح تجاهها. فهد: "قومي حضري نفسك والبسي." فيروزة مكنتش راضية ترد. فهد: "قولت قومي." فيروزة: "دراعي واجعني مش قادرة البس ومش حابة أخرج." فهد: "يعني." فيروزة: "خلي نبيلة تطلع تساعدني في تغيير ملابسي وعايزة أنام."

فهد: "تمام." فيروزة بصت ليه بصدمة لما وافق. هو لبس بنطلون أسود وبدلة سوداء. فيروزة أول ما شافته طلع. فيروزة: "هتتزوجها يا فهد." فهد: "هي مين." فيروزة: "البنت اللي حامل منك." فهد: "لما أشوف." فيروزة: "يعني إيه." فهد: "أعرف الحقيقة الأول." فيروزة: "رايح لها." فهد: "رايح للبنت اللي من أمريكا في الفندق في حفل عشاء." فيروزة: "وحدك." فهد: "آه، ليه." فيروزة: "وضياع." فهد: "هتسألي كتير، هتتأخري." فيروزة: "بابا فين يا فهد."

فهد: "في بيته." فيروزة: "مبيردش عليا." فهد: "ممكن يكون مشغول." فيروزة: "عملت فيه حاجة." فهد: "لا." فيروزة بدموع هزت راسها ونزلت راسها للأرض. طلع فهد من الأوضة ووقف على الباب. نزل تحت. وشوية وطلعت نبيلة. نبيلة: "سلطانة فيروزة." فيروزة وهي وباصة للناحية التانية: "فيروزة، قلت فيروزة." نبيلة: "أنتِ بخير طيب." فيروزة: "تعبانة والله تعبانة، روحي بتتسرق مني ببطء." قربت منها نبيلة. فيروزة حضنتها وقعدت تبكي في حضنها.

فيروزة: "أنا مش بخير، روحي بتتألم، أنا تعبانة، محتاجة أبويا وحضنه محتاجاه." نبيلة: "ربنا يفك كربك يا رب، تعالي أساعدك تغيري هدومك." فيروزة قامت معاها وغيرتلها ملابسها. كانت بتلبس البيجامة الستان. أول ما رفعت دراعها صرخت. فهد سمعها لما كان واقف على الباب ودخل. فهد: "فيروزة." نبيلة بخوف: "دراعها يا فهد بيه." فيروزة بدموع: "واجعني." فهد: "اطلعي يا نبيلة." طلعت نبيلة وفهد سند فيروزة وطلعوا.

فيروزة بعدت عنه وقالت: "مش قادرة أحركه." فهد: "تعالي." قعداها على السرير بخوف وقال: "هكلم الدكتور." فيروزة: "بقيت بخير يا فهد، روح شغلك." فهد: "متأكدة." فيروزة: "روح شغلك، مشاغلك أولى يا فهد بيه." فهد ساب إيدها ومسك المشط. قعد ورا ضهرها سارح ليها شعرها. فيروزة دموعها نزلت. مسحتهم بقوة وقالت: "امشي يا فهد، بقيت بخير." فهد: "متطلعيش من الأوضة، رجلك متعتبش تحت، وخصوصًا في وجود فخرية وقمر."

فيروزة: "ابعتلي نبيلة وسعاد هنا." فهد: "في أوضتنا." فيروزة: "آه." فهد: "تمام." فهد قرب منها ومسك راسها وباسها وطلع. فجأة نزل ودخل مكتب. مسك رواية رومانسية وطلع. فهد: "سعاد، نبيلة." سعاد: "نعم يا بيه." نبيلة: "نعم يا فهد بيه." فهد: "خدوا ده واطلعوا لـ فيروزة." فخرية: "محدش يطلع منكم." فهد: "وليه." فخرية: "محتاجاهم." فهد: "سلطانة فيروزة، لما بتأمر بيتنفذ. اطلعوا ليها ومتنزلوش غير لما أرجع." نبيلة: "فهد بيه."

فهد: "تعالي يا نبيلة." نبيلة طلعت معاه برا الفيلا. وقالت: "السلطانة فيروزة مش بخير، ممكن توديها تشوف أبوها بكرة الصبح. قلبها حزين محتاجاله، بعد إذن حضرتك يعني." فهد هز راسه بنعم وطلع عربيته. طلعوا نبيلة وسعاد فوق. قعدوا حوالين فيروزة. وهي كانت سانده ضهرها على السرير. وكانوا بيتكلموا ومبسوطين. وفيروزة كانت بتضحك من كل قلبها. نبيلة: "أيوا يا ست البنات، اضحكي. لما بتزعلي الدنيا بتغتم في وشنا."

فيروزة: "قلبي لسه حزين يا نبيلة، والله حزين." سعاد مسكت إيدها وقالت: "مهما كانت الظروف اضحكي، ربما هيفرجها. والله فهد بيه بيحبك أوي يا ست فيروزة." فيروزة: "الحب أكبر وجع في حياتنا. مكدبش اللي قال الحب جميل زي النهر والنخيل، مكدبش اللي قال عذاب الحب ووجع والعتاب موال، مكدبش اللي قال نار الحب بتقتل وتخلي الشخص رماد، مكدبش اللي قال عذاب الحب في قرب الحبيب جنة، ورد أحمر ذبل بس لساه فيه شوك، شوك حاد قوي."

نبيلة: "الله على كلامك يا ست فيروزة." سعاد: "قلبك طيب يا ست البنات، لساه نقي. متخليش حاجة تدمرك." فيروزة هزت راسها للأرض. نبيلة: "فهد بيه بيقولك إقرأي لينا ده." فيروزة: "فهد، فهد؟ نبيلة بضحك: "أيوا فهد بيه." فيروزة: "مكنتش أعرف إن ذوقه حلو في الروايات." سعاد: "ده قلبه حنين والله." فيروزة: "نقرأ رواية فهد بيه." بدأت تقرأ فيروزة بإبتسامة. وسعاد ونبيلة قاعدين مستمعين ليها. *** فهد كان قاعد عند البحر وبيشرب سيجارته.

فهد: "قال زميله أمريكية حاولت أخليها تغير عليا ولا حصل." ضياع: "تايه خالص أنت يا صاحبي." فهد: "سبتها مع البنات، راجع لها. عايز حاجة." ضياع: "يا شريك، مفيش فايدة من شخص يجرح اللي بيحبهم." فهد: "عارف." طلع عربيته وكان ماشي ومحتار. فجأة وقفت قدامه واحدة ست كبيرة. "خد دول يبني، راضي بيهم قلب سلطانتك." فهد: "وأنتِ عرفتي منين إنها سلطنتي." الست شاورت على السلسلة الدهب اللي لابسها ومكتوب عليها فيروزة.

وقالت: "ومن إمتى بيتقال لإسم فيروزة، فيروزة لقبها سلطانة." فهد ابتسم ليها واخد الورد منها ودفع حقهم وحطهم على الكرسي اللي جنبه وطلع. أول ما وصل شاف نبيلة وسعاد وفيروزة واقفين في البراندة. نبيلة وسعاد نزلوا. وهو صف العربية ودخل القصر بتاعه. طلع فوق لـ فيروزة ودخل الأوضة. شافها قاعدة على السرير. فهد: "اتعشيتي." فيروزة هزت راسها بنعم. فهد راح عند العلبة بتاعت الجاتوه لقيها فضيت. ابتسم وقال: "خدي دول يا مفجوعة."

فيروزة اخدت الورد وقالت: "مفجوعة." فهد: "أسيبك مع علبة الجاتوه ساعتين ألاقيها فضيت، إيه شاحنة بتشحن." فيروزة ضربته بالمخدة وقالت: "رغم... فهد دخل الحمام بإبتسامة غير ملابسه وطلع. فيروزة كانت بتشم الورد وقالت: "ذوقه حلو." فهد قعد جمبيها وقال: "علشان بالك يرتاح، كنت مع ضياع، مكنتش مع البنت الأمريكية." فيروزة: "يعني أنت كنت بتكدب عليا." فهد: "آه." فيروزة: "طيب والبنت اللي حامل منك." فهد: "يووووه، تاني."

فيروزة: "بتزعقلي وأنت اللي غلطان." فهد: "اقفلي السيرة يا فيروزة." فيروزة بدموع: "نفسي أتكمم، مش قادرة أتنفس، وكل يوم أكتشف كدبة جديدة منك." فهد: "قومي معايا." فيروزة مسحت دموعها وقالت: "فين." فهد قومها ولبسها جاكيت وهو وباصص في عيونها ونزلوا. قمر طلعت أوضتهم. كانت بتدور في ملابس فيروزة وتفتش كويس. فجأة لقيت فلاشة صغيرة. كان عندها فضول تعرف إيه اللي جواها. أخدتها ونزلت بإبتسامة. وقفلت باب أوضتها. فيروزة كانت ماشية

جمب فهد في الغابة وقالت: "أنا خايفة، تعالي نرجع." فهد: "إستني، هنوصل." فيروزة: "خايفة، الدنيا مش أمان هنا." فهد صفر بقوة. وشافت الحراس بتوعه ظهروا. كانوا محاوطين المكان. فهد: "دول كلهم لأجل حمايتك يا سلطانة فيروزة." فيروزة اطمنت شوية وكملت معاه.

فهد قرب منها وحط إيده على عينيها. فيروزة استغربت. ووصلت لمكان من الخيال. كانت واقفة وشايفة العالم كله والنجوم اللامعة والسماء الصافية. كان فيه بيت كبير على شكل عربة سندريلا. كان مطرز من بره نجوم والماس بيلمع. وكان لونه أزرق. فيروزة من جمال البيت ضحكت وحطت إيدها بصدمة على بقها. فيروزة: "الله." فهد كان شايفها فرحانة. اخدها من إيدها ودخلوا البيت. فيروزة كانت بتلمس الحيطان. كان محفور عليها ومكتوب (سلطانة فيروزة)

فيروزة دمعت من الفرحة. بصت للسرير الأزرق. كان مموج بالألماس الراقي وجزمة قزاز. فيروزة: "ده أجمل من بيوت الروايات، جميل أوي." جريت على فهد وحضنته. فهد ابتسم وحضنها بإبتسامة. بعدت عنه وقالت. فهد بإبتسامة: "حضرت البيت من فلوس الشركة، مدخلتش فيه قرش من فلوس حرام يا فيروزة." فيروزة بدموع: "طيب ليه بتعمل معايا كده؟ رغم إنك بتحبني، ليه بتأذيني يا فهد؟ ليه بتكسرني؟

لما أثق فيك بتكسرني. كل ما قلبي يغفر لك ترجع تجرحه، وجرحك عميق يا فهد. كيف عملتها يا فهد؟ إزاي فرطت بيا؟ لما لمستهم، ده أنا فيروزة حبيبتك. درت ضهرك ليا، أنا وقعت واتجريت على الأرض يا فهد، أنت مبصتش وراك حتى. رد عليا." كان سامع كلامها ودمعته نزلت. وكملت بكل قهره: "اللعنة على كل يوم قضيته معاك وأنا بحبك. هو أنت إيه يا فهد." فهد وهو مقربها منه وساند على راسها ودموعه.

فهد: "أنا معشوقك يا فيروزة، لسه قلبي رايدك لإنك جوهرة قلبي الوحيدة."