رواية جحيم ابن عمي الفصل الثاني والثلاثون 32 - بقلم شروق احمد

الشخص: انتي اتجننتي يا روح، دي لسه صغيرة، اخطفي امها مثلاً؟ روح: لا، انا هخطف بنته، بس عايزة وقت، مش دلوقتي هخطفها. عند فيروز فيروز: نامي يا فريدة بقى، انا تعبت. وفضلت تنيم فيها لحد ما نامت بعد تعب. فيروز: اخيراً بنتي الحلوة نامت. كيان: صباح الخير. فيروز: صباح النور، عامل ايه؟ كيان: الحمد لله، مالك عيونك منتفخة لي؟ فيروز: فريدة مكنتش عايزة تنام، نيمتها بالعافية، وهنام عشان مش قادرة.

كيان بخوف عليها: طب نامي، وانا قاعد جنب فريدة. فيروز بنوم: ماشي. وبالفعل نامت. عند جبل كان بيشتغل في الشركة وبيخلص كل حاجة عشان يروح يرتاح. جبل: يالله. وفجأة دخل صاحبه مراد. مراد: هلا والله. جبل: وحشتني يا واطي. مراد: وانت كمان يا حبيبي قلبي. جبل: فينك؟ مراد: موجود، انت اللي نسيتني. جبل: عمري منساك يا صاحبي. مراد: حبيب اخوك. جبل: تشرب ايه؟ مراد: لا، مش قادر اشرب حاجة. جبل: يلا بس تشرب ايه.

مراد: طيب عشان حلفانك، بس هاتلي قهوة. جبل: حاضر. وبالفعل عمل مكالمة ووصاهم على اتنين قهوة. جبل: مراد، انا عايزك في خدمة. مراد: رقبتي. جبل: انا عايزك تدورلي على اختي. مراد: انت بتهزر صح؟ اخت مين؟ انت ملكش اخوات، يلا، ولا عشان فيروز سابتك اتجننت؟ جبل بجدية: انا طلع عندي اخت اسمها هالة المحمدي، انا زيك مكنتش مصدق، ولما عملت تحليل انا وهي، طلعت بالفعل اختي، بس فات الأوان، واسد خطفها. مراد: اسد اللي كان صاحبنا، مش كده؟

جبل: اه هو. مراد: تمام، انا هعرف اجيبلك اختك، متنساش اني ظابط. جبل: لو عملتلي الخدمة دي بجد، تبقى عملت جميل فيا. مراد: متخافش، انا هعرف اجيبها. وسابوا وخرج. عند اسد وهالة هالة كانت نايمة واسد كان قاعد معاها عشان مش عايز يسيبها. وفجأة لقى هالة وشها احمر بشدة، حط ايده على وشها لقيها سخنة مولعة. اسد بقلق: طب اعمل ايه دلوقتي؟ وجاب قماشة ومياه ساقعة وفضل يعملها كمدات.

وهالة كانت بتخترف: لا متسبونيش، انا مليش غيركم، ماما، بابا، متسبونيش. وفضلت تعيط وهي نايمة. واسد حضنها وفضل يقرأ لها قرآن وفضل جنبها ونام. أشرقت الشمس. اسد صحي ولقى هالة نايمة وكان السرير واسع، وفضل يتأمل فيها. اسد: انتي دخلتي حياتي وغيرتيها يا هالة. حقيقي، انا لازم اسيبك لاخوكي، انا عارف ان اخوكي مش السبب في موت نور، بس انا كنت عايزك تفضلي جنبي. وفضل يحكي معاها كأنها صاحية وسامعة. وبعدها نام.

وبعدها بدقائق صحيت، ولقت قماشة، سحبتها من راسها وفضلت باصة على اسد وفضلت تتأمل فيه هي كمان، وقالت: انا شكلي حبيتك يا أسدي. وقامت من على السرير وخدت دش ولبست بجامة طويلة وفضلت تتفرج على التلفزيون. صحي اسد بعد ساعات، لقي هالة قاعدة على التلفزيون. اسد ببرود: صباح الخير، اجهزي عشان اوديكي عند اخوكي. هالة بتفاجؤ: بجد؟ اسد: ايوه، اجهزي يلا. هالة قامت ولبست دريس أبيض وطرحة زهري وكوتشي أبيض، وكانت تشبه الملائكة.

هالة: انا جهزت. اسد ببرود: ورايا. وبالفعل مشيت وراه. ووصلوا فيلا جبل المحمدي. اسد: يلا ادخلي. هالة: انت، انت هتمشي؟ اسد بيمثل البرود: ايوه. هالة بعياط مثل الأطفال: وهتسبني؟ اسد: انتي بتعيطي لي دلوقتي؟ مش كنتي عايزة تروحي عند اخوكي؟ هالة: ولا حاجة. ونزلت من العربية. وخبطت على الباب. وفتح جبل. جبل بصدمة: هالة. هالة اترمت في حضن اخوها وفضلت تعيط: وحشتني يا جبل. جبل: بس انا حاسس العياط ده كله مش عشاني.

هالة بتوتر: لا طبعاً، انت فعلاً وحشتني. جبل: طب تعالي. هالة دخلت وفضلت تحكي مع اخوها وفضلت تضحك معاه ويتفرجوا على اللاب توب سوا ويشغلوا أغاني ويرقصوا. وطلعت جبل من الحزن شوية. عند فيروز فيروز دخلت أوضة فريدة، لقت حد لابس أسود واقف قدام سريرها. فيروز بصراخ.