رواية جحيم ابن عمي الفصل التاسع والعشرون 29 - بقلم شروق احمد

عند جبل في الشركة قاعد ومركز في الأوراق اللي بيقرأها. الباب خبط. "ادخل." دخلت السكرتيرة. "فيه واحدة عاوزاك بره يا جبل بيه." جبل باستغراب: "واحدة مين؟ ما قلتش اسمها يعني." السكرتيرة: "لأ يا بيه." جبل هز راسه: "خلاص، دخليها نشوف مين دي كمان." دخلت بنت شبهه أوي، وفي عيونه هو استغرب إنها شبهه كده. جبل: "اتفضلي، حبة تقولي حاجة؟ البنت بجمود: "أنا اختك." جبل ببرود: "اختي مين؟ أنا ما عنديش أخوات. اطلعي بره لو هتستظرفي."

البنت: "أنا اختك يا جبل، صدقني." جبل: "هو أنا أعرفك منين يا بنتي عشان أصدقك؟ البنت بقوة: "قوم معايا نعمل تحاليل ونتأكد. قوم." وشدته من إيده. جبل بغضب: "إنتي يا بت عاوزة فلوس ولا إيه؟ عاوزة إيه يا بت؟ البنت بدموع: "أنا اختك يا جبل، صدقني والله." جبل: "منا بردو مش مصدق." البنت: "جبل، نبي عشان خاطر أمك، تعال معايا." جبل: "ماشي، تعالي." وأخد مفاتيحه وخرج معاها. راحوا مستشفى. عملوا إجراءات التحاليل.

الممرضة: "ساعتين يا فندم وهنتصل بحضرتك نخبرك." جبل: "تمام." جبل: "لما تخرج هكلمك. انتي اسمك إيه صح؟ البنت بتوتر: "هالة، اسمي هالة." جبل: "تمام يا هالة، هاتي رقمك." أخد رقمها وهي روحت. ماشية في الشارع لوحدها. جت عربية سودة أخدتها ومشت. مجهول اتصل على اللي خطفوها. "تمام يا فندم، كل اللي أمرت بيه حصل." المجهول: "ههه، عشان تبقي تلعبي معايا يا جبل." وفعلاً أخدوا المسكينة في مكان بيت كده. ودخلوها أوضة وقفلو الباب.

لقوا قدامها المعلم بتاعهم. "كل حاجة تمام يا بيه." المجهول: "تمام، يلا امشوا إنتوا." ودخل الأوضة اللي فيها هالة. هالة كانت نايمة بسبب نتيجة المخدّر. المجهول بضحكة استفزاز: "بقي انتي اخت جبل؟ هههه." هالة بتحاول تفوق، قامت بخوف لما لقت الشخص ده قدامها. "انت مين؟ "أنا أسد." هالة بخوف: "طب أنا مالي أنا؟ عاوزة أمشي." أسد: "تمشي فين يا أختي؟ انتي ضيفة عندنا شوية." هالة قاعدة تعيط.

بصلها باستغراب، إنه كلمها عادي وعيطت بسرعة كده. تليفون هالة رن، كان جبل. هالة بأمل إنها تمشي من هنا، جايه ترد. سحب التليفون منها. "مش كده، أنا اللي هرد." ورد أسد. جبل بفرحة: "هالة، هالة، انتي اختي بجد؟ أسد باستفزاز: "أنا بقى مش هالة، أنا أسد يا جبل." جبل بصدمة: "أسد!