رواية غرام النمر الفصل الثاني 2 - بقلم هنا رياض

حياة بصدمة ... : ليكون متجوزني عشان ورث أبويا. منة وهي بتبص لحياة: : وليه لأ، أبوكي معاه فلوس كتير. حياة: : مستحيل. منة: : لا، ماهي بقت جد يا روحي. حياة، انتي لازم تطلبي الطلاق، ده ممكن يقتلك ويقتل أبوكي زي ما حصل مع ولي العهد. حياة وهي بتقلب عينها: : منة، انتي غبية. منة: : أه، غبية. عند إياس وباسل. إياس بعد أما قفل، راح عشان يلبس هدومه وراح الشركة. اتلقى هناك باسل وهو بيقول: : إياس، عايزك في كلمة. إياس: : خير؟ باسل:

: ويجي منين الخير وانت موجود. إياس عرف إن باسل مش عاوزه، فقام مشي وسابه. باسل قال بصدمة: : إيه ده، هو إزاي يجرؤ إنه يمشي وأنا بتكلم. بعد كده كمل وهو موطي صوته: : يا رب ما يكون سامعني، يا رب. إياس وقف مكانه وقال: : أه، خلي بالك، ورانا شغل كتير النهارده. باسل: : نعم. يعني أنا مش بطيق أشتغل ساعتين على بعض، تقوم مخليني أشتغل كل ده. يا أخي، ده أنا متعاون معاك عشان أنت اللي بتشتغل. كمل باسل مشي وهو زعلان عشان هيشتغل كتير.

في مكان ما. واحدة كانت بتلعب مع ابنها وقالت: : ماما، هو بابا هيجي امتى؟ دخل عليهم سليمان وقال: : وبابا جه، عايز إيه؟ وانت يا سمر، روحي حضري الغدا. سمر بخوف: : الغدا جاهز يا سليمان. سليمان وهو بيشيل الطفل: : تمام. أنا رايح آكل. اياكِ ثم اياكِ تدخلي وأنا باكل، تمام؟ سمر بخوف: : تمام. سليمان سابها ومشي، وهي قعدت تعيط وهي ندمانة. عند حياة. حياة روحت للبيت وكانت هتفتح، بس سمعت صوت بنت جوه وقالت: : أنا عارفة الصوت ده كويس.

حياة فتحت الباب بسرعة ودخلت. واتصدمت من اللي شافته وقالت: : أمينة! أمينة وقفت وراحت اتجاه حياة وقالت: : أه، أمينة. مالك مستغربة كده ليه؟ حياة: : أمينة، انتي صحبتي، إزاي تعملي كده؟ إزاي تكوني انتي اللي بيحبها منتصر؟ أمينة: : هو أنا مقلتلكيش، أصلي كنت مصحباكي عشان أوصل لمنتصر، مش حاجة. منتصر خرج من الحمام فشاف حياة وقال: : أهلاً يا هانم. كنتي فين؟ حياة ببرود: : ملكش دعوة. منتصر راح لها وشدها من شعرها وقال:

: لما بكون بكلمك، تكلميني عدل، مفهوم؟ حياة شالت إيده من عليها وضربته بالقلم وقالت: : انت ملكش الحق إنك تضربني أو تلمسني، مادام بتحب واحدة تانية. منتصر حط إيده مكان الضربة وقال: : انتي اللي عملتي في نفسك كده. حياة: : متقدرش تعمل حاجة يا منتصر. حياة مشت بسرعة، ومنتصر راح لبس التيشيرت وهو غضبان ونزل وراها. حياة وقفت تاكسي وراحت لمامتها. ومنتصر وقف على باب العمارة وقال: : يا بنت الـ... منتصر طلع تاني وقال:

: هستناها لما تيجي، أنا عارف حياة. عند أم حياة. كانت قاعدة وبتقرأ القرآن. فجأة سمعت صوت الباب، ففتحت واتلقت حياة وقالت: : مالك يا حياة، في إيه؟ حياة: : أنا هخلع منتصر. الأم بتعجب: : إزاي؟ ده انهارة كانت صباحيتكم. حياة بشجاعة: : ماما، منتصر بيحب واحدة تانية. ومتجوزني عشان فلوسي. الأم بصدمة: : إيه!!! عند منة. كانت قاعدة مع أمها وقالت الأم: : منة، عايزاكي في كلمة. منة: : نعم يا ماما. الأم بهدوء:

: أنا عارفة إنك بتحبي هشام، بس الحالة دي مش عجباني يا منة. منة باستغراب: : إزاي يا ماما، مش فاهمة؟ الأم: : بصي يا منة، هشام مش بيشتغل، زائد إنه متحكم فيكي بطريقة رهيبة، ولا كأنه جوزك. يا حبيبتي، هشام مش قد المسؤولية، ده واحد بتاع أمه. صدقيني، ده لو أمه قالتله طلق منة، هيطلق على طول. منة بشرود: : أنا هفركش الخطوبة يا ماما. الأم: : تمام يا حبيبتي. عند إياس. كان قاعد على الكرسي ومندمج في الشغل أوي. فجأة جاله اتصال،

فرد وقال: : ألو، مين؟ المتصل: : أنا سليمان، وعايز أقولك إن في حاجة تخصك عندي. إياس باستغراب: : إيه هي؟ سليمان: : سمر يا إياس. سمر يا... نمر. سليمان قفل السكة، وإياس قال: : مستحيل، سمر ماتت، مش عايشة. سمر ماتت، مش عايشة. عند سمر. سليمان دخل عليها وقال: : بت يا سمر. سمر وهي بتعيط: : نـ نعم يا سليمان. سليمان راح ليها وشدها من شعرها وقال: : مش أنا قولتلك كام مرة، بلاش تنطقي اسمي على لسانك يا قذ... سمر بألم:

: آه آه، لو سمحت شيل إيدك. خلاص، أنا آسفة، معاش هقول اسمك تاني. آه. سليمان: : بعد إيه؟ سليمان خلع حزام البنطلون وضرب سمر لحد أما اغمى عليها. في مكان ما. جاسمين ببكاء: : ماما، يا ماما. الأم: : نعم يا جاسمين. جاسمين: : بابا، بابا يا ماما. الأم: : ماله يا جاسمين؟ جاسمين: : مات يا ماما، مات. الأم بصدمة: : إيه!!!