رواية جحيم العذراء الفصل التاسع 9 - بقلم هدى عبد الصافي

يا قمر سمعتي هقولك ودلوقتي هكسرك وهتبقي مراتي قول وفعل قمر بخوف وعياط: لا لا متعملش كده متعملش كده عشان خاطري وجت تبوس إيده زقها على السرير رعد بغضب وشر: هعرفك إزاي تطاولي كده ونط عليها كتف إيدها قمر بعياط: رعد لا لا أبوس إيدك لا يا رعد أنا بحبك متخلنيش أكرهك يارعد أبوس إيدك رعد نفض إيده وبعد عنها بغضب رعد: لو عايز آخد منك حاجة هاخدها بس مش هعمل كده مش عشان خاطر عيونك عشان خاطر أبويا

وسبها ودخل الحمام وهي لمت نفسها وفضلت تعيط بصوت عالي رعد دخل وقف تحت الدش بهدومه وسند دماغه على الحيطة وإيده رعد في نفسه: وقفت ليه ليه مكسرتهاش وخليتها تخرس خفت من أي كداب مش عشان أبوك إنتا بتعمل كل حاجة ومبتخافش أوووف وقفل المياه ولف بتشكيل وطلع دخل الدريسنج ومبصلهاش وهي كانت عمالة تعيط ولمة نفسها وقاعدة في نص السرير

رعد دخل لبس قميص أسود وجاكت جلد أسود وبنطلون أسود وجزمة قماش جملي وخرج حط برفان وسرح شعره وهو بيصفر وهي قاعدة بتبص له بعين حمرا فيها دموع وبصة احتقار رعد سابها من غير ما يبصلها ولبس الساعة وخرج وأول ما خرج نفخ بضيق وقبل ما ينزل سمع حاجة اترمت اتكسرت عند الباب وهي صرخت رعد ابتسم ونزل وهو بيصفر وبيعلى صوته عشان يضايقها أكتر وراح ركب العربية وطلع على فيلا أحمد رعد معاه مفتاح الفيلا فدخل لقى مامت أحمد قاعدة في الريسيبشن

وبتقرا كتاب رعد من وراها: سوسو يا سوسو هير بضحك: خضتني عامل إيه يا حبيبي رعد حضنها رعد: الحمد لله وانتِ عاملة إيه هير: الحمد لله يا حبيبي رعد: أحمد فين هير: هتلاقيه بيتدرب في أوضة التدريب جاي مخنوق من برا ومش طايق حد رعد: طب هروح أشوفه أنا بقى هير: ماشي يا حبيبي رعد راح ودخل الأوضة لقى أحمد بيتدرب بغضب رعد: مالك في إيه أحمد بص له ورجع يتدرب رعد وخلع الجاكت وفك زراير القميص وشمر رعد: يا مسهل يارب

ولف أحمد له وهو ضربه بالبوكس ومن هنا بدأت ملاكمة بينهم بعد نص ساعة وقف أحمد وبينهج: جيت ليه رعد وهو بيمسح وشه: متزعلش مني أحمد بضحك: إنتا جاي عشان كده رعد: اخلص بقى وبعد ربع ساعة خرج وركب عربيته وراح على النايت كلوب ونزل بهيبته ودخل أول ما دخل البنت راحت قعدت معاه رعد مبصلهاش طلب كاس وبس وهي جت وقفت جنبه وحطت إيدها على كتفه البنت بمياصة: إيه يا كينج بقالك كتير مجتش إنت نسيتنا ولا إيه

رعد بص لها وخلاها تشيل إيدها وبعد ما خلص الكاس شد واحدة تانية وركبها العربية وراح الفيلا وطلع على أوضته والبنت وراه دخل وكان في إزاز تحت رجله وقمر قاعدة في الأرض في البلكونة وبتعيط رعد: ادخلي البنت دخلت وقمر قامت وقفت وهي بتصب له بصدمة رعد بص لها بتأكيد إن هو اللي في دماغها: اطلعى برا يا قمر روحي نامي في أوضة تانية قمر بصدمة: إنت إنت بتتكلم بجد رعد: أمال هزر معاكي يلا خلصيني

قمر بعياط أكتر: إنت إيه إيه يا أخي إيييه حرام عليك أنا تعبت جايبلي واحدة شمال تنيمها على سريري ومش مقدر إني مراتك البنت مقدرتش ترد عشان رعد قمر بعياط وانهيار: حرام عليك يا رعد حرام عليك وإغمى عليها رعد شالها وزعق للبنت وخلاها تمشي ودخلها أوضة تانية ونيمها وهو دخل الأوضة وقفل بالمفتاح تاني يوم الصبح قمر فاقت لقت نفسها في أوضة تانية افتكرت وعيطت ودخلت أوضتها لبست وخدت الباسبور وحجزت ونزلت ركبت عربيتها وخرجت

ورعد صحى بعدها بساعة راح دخل براحة الأوضة ملقهاش قرب من الحمام مسمعش صوت خبط مفيش حد فتح له ملقهاش ودخل أوضتها لقى الدولاب مفتوح ومفهوش هدوم ولا شنطة سفر جرى على الكومودينو يشوف الأوراق ملقاش حاجة رعد بغضب: قممممممممممر قمر طيارتها فاضل عليها ساعة وكانت بتسوق العربية وهي بتعيط جت عربية قدامها قمر بصرخة: أعاااا