رواية غلطة العمر الفصل الأول 1 - بقلم هاجر العفيفي

أنا حامل. انتي طالق. الاثنين بصوا لبعض بصدمة. نيرة ضحكت بصدمة: انت بتهزر صح؟ أكرم بتوتر: ل لاء، أنا طلقتك فعلا وورقتك هتوصلك في أقرب وقت. نيرة بدموع: لاء لاء يا أكرم متهزرش، أنا والله أخدت علاج كتير جدا عشان الحمل والنهاردة عرفت أني حامل، قول إنك بتهزر بقا. أكرم بصلها بجمود: بس أنا مش بطلقك عشان الحمل. قاطعته نيرة بصراخ: انت ايه انطق.

أكرم: الصراحة كده مبقتش أحبك، بقت علاقة مملة. زهقت من البيت وبقيت أكره أدخلوا بسببك. نيرة كلامه نزل عليها بصدمة قالت: ده حب خمس سنين بالسهولة ده تضيعه؟ أكرم: ياريت بلاش كلام كتير يانيرة، عادي، إحنا مش أول ولا آخر ناس نطلق، حقوقك هتوصلك كلها. نيرة بصتله باستحقار وقالت: الحمد لله إن ربنا خلصني منك، انت فعلا ظهرت على حقيقتك. أنا كرهت كل حياتي اللي قضيتها معاك. ربنا ينتقم منك على كسرة قلبي دي.

خرجت من البيت بسرعة وهي بتعيط بانهيار. والدة أكرم دخلت عنده وقالت بشماتة: جدع ياواد، بنت عمك أولى بيك، على الأقل بنت ناس ومتربية، مش ماشية معاك قبل الجواز. قالت آخر جملة بسخرية وسابته ومشيت. أكرم اتنهد بضيق ودخل أوضته. نيرة بدموع: طلقني ياسارة، أنا أول مرة أعرف إني رخ"يصة أوي كده في نظر نفسي. سارة بحزن: قولتلك يانيرة، انتي اللي عملتي في نفسك كده، من وقت ماخرجتي معاه من ورا أهلك من الأول. نيرة بحزن: بس هو اتجوزني.

سارة بسخرية: وأخرتها إيه، طلقك عشان خرج معاكي ومسك ايدك قبل الجواز. بعد الجواز مبقاش فيه حلاوة الحلال للأسف، هو ده اللي حذرتك منه كله. نيرة بحزن: كنت غبية لما بعدت عن ربنا. سارة بحماس: تقدري تعيشي من جديد وتقوي بالله، وأنا معاكي. نيرة برجاء: خليكي جمبي. سارة بابتسامة: مش هسيبك أبدا. نيرة بنعاس: أيوه ياسارة، بتصحيني بدري ليه؟ سارة بحزن: انتي متعرفيش الأخبار. نيرة بدهشة: أخبار إيه؟ سارة: أكرم خطوبته النهارده.

نيرة بصدمة: إييييي.