رواية جحيم ابن عمي الفصل الأربعون 40 - بقلم شروق احمد

جبل.. أنا جيت آخد فريدة. فيروز.. نعم، أنت بتقول إيه؟ جبل.. زي ما سمعتي. فريدة بعياط.. أنا مش هسيب مامى. جبل نزل لمستواها.. طيب وبابى هتسيبيه؟ فريدة.. ناخد مامي معانا. جبل ببرود.. لا يا قلب بابي، أنا وأنتِ هنعيش سوا، ومامي نور. فيروز مستحملتش وسحبت جبل من قميصه.. أقسم بالله يا جبل لو جبت سيرة البنت دي هزعلك، أنت ليا أنا وبس، أنت فاهم؟ أوعى تفتكر إني هسيبك لحد، لأ يا حبيبي، أنا سبتك بمزاجي، بس أنا مش هسيبك، أنت فاهممم؟

جبل بضحكة.. اهدي، ليحصلك حاجة. فيروز.. مستفزنيش يا جبل. جبل.. بطلي هبل، أنتِ اللي في قلبي يا هبلة. فيروز.. يعني إيه؟ جبل.. يعني هي واحدة غريبة، آه صحبتي، بس عمري ما فكرت أبص على حد غيرك يا فيروزتي. فيروز.. بس بس، أنت جرحتني. جبل.. ده أنتِ اللي جرحتيني يا فيروز. فيروز.. طب خلاص، انسى. جبل.. نرجع؟ فيروز.. هرجع، بس عشان فريدة، مقدرش أبعدها عن أبوها، أنت مهما كان أبوها، ولازم تشبعي منها وتشوفيها وهي بتكبر.

جبل بفرح.. وأنا موافق. فيروز.. تمام، هنده على فريدة، استنى. جبل.. تمام. فريدة طلعت في اللحظة دي.. هيييي، أخيرااا! جبل بضحك على بنته. فيروز سرحت في ضحكة جبل. جبل بغمزة.. طب إيه؟ فيروز بكسوف.. إيه؟ جبل.. يلا عشان أردك على ذمتي تاني. فيروز.. طب هلبس وأجي. جبل استناها، وبعد دقايق طلعت من الأوضة، وكانت ملكة، لابسة دريس أسود وطرحة زرقاء وكوتشي أبيض، وكانت مثل الأميرات. فيروز.. أنا جاهزة.

جبل.. أنا مش عارف إزاي هخليكي تخرجي كده. فيروز.. يلا بقى. جبل بتنهيدة.. قدامي يا اللي مطلعة عيني. فيروز فضلت تضحك. وصلوا عند المأذون وخلصوا الإجراءات ورجعوا لبعض تاني. جبل بحب.. أنا استحالة أبعد عنك لحظة تاني، أبقى حمار. فيروز.. ده أنا اللي مش عارفة إزاي سبتك وبعدت عنك. جبل.. إششش، انسى الماضي، بقولك إيه؟ فيروز.. مم، قول. جبل.. متيجي نجيب للبت فيرو، يلعب معاها. فيروز بضحك.. اللي فيك فيك، مش هتبطل قلة الأدب دي.

جبل.. هو في أحلى من قلة الأدب. فيروز ضحكت. جبل.. متيجي نروح بيتنا ونشوف الموضوع ده. فريدة طلعت فجأة.. إيه يا أستاذ بابا، مش هنروح ولا إيه؟ جبل.. أنا مش عارف أنتِ جيتي امتى، خضتيني والله. فريدة.. يلا نروح بقى. جبل.. يلا. وبالفعل روحوا البيت وفريدة نامت. فيروز بهمس لنفسها.. هي لازم تنام، فريدة ما علطول بتسهر، إيه اللي خلاها تنام دلوقتي. جبل.. بتقولي إيه يا فيرو؟ فيروز.. ها، لا يا حبيبي، مش بقول حاجة. جبل.. مش يلا؟

فيروز بدلع.. متخليها بعدين يا جبلي، أنا تعبانة وعايزة أنام. جبل.. طب وحياة جبلك، مسيبك تنامي. فيروز.. يوه بقى يا جبل. جبل.. فوقيلي يا ست فيروز. فيروز.. عايز إيه يا جبل؟ قرب منها جبل وقال.. هو أنا موحشتكيش؟ فيروز بكسوف.. ابعد شوية. جبل ضحك ضحكة رجولية.. مهدي بقى عشان أعرف آخد حقي منك ومن إنك تبعدي عني. فيروز.. متسبنيش يا جبل. جبل.. مش هسيبك. بعد 9 شهور. فيروز.. اععع، الحقني يا جبل، بولاد، الحقني!

جبل.. يا ست، ده تاسع مرة تقوميني من النوم، وأنتِ مش بتولدي. فيروز بعياط.. الحقني، أهـ. جبل انخض.. طب طب، اهدي، خدي نفسك، اهدي اهدي. فيروز بعياط.. أنا أنا خايفة، خلي بالك من فريدة يا جبل. جبل بزعيق لما قالت كده.. متهدي بقى، أنتِ هتبقي كويسة وابننا هيجي وهيبقى زي الفل. فيروز.. بحبك. ودخلت العمليات، وبعد ساعة ساعتين مفيش خبر عن فيروز. خرجت الدكتورة.. مبروك، جبت ولد زي القمر. جبل.. أهم حاجة فيروز إيه؟

دكتورة.. متقلقش، هي كويسة، بس البنج لسه مفكش. جبل.. الحمد لله. وبعد شوية دخل أوضة فيروز ومعاها الصغنن. جبل.. مبروك ولد يا حبيبي. فيروز.. أنا هسمي دياب يا جبل. جبل.. وأنا مش هقولك لأ، وأنا موافق يا حبيبتي. فيروز.. يخليكو ليا. فريدة.. عايزة أشيله يا ماما. فيروز.. أهو يا حبيبت قلبي، بس هو صغنتوت. فريدة.. هيييي، أخيراً بقى ليا أخ. جبل وفيروز انفجروا ضحك على تلك الطفلة. تمت.