رواية غدر القلوب الفصل الثالث 3 - بقلم هاجر العفيفي

معاذ فتح الباب وشاف شاب وسيم واقف قدامه. كيان أول ما شافته جريت عليه وحضنته. ميان بدموع: أياد وحشتني. معاذ اتصدم ومسكها من شعرها بشدة وقال بغضب: ميان انتي اتجننتي. ميان بوجع: ااااه سيبني يامعاذ شعري. أياد بغضب: انت ماسكها كده ليه انت مجنون. معاذ سابها وضربه في وشه بغضب وقال: أنا برضوا اللي مجنون ياروح أمك. ميان بحده: معاذ اللي بتكلمه ده أخويااا سيبه. معاذ بسخرية: صدقت أنا كده، انتي ملكيش إخوات أصلاً. ميان قعدت

على الكرسي بتعب وقالت: أخويا في الرضاعة ومتربي معايا يامعاذ، فهمت كده. معاذ اتصدم وندم على تسرعه. أياد قام وقف وبصله بغضب وقعد جنبها وقال بحنان: مالك ياحبيبتي انتي مش مبسوطة ليهم. ميان ابتسمت بوهن وقالت: لاء ياحبيبي أنا كويسة متخافش. أياد بغمزة وهمس: بس شكله بيغير. ميان بصت على معاذ بسخرية وقالت: جدع. معاذ قرب منها وقال بندم: آسف ياميان حقك عليا. ميان ابتسمت وقالت: هقوم أعملكم حاجة تشربوها. سابتهم ودخلت.

أياد بص له وقال: على فكرة بعد اللي انت عملته معاها دلوقتي ده أنا ليا الحق آخدها معايا، بس أنا عارف إن دي ردة فعل طبيعية عشان أنا راجل زيك وكمان انت متعرفنيش. معاذ بصدمة: نعم تاخدها ده على جثتي. أياد بغموض: بتحبها. معاذ بتلقائية: أيوه طبعاً. أياد: اممم تمام، خلي بالك منها ميان طيبة جداً وكمان عايزة اللي يساعدها في الفترة دي، هي محتاجاكم. معاذ سمع كلامه وحس بالندم من ناحية اللي كان هيعمله.

أياد بصوت عالي: عايزة حاجة يامايو. ميان من الداخل: لسه بدري يا أياد. أياد: معلش ياحبيبتي هجيلك تاني سلام. ميان: مع السلامة. أياد مشي وميان خرجت من المطبخ وكانت هتدخل أوضته. معاذ: ميان. ميان وقفت وقالت ببرود: نعم. معاذ بندم: آسف. ميان بسخرية: ولا يهمك مش فارقة. سابته ودخلت وهو قعد على الكرسي بضيق من نفسه. ملك بعصبية: مبيردش ليييييه. رزان: يابنتي اهدي. ملك بغضب: الأستاذ مبيردش شكله عجبه الجو مع السنيورة.

رزان بسخرية: انتي بتغيري عليه ولا إيه. ملك بتوتر: طبعاً مش حبيبي. رزان ضحكت وقالت: انتي مصدقة نفسك، انتي اللي قولتي له يتجوز صاحبتك وكمان عايزة ت*ق*ت*ل*ه وجاية تقولي لي حبيبـ. ملك: غيرت رأيي ولما نخلص من مين هنتجوز. رزان بقلة حيلة: انتي ربنا يعينك على دماغك. في المساء. ميان: تلفونك بيرن من الصبح مبتردش ليه. معاذ بتوتر: ها يعني م مش مهم يعني. ميان ابتسمت وقالت: اها تمام.

معاذ قرب منها وقال: ميان انتي متغيره ليه عن امبارح، انتي مكنتيش كده. لو كنت زعلتك أنا آسف مكنتش أقصد. ميان ضحكت وقالت: لاء عادي متخافش مش زعلانه، انت اللي مالك متوتر ليه. معاذ بتوتر: ها لاء مش متوتر ولا حاجة، بقولك صحيح انتي جميلة أوي النهارده. ميان بصت له بعدم تصديق وقالت: ده بجد، يعني مثلاً ميكونش عشان قربت أم*و*. معاذ بلهفة واضحة: بعد الشر عنك. ميان استغربته جداً واستغربت رد فعله.

معاذ قرب منها ولسه هـ*يـ*بـ*و*ـس*ـها جرس الباب رن. معاذ جز على أسنانه بضيق وقال: مين الرخم ده. ميان ضحكت وهو قام يشوف مين وفتح واتصدم. معاذ بصدمة: ملك. ملك بخبث: ازيك يا جوز صحبتي.