رواية فيروزة جحيمي الفصل التاسع عشر 19 - بقلم دنيا حسن

فيروزه بصتله: زين. زين: زيييين؟ الرصاصة جت في زين. هتقولوا إزاي؟ هقولكم. صلاح وجه المسدس لليلي وزين. عشان شهم ومتخلف جداً، وقف قصاد الرصاصة وأخدتها بداله. وفي الوقت ده جت الشرطة، أخدت الجد صلاح وأخدت ليلي. وجه محمد، الذراع الأيمن لزين، وفك فيروزة فوراً وطلب الإسعاف. فيروزة وهي بتجري لزين وبتعيط بانهيار: زين.. زين.. قوم ونبي قوم عشان خاطري قوم. لو بتحبني قوم. ومسكت وشه:

زين متسبنيش لوحدي.. متسيبش فيروزتك لوحدها. زين أنا مسامحاك قوم بقا أرجوك. تدخل محمد: أستاذة فيروزة متعمليش في نفسك كدا، هو هيبقي أحسن صدقيني. وجت سيارة الإسعاف وأخدت زين، وفيروزة راحت وراه. ودخل العمليات فوراً. وبعد عدة ساعات خرج الدكتور. الدكتور بحزن: للأسف، إحنا عملنا كل اللي علينا، بس عشان الرصاصة كانت قريبة من جدار القلب جداً، منعرفش هيفوق امتى. أنا بعتذر. فيروزة بانهيار وصريخ مجنون: مستحيل! مستحيل!

زين مش هيسيبني، إنت كداب، إنت أكيد كداب! ززيييين! واغمي عليها فوراً، وطبعاً أخدوها على أوضة. بعد عدة ساعات... فيروزة وهي بتفوق شوية شوية: إممم.. أنا فين؟ الدكتورة: حضرتك في المستشفى. فيروزة بدأت تفتكر كل حاجة وحادثة زين وقامت بسرعة: أنا لازم أروح لزين، لازم. الدكتورة: حضرتك ممكن تقعدي، لازم أقولك حاجة مهمة. فيروزة استسلمت وقعدت. افتكرت هيتكلموا على زين: أنا سامعاكي، اتفضلي. الدكتورة بجدية تامة:

حضرتك حامل، ولازم تاخدي بالك من صحتك، خصوصاً إنك لسه في بداية الحمل. فيروزة بصدمة: إيه؟ الدكتورة: زي ما بقول لحضرتك. خلي بالك على نفسك، لأن الحمل في الأول لو ماخدتش بالك على نفسك هتخسريه. فيروزة: لا لا مش هخسره إن شاء الله، ده حتة من حياتي. ومشيت راحت علطول لزين وهو في غيبوبة، ومسكت إيديه وبتعيط بكتمة: إيه بقا يا أستاذ زين؟ مش عايز تقوم تعرف الخبر الحلو؟ ولا حلوة القعدة؟

يلا قوم بقا عشان خاطري. طب بص مش عشان خاطري، عشان خاطر اللي في بطني، قوم بقا. وظلت هذه المسكينة تذهب إليه مراراً وتكراراً. وأجلت أول سنة في الكلية، ووعدت نفسها أن تحافظ على القطعة والروح الذي بداخلها كأنها تحافظ على (زينها) وبعد مرور ثلاث أشهر من عذاب الحب... سميحة: خدتي يبنتي كوباية اللبن؟ فيروزة: شكراً يا ماما. ممكن تقعدي أتكلم معاكي؟ سميحة: طبعاً يا حبيبتي. فيروزة:

بصي ياماما، أنا مش أنانية لدرجة إني أتحكم في حياة غيري. سميحة: مش فاهمة قصدك. فيروزة: أنا معنديش مشكلة إن فرح جوري وكريم يحصل، وخطوبة أمل ومحمد تحصل. وانتو متوقفوش حياتكم على زين. أنا عارفة ومأكده إن زين هيرجع، لأن زين لفيروزة وفيروزة لزين. سميحة بحب وحنية وحضنت فيروزة بكل حنان: يا حبيبتي يا بنتي، فعلاً زين مغلطش لما اتجوزك. فيروزة طلعت من حضنها: يلا أنا همشي بقا عشان أروح لزين. سميحة:

تمام ياحبيبتي، خلي بالك من نفسك. وبالفعل السواق أخدها ودخلت لزين ولقيته كما هو نائم على السرير. لا حياة في من لا ينادي. فيروزة جريت عليه ومسكت إيده: يلا بقا قوم، يعني كدا روز قبل ما تيجي على الدنيا ملاقيكش. بس متخافش والله كنت بكلمها عنك كل دقيقة. ثم أكملت بدموع: يلا بقا. ومسكت إيديه وحطتها على بطنها: شايف بتحرك إزاي؟ الغلباوية زيك بالظبط، شقية. روز دلوقتي بقالها 4 شهور، يلا قوم بقا. مفيش نتيجة.

سابت إيديه وعيطت بكتمة: متسبنيش، لإن مليش غيرك يا سند حياتي يا زين الرجال. جاية تمشي خلاص... بدأت الأجهزة تعمل إنذار.... فيروزة جريت عليه: زين.. زين قوم يا حبيبي، إنت كويس؟ وراحت دست على الزرار بتاع الإنذار. وزين بدأ يفوق: فيروزي.. فيروز. فيروزة عيطت ومسكت وشه وبوست وشه من كل حتة: قلب فيروزة وعقلها. وجه الدكتور بالفعل واطمأن على صحته وراح لفيروزة: حضرتك دي معجزة فعلاً. فيروزة ردت بفخر: معجزة فعلاً. بس هقولك على حاجة.

الدكتور باحترام: قولي. فيروزة راحت حضنت زين وقالت بصوت عالي: فيروزة لزين وزين لفيروزة، والاتنين روح واحدة. الدكتور ابتسم بحب وتفهم: ربنا يخليكو لبعض. ومشي. وراحت قعدت جنب زين. زين بغمزة: إنتي قاعدة بعيد ليه؟ زين: ياض ابعد عنها بقا. زين: دنيا امشي، فصلتي اللحظة. زين: تمام يا خويا، همشي. فيروزة راحت قعدت في حضن زين: فيروزة هسألك سؤال ومتزعليش. فيروزة: اسأل، بس ناديني فيروزي بعد كدا. زين بضحك: إنتي زدتي في الوزن صح؟

أصل طلعلك كرش. فيروزة بصدمة وضربته بخفة على دراعه: أنا طلعلي كرش؟ لا وانت الصادق، دي روز ياخويا. زين بعدم فهم وغيره: مين روز دي بقا إن شاء الله؟ فيروزة قامت من حضنه: روز بنتك ياخويا. زين بصدمة: بـ... بنت؟! فيروزة بضحك على منظره، وقفلت بقه المفتوح ومسكت إيديه وحطتها على بطنه: أهي دي روز هنا، بنت.

زين جسمه قشعر وفرح جداً. حقيقي قام من على السرير برغم إن الإصابة لم يمر عليها سوى 3 أشهر، وحضنها حضن تملك ومسك وشها وأخذ شفتيها في قبلة ساحرة، قبله تعوضها وتعوضه على عذاب الـ 3 أشهر. ومسك وشها: بحبك يافيروزي. فيروزة مسكت وشه بحب: وأنا بعشقك يا سندي وزيني وزين الرجال. بعد مرور سنتين. زين وفيروزة وهما حاضنين بعض على السرير ونايمين. زين صحي الأول: فيروزي.. فيروزي قومي. فيروزة بدأت تفوق بفزع: إيه؟ صقر حصله حاجة؟ زين:

إهدي ياقلبي، كل الحكاية إن كنت عايز أشوفك أول لما أصحى. فيروزة: ضربته في دراعه: وانت حضرتك مش شايفني بتعذب امبارح عشان أنيم صقر؟ زين: عادي، طالع لابوه بقا. فيروزة بتريقة: ههههه، خفة. زين: بقولك إيه، فيه مفاجأة انهارده. أنا هنزل، وإنتي اجهزي لبليل. وجاء المساء الجميل. على القمرات الحلوين، خبطت آنسة على أوضة فيروزة: أستاذة فيروزة، حضرتك أستاذ زين بعتني عشان ألبسك الفستان. فيروزة بصدمة: فستان إيه؟ الآنسة:

حضرتك هو قالي تتصلي بيه وهتفهمي كل حاجة. وبالفعل اتصلت بيه، وهو قالها: اعملي بروفة وانزلي لتحت، لأن أمل خايفة تلبس فستان فرح وهتقلعه تاني. فيروزة: آه تمام. بعد ما خلصت الميكب أرتست. فيروزة: مش ملاحظة إنك مبالغة شوية؟ الميكب أرتست ضحكت: لا حضرتك، المهم. أنا همشي دلوقتي عشان عندي ميعاد تاني. وبالفعل مشيت. وفيروزة نزلت وهي لابسة الفستان، كانت ملكة ومحتاجة ملك ياخدها. وصقر وروز.....

زين ظبط كل حاجة ليهم، وابعدهم عن فيروزة عشان تعرف تلبس. فيروزة وهي بتنادي: ياماما.. يا أمل.. يا جماعة، فين صقر وروز؟ وكل ده النور مقفول. وبعد عدة ثواني النور فتح مرة واحدة، واتصدمت. لاقت زين لابس لبس العريس وهو يتقدم لها: ياملكة قلبي، اتفضلي معايا. فيروزة بصدمة: إنت بتهزر صح؟ زين بعصبية: دنيا، هو انتي ينفع تمشي؟ عمالة تفصلي اللحظات الحلوة. دنيا بغيظ: ماشي ياخويا.

وأخدها من إيدها ورقصوا مع بعض. والعيلة كلها كانت موجودة. وجوري وكريم كانوا متجوزين، وجوري حامل في الشهر الـ 3. وأمل ومحمد اتخطبوا، لكن لسه هيتجوزوا. وهو طلب منهم إن يعمل الفرح ده تعويضاً عن كل حاجة. وبالنسبة للجد فهو اتسجن هو وليلي.

ونس اتجوز برا، لأنه اتعرف على بنت سلبت عقله، حبها واتجوزها بعد ما تناقش مع أمه. وأمه بقا اللي هي هدي، ربنا هداها. وسميحة ماسبتهاش من غير ما تغيرها. ومحسن بقا هو اللي يدير الشغل بدل أبوه. وحافظ بعد ما عرف الحقيقة اعتذر من زين على كل اللي عمله. وهما بيرقصوا. زين: بحبك. فيروزة: مسمعتش. زين: بحبك يافيروزة الزين. ومسكها ولف بيها وهي مبتسمة وبتضحك بفرح: وأنا بعشقك يا زين الرجال.