رواية غدر المحب الفصل السادس 6 - بقلم ميرا ابو الخير

حازم بجمود: وأنا مش راضي مراتي تروح مكان من غير علمي. عشق بهدوء: طلقني يا حازم، أنا قررت أرجع لطارق. حازم: عايزة ترجعي لطليقك بعد ما شوّهِتك؟ طب وأنا؟ عشق بدموع: أنت قلت أهو شوّهتني، يعني أنت مع الأيام هتقرف مني. حازم قام قعد جنبها: أنا مراعي حالتك النفسية يا عشق، بس إني أتخلى عنك، حتى لو أنتِ اللي عايزاه، ده مستحيل، أنتِ مراتي وحبيبتي. عشق بذهول: حبيبتك.

حازم بابتسامة: آه حبيبتي، هو أنتِ فاكرة هتجوز واحدة مش بحبها ولا أعرفها كمان. عشق باستغراب: مش فاهمة. حازم بهدوء: أنا أعرفك من قبل ما أتجوز ملك، كنتِ لسه كتكوتة في الجامعة، حبيتك وقتها، كنت دايماً متابعك، بس حصلت ظروف واتجوزت ملك، ولقيت إنك اتخطبتي، قولت مش من نصيبي، لكن يشاء القدر إننا نتطلق ونتجوز. عشق ساكتة. حازم بابتسامة: يلا نروح يا عشق، وهاتي آدم من جوه. عشق بحزن: ومامتك.

حازم: متخافيش، هقنعها أنا، وبعدين فيه مفاجأة. عشق: إيه هي. حازم بابتسامة: أنا كلمت دكتور في أمريكا، وهنسافر نعملك عملية وترجعي زي الأول. عشق بفرح: بجد يا حازم. حازم بحب: بجد يا عيون حازم. عند طارق. كان حد بيزوره: أعمل كده. الشخص: بس المرة دي أكبر. طارق بشر: ملكش فيه. الشخص: تمام. تاني يوم. حازم بابتسامة وهو قاعد مع آدم وعشق: أحلى لمة دي ولا إيه. عشق: أحلى بيك. آدم بعبوس: هي ماما مش هتيجي.

حازم بهدوء: تيجي براحتها يا آدم، ولو أنت حابب تروح ليها، هوّديك. آدم بفرحة: هقوم أكلمها. عشق بابتسامة: خد فوني كلمها. آدم بسعادة: هيييي ياس. حازم بهدوء: هنزل أنا. عشق بابتسامة: هتتأخر. حازم بحب وباس دماغها: لا متقلقيش. عشق بحنان: احم، هتوحشني. حازم: خلاص مش نازل. عشق بضحك: لا لا انزل. حازم ابتسم بحب. بعد شوية. ملك جت لابنها، وعشق اتعاملت معاها بكل هدوء وأدب. ملك بحزن: ألف مبروك.

عشق: الله يبارك فيكي، هقوم أجيب لك حاجة تشربيها. ملك هزت راسها بـ تمام. حازم رجع، لقى ملك تجاهلته، وداخل على أوضته. ملك دخلت وراه وقفلت الباب. عشق خرجت ملاقتش ملك، سمعت صوت ما من الأوضة، دخلت واتصدمت صدمة عمرها.