رواية غدر المحب الفصل الثالث 3 - بقلم ميرا ابو الخير

عشق باستغراب وهو بيشاور على بنت: مين دي. أم حازم: دي مراته وأم ابنه، واه صح جوازكم باطل. عشق بصدمة: نعممم! انتي بتقولي إيه؟؟؟ حازم بغضب: أمييي بعد إذنك. أمه (سلوى) : لا مش بعد إذنك، إنت هترد أم ابنك وتطلق البنت دي. عشق، وكانت رجليها مش شايلها: يعني إيه جـ جوازنا باطل. سلوى ببرود: اللي سمعتيه. أنا مش راضية إنه اتجوز واحدة اتطلقت يوم كتب كتابها، والله وأعلم اتطلقت ليه. حازم بغضب: ماماااا!

دي مراتي ومش هسمح لأي حد يتكلم عنها كلمة وحشة، ودا ابني هنربيه أنا وهي، أما الحلوة اللي واقفة دي… بيشاور على بنت واقفة دموعها نازلة بصمت… تغور في ستين داهية. البنت سابت إيد ابنها ومشيت. سلوى بصت له بغضب: بتعمل مع أمك كده عشان دي يا حازم؟ تمام، أنا ماشية يا ابن بطني، بس حط في دماغك حاجة، دي هتاخدك إنت والواد دا…. أكملت بسخرية… ماهي مرات أبوه. مشيت والولد كان واقف بحزن. نزل حازم لمستواه: مالك يا بطل.

آدم بحزن: كنت عايز ماما. حازم ضمه لحضنه: حقك عليا، وبعدين تعالى سلم على ماما الجديدة. آدم بص لها وجرى على أوضته. عشق كانت دموعها نازلة بحزن. حازم قفل الباب وقرب بحنان، شدها لحضنه: ممكن تهدي. عشق بدموع: هو أنا عملت إيه لكل دا. حازم بحنان وباس دماغها: حقك عليا إنتي كمان، أوعدك مش هسمح لحد يزعلك بكلمة. عشق بإبتسامة ومسحت دموعها: وأنا هحافظ عليك وعلى ابنك، احم… ابننا يعني. في شقة سلوى. سلوى بغضب: لازم البنت دي تغور.

ملك بهدوء: بعد إذنك يا خالتي، بلاش كفاية كده. حقه يتجوز ويجيب واحدة تحافظ على ابنه، دا حقه. سلوى بحزن: بس مش حقه يكسرك كده. ملك بكسرة: مين اللي كسر التاني؟؟ أنا يا خالتي لما… سكتت. سلوى خدتها في حضنها: ششش، متكمليش. إنتي لسه بتحبيه. ملك هزت راسها بنعم: أوي يا خالتي، أوي. عند طارق.

طارق كان قاعد بحزن وغضب: لازم أدفعك تمن كل كدبك عليا، لازم. مش هسيبك في حالك. أنا حبيتك وإنتي طلعتي أزبل واحدة في الدنيا، بس مش هسيبك في حالك، لازم تدفعي تمن كسرة قلبي دي. طلع تليفونه. الشخص: لسه منزلتش يا بيه. طارق بتأفف: تمام، أول ما تخلص كلمني. الشخص: تمام يا بيه. بليل. عند عشق. دخلت أوضة آدم بابتسامة: احم، إزيك. آدم بابتسامة: الحمدلله، طنط هو إنتي هتمشي امتى؟ أنا عايز ماما. آدم بفرحة: هيييي! يلا.

عشق: يلا، وبابا زمانه جاي، هننزل قبل ما هو ييجي. نزلت عشق مع آدم تحت أنظار شخص ما. خلصوا وجابوا الحاجات. عشق بنسيان: ياختيي! نسينا الفون هناك، اطلع إنت يا دومة وأنا هجيبه. آدم: ماشي. عشق رجعت وآدم طلع، وهي ماشية لاقت حد بيقرب مكنة بسرعة وطلع إزازة و…. صوت صويت عالي والناس اتلمت…. عند سلوى. حازم بهدوء: أنا جيت أصالحك، لكن أردها مستحيل، كفاية إنها عايشة معاكي. سلوى: يابني دي ملهاش غيرنا، مهما اللي عملته.

حازم: دي قتلت ابننننييي عشان خاطر مجرد وظيفةةةةةةة، عارفة يعني إيه أم تقتل ابنها. ملك متداخلة: وإنت كنت بتخونني مع كل البنات، حتى أعز صاحبة عندي، وسكت لك ألف مرة. حازم بص لها و…