رواية جحيم ابن عمي الفصل الخامس والعشرون 25 - بقلم شروق احمد

فيروز بصراخ: جبل كيان صحي مفزوع: في أي يافيروز؟ فيروز ببكاء: جبل مش كويس، أه جبل مش كويس. اتصل بيه ياكيان عشان خاطري. كيان: اتصل بيه أقوله إيه طيب؟ فيروز: قوله أي حاجة بس بالله عليك تطمني. كيان: حاضر. وبالفعل اتصل بس ماكانش بيرد جبل. كيان: ما بيردش، أكيد نايم. فيروز ببكاء: لا جبل نومه خفيف، أكيد أكيد حصل له حاجة. كيان: اهدي. واتصل تاني وبالفعل رد بصوت نايم: الو. كيان بلهفة: إيه ياجبل كل ده نوم؟

جبل بصوت ناعس: معلش كنت نايم، عامل إيه ياكيان؟ كيان: الحمد لله. جبل: في حاجة؟ كيان: لا حبيت أطمن عليك بس. جبل: أنا بخير. كيان (وكان نسي فيروز خالص) : مالك حاسك مش كويس؟ جبل بحزن: أنا فعلاً مش كويس ياكيان، أنا حياتي اتدمرت من ساعة ما مشت فيروز وحياتي اتشقلبت. كيان (وبيبص على فيروز) : يسيدي، هي أكيد دلوقتي كويسة، مافيهاش حاجة. أكيد هي بس بتتقل عليك. جبل: ياريت تكون بتتقل عليا. كيان: جبل، انت لازم تغير من نفسك.

جبل: إزاي يعني؟ كيان: عشان لما ترجع فيروز تلاقيك شخص تاني كويس وبتاع ربنا، وابعد عن كل حاجة وحشة أو طريق وحش. جبل: أنا بجد عايز أتغير ياكيان، بس إزاي؟ كيان فضل يدي نصايح، وإنه يبقى مع ربنا، وإن الدنيا مش مضمونة، وفضل يعرفه شوية حاجات، وحقيقي جبل اتحمس يتغير ويبقى واحد تاني. ياترى هيتغير ولا هيحصل حاجة؟ بعد ما كيان قفل مع جبل: إيه مش اطمنتي؟ فيروز: هو حقيقي جبل عايز يتغير؟ كيان: أكيد عايز يتغير يافيروز.

فيروز: بتمنى ياكيان. كيان: يلا ننام. فيروز: يلا. وبالفعل ناموا. عند جبل. جبل: أنا لازم أبدأ مع ربنا، أنا هفضل لحد امتى بعيد عن ربنا؟ يمكن ربنا بعد فيروز عني عشان أنا شخص سيء. وبالفعل جبل قام صلى الفجر وفضل يعيط إنه كان بعيد عن ربنا، وفضل يقرأ قرآن بصوته الجميل. وبعد ما خلص. جبل: أنا لازم أنهي جوازي من روح. وبالفعل وصل أوضتها. وخبط، وهي كانت صاحية. روح: ادخل ياجبل. جبل: روح، أنا لازم أتكلم معاكي. روح: احكي.

جبل: إحنا لازم نتطلق. روح: أنا عارفة إنك عايز تطلقني، ويمكن كمان مش طايقني معاك في البيت. جبل: أنا بدأت مع ربنا، ومش عايز أي حاجة من الماضي. روح: وأنا متفهمة معاك. جبل: تمام، انتي طالق، طالق، طالق. روح بابتسامة وجع: شكراً ياجبل، أنا همشي الصبح. جبل: تمام ياروح. وخرج من أوضتها وكان مرتاح بشكل. روح: أنا بردو مش هسيبك ياجبل. جبل فضل يقرأ قرآن وكان قريب أوي من ربنا الفترة دي، وروح مشيت وسابت البيت، وكانت مش ناوية خير.

عند فيروز. فيروز كانت في الشهر السادس وكانت تعبانة أوي. فيروز: آآآه يابطني، حرام عليكي يا فريدة تعبتيني، بس أنا فرحانة بتعبي دا، خلاص مفضلش غير أقل من 3 شهور وأشوفك يانن عيني. فيروز فضلت تكلم فيها وتحكيلها كأنها موجودة بجد. كيان كان واقف وبيسمعها وبيحاول ينساها. فيروز: كيااااان! كيان: في أييي؟ فيروز: أنا جوعت، تاكل؟ كيان: ماشي. فيروز: أنا هقوم أعمل أكل. كيان: ماشي، وأنا هساعدك.

وبالفعل عملوا الأكل وفضلوا ياكلوا ويحكوا ويضحكوا زي عاداتهم. عند جبل. بقى شخص تاني، من شخص كان بيشرب وبتاع حريم، من شخص بقى متدين ويعرف ربنا، وفرحان بتغيره دا. جبل: عايزك تجبلي كل الملفات هنا. السكرتير: أمرك ياجبل باشا. جبلوا الملفات وخرج. وفضل يبص على الملفات وبدأ يشتغل. آه صح، نسيت أقولكم إن جبل بعد عن شغل المافيا، وبقى شغال في شركته، وشركته بقت المركز الأول وبقى معروف. جبل: إيه ياابني عامل إيه؟

شهاب صديق جبل من زمان، بس الأيام فرقتهم، بس رجعوا تاني، وشهاب كويس ويعرف ربنا ومحترم. شهاب: منتا خلاص نسيت صحبك؟ جبل: أنا عمري ما أنساك ياصاحبي. شهاب: انت أخبارك إيه؟ جبل: كويس الحمد لله، وانت؟ شهاب: كويس طول ما انت كويس يا حبيب أخوك. شهاب: من عيوني. جبل: تسلم عيونك. وقفل مع شهاب. عند فيروز. فيروز بتعب: كيان. كيان: مالك في إيه؟ فيروز: مش عارفة، حاسة إن تعبانة. كيان: أكيد وجع الحمل. فيروز: آآآه الحقني ياكيان.

وفجأة هيبص عليها كيان لقي فيروز بتنزف دم. كيان بخوف: فيروزز.