رواية جحيم ابن عمي الفصل السابع 7 - بقلم شروق احمد

عند فيروز رنت على أخوها مؤمن. مؤمن: مالك يا نني عيني، عملك حاجة اللي اسمه جبل؟ فيروز بعياط: أنا محتاجاك جنبي يا مؤمن. مؤمن: اشش، أهدي، أنا جايلك مش هتأخر. بعد ساعة. مؤمن: فيه إيه يا بنتي؟ فيروز حضنت أخوها وفضلت تعيط: جبل يا مؤمن، فكرني بنت وحشة وعملت كده بمزاجي. مؤمن: أي يا جبل الكلب، أروح أموته وأريحك؟ فيروز بعياط: سيبه براحته، خليه فاكرني وحشة، بس هيندم لما يعرف إن كل ده حصل مليش ذنب فيه.

مؤمن: اشش، أهدي، أنا جنبك، ويستي أنا جاي أقعد عندك يومين حتى أسليكي. فيروز بفرحة: بجد يا مؤمن؟ مؤمن: بجد يا حبيبة قلب مؤمن. فيروز حضنت أخوها. ومؤمن كان بيخطط لحاجة. عند جبل. حمزة صاحبه: لحد امتى هتفضل تعذبها؟ جبل: لحد ما أرتاح. حمزة: انت ليه مصر تخليها تكرهك؟ جبل: عشان أنا كرهتها. حمزة: بطل كذب شوية، لو بتكذب على نفسك اكذب، بس أنا فاهمك يا صاحبي. جبل: سيبك من الموضوع، قولي عملت إيه في حكاية الصفقة.

حمزة: زي ما أنت متوقع، خدناها من منير. جبل: يستاهل كل اللي بعمله فيه. حمزة: إيه الحكاية يا صاحبي؟ جبل: ولا حاجة، أنا همشي بقى. حمزة: ماشي يا جبل، امشي. عند فيروز. كانت بتعمل أكل لمؤمن أخوها. سمعت الباب اتفتح، عرفت إن جبل جه. جبل: إيه ده، مؤمن عامل إيه؟ مؤمن بدون نفس: الحمدلله. جبل: مالك؟ مؤمن: مفيش حاجة، فيروز. فيروز: إيه يا حبيبي؟ مؤمن: أنا طالع أوضتي. فيروز: يخلص الأكل وهندمك. مؤمن: ماشي يا حبيبتي.

وطلع على أوضته كلم حبيبته. مؤمن: إيه يا حبيبتي؟ ملك: أنا زعلانة منك يا مؤمن. مؤمن: وأنا أقدر أزعل القمر، مالك يا حبيبتي؟ ملك: انت ليه سافرت؟ مؤمن: قولتلك عشان أحمي أختي من الكلب اللي اسمه جبل ده. ملك: امم، ماشي. مؤمن: إيه طيب، مش هتسامحيني؟ ملك بضحكة: سامحتك. مؤمن: يااا، أخيراً. ملك: امتى هتجي تتقدملي بقى يا مؤمن؟ مؤمن: قريب يا حبيبتي. ملك: أنا بابي جابلي عريس يا مؤمن وجاي يشوفني.

مؤمن بغضب وبصوت رجولي: وهو مين بقى، وإنتي إزاي توافقي على حاجة زي دي؟ ملك: مؤمن، متعصبش، أنا زيك زي أي حد. مؤمن: ملك، اقفلي، اللي عايزة تعمليه اعمليه، أنا قولتلك لما أخلص جامعة. ملك: منا مش ذنبي يا مؤمن. مؤمن: طيب يا ملك. ملك: طب هتعمل إيه؟ مؤمن: أنا لو جيت واتقدم أبوكي هيرفضني، ده أنا حتى لسه مشتغلتش. ملك: أنا عايزك إنت. مؤمن: وأنا مبحبش حد غيرك وعايزك برضه. ملك: طب شوف وقولي. مؤمن: ماشي يا حبيبتي.

وقفل معاها واتنهد: ياترى أعمل إيه؟ عند فيروز. فيروز: مؤمن، يلا الأكل جهز. مؤمن: مش عايز أكل. فيروز بخضة: مالك؟ مؤمن: ملك متقدملها عريس. فيروز: يلهوي، طب هتعمل إيه؟ مؤمن بحزن: مش عارف. فيروز: طيب، أهدى، كل حاجة هتتحل. مؤمن: أنا خارج أتمشى شوية. فيروز: طيب. وخرج مؤمن. فيروز: يارب ريح باله. جبل نزل، كان لابس ترنج. جبل: مال مؤمن؟ فيروز مردتش عليه. جبل اتعصب ومسك إيدها جامد: ردي عليا.

فيروز غمضت عينها بألم: تعرف يا جبل، انت أكتر شخص بكرهه، خليتني أكره كل الرجالة، يخي. جبل: ما إنتي اللي شمال. فيروز نفضت إيدها منه: تسلم. ومشت دخلت أوضتها وفضلت تعيط. عند مؤمن. كان ماشي ومكنش مركز. وفجأة خبط في بنت. مؤمن: مش تحاسبي؟ البنت: أنا آسفة. مؤمن: بعد إيه؟ وسابها ومشي. البنت فضلت تعيط. مؤمن رجعلها تاني: هو إنتي بتعيطي ليه؟ البنت: عشان أنت زعقتلي. مؤمن باستغراب: هو أنا أعرفك؟

البنت: عادي، ممكن نبقى صحاب، أنا نور. مؤمن: لا، وشكلك مجنونة. نور: بعد إذنك. مؤمن: استنى، أنا آسف. نور بضحكة تخطف القلب: ولا يهمك. مؤمن: تيجي نتمشى ونتصاحب؟ نور: مفيش مشكلة. وفعلاً اتمشوا وتصاحبوا. عند منير. منير: يعني إيه الصفقة هو اللي كسبها؟ وليد: أنا آسف يا باشا، بس جبل بيه هو اللي كسبها. منير بعصيبة: اطلع بره. قبل ما يخرج وليد. منير: قولتلي إن مراته اسمها فيروز، مش كده؟ وليد: أيوه. منير: طب امشي انت دلوقتي.

(وكمل بشر) أنا لازم أدمرك يا جبل وأخليك تقول حقي برقبتي، وهتشوف لما مراتك تبقى خاينة قدام عينك. وضحك بشر.