رواية غدر القلوب الفصل الخامس 5 - بقلم هاجر العفيفي

معاذ شاف الرسالة اللي سيباها ملك واتصدم. الورقة وقعت من إيده وقال بصوت كله وجع: "ميان! خرج يجري بسرعة من البيت وركب عربيته وفضل يدور عليها في الشوارع، ولكن ملهاش أثر. طلع على بيت ملك وهو مش شايف قدامه. ركن عربيته بإهمال وطلع بسرعة وخبط على الباب بقوة. ملك بانزعاج: "إيه ده؟ مين اللي بيخبط كده؟ فتحت الباب ولسه هنتكلم كان قلم نزل على وشها من معاذ. ملك بوجع وغضب: "انت مجنون؟ انت إزاي تعمل كده؟ معاذ

مسكها من شعرها بغضب وقال: "ميان سابتني بسببك. أنا كنت غبي عشان مشيت ورا واحدة زيك وظلمت أجمل وأطهر بنت شوفتها." ملك زقته وقالت بغضب: "كان بمزاجك، كل حاجة كانت بمزاجكم." معاذ بص لها بعصبية وقال: "حان الوقت أن أصلح الغلط ده." ملك بتحدي: "هتعمل إيه يعني؟ معاذ مسك سكينة كانت قدامه على الطاولة ورفعها. ملك بخوف: "انت هتعمل إيه؟ معاذ بغضب أعمى: "هقتلك يا ملك." ملك جريت وقالت بصراخ: "لأءءء! انت مجنون الحقوني!

"متضيعيش نفسك عشانه." معاذ لف وراه وشاف رزان صديقتها واقفة. رزان بهدوء: "ملك أصلاً بتكرهك وبتكره الكل. حذرتها كتير بس هي اللي في دماغها هو اللي بيتعمل. متستاهلش تضيع نفسك عشانها. على فكرة هي كانت ناوية تقتلك بعد لما ميان تموت. روح دور على مراتك والفضل تبعد عنها خالص." معاذ اقتنع بكلامها والقى نظرة على ملك اللي كانت واقفة وقال: "عندك حق، هي متستاهلش." ملك بهسترية: "دلوقتي بقيت أنا الشيطان وكلكم ملاك."

سابتهم ونزلت تجري بسرعة من البيت وهما نزلوا وراها بسرعة. رزان بصدمة: "حاسبي يا ملك." العربية خبطتها والناس كلها اتلمت حواليها وخدوها المستشفى. ومعاذ مازال بيدور على ميان. بعد مرور شهر ومكانش فيه أي أخبار عن ميان. معاذ كل يوم يدور عليها ويرجع البيت. سابه شغله نهائي ووشه حزين وملامحه بهتت. وعرف أن ملك اتصابت بشلل كلي ومش هتقدر تمشي تاني. ورزان معاها عشان ملهاش حد نهائي.

معاذ كان داخل الكافيه يشرب قهوة سادة زي كل يوم من وقت لما ميان سابته. بس اتفاجئ لما شاف أياد أخو ميان موجود. جرى عليه بسرعة. معاذ: "أياد! أياد: "معاذ اتفضل." معاذ قعد قدامه وقال بلهفة: "ميان فين يا أياد؟ هي سابتني واكيد انت تعرف مكانها." أياد بتوتر: "ل لاء معرفش مكانها."

معاذ بدموع وانكسار: "عشان خاطري لو تعرف مكانها قول لي. أنا بموت من غيرها صدقني. لو رجعت لي هعمل لها اللي هي عايزاه وهعيش عشان أسعدها وأنفذ أوامرها بس." أياد اتنهد وقال: "أنت كسرتها قوي يا معاذ." معاذ بدموع وحزن: "وندّمت. والله العظيم ندمت. وبتمنى لمحة طيفها بس. وأنا مستعد أعمل أي حاجة من أجلها." أياد ابتسم لما اتأكد أن هو بيعشقها مش بس بيحبها وقال: "أنا موافق. هوّ دّيك ليه."

معاذ قام بسرعة وحضنه وقال: "أنا متشكر ليك جدا يا أياد. يلا بقا." أياد بضحك: "حاضر حاضر." وخرجوا الاتنين من الكافتيريا وركبوا العربية بتاعت معاذ وطلعوا على بيت ميان. أياد فتح الباب ودخل لوحده وقال بصوت عالي نسبياً: "مايو يا مايا." ميان خرجت من جوه وقالت: "نعم يا أياد." أياد مسكها من خدودها وقال: "حبيبي الحزين عامل إيه." ميان بسخرية: "زي كل يوم من وقت سبتها." أياد: "برضه لسه بتحبيني؟

ميان دموعها نزلت وقالت: "وحشني قوي يا أياد." معاذ من خلفها قال بندم وحب: "وانتي وحشتيني أوي يا حبيبتي." ميان اتصدمت ولفت وشافته وقالت بصدمة: "إنت جيت هنا إزاي؟ مين بيقاطعها معاذ وهو بيقرب منها ويحضنها وقال: "بحبك." ميان اتصدمت من فعلته ومعرفتش تتحرك. وأياد انسحب ومشي عشان يسيبهم يتفاهموا مع بعض. ميان بخجل وصدمة: "معاذ ابعد، مش كده." معاذ كان حاضنها شده وبيعيط وقال: "سبتيني ليهم." ميان بعدت

عنه وشافته بيعيط وقالت: "معاذ انت بتعيط." معاذ بحزن: "من وقت ما سبتيني." ميان بتوتر: "بس انت مش بتحبني." معاذ: "فعلاً مش بحبك، أنا بعشقك. وده اللي اكتشفته بعد ما بعدتي عني." ميان بدموع وعتاب: "ليه عملت كده." معاذ بندم: "آسف. ندمت. عرفت أن كنت ماشي ورا دماغي شيطانية. بس صدقيني كل واحد أخد جزاته وأنا الأول خدته ببعدك عني." ميان: "ملك حصل لها إيه." معاذ اتنهد وقال: "مش هتعرف تمشي تاني."

ميان اتصدمت وقالت: "لا إله إلا الله." معاذ: "كل واحد بياخد جزاته. ربنا مبيسيبش الظالم. هي كانت ناوية تموتني أنا كمان يا ميان." ميان بلهفة: "بعد الشر." معاذ بابتسامة: "لسه بتحبيني؟ ميان بتوتر: "ل لاء." معاذ قرب منها وابتسم بخبث: "بإمارة ده واحشني أوي يا أياد." ميان اتكسفت وسكتت. معاذ بحزن: "سامحيني يا نور عيني. آسف على كل حاجة زعلتك مني. وصدقيني هعوضك عن كل حاجة شوفتيها. وكمان هنسافر عشان تتعالجي بره."

ميان قالت بهمس: "أقولك على سر." معاذ بنفس الهمس: "إيه هو." ميان بتنهيدة: "أنا اتعالجت من قبل ما نتجوز وكنت ناوية أعملها لك مفاجأة بس اللي حصل هو اللي قلب كل حاجة." تفاجأت لما معاذ شالها ولف بيها بفرحة وقال: "يا فرحة قلبي النهارده." ميان بضحك: "يا ابني نزلني." معاذ بغمزة: "ده احنا نحتفل بقا." ميان اتكسفت. معاذ بحب: "سامحتيني." ميان بابتسامة: "أيوه عشان بحبك." معاذ قرب منها ولسه هيبوسها. أياد: "اقفش!

عايز تستفرد بالبت عشان لوحدكم." معاذ جز على أسنانه بغيظ وميان ضحكت. أياد: "احم إيه يا عم هتاكلني؟ خلاص براحتك يا عم. بس أول طفل على اسمي." ميان اتكسفت ودخلت جوه. معاذ ضربه على كتفه وقال: "كده كسفتها. خدي يا بت." ودخل يجري وراها. أياد ضحك عليهم وعلى حبهم.