رواية غدر الحب الفصل الرابع 4 - بقلم حبيبة ياسر

الدكتور: للأسف فقدنا الجنين. عمر: أنا أقصد مدام أروي. الدكتور: وأنا على مدام أروي. عمر: لأ، لأ، مستحيل، مستحيل. الدكتور: قدر الله وما شاء فعل. عمر: ممكن أدخلها؟ الدكتور: اتفضل. عمر بحزن: هنعوضه، هنعوضه وهنجيب دسته عيال. أروي: مين قال إننا هنعوضه؟ طلقني. عمر: أنا عارف الحالة اللي أنتِ فيها دلوقتي، استهدي بالله وقدر الله وما شاء فعل، ربنا يرزقنا بزورية صالحة. أروي: هو بالعافية ولا إيه؟

مش عايزاك، مش عايزاك، أنت مش بتفهم، رد عليا، مش بتفهم. راح عندها وحضنها وقال: عمر: بس اهدي، اهدي، والله العظيم بحبك، والله بحبك ومقدرش أعيش من غيرك ثانية. أروي بانهيار: بتحبني؟ بتحبني؟ بتحبني تروح تتجوز عليا؟ هو ده الحب؟ رد عليا، هو ده الحب؟ تكسر قلبي وتتجاوز صاحبة عمري وتقولي بحبك؟ حتى الحب بقى مش سالك. كفايا، كفايا، أنا هبقى أحسن لما نبعد، أرجوك، أرجوك ابعد عني، أرجوك.

عمر: غصب عني، والله أنا معرفش ليه عملت كده. كل تفكيري وإنه كان يقصد إنك لازم تجيبي حفيد لأبوكِ وأمكِ على شان الزن بتاعهم، وأنا كنت عبيط وغبي إني صدقتها. والله أنا هتطلقها بس مش دلوقتي، على شان هي بنت ناس ومش حمل كلام الناس عليها واللي هيتقال مش قليل. أروي: بتحبها؟ عمر: آه... لأ. أروي: آه ولا لأ؟

عمر: منكرش إن الفترة اللي كنا بنتكلم فيها خلتني اتعلقت بيها، تعلق مش حب، بس أنا بحبك أنتِ والله بحبك أنتِ، أنتِ حب عمري يا أروي، أنتِ بنتي. أروي: الحب ده خرافات، مفيش حاجة اسمها حب، كل واحد بيحب نفسه، بيفضل نفسه ومصلحته عن أي حد، وأنت عشان عايز تبقى أب اتجوزت تاني، ومش ممكن يكون العيب فيك مش فيا، لاكن لأ، تتحرق أروي، تولع أروي، المهم سي السيد يبقى مبسوط.

عمر: أنا عارف الحالة اللي أنتِ فيها، أسف، أسف، لو فضلت أقول أسف العمر كله مش هسامح نفسي برضو. أروي: أنا عايزة أروح المدافن. عمر: المدافن؟ أنتِ من الساعة اللي اتجوزتك فيها عمرك ما قولتي عايزة تروحي المدافن، تروحي ليه؟ أروي: الأول كنت حاسة بالأمان معاك، كنت أبويا وأمي وكل حاجة ليا، بس دلوقتي لأ، عايزة أروح أزور أبويا وأمي، هتوديني ولا أروح لوحدي؟ عمر: بس أنتِ تعبانة دلوقتي، خليها يوم تاني.

أروي: أنا هروح دلوقتي، هتوديني ولا أروح لوحدي لتاني مرة؟ عمر: هوديكي، هوديكي. سارة: بس أنا قولت كل اللي جوايا، كل اللي جوايا، قولت كل حاجة، يعني خلاص مستحيل يصفي ليا تاني. المتحدث: حاولي معاه، وأنا سمعت إنها مبقتش حامل. سارة: مبقتش حامل؟