رواية فيروزة الفهد الفصل التاسع 9 - بقلم سلمى محمود

فيروزة بدموع: فهد، كانوا حاطين المسدس فوق راسها وهي بترتعش وتبكي. فهد بصراخ: فيروزة. ضياع: استني يا صاحب. رنا طلعت من ورا الشجرة، كانت رابطة إيدها المحروقة ولابسة أسود في أسود وماسكة أربع أسهم وقالت: سيبوا البنت. فيروزة بصت ليها بدموع. فهد: مين دي؟ ضياع بإبتسامة: مراتي. فهد: يا ***. واحد من العصابة: هقتلها. رنا: هعد من واحد لـ تلاته. ضياع كان باصص ليها وطلع مسدسه هو وفهد ببطء. رنا: واحد، اتنين، تلاته.

الراجل كان هيدوس على الزناد ويقتل فيروزة. رنا ضربت الأسهم ودخلت في رجلهم، وقعوا الأربعة. فهد ضرب رصاصة تحتيهم، انشق التلج ووقعوا كلهم. فيروزة بدموع جريت عليه وحضنته. فهد اتنهد وحضنها بقوة. ضياع ورنا وقفوا جمبه وقال: شكرا. رنا: العفو. فهد حضنها بقوة: أنتِ بخير يا سلطانة؟ فيروزة بدموع: حطوا المسدس على راسي يا فهد، كانوا هيقتلوني. فهد: ششش، أنا جمبك. رنا: سلامتكم. ضياع: استني، أنتِ رايحة فين؟ وعرفتي مكانا إزاي؟

فهد لما شاف رنا دمعت: مش وقته اطلعي. رنا طلعت جمبه من قدام، وفيروزة وفهد من ورا. وصل ضياع عند القصر بتاع فهد ونزلوا. فهد طلع مسدسه وشد الأجزاء، ضرب باب القصر برجله. فيروزة: فهد. فهد بصراخ: فخرررررررية. فخرية طلعت من اوضتها ومسكت العصاية ووقفت أعلا القصر. فهد: باعته ناس علشان يقتلونا بعد ما قتلتي أشرف القِناوي. قمر كانت واقفه بخوف. نبيلة جريت على فيروزة: سلطانة فيروزة. فيروزة بدموع: قتلتي أبويا، قتلتيه ليه؟

فخرية: اثبتوا. فهد لما شاف فيروزة بتبكي حضنها وطبطب عليها، وضرب نار في السقف ووقع النجف. نبيلة بخوف نزلت لتحت ورنا حطت إيدها على ودنها، ضياع كان واقف. فهد فضى الرصاصات وصرخ: حياتك هتبقى خراب زي كده يا فخرية، زي كده وبس، جاي علشان الخراب، الخراب وبس، بصي عليا وشوفي فهد الجوارحي حفيدك هيعمل إيه، اتفرجي بس. رمى المسدس على الأرض وشال فيروزة بين يديه. حارس دخل: فهد بيه. فهد لف ليه وفيروزة كانت متعلقة في رقبته: الخلاصه.

الحارس: للأسف جثة أشرف القِناوي مش موجودة. فيروزة بدموع: يعني. فهد: اهدي. فيروزة بدموع: بابا فين؟ نزلني. نزلها فهد وصرخت: بابا فين؟ جثته فين؟ فخرية بكل هدوء: تلاقيها اكلوها الكلاب. ودخلت اوضتها. فيروزة بدموع: انتوا مش بشر، والله ما بشر. قمر كانت واقفه دموعها نزلت لما شافت حالتها. فيروزة كانت بتلف حولين نفسها ووقعت على الارض: اااااااااااه. فهد نزل ليها وحضنها.

فيروزة كانت بتبكي وصرخت: نايمه في حضن فهد مبيرحمش، وسته قتلت أبويا، إبعد. رنا بدموع: دول مش بشر. ضياع: تعالي اوصلك. رنا: خليك جمب صاحبك، هوقف تاكسي. طلعت رنا هي وبصاله بغضب، وضياع نزل راسه للأرض. فهد: قومي يا فيروزة، قومي. فيروزة بدموع: حرام عليك، حرام عليك، والله انتوا مش بشر، ظلمتوني، بابا فين؟ فهد شالها وفيروزة كانت بتضربه بكل قوتها، فجأة أغمى عليها. فهد بخوف: فيروزة. فيروزة ما كانت بترد.

فهد بزعيق: سعاد، نبيلة، اتصلوا بالدكتور بسرعة. طلع بيها اوضتهم وقفل الباب. حضنها بدموع ونومها على السرير. كان شايفها وهي ممددة قدامه زي الجثة الهامدة، ودراعها المكسور وعلامات خدش في وشها. دمعته نزلت، أخد ليها غيار. جه يفك زرار الفستان البسيط بتاعها، سحب إيده: نبيلة. دخلت نبيلة. فهد: غيري لـ سلطانتك فيروزة. نبيلة: امرك يا بيه. طلع فهد من الأوضة وسند على الباب بره. نبيلة جت تخلعها، فيروزة قامت صرخت: بابا. فهد: فيروزة.

فتح الباب شافها في حالة إنهيار وبتصرخ. نبيلة ببكاء طلعت برا الاوضة. فهد: فيروزة. حضنها فهد، فيروزة كانت بتبكي في حضنه، ومن كتر الضرب على كتفه نزف دم والوجع بيزيد، وكان متجاهل ده مع عناده: تعالي. فيروزة بدموع: نفسي واجعني، مش قادرة اتنفس. فهد شهق لما شافها بتبكي، شدها لحضنه وكان بيبكي وهي بتبكي. فيروزة: جرحك بينزف. فهد: المهم أنتِ. فيروزة بدموع قامت من مكانها

وجابت علبة الاسعافات: خليني اداوي ليك جروحك واتلاهى فيك، لإني مكسورة، ولما ادواي جروح غيري جروحي هتطيب. فهد خلع التي شيرت بتاعه. قربت منه ودموعها كانت بتنزل على ايده. فهد: فيروزة. فيروزة كانت بتمسح ليه الدم من على كتفه ونزلت راسها وكانت بتبكي. فهد حضنها: افديكي، بلاش. فيروزة مسحت دموعها ومسكت دراعها وكانت بتشهق وتبكي. فهد كان باصصلها ودموعه بتزيد. فيروزة بهدوء مسكت غيارها ودخلت الحمام قفلت وقعدت في الارض تبكي.

فهد طلع للبرنده وكان بيضرب في السور: اه. ضياع شاورله انه ينزل. فهد طلع من البرنده لبس تي شيرت اسود: نبيلة، سعاد. نبيلة: نعم يا بيه. فهد: الدكتور لما يجي ميقربش من فيروزة، لو لمسها هدفنكم في الجنينه. سعاد: بس يا بيه. فهد: كلامي يتسمع يا سعاد. سعاد: حاضر يا بيه. فهد: حضري ليها شوربه وطلعيهم يا نبيلة، قمر وفخرية لو قربوا من الاوضة القبر بتاعكم قسما بالله يتحفر في الجنينة. بص للارض وشاف

النجف وكل حاجه مكسورة: نضفوا العفن ده يلا. نبيلة وسعاد جريوا على المطبخ وجابوا مستلزمات التنضيف وطلعوا وفهد طلع. ضياع: الجثة اختفت، مش لاقيينها. فهد بص لشباك فخرية: يبقى متقتلش، اطلع. طلعوا العربيات ومشيوا. فخرية بدموع كانت بتصرخ وتكسر كل حاجه في البيت وتضرب المرايا. فكت ازرار عبايتها وخلعت هدومها وكان فيه حرق على جسمها وعلامات ضرب وتعذيب بطريقه مبالغه. وقعت على

الارض وفضلت تبكي وتصرخ: ااااه من عذاب الولد وولد الولد، بعذب حفيدي بإيدي. قمر بدموع: افتحي يا ستي، افتحي الباب. فخرية: سيبوني وامشوا. قمر بعدت عن الاوضة وفضلت تبكي في الارض. فخرية بدموع: جبت الخراب لبيتي، لكن والله بحبهم، والله عذبوني زمان، رغم إنهم اعز القرايب علي، وعلى ولادي، فينك يا فخر، آه من وجع الحبيب يا فخر، يا فخر. رنا وصلت للشقه فتحتها بالمفتاح، خلعت ملابسها، اخدت شاور وطلعت لافه الفوطه على جسمها.

مكنش فيه هدوم في الدولاب. دخلت اوضة ضياع فتحت دولاب ولكن شافت مرهم وشاش على السرير بتاعه. وشالت الشاش حطت مرهم تاني وربطت إيدها تاني. فتح الباب هو ودخل، كان بيدور عليها بعينيه. كان ماسك شنطه كبيره فيها هدوم جديده ليها. وقال في باله: وحشتك اوي يا ضياع. تجاهل تفكيره ودخل اوضته. رنا بصدمه: ضياع. ضياع بص ليها من تحت لفوق هي ولافه الفوطه حولين جسمها. رنا هي وبتداري جسمها: أنا ملقتش هدوم جوه في دولابي.

ضياع سرح في جمالها وقرب منها. رنا كانت بترجع للحيطه وخبطت فيها، قرب منها هو. رنا خافت ودقات قلبها بتعلى. شده لحضنه وقرب منها علشان يقبلها. سمع دقات قلبها ودمعتها اللي نزلت على خد ضياع. بعد عنها بغضب وقال: جبت ليكِ هدوم بره. رنا بدموع: إيدي. ضياع: خايفه مني؟ خايفه ألمسك؟ رنا: مش كده، افهمني بس. ضياع: مش عايز افهم، أنا مكسوف من نفسي، المس واحده غيري لمسها. وشاور بإصباعه إنها تطلع.

كلامه وجع رنا، طلعت من الاوضة بدموع، مسكت الشنطه ودخلت اوضتها. ضياع خبط الباب بقوة وقفله بالمفتاح. رنا حطت الشنطه على السرير وكانت بتبكي: هخليك تحبني من تاني وقلبك يحن ليا. كانت بتفتح السوسته بغضب: ورنا حبيبتك مش هتسيبك، مهما جرحتني هفضل احبك لإني محبتش غيرك. مسحت دموعها وشافت كان جايببلها بيجامات طويله وقصيرة وملانجري وملابس داخليه. رنا ضحكت لما شافت تي شيرت مكتوب عليه (Çukur -الحفرة) رنا بضحك: هو لسه فاكر.

ضياع كان بيفتكر نفس الموقف وابتسم. دخل اخد شاور وطلع لافف الفوطه على خصره وغير لبس تي شيرت اسود وبنطلون ابيض. خرج علشان يعمل قهوة، شافها هي ولابسه شورت قصير جينز وتي شيرت الحفرة (Çukur) وقاعده في المطبخ. ضياع: احم، بتعملي إيه هنا؟ رنا: بحضرلك فطار. ضياع: مش بفطر. رنا: لا بتفطر. ضياع: غبيه. رنا: ضياع إلا الشتيمه. رنا فتحت التلاجة جابت منها الخضار، جت تلف وشها جه في وشه وشفايفها لمست شفايفه.

رنا بصتله وهو بص لشفايفها وبص في عينيها. بعد عنها وعمل قهوة. رنا: افطر طيب. ضياع: كنتي بتعملي ايه في الغابة وجيتي هناك إزاي؟ رنا حطت الاكل في التلاجه ووقفت قدامه: الصبح دفنوا أحمد جوزي. ضياع رفع وشه من الارض وبصلها. رنا: كنت ماشية من عند المقابر وشفت عربية سودا واربعة مسلحين وسمعت انهم هيقتلوا فهد الجوارحي، عرفت وقتها انه صاحبك، رُحت وراهم. ضياع: والسِهام 🏹 جبتيها منين؟ رنا: ماكش دعوة. ضياع

هو وبيضرب الكأس في الحوض: لا ليا لإني جوزك. اول ما شافته حاوطه وسند على الرخامه وراها، بصتله. بعد عنها: داخل اغير، نازل، متخرجيش تاني. وخبط الباب بقوة. رنا بإبتسامة: ماشي يا ضياع افندي. ايدها وجعتها، مسكتها وتجاهلت وقوع إيدها، قعدت على الكنبه في الصاله وافتكرت احمد جوزها وحطت إيدها على بطنها ودمعتها نزلت: قلبي مقسوم لإتنين، قلبي معلق بين حيطتين، حيطة اتهدت واتدفنت، وحيطة ذكريات، حيطة حب وألم ووجع.

ضياع كان سامع كلامها وواقف ورا الباب وكملت: محدش حاسس بيا، قلبي واجعني، اعتقدت إن الحب كيان جميل ملهوش آخر، لكن ميكفيش، الكل بيجرح ويزل وهو شايف حزن اللي قدامه ودايس على مشاعره وعادي، ومش قادرة اتخلى عن الحب تاني، اعمل إيه مش بإيدي، القلب ملهوش سلطان. طلع وقتها ضياع وهي مسحت دموعها ونزلت راسها للأرض. كان باصص ليها بطرف عينيه، طلع وخبط الباب وراها. رنا قامت وفتحت الباب ومسكت إيده بدموع. ضياع هو

وباصصلها من تحت النضاره: الحب الكتير ميكفيش، المهم هو الحب الجميل، وأنتِ روحك مش جميلة. رنا بدموع بصتله: للدرجة دي اتغيرت؟ ضياع: سلام يا ست الحُسن. رنا: لو حاولت إن تحبّ حد في يوم فَ متحبش يا ضياع، رنا عشيقتك زي الشمسٌ، غير أني مش هَـ شرقُ لـ طيفك، كاوي قلبي بكلامك ودايس عليا. مسحت دمعتها وطلعت تجري قفلت الباب وفضلت تبكي. ضياع نزلت دموعه من تحت النضاره ومشى من العماره، طلع عربيته ومشى. رنا وقعت على الارض وفضلت تبكي.

قمر: نيكولا، أنت تبعد عن فيروزة واصل لغاية ما الوسط يهدى. نيكولا: لماذا يا صعيدية؟ كانت سوف تصبح لي. قمر: فهد هايج وعايز يفترس الكل، لو قربت لـ فيروزة ممكن يقتلك ويقتلني ويقتلنا كلنا، انتظر مني اتصال. قفلت وشه وجت تلف في الجنينة شافت فخرية. قمر بخوف: جدتي. فخرية ضربتها بالقلم: عايزة تخلصي منها وتبيعيها؟ قمر: وفيها إيه يعني ما أنتِ عايزة تقتليها. فخرية بغضب: أنا اقتلها؟ أولع فيها؟

أنتِ لا بتتحدتي مع راجل غريب وتتفقوا عليها؟ ده فهد يقتلك. قمر: مش هسيبها ليه؟ لو اتطبقت السما على الارض. فجأة نزل الدكتور. فخرية: طمني يا دكتور، هي بخير. الدكتور: بخير يا ست، بخير. وطلع يجري. قمر: ده ماله ده؟ فخرية: هِمي خُشي غيري لمي هدومك، نازلين السرايا القديمة. قمر: ونسيب القصر إهنه لـ بنت القِناوي؟ فخرية: هِمي بقول. قمر دخلت بغضب. فخرية اتنهدت بقوة وقالت: آه يا بت القِناوي آه. نبيلة كانت

فرحانة في الاوضة وابتسمت: فهد بيه هيتبسط أوي. سعاد: ياه، أنا فرحانة قوي يا سلطانة فيروزة، ده ولي العهد، ولي العهد. فيروزة كانت شارده وحاطه إيدها على بطنها وقالت في نفسها: حامل منه يا فيروزة، حامل في إبنكم، وده هيعيش إزاي ما بين كل المشاكل دي، جه غلط في الوقت الغلط. قالت: سيبوني لوحدي. نبيلة بصت لـ سعاد وقالت: بس فهد بـ. فيروزة: سيبوني يا نبيلة. نبيلة قربت منها وباست راسها: حاضر يا سلطانة.

طلعوا برا الاوضة وقعدوا قدامها. عدى النهار وجه في الليل، فهد كان طالع اوضته وشاف سعاد ونبيلة نايمين قدام باب الاوضة. فهد: بهايم، قومي يا بت. نبيلة بنعاس: فهد بيه. سعاد صحيت ووقفوا قدامه وابتسموا. فهد: هو فيه إيه؟ يلا على تحت. نزلوا وفهد دخل الاوضة شاف فيروزة نايمة. دخل خلع جاكيته بتعب وباس راسها. دخل ياخد شاور. ضياع رجع البيت فوق، بيفتح الباب كان بيدور عليها. فتح اوضتها مشفهاش.

وقف في نصف البيت وهز راسه، طلع على السطح. كانت رنا فارشة مفرش كبير مطرز ونايمه عليه ودموعها على خدها. ضياع بصمت قعد جمبها. رنا: تعرف إن وجع الحب قاسي، معندهوش شفقة. ضياع كان باصص ليها ومش متكلم وعيونه دمعت. رنا: يا ريت نرجع اطفال تاني، مراهقين، منعرفش يعني إيه حب، يا ريتنا في الماضي. ضياع: قومي، الدنيا برد. رنا بدموع مسكت إيده: حبني يا ضياع، لإني مش قادرة أتعافى غير وأنا معاك وننسى كل شيء في الدقائق دي.

حبني يا ضياع كإن مفيش غيرنا في العالم وننسى كل شيء وكانه الدنيا فيها إحنا الإتنين فقط. ضياع دمع. رنا كملت بقهرة: نام جمبي. ضياع جه يقوم، رنا مسكت إيده: أرجوك. ضياع نام جمبها. رنا قربت منه وكانت بصاله: أنتَ قلبي. رنا بدموع أكتر: أنتَ قلبي. نزلت دمعتها هي وضياع وحطت إيدها على ذقنه بدموع وسندت راسها على راسه. في القصر -جناح فهد. فهد طلع وكان لابس شورت طويل واسع وتي شيرت بحملات رفيعه ودخل تحت الغطا. كان بيلمس

على شعرها بحنان وقال: سلطانة فيروزة. فيروزة كانت نايمه بهدوء. قرب منها وقبلها بحنان: سلطانة. فيروزة حست بيه لما اخدها في حضنه وقالت بدموع: وحشتيني. فهد: وأنتِ يا سلطانة، لو عليا آخدك في قلبي وأخبيكي. فيروزة قامت بدموع وقربت منه وقبلته بحب وعشق. أبتسم فهد وبص ليها. فيروزة: فهد الجوارحي، روح أي مكان وتعالى ليا بسرعة، لإني أنا مش هستناك لوحدي، هيستناك قطعة منك ومني يا فهد. فهد: يعني.

فيروزة هي وساندة راسها على راسه وبتتنفس نفسه وسامعه نبضات قلب فهد: أنا وطنك، لما توَدّ دفاعك عني وحبك ليا أنا هجاهد علشان أبقى جمبك يا فهد. لو عليا أعمل ليك أرتجال فني من عيونك واعلقه جوات قلبي، مش من حقنا إننىٰ نلجأ لـ قلب بنحبه، إحنا أجزاء ناقصة، اكتملنا بإبنك يا فهد، أنا حاملي.