رواية فيروزتي الفصل السادس عشر 16 - بقلم زولة وحيد

بعد مرور 7 سنين. عند آدم. آدم ل خلود بغضب: سبع سنين فتشت عليها ومالقيتها انتي وعدتيني انها هتكون ليا بس أنا مش شايف إنه وعدك اتنفذ. خلود: أنا قولتلك ماتتصرف بدون ماتقولي، وأنت أول ما جه زياد روحت كذبت عليه وحصل اللي حصل. أنا بقى مش بيهمني حاجة لأنه بنتي اتجوزت أخوه وأول ما تجيب لهم ولد هتاخد كل الفلوس. (هي بتظن إنه علياء هتعمل كده بس يا جماعة علياء مش زي أمها العقربة دي تفوو عليها) وقفتلت الفون في وشه وضحكت بشر.

عند علياء وجلال. طبعاً هما اتجوزو بعد أربع سنين من سفر فيروز، وده لأنه علياء مكنتش عايزة تتجوز بدون فيروز، بس فيروز أقنعتها إنها تتجوز بدونها. (الحاجات اللي اشتروها من السوق كانت لعلياء) علياء: جلال. جلال: إيه ياعلياء؟ علياء: مالك ياحبيبي؟ شدها لحضنه: مافيش، بس أنا خايف على زياد، هو بقى بيشرب كتير وبيقابل بنات وحياته معدتش تهمو، خايف عليه أوي يا علياء.

علياء: امممم. فيروز غلطت لما بعدت عنه، بس زياد كمان غلط لما ما فهمها. جلال: عارف. فجأة سمعوا صوت بكاء طفل. (ابنهم إياد عمره سنتين) علياء: ياااه، إياد فاق، هروحله شكله جعان. جلال بخبث: منا كمان جعان. علياء ضربته بخفة: سافل. وراحت لبست عباية وشالت إياد وطلعت. جلال: على فين؟ علياء: هنروح عند خالتي. جلال: متتأخريش، وبالمرة خلي إياد مع أمي وأبوي.

(أبو زياد وجلال رجع وعلاقته اتحسنت مع جلال بس مع زياد ماشة للأسوء ع اللي بيعملو زياد) علياء: لا. وطلعت عند فتحية ومحمد السيوفي. كانوا قاعدين بيتكلموا عن زياد وعن اللي بيحصل. وعلياء خبطت. فتحيّة: ادخل. علياء دخلت. علياء: احم، ما أكون قاطعتكم. محمد بابتسامة: لا يابنتي اتفضلي اقعدي، أنا عندي شوية شغل وهاجي. وطلع. فتحيّة وهي بتشيل إياد وبتلعبو: حبيبي، مالو؟ إياد كان بيضحك. علياء: ماما. فتحيّة: نعم يابنتي؟

علياء: هو فيروز ما وحشتك؟ فتحيّة قعدت إياد عليها: آه وحشتني، بس أعمل إيه، أختك عنيدة ومش هتغير رأيها. علياء: طب أنتي مش عارفة هي ليه بعدت عننا كل ده؟ فتحيّة: هقولك سر بس أو ما تقوليه لحد، حتى جلال. علياء: ماشي. فتحيّة: أختك ولدت وعندها بنت عمرها سبع سنين. علياء بصدمة: إيه؟ يعني فيروز؟ فتحيّة: فيروز لما سافرت كانت حامل، وهي كانت خايفة على بنتها من زياد… وحكتلها كل اللي حصل… علياء: بس هي ليه ما قالتلي؟

فتحيّة: مش عارفة، بس هي اللي قالتلي أقولك. علياء بابتسامة: طب والبنت اسمها إيه؟ عندك صور ليها؟ فتحيّة: آه، واسمها تالا. عند فيروز. في فرنسا. (حلمي🙃) فيروز: جوري تعي يالا. تالا: استني ماما، عندي واجبات كتيرة بحلها. فيروز: يووووه بقى، الواجب بيستنى، بس أنا جعانة، مش هستنى، يلا تعالي. تالا جت بسرعة وقعدت في حضن فيروز وباستها في خدها. فيروز: عايزاني آكلك؟ تالا هزت راسها بابتسامة. فيروز بضحك: ماشي.

(تالا بنت جميلة بتشبه أمها في كل حاجة، حتى أنها عندها نفس العيون الزرقة ونفس الجمال بتاع فيروز، بس حركاتها زي باباها زياد، وهي دايماً بتذكر فيروز ب زياد) بعد ما خلصوا أكل. فيروز: يلا اكتبي الواجبات وتعالي علشان تدرسي. آه صحيح، إمتى آخر امتحانات؟ تالا: امممم، بعد بكرة. فيروز: تمام، علشان هنروح مصر. تالا بفرح: يعني هشوف بابا وأخويا؟ فيروز ابتسمت بحزن لأنها فرقت ابن وابنته: آه. تالا حضنتها: هيييييييييع. عند زياد.

كان قاعد في بار بيبص ع البنات وبيشرب. في بنت جت قعدت جنبه. البنت بمياعة: أنت بتيجي تقعد وتبص بس مش بتعمل حاجة ليه؟ زياد: ليه بتسألي؟ البنت وهي بتقرب منه بدلع وبتفك زراير قميصه: لأني نفسي فيك من أول ما جيت ع هنا أول يوم. زياد وهو بيزقها: ابعدي يابنت ال……. مش معنى إنه في حد جه هنا معناه إنه عايز القرف بتاعكم، أنا بس باجي هنا علشان أشرب وبس، إنما بنت تقربلي مستحيل، ولا تفكري في ده. وطلع بغضب وركب العربية.

زياد للسواق: يلا اتحرك. عند البنت. البنت: مفيش حد بيتجرأ يرفض مليكة، أنا هوريك. عند زياد. وصل الشقة وراح نام ع سريره ومسك قميص فيروز اللي كان ع السرير وفضل يشم ريحته. زياد: 7 سنين وأنا منتظرك، إمتى هتيجي بقى؟ وحشتيني، صدقيني إذا جيتي مش هغلط معاك ولا هيتكرر الغلط ده تاني، تعالي يافيروز بقى، أنا مشتقلك أوي. ونام وهو حاضن القميص. بعد تلات أيام. فيروز وتالا وصلو اسكندرية. تالا بفرح: ماما، هو بابا هنا؟

فيروز وهي خايفة من مواجهة زياد، كانت خايفة من رد فعله لما يعرف إنها كانت حامل وما قالتله: آه ياحبيبتي. فيروز اتصلت ع فتحية. فيروز: ماما، أنا وصلت اسكندرية بس خايفة أجي القصر و… فتحيّة بفرح: متخفيش ياحبيبتي، زياد مش هنا، وبعدين هنشوف حل للمشكلة دي، يلا تعالوا بسرعة، أنا مشتقالكوا. فيروز بابتسامة: ماشى. فيروز وصلو القصر. فتحيّة جريت عليها بحب وحضنتها. فيروز شدت ع حضنها وعيطت. فتحيّة بعدت عنها: خلاص بقى، متعيطيش.

فيروز جريت ع أوضتها هي وزياد وقعدت ع السرير واخدت صورته. فيروز بدموع: آسفة. وفضلت تعيط. عند فتحيّة وتالا. تالا: هو مين أنتِ؟ وليه ماما بتعيط؟ فتحيّة شالتها: أنا تيتة، ومامتك مش بتعيط، هي بس مبسوطة علشان رجعت مصر. تالا: طيب والقصر ده بتاعنا؟ فتحيّة بابتسامة: آه، وأنتي أميرة القصر ده. تالا بفرح: هيييييي، أنا أميرة. فتحيّة ضحكت عليها. علياء طلعت. علياء: مين دي ياما؟ فتحيّة: دي بنت أختك. علياء بفرح: تالا! وراحت حضنته.

تالا: ومين أنتِ ياحلوة؟ علياء بابتسامة: أنا خالتك علياء ياحلوة. تالا حضنتها. جلال طلع ع صوتهم. جلال باستغراب: مين دي؟ علياء بابتسامة: دي بنت فيروز يا جلال. جلال باستغراب: فيروز؟ … أنا مش فاهم حاجة. فتحيّة: تعال أفهمك. تالا لعلياء بهمس: ومين العملاق ده؟ علياء بضحك: ده جوزي، اللي هو عمك أخو باباك. تالا: يالهوي! يعني بابا بيشبهه؟ علياء بهمس: أبوكي عنده عضلات أكبر من عضلات جلال. تالا: لا، أنا بخاف بقى، مش عايزة أشوفه.

علياء ضحكت ع براءته. تالا: خالتي الحلوة، أنتِ عندك أولاد ألعب معاهم؟ علياء: آه، عندي ولد واحد بس صغنن، تيجي تشوفيه؟ تالا: آه. علياء: يلا تعالي. وراحوا ع أوضة علياء وجلال. عند جلال. فهم كل حاجة. جلال: أنا هقول لزياد، هو أكيد هيفرح. فتحيّة: لا يا جلال، خلي فيروز هي اللي تقوله، أحسن. جلال: آه صح. طب أنا هروح ألعب مع البت الحلوة دي. فتحيّة بضحك: روح. وراحت هي عند فيروز اللي كانت نايمة وهي حاضنة صورة زياد.

فتحيّة ابتسمت وغطتها وطلعت. فتحيّة: ربنا يجمعكم ببعض ويرجع كل شيء زي الأول وأحسن. وراحت أوضتها. عند جلال وهو داخل. تالا: عمو العملاق. علياء انفجرت من الضحك. جلال: وأنتي بتضحكي، حسابك معايا. علياء سكتت. تالا: عمو العملاق، هو أنت بتخوف خالتي الحلوة؟ جلال وهو بيشيلها: لا ياحبيبتي. تالا: آه، ماتخوفها، لأني هزعلك لو خوفتها. جلال بضحك: ماشي. بالليل. فيروز أخدت دوش وطلعت لبست عباية وقررت تروح ل زياد. فيروز نزلت من السلم.

علياء شافتها. علياء: الناس اللي بتختفي فجأة ل 7 سنين. فيروز: حبيبتي، ازيك؟ فيروز راحت حضنتها: آسفة، بس غصب عني والله. علياء: سامحتك عشان بنتك أمورة. فيروز ضحكت: طب كويس. علياء: ع فين كده؟ فيروز: رايحة ل زياد. علياء: دلوقتي؟ فيروز: آه. علياء: طب خلي جلال يوصلك. فيروز: لا، أنتي خلي بالك من جوري، أنا يمكن أتأخر. علياء: ماشي، ربنا معاكي.