رواية فيروزة الفهد الفصل الثالث 3 - بقلم سلمى محمود

طلع على الأوضة بتاعته بإبتسامة. أول ما دخل شافها خجلانة على السرير وقرب منها بإبتسامة وقال: "بوستك ليا ليها طعم تاني." فيروزة بخجل: "أنا داخله آخد شاور." جريت على الحمام. فهد ابتسم وقعد على السرير، خلع بدلته ولبس شورت قصير للركبة وتي شيرت أزرق. فيروزة أول ما طلعت كانت لابسة بيجامة ستان. فهد: "إنتِ هتنزلي بيها كده؟ فيروزة: "مالها بيجامة؟ فهد قرب منها وشدها لحضنه وقال: "لا، ضيقة على جسمك."

فيروزة: "يعني دي واسعة والله." فهد وهو بيتحسس شفايفها: "وجعينك؟ فيروزة غمضت عينيها وهزت راسها بنعم. فهد قرب منها وطبع قبلة رقيقة على شفتيها: "كل ما يكونوا واجعينك قوليلي." فتحت عيونها الزرقا وبصت ليه. فهد وهو بيلمس على شعرها: "مستنيكِ تحت." فيروزة: "هو أنت ليه غيرت؟ مش معاك شركة؟ فهد: "بما إن انهارده صباحيتي، أروح الشركة ليه؟ ضياع هيقوم بالواجب والصفقة الجديدة." فيروزة: "رجعت للشغل ده تاني يا فهد؟ فهد بصلها وشاف

الدموع في عينيها وقال: "أنا نازل تحت." فيروزة: "اهرب يا فهد، بتهرب من فيروزة، فيروزة بتاعتك يا فهد." فهد: "لما يجي أوان الكلام هنتكلم سوا. أيوا صح، جبتلك ده، افتحيه." فيروزة فتحت الكيس وشافت فستان أسود ستان مفتوح عند الرجل ومقفول من ورا وطويل للأرض. فهد: "عجبك؟ فيروزة بذهول: "ده ليا؟ فهد: "ذوقي حلو؟ فيروزة: "أوي، وده ليه يعني؟ فهد بإبتسامة وهو مقرب منها وحاطط راسها على صدره: "تعالي الأول نعمل جاتوه الفرولة."

فيروزة بعدت عنه وقالت: "متغير معايا ليه يا فهد؟ ساعة تضربني وساعة تحبني وساعة تجبرني على حاجات مش كويسة، كام فهد جواك؟ أحب الوحش ولا فهد رفيق طفولتي؟ اتغيرت يا فهد." فهد قرب منها ورفع وشها بطرف إصبعه ودارها. شاف ضربة القلم معلمة، قبلها بكل رقة وحنية وكان بيقبل كل وجهها وقال بهمس عاشق: "أنا آسف يا فيروزة، غصب عني والله غصب عني." فيروزة حضنته بإبتسامة: "مسمحاك يا فهد، قلبي مسامحك." فهد بإبتسامة: "هنعمن الجاتوه."

فيروزة: "والبيجامة؟ فهد: "واسعة يبنتي، أنا حبيت استفزك." ضربته على كتفه: "وحش كبير." نزلت معاه وكانت بتطير على السلم وشعرها السايح الجميل. كان ماسك إيدها فهد ودخلوا المطبخ. فهد بإبتسامة: "فرولة." أخد فرولة وكل مستلزمات الجاتوه. وفيروزة كانت واقفة جنبه. "وأنا؟ فهد بإبتسامة شالها لحضنه. فيروزة: "فهد عيب." فهد حطها على الرخامة وباس راسها: "سلطانة الفهد تفضل سلطانة." فيروزة بضحك: "مباكلش الجاتوه من إيد حد."

فهد: "ومن إيدي؟ فيروزة: "آكلها." فهد بإبتسامة كان بيحضر الجاتوه وفيروزة بتهز برجلها ومبتسمة. فهد: "فيروزة اضحكي." فيروزة بإبتسامة ضحكت: "الحفرة اللي بين شفايفك وغمزاتك يدفنوني هناك." ضحكت أكتر وقالت: "يا ماش كوشاڤالي، هنهزر." فهد بضحك: "يعني يوم ما اتعلم كلمتين رومانسيين تكسفيني، الله." فيروزة كانت قاعدة بتبتسم وتبص ليه. هو مش عارف يهرب من عينيها. حط الجاتوه في فرن الميكروويف وسند ضهره جنبيها على الرخامة.

فهد: "نبيلة وسعاد بيتابعونا، متبصيش." فيروزة بضحك: "قولي دول بنات قدي؟ جبتهم إزاي يشتغلوا هنا؟ فهد: "بلاش البصة دي، هبوسك قدامهم وشفايفك هتورم تاني. جابهم ضياع يشتغلوا وهما يتامى وأنا معتبرهم زي إخواتي وأكتر." فيروزة: "بس بتزلهم يا فهد." فهد: "لو اديتهم أهمية هيتمادوا." فيروزة: "مش الكل يا فهد، بص لقلبك من جواه، بص كويس. المهم هنروح فين في الليل؟ فهد: "صفقة مهمة." فيروزة: "سلاح؟

فهد: "آه، والحفلة الساعة 2 الفجر، مش هقدر أسيبك، هاخدك معايا." فيروزة نزلت من على الرخامة: "كله ده علشان الفلوس؟ صفقة سلاح تاني يا فهد؟ فهد: "صوتك ميعلاش يا فيروزة." جريت نبيلة وسعاد بعيدًا عن المطبخ لما فهد برق ليهم. فهد بصوت عالي: "سعاد، نبيلة." وقفوا وقالوا هما الاتنين بخوف: "نعم يا فهد بيه." فهد: "خلي بالكم من الجاتوه." فيروزة: "يعني... فهد شالها فوق كتفه وفيروزة كان نازل شعرها على وشها وصرخت:

"دوخت، نزلني يا بغل." هو وطالع على السلم ضربها على مؤخرتها وقال: "بس يا طفلة." فيروزة بصدمة أول ما ضربها برقت: "آه." فهد: "سلامتك يا روحي." دخل الأوضة بإبتسامة وحطها على السرير بشويش وقال: "بت أنتِ متعليش صوتك تاني خارج أوضتنا، تمام؟ فيروزة وهي حاطة إيدها على مؤخرتها: "بنت أما تبتك، اسمي فيروزة." فهد بإبتسامة وهو بيقرب منها: "هو الدنيا حر صح؟ حر." فيروزة بخوف: "أنت وقح وأنا عارفة. فهد أنا بحذرك."

فهد: "وفهد بيحبك وعايزك." فيروزة طلعت على السرير وقالت: "هصوت والله لو لمستني تاني." فهد خلع التي شيرت بتاعه وقال: "تعالي بس." فيروزة وهي بتجري: "أنت راجل قليل الأدب، مافيا بتاع سلاح، أنا رقيقة، إبعد." فهد شدها لحضنه وقال: "طيب خلاص، مش هعمل حاجة، هطمن بس على شفايفك." قرب منها وكان هيقبلها. فيروزة حطت إيدها على شفايفها. فهد بغضب زقها وقال: "مش تطاوعيني؟ فيروزة اختفت الضحكة اللي على وشها لما زقها. خبطت في السرير:

"دي إسمه اعتداء عليا علشان مش عايزة حاجة. وبعدين أنت كنت بتهزر بخصوص الصفقة صح؟ فهد: "مبهزرش، هنروح سوا." فيروزة: "اتنين الفجر بكون نايمة، وبعدين ده شغل حرام، مقبلش عيني تشوف الحرام وأسكت." فهد: "ماله الحرام يا بنت القناوي؟ أبوكِ قتال قتلة." فيروزة: "بابا شريف، يتفهد ميعملش كده." فهد شدها لحضنه ورفع وشها بقوة. فيروزة بدموع: "وشي يا فهد." فهد بجبروت الأسد: "إظاهر إن أبوكِ مقللكيش السر المخباي." فيروزة: "آه."

فهد ساب وشها وشدها لحضنه: "أبويا ممتش بمرض، أبويا مات مقتول، واللِ قتله أبوكِ أشرف القناوي." فيروزة بدموع زقته: "بابا ميعملهاش." فهد بغضب: "عملها، وأنا اتزوجتك علشان أكسر عين أبوكِ وعينك أنتِ." فيروزة بدموع: "علشان تنتقم مني؟ فهد وهو بيشاورلها من فوق لتحت: "علشان انتقم منك واتسلى بيكِ وأرميكِ ليه من تاني." فيروزة بدموع قربت منه وبصت لوشه: "يعني هتلقني؟ هتطلق فيروزة يا فهد؟

فهد: "كل الحب ده كان تمثيل، جدتي قالتلي كل حاجة يا فيروزة، لما آخد اللِ أنا عايزه كَ حقي كَ زوج، هطلقك." فيروزة وقعت على السرير بصدمة من كلامه، وكانت بتفتكر ذكرياته معاها. نبيلة خبطت: "الجاتوه يا فهد بيه." فهد بجمود فتح الباب وأخده منها ورزع الباب في وشها. هو وعريان: "خدي كلي." فيروزة بدموع: "أنت قاسي وكداب ومخادع يا فهد." قامت فيروزة. شدها لحضنه وخنقها: "قولتي إيه؟

فيروزة مكانتش قادرة تتكلم، كانت بتختنق بضعف وعيونها دمعت وبتضرب على إيده. حضنها فهد واتنفست بصعوبة وصرخت: "ابعد عني." فهد بعدها من حضنه وقال: "كُلي." فيروزة بدموع: "لأ." فهد: "عقاب عصيان أمري، أنتِ عرفاه، كُلي." فيروزة بعناد أكتر مسكت الطبق ورمته من البراندة: "تاكله القطط والكلاب بتاعوتك، أنا مش كلب منهم علشان لما تصفر أجلك بجري، والعقاب خده يلا." فيروزة وقفت قدامه. هو قرب منها ورفع وشها بطراف إيده وقال:

"شفايفك لسه متورمة، نورمهم أكتر." قبلها بكل عمق. فيروزة مكانتش بتقوم، كان بيقبلها بوحشية إلا إنها وقعت واتقطع النفس وأغمى عليها. فهد بخوف: "فيروزة." شالها ما بين إيديه وحطها على السرير ورش على وشها مياه. فاقت بضعف وكان شايف شفايفها بتنزف. بصت ليه ودموعها نزلت. فهد: "قولت متعانديش معايا، هأذيكِ." فيروزة وهي باصة ليه: "أذيتني يا فهد، هو أنت لسه هتأذيني؟ مسحلها الدم بحنية وهي كانت باصة للناحية التانية ودموعها بتنزل.

فهد مسح ليها دموعها. فيروزة بقهر: "تعبت من القصر، تعبت منك، عايزة أمشي." فهد: "سُلطانة الفهد لما بتدخل مبتخرجش." فيروزة: "يعني... فهد: "يعني هنكمل زي أي عريس وعروسة، إخلعي." فيروزة بدموع: "هتجبرني على حاجة أنا مش عايزة أعملها، متخليش القسوة تنسيك أحبابك، أنا تعبت خالص، انتهيت." قامت من على السرير ووقفت تصرخ: "تعبت، لما حاولت أساعدك دمرتني، ليه كل حاجة صعبة؟

خدني في حضنك، طبطب عليا، قول إن بابا مقتلش أبوك، بتحاول تدمرني ليه؟ أنا ببقى ليه في النص دايمًا؟ مش بتديني ليه حب واهتمام يا فهد؟ حبني يا فهد، متقساش عليا." فهد وهو بيقرب منها: "مقدرش أمثل إني بحبك وأنا من جوايا بكرهك." فيروزة: "بتكرهني يا فهد؟ بتكره فيروزتك يا فهد؟ فهد بدمع: "اخلعي بقول." فيروزة بصراخ قطعت البيجامة وصرخت: "أهو، أهو، أهو، كل لحمي وانهشه، ممكن قلبك يرتاح، يرتاح مني." كانت بتقطع وتصرخ. فهد حضنها وقال:

"شششش." فيروزة بدموع: "ارحمني، ارحمني." فهد لملم هدومها المقطعة وقال: "نامي وارتاحي، وأنا مش هلمسك ولا هعذبك تاني ولا هضربك." فيروزة بدموع قعدت على السرير وكانت بتبكي. فهد أخد التي شيرت بتاعه ونزل بكل سرعة، دخل مكتبه ورزع الباب بقوة وكان بيكسر كل حاجة قدامه ويرمي الأوراق على الأرض وصرخ: "بحبها، مش قادر أدمرها أكتر من كده، مش قادر، وشايفها بتتوجع قدامي وأنا قلبي واجعني، والله واجعني." "في المساء"

وقفت عربية سوداء قدام القصر. نزل منها بنت رفيعة الجسد تمتاز بالطول. كانت لابسة لبس طويل للركبة ورابطة إيشارب فوق راسها مطرز، وكان الكحل الأسود في عينيها وملابسها ماركة، ولكنها صعيدية. بنت عم فهد وهي "قمر". وجدتها "فخرية" كانت على عكاز ولافة طرحتها. قمر: "وصلنا يا جدتي وأخيرًا هشوف ولد عمي، بس إيه القصر الجميل ده؟ ولا في الأفلام." فخرية: "بنت، أنتِ إتقلي كده، خلينا نشوف عروستنا." قمر: "عرستنا كيف؟

تلاقيه انتقم منها وغسل تاره بِـ عار بنت القناوي، أما أشوفها اللي إسمها فيروزة." نبيلة بإبتسامة: "يا مرحب يا ست فخرية وست قمر هانم." قمر: "شكراً يا بتاعة أنتِ، هاتي دول والشنط، هو فهد بيه فين؟ سعاد: "في مكتبه يا ست قمر." قمر جريت في القصر وكانت بتدور على مكتبه. خبطت، جالها صوت فهد اللي قاعد على الأريكة وخالع التي شيرت. فهد: "دي أكيد فيروزة، علشان الخدم مش بيخبطوا على باب مكتبي." وقال بصوت عالي: "ادخلي يا سلطانة في...

فجأة قاطعته قمر ودخلت تجري: "وحشتيني يا ولد عمي." فيروزة من وراها: "ما يوحشك غالي يا حلوة." قمر لسه هتحضنه بتبص شافت فيروزة كانت لابسة ميني دريس أسود. قمر بسخرية: "دي العروسة الجديدة؟ كيف النخلة." فهد قام بغضب لسه هيتكلم. فيروزة قربت منه وقالت وهي بتقلده صوته وبتحضن فهد: "كيف النخلة اللي بتطرح بلح، وزوجة الفهد." فهد في نفسه: "إن كيدهن عظيم." وضحك وهو باصلها.

فيروزة: "حبيبي، هتبرد. هي مين الحلوة اللي سمعتلها صوت ورا دي؟ فهد بصدمة في نفسه: "حبيبي، والله أشيلك ونطلع الأوضة." فيروزة: "ها؟ فهد: "بنت عمي." فيروزة: "ثواني. البسله التي شيرت. ممكن تطلعي برا المكتب؟ قمر بغضب ابتسمت بغل وطلعت زي الصاروخ. فيروزة ضربت التي شيرت في وشه وصرخت: "لازم الحلوة تشوف جسمك يا واكلهم." فهد: "إيه واكلهم دي؟ فيروزة بغضب ضربت التليفون على إيده وصرخت:

"مرة ترن نيكولا ومرة عاشقتي ومرة زينب. كل دي بنات يا بيه." فهد بضحك: "نيكولا راجل." فخرية فتحت الباب بقوة وقالت: "حفيدي." فهد لبس التي شيرت بسرعة وجري عليها: "نورتي يا أميرة فخرية." فخرية: "وسلطانة." فهد وهو باصص لفيروزة بعشق: "لقب فيروزة السلطانة، فيروزة." فخرية: "أهلاً." فيروزة بإبتسامة راحت تجاهها وباست إيدها وقالت: "نورتي يا فخرية هانم." بعد فهد عنه. فخرية حضنتها وقالت: "انتقم منك واغتصبك ولا لسه؟

فيروزة بصدمة رفعت راسها ودمعتها نزلت.