يونس بعصبية: يعني إيه يعني بقولك بتصرخ من الألم وإنت تقولي مفيش سبب طبي! أمال دكتور إيه؟
الدكتور: لو سمحت بدون غلط، أنا مفيش في إيدي حاجة أعملها غير إني أديها مسكنات يمكن تهدي الألم شوية.
يونس بعصبية بيخبط على المكتب: اكتبببببب وخلصناااا.
الدكتور كتبلها على مسكنات ويونس جابهم ومشيوا.
يونس وهو سايق: أحسن؟
غرام بعياط: مش فارقة.
يونس بحدة: إنتي لازم تجودي في الكلام. جولي حاسة بإيه وخلصيني.
غرام: ولو قولتلك مش كويسة هتعمل إيه يعني؟
يونس وقف العربية فجأة وبخوف عليها: حاسة بإيه؟ نرجع للدكتور؟
غرام بصت لعيونه اللي مليانة خوف عليها واترمت في حضنه وبعياط: أنا كده هفضل كويسة. متحرمنيش منك يا يونس. عاقبني بأي حاجة إلا بعدك عني.
يونس طلعها من حضنه وبضيق: هو إنتي دوستي على صباعي بالغلط ولا إنتي مش مستوعبة عملتي إيه؟ إنتي في نظري واحدة خـ..
غرام: متكملش يا يونس، متوجعش قلبي أكتر من كده. أنا غلطت ومعترفة، بس هو أنا مستاهلش إنك تسامحني يعني؟
يونس: لأ، متستاهليش.
غرام بصت الناحية التانية بيأس ويونس ساق.
***
صباح: عمل إيه ده اللي ميأثرش فيها لدلوقتي؟
= ومين قال إنه مأثرش؟ إنتي اللي مش متابعة.
صباح: مش متابعة إزاي يعني؟ أنا سيباها في البيت طبيعية يعني.
= مهو العمل مش هيشتغل 24 ساعة. يمكن ساعة واحدة تمر عليها بسنة من كتر الألم.
صباح بحقد: أنا عايزة الساعة دي تتقطع. كده تتمنى الموت ومتلجيهوش.
= يبقى هيكلفك تاني.
صباح: خدي اللي إنتي عايزاه بس تنفذلي كل اللي أنا عايزاه.
= ماشي.
صباح: بس متنسيش إنك قولتيلي آخرتها موته.
= هتجري عليها الفاتحة جريب.
***
في المساء. الكل استعد للفرح، وورد مكانتش عايزة تنزل.
يونس وسيف كانوا واقفين مع بعض والعيون عليهم. اتنين جامدين كارزيما واقفين مع بعض.
وغرام واقفة في جنب بتتفرج على زين وهمس.
فريدة راحت وقفت مع يونس وبتمسك في دراعه عشان تغيظ غرام.
لحد ما جه واحد: مساء الجمال.
غرام بصتله: نعم!
الشاب: الجميل مرتبط؟
غرام: ابعد من هنا لو سمحت.
لحد معين. جات بالغلط على يونس اللي ركز معاها ومع الشاب وعينه هتطق شرارة. لتستغل هي الفرصة وبتضحك لوحدها وكأن الشاب هو اللي بيضحكها.
الشاب شافها بتضحك لوحدها افتكرها مجنونة ويونس الدم غلي في عروقه واتجه ناحيتها بغضب شديد.
الشاب: أنا بسأل بس إذا كنتي مرتبطة مخطوبة؟
بيجي يونس ويخبط على كتفه بقوة وبغضب: متجوزة برو*ح أمك.
الشاب وشه جاب ألوان: أنا آسف، آسف. مكنتش أعرف.
ليمشي الشاب من أمامه وغرام بتخاف من نظرته ليها.
يونس بغضب بيسحبها من أيدها: وإنتييي تعالييي.
وأخدها أوضتهم، دخلها جوا وقفل الباب عليهم.
غرام بتجري من قدامه: هفهمك.
يونس بغضب بيرمي المزهرية على المرايا وبتتكسر: واقفة تتضحكي معاه يارو*ح أمك؟ ولا عامله لمي***امي اعتبار؟
غرام برعب: والله كنت بضحك مع نفسي. مكلمتهوش.
يونس يتجه ناحيها بعده خطوات ويجذبها على الحائط: ليه مجنونة عشان تضحكي لوحدك؟ وتضحكي ليه أصلًا؟ وتوقفي معاه ليه؟
غرام باستفزاز: عشان أحركك. مكنتش طايقة أشوفها إيدها في إيدك كده. كنت هطق، هفرقع من الغيظ.
يونس بضيق: دي مراتي ومن حقها تحط إيدها في إيدي.
غرام بزعل طفولي: لا مش من حقها. أنا بس اللي أعمل كده. إنت بتاعي أنا وبس ومش هقبل تكون في حياتك واحدة غيري.
يونس: مش لما تكوني إنتي في حياتي أصلًا عشان تقرري مين يقعد ومين يمشي.
غرام: لأ، إنت بتحبني ومتقدرش تعيش من غيري كمان. بدليل عصبيتك وغيرتك عليا.
يونس: وأنا أغير عليكي لي؟ أنا خفت على صورتي قدام الناس في الأول وفي الآخر إنتي مرتي قدامهم.
غرام: عشان خاطري سامحني المرادي ومش هكررها تاني.
يونس بغضب: الموضوع ده يتجفل وميتفتحش تاني.... أه وغيري الفستان عشان مفيش نزول ليكي تاني لحد ما الفرح يخلص عشان تعرفي تضحكي زيي.
يونس سابها وخرج وغرام فضلت تعيط وتكسر.
وفريدة تحت هتموت من الغيظ إنه خدها وطلع ولحد دلوقتي منزلش. بس ملامحها اتغيرت للفرحة لما شافته نازل متعصب وهي مش معاه.
سيف كان ماسك إيد دارين اللي سابته وجريت على فوق.
سيف: دارين تعالي هنيه.
دارين جريت على أوضة ورد.
ورد كانت معيطة ومسحت دموعها أول لما شافت دارين: تعالي يا حبيبتي.
دارين: خبيني، خبيني بسرعة.
ليأتي سيف ودارين بتستخبي خلفه.
سيف: هي فين؟
ورد: هي مين؟
سيف: اللي مطلعة روحي دي.
دارين: لا، الحقيقة مجتش هنا.
سيف ركز في عينها: إنتي كنتي هتبكي ولا إيه؟
ورد: ااا لا، لا. مكنتش بعيط.
سيف: طيب منزلتيش الفرح ليه؟
ورد: عادي، تعبانة شوية.
دارين بزهق: إنتو اتكلمتو كتير، كفاية.
سيف وورد ضحكوا: تعالي يا أخر صبري.
ورد: سيبها تنام عندي.
سيف: وطي لمستوي.
دارين: معقولة دي هتنامي بعيد عن حضني؟
دارين: أه أه، ههههه.
ورد: مهي قاعدة معاك على طول. سيبهالي شوية.
سيف: ماشي، بس لو حصلك حاجة أنا مش مسئول. ههههه.
ورد: هههه، متقلقش.
***
الفرح خلص وكل واحد راح أوضته.
وزين وهمس دخلوا أوضتهم ونعيمة وجليلة جابولهم العشا.
زين: ااا مش هتاكلي؟
همس بكسوف: ااا لا، مش جعانة.
زين: بصي، أنا عارف إن كل حاجة جت فجأة كده، بس أنا مش مستعجل على حاجة. خدي واديكي.
همس بفرحة نسيت نفسها: بجد؟
زين بيبتسم وفرح لأنه مش عايز يقربلها: أيوا بجد. هااا هتاكلي ولا لسه جلجانه مني؟
همس: ااا ماشي، هغير الفستان وجاية.
همس كانت بتحاول تنزل السوستة بس مبتعرفش وفجأة بتلاقي زين خلفها مباشرة لدرجة إنها شعرت بأنفاسه على بشرتها وأنزل لها السوستة. وأول ما نزلها لفت على طول وفضلت ماشية للحمام بظهرها: ششكرا.
يونس فضل في الجنينة بيولع في سجا*ير كتير جدا.
فريدة جاتله: مش هتنامي؟
يونس: اجعدي يا فريدة، عايزك.
فريدة قعدت جنبه: نعم يا عيون فريدة.
يونس وهو مش دريان بروحه: تعرفي إني جلبي بيتجطع.
فريدة: سلامة قلبك يا حبيبي، مالك يا يونس؟
يونس: مش قادر تكوني قدامي ومعرفش آخدك في حضني. مش مستحمل حد تاني يشوفك أو يتكلم معاكي غيري.
فريدة بفرحة حضنته وهو كمان حضنها. وفي اللحظة دي غرام طلعت على البلكونة وشافتهم. عينها بقت كلها دموع وهي شيفاه ماسك فيها بالطريقة دي ومستحملتش. ودخلت دغدغت الدنيا: بكرهك يايونس، بكرهكككك. وقعدت على جنب تعيط.
يونس مش دريان بنفسه حاضن فريدة جامد: بحبك يا غرام.