رواية غدر الصحاب الفصل الأول 1 - بقلم شيرين جمال

نور: أنا خلصت شغل، قدامك قد إيه يا هند؟ هند: ساعة. نور: طيب، أنا هستنى نمشي مع بعض. هند: تمام. بعد ساعتين. هند: أنا خلصت. نور: لا، لسه بدري. حرام يا هند، أنا تعبانة من الشغل. هند: (بزعل) خلاص يا نور، تقدري تمشي. نور: (بتحس بزعل هند) لا، أنا أسفة، متزعليش مني. هند: هتعملي إيه في موضوع الشغل؟ نور: هسيب الشغل، بس لازم يجي بديل الأول علشان أمشي، ده شرط المكان. هند: أنا معاكي في القرار ده. نور: هند، إنتي بتقولي إيه؟

بقولك صاحب الشغل بيتحرش بيا. هند: (بسرعة) معلش يا نور، إنتي مش بنت علشان الموضوع ده يكون مهم معاكي. نور: (بصدمة من كلام هند) إنتي بتقولي إيه؟ أنا كنت متجوزة. هند: بس معلش، ده جواز عرفي مش رسمي. نور: (بحزن) بس كان جواز، وده كان رأيك إنتي. هند: مش قصدي حاجة، أنا بقول كدا علشانك. استغلي صاحب الشغل ودبسيه في الموضوع ده. نور: (مقدرتش تستوعب كلام هند) إنتي بتقولي إيه؟ أنا كدا يا هند. (تنزل دموعها)

هند: نور، أنا أسفة، متزعليش مني. نور: أنا مقدرش أزعل منك، إنتي أختي زي مريم، ربنا يعلم. هند: آه طبعاً يا قلبي. وهما مروحين، عربية توقف قدمهم. هند: ماتحسبش يا أعمى. ينزل شخص من العربية يضحك بسخرية. الشخص: لسه لسانك طويل يا هند. هند ونور: (في نفس الوقت بصدمة) مراد. مراد: إزيك يا هند؟ هند: الحمد لله. نور: (بشوق ونبرة حب واضحة) إزيك يا... (وتسكت، كانت هتقول "يا أحلى ما في حياتي" وتقول) نور: إزيك يا مراد. مراد:

(بوش كله غضب وحزن واشتياق) إزيك يا نور؟ لسه زي ما إنتي حلوة من بره وزي الزفت من جوه. (ويبص ليها بنظرة استحقار) نور: (والدموع في عنيها) طيب، أنا هروح. ياهند، سلام.