رواية جحيم ابن عمي الفصل العشرون 20 - بقلم شروق احمد

فيروز.. جبل أنا هلبس وجاية. وفعلاً قامت لبست وراحت القسم. عند جبل: جبل.. انت بتقول إيه؟ مستحيل طبعاً أدخل السجن أنا، انت مش عارف أنا مين ولا إيه؟ الظابط.. يا جبل بيه أنت لازم تدخل الزنزانة. جبل.. وأنا مش داخلها. فجأة الباب خبط ودخلت فيروز وجبل اتصدم. فيروز.. ممكن يا كيان تسيبنا؟ كيان.. حاضر. وخرج. فيروز.. أنت إزاي جيت هنا؟ جبل بغيره شدها من دراعها.. أنتِ تعرفي كيان منين؟ فيروز.. مش ناقصة غيرتك دلوقتي يا جبل.

جبل بغضب.. فيروز تعرفي منين؟ أكيد بعد ما طلقتك مشيتي على حل شعرك. فيروز بصدمة.. تصدق بالله أنا ندمت إني جيت لك. جبل.. اخلصي. فيروز.. كيان ده صاحبي وجيراني. جبل.. ممم. فيروز.. أنت هنا ليه؟ جبل.. منير الكلب دخلني السجن. فيروز باستغراب.. ليه؟ جبل.. بيقول إن سرقت منه الصفقة والشركة وكلام من ده. فيروز اتصدمت.. وأنت عملت كده؟ جبل بغيظ.. أنتِ هبلة يا فيروز؟ فيروز.. ها؟ لييييه؟ جبل.. أنا هعمل كده لي؟ أكيد دي لعبة منه.

فيروز.. خلاص أهدى أنا هجيب لك أكبر محامي. جبل.. تمام أنا عايز أخرج من هنا وأنتقم. فيروز.. يا خي اتنيل. جبل قرب منها.. بقيتي حلوة يعني وبتخرشي؟ فيروز بتوتر.. جبل ابعد. جبل سحبها من وسطها.. أهدي ها. فيروز بصت في عيونه وسرحت وهو هكذا. جبل بدون وعي قرب منها وكان هيبوسها بس الباب خبط. جبل بغيظ.. اتفضل. كيان.. إيه عملتو إيه؟ جبل.. وأنت مال أمك؟ كيان.. نعم. فيروز بسرعة.. جبل بيهزر معاك. كيان.. ولا يهموا. جبل.. وأنا مش بهزر.

كيان.. يسيدي هاخدها منك بهزار. جبل.. بايخ. فيروز.. طب أنا همشي هروح البيت لو حصل حاجة رنوا عليا. وخرجت من القسم وفجأة وهي بتعدي الطريق لقت عربية سودا وقفت واتنين سحبوها لجوا العربية. كيان.. طب هتعمل إيه؟ جبل.. هنتقم من اللي اسمه منير. كيان.. أنت عايز تعمل لنفسك مصيبة؟ أهدى كده. جبل.. أهدى إيه؟ ده دخلني السجن. كيان.. أهدى وهنفكر، نت لازم تكلمه عشان نسجله وحاول توقعه في الكلام. جبل.. تمام. واتصل على منير وسجل المكالمة.

منير.. إيه ده جبل المحمدي بيتصل عليا؟ قولوا غير كده يا راجل. جبل.. أنت عايز إيه مني؟ منير.. عايزك تسيبلي الصفقة. جبل.. ده بعينك. منير.. خلاص هقول إنك سرقت كل شركاتي وصفقتي. جبل.. وأنا هوريك هعمل إيه. منير.. مش هتقدر تعمل حاجة، أنت آخرك الحبس، مش قولتلك أنا هعرف أكسر غرورك. آه صح الغندورة مشرفانا هنا. جبل بعصبية.. لو لمست شعرة منها هوريك يا منير الكلب. منير.. الرجالة هتموت عليها بس مساكين نفسهم بالعافية.

جبل.. سمعني صوتها. منير.. من عيوني. فيروز.. الحقني يا جبل. جبل.. متخفيش ياعيوني أنا هعرف أجيبك. فيروز.. الحقني قبل ما يعملوا حاجة فيا الكلاب دول. منير ضربها بالقلم.. اخرسي بقاا. جبل بعصبية.. يا منير لو لمستها هموتك. منير.. سيبلي الصفقة. جبل.. حاضر ابعتلي المكان. منير بسخرية.. من عيوني. وقفل. جبل.. إحنا لازم نقدم في الشكوى بالتسجيل ده. كيان.. لا كدا فيروز هتبقى في خطر. جبل.. هنعمل إيه؟

كيان.. الرجالة عرفوا يجيبوا مكانه من المكالمة. جبل.. طب ومستني إيه؟ كيان.. طيب يلا. وخرجوا هما الاتنين. عند منير: منير.. مش كنت عايز تعمل فيها اللي أنت عايزه، اعمل. فيروز.. جبل مش هيسيبك يا منير الكلب. منير بخبث.. أهدى بس عشان ميحصلكيش حاجة. فيروز.. ابعد عني يا حيوان. وفضلت تصرخ عشان يسيبوها. منير.. سيبوها. الرجالة سابوها بالفعل. منير.. لو مسكتيش هخلي الرجالة تخلص عليكي. عند وليد:

كان سرحان إزاي بقى كده وهو لازم يرجع لربنا تاني. وليد قام صلى ركعتين وفضل يعيط.. سامحني يارب سامحني يارب. وفضل يدعي كتير. وطلع من المسجد وكان مروح لقي شوية شباب بيجروا ورا بنت. وليد سحبها ورا ضهره. الشاب.. هي تخصك يا كابتن؟ وليد.. آه تخصني، ليك إيه؟ البنت.. ابعد عني يا حيوان مش عايزاك، هو بالعافية. وليد.. أهي قالتلك مش عايزاك. الشاب.. هتبقي ليا يا أمنية. أمنية.. وأنا مش عايزاك، افهم. الشاب.. ماشي.

وليد.. وريني عضلات كتافك يلا. الشاب.. ماشي هجيلك تاني. ومشي الشاب بصحابو. وليد.. أنتِ إزاي في الشارع في نص الليل كده؟ أمنية ببكاء.. أمي تعبانة وعايزة علاج وعلاجها خلص وكنت بجيبه. وبالفعل كانت ماسكة شنطة صيدلية. وليد.. طيب تعالي أروحك. أمنية.. تمام. وفعلاً روحها بيتها. وليد.. متخرجيش تاني في نص الليل، أنتِ فاهمة. أمنية باستغراب من أوامره.. حاضر. وفعلاً دخلت بيتها. وهو فضل يمشي كتير. عند جبل: جبل.. أنا لازم أنقذها.

كيان.. طيب يلا. وفعلاً دخلوا قتلوا كل الرجالة اللي تبع منير. منير بخبث.. يااا أخيرا يا جدع رجعت. جبل سحب فيروز وراه.. لو هتتكلم اتكلم معايا. منير.. وماله، أنت لازم تسيبلي الصفقة. جبل.. أنت بتحلم. منير.. يعني إيه؟ جبل.. يعني مفيش صفقة بححح. منير سحب سلاحه وقال.. يبقى تموت أنت لسنيورة. وفجأة الطلقة اخترقت جسد جبل.. آآآه. فيروز بصراخ.. جبللل.