رواية غموض عائلة الفصل الثالث عشر 13 - بقلم منة سامح

عماد بصله بشر وقرب عليه: متستغربش، أيوه أنا شريف. بصله بصدمة وعدم تصديق. سماح دخلت ووقفت جمب عماد وبصتله بشماتة وابتسمت بشر. شريف بصلها وكل ملامحه غضب وبيحاول يفك نفسه: انتوا السبب في كده، انتوا! وانت اشتركت معاها، طب ليه؟ عملتلكم إيه؟ عماد بشر: لأنها كشفتنا، ودي غلطتها إنها اتدخلت في حاجة متخصهاش. شريف بصله بعدم فهم. سماح أكملت وهي بتقعد وتحط رجل على رجل:

انت كده كده هتموت، فهنقولك كل الحكاية. إننا بنسرق من جدك فلوسه وبنحولها بره مصر باسمنا، وبعد لما نخلص هنموتو. وبصتله: أوعى تجيله في الحلم وتقولو. وضحكت بشماتة. شريف: انتوا بتقولوا إيه؟ وأمي؟ إيه ذنبها؟ عماد: ما إحنا قولنالك، هي عرفت وكانت راحة تقولك، فروحنا خلصنا عليها. قولي بقى يا شيفو، تحب تموت نفسك موتة ولا تحب التغيير؟ شريف بصتلهم بقرف وغضب: انتوا مش بني آدمين، انتوا بجد مش بني آدمين، وآخرتكم هتبقى وحشة أوي أوي.

وبص لكرم بحزن: انتوا عملتوا في إيه؟ عماد: ضربناه براحة، متعيطش. وضحك بسخرية. *** أحمد كان خارج بقلق بسرعة وهو بيبص على الموقع. نورين شافته وراحت وراه وركبت معاه. أحمد بغضب: نورين انزلي، الموقع في حتة مهجورة. نورين وهي بتهز راسها: مش هسيبك لوحدك. أحمد اتنهد واتصل على صحبه وهو ماشي: ابعتلي قوات على الموقع اللي هبعتهولك ده، لأن الوضع مش مطمئن. بسرعة، تمام. وقفل. نورين بخوف:

يا أحمد، أنا خايفة أوي عليهم. إيه اللي بوداهم هناك؟ أحمد بقلق: معرفش، معرفش. *** بعد وقت. شريف كان واقع من كتر الضرب وهو بيبص على كرم وم قادر يعمل حاجة. وقعد يفتكر كل حاجة في حياته وشكل مامته تيجي قدامه ويبتسم. عماد دخل ومعاه راجلين معاهم سكاكين كبيرة. شريف بص عليهم ببرود وقرف: آخرتكم هتبقى وحشة أوي، افتكر كلامي. وقربت كمان. عماد ضحك بسخرية: طب يلا نبدأ بمين؟ وبص لكرم وشاور لهم يجبوه قدامه وقال:

هنبدأ بكرومة عشان يتوجع شوية قبل ما يموت. شريف بخوف على كرم: مشكلتك معايا أنا، ادخل كرم، اقتلني أنا وسيبه. دخل أحمد والقوات وحاصروا المكان وبدأوا يضربوا في كل الرجالة اللي واقفة. أحمد وهو ماسك المسدس وشايف كرم أبوه ماسكه وماسك سكينة بصدمة: بابا!