تحميل رواية غابة الصقر بقلم سلمى شريف pdf

صقر: هتجوزك واداري على فضيحتك، انتي احمدي ربنا اصلا ان فيه حد هيرضي بيكي.

دموعها نزلت وهي حاسة بانكسار، قد ايه رخصت نفسها ودلوقتي هتتجوز من واحد غصب عنها، لا وابن عمها اللي بتكرهه.

هدي: أنا موافقة.

رجب: وأنا كمان، على الأقل يداري على فضيحتك يا ريم اللي مش هعرف أمشي رافع راسي لفوق أبداً بعدها.

دخلت ريم أوضتها وقعدت تعيط على حالها.

خلاص كل حاجة اتدمرت قدام عينيها.

زين اللي وعدها بالجواز اتسلى بيها وهرب.

ودلوقتي هي هتسلم نفسها للنار بإيديها.

نامت ريم من كتر التعب وصحيت تاني يوم على صوت أمها.

هدي: اصحي، المأذون برا.

اتخضت وجهزت وهي بتعيط وطلعت، وكان فيه كل أهلهم.

المأذون: بارك الله لكما وبارك عليكما وجمع بينكما في خير.

فاقت ريم من شرودها لما حست صقر بيشدها ودخلها العربية وساق بأعلى سرعة.

وقف قدام فيلته ومسك إيدها وطلعها.

قعد يقرب منها لغاية ما مسك رقبتها بإيده وقال بصوت شيطاني: أنا هوريكي الجحيم يا ريم بعينك.