رواية جحيم العز الفصل الثاني 2 - بقلم سمية فراج

دخلت حور وكان عز على الصدمة. عز بصدمة: انتي! حور باستغراب: أنا. عز بصدمة: بس انتي انتحرتي! ازاي انتي قدامي دلوقتي؟ انطقي! حور باستغراب: يا بشمهندس، أنا حور القاسم. مين رنا؟ وانتحار إيه ده؟ عز بغضب: رنا! بطلي الكلام ده. كأنك مش عارفاني. أنا عز مش أريان. حور: أنا حور. مين رنا؟ وإيه ده؟ المفروض جايه أشتغل هنا. عز في نفسه: إزاي... إزاي؟ دي مش رنا، بس شبهها أوي. رنا انتحرت. إزاي ظهرت تاني؟ حور: مستر عز.

عز بهدوء: فين ورقك؟ حور: اتفضل. عز: تمام. تتعيني من بكرة. حور بفرحة: أوكي. وراحت ورنت على نور. نور: إيه الأخبار؟ حور: الأخبار عسل. اتعينت في الشركة. نور بفرحة: ألف مبروك يا روحي. حور: ميرسي. بس فيه حاجة مفهمتهاش. نور باستغراب: إيه اللي مفهمتيهوش؟ حور: بصي، المفروض كنت أقابل أريان المنشاوي صاحب الشركة، بس قابلت أخوه عز الدين المنشاوي، اللي هو أكبر رجل أعمال في الشرق الأوسط. وبعدين من أول

ما شافني اتصدم وقال لي: "إنتي رنا... وإنتي انتحرتي إزاي عايشة؟ نور باستغراب: غريبة دي. بس مين رنا اللي شبهك دي؟ حور: معرفش. نور: أوكي. تصبحي على خير. حور: وإنتي من أهل الخير. قفلت الفون. منار: انتي يا حور الزفت! حور: إيه؟ فيه إيه؟ منار بتكبر: إيه إيه؟ دي اسمها نعم يا أختي. حور بحزن: نعم. منار بتكبر: أيوه كده. أنا هروح مع أحمد مشوار وجاية. حسك عينك أمي تعرف، ولو قامت من النوم قولي لها نايمة في أوضتها.

حور بحنية: يا منار، صدقيني أحمد ده مش كويس وبيلعب بيكي. منار ضربتها قلم. منار بغضب: حسك عينك تقولي كده على أحمد تاني، وإلا هيكون آخر أيامك هنا. فهمتي؟ حور بكت ودخلت أوضتها. ومنار طلعت بره. حور ببكاء: حسبي الله في كل واحد أذاني. ربنا هيأخد حقي منكم وهعرف أرجع كل حاجة لأصلها. يا رب كون معايا. عند عز. كان قاعد هو ومراد وأريان في المكتب. عز: لقيت رنا. أريان بصدمة: رنا ماتت يا عز. مراد: رنا ماتت واحنا شفنا الجثة بنفسينا.

عز بهدوء: حور القاسم كانت من المهندسين اللي قابلتهم النهاردة. أريان بصدمة: طيب، هكلم سها تقولي على السي في بتاعها. مراد: ماشي. أريان: سها. سها (سكرتيرة أريان) : نعم. أريان: فيه واحدة من المهندسين بتوع النهاردة اسمها حور القاسم. عاوز السي في بتاعها. صوريه وابعتيه. سها: تمام يا فندم. عز: نفس ملامح رنا بالظبط. العيون والرسمة، الوش كله رنا. مراد: رنا ماتت يا ابني، صدقني. أريان: اهو الصورة وصلت وهنشوف.

أريان: حور عبد القادر القاسم. عندها 25 سنة. ساكنة في... من أشطر مهندسين شركة C, F. وبس كده. مراد: أهي يا عز. صغيرة. 25 سنة. ورنا 30 سنة. الله يرحمها. عز باستغراب: والشكل يا مراد؟ الشكل. أريان: اشتغل أون لاين من شركتي واقعد في الشركة بكرة عندها. مراد: حاسس نفسي سمعت اسم عبد القادر القاسم قبل كده. أريان: أهااا... عبد القادر القاسم كان معاه شركات معمارية كبيرة. بس فجأة كل الشركات نزلت وأعلنت إفلاسها بعد وفاته.

عز بتفكير: هكون مكانك بكرة. أكيد أخوه هو اللي عمل كده. مراد: يمكن. عند حور. على الساعة 3 الفجر. سعاد بزعيق: انتي يا حور الزفت! فين منار؟ حور: في أوضتها نايمة. سعاد: اممم... هروح أنام. من أول ما أصحى ألاقيكي عاملة الفطار. حور: حاضر. دخلت سعاد نامت. وبعدها بشوية جت منار وحور فتحت لها. منار بسكر: حور الهبلة. هههههههه. مهندسة قالل... وحلوة. بس تعرفي أنا أحلى منك. حور: أيوه. تعالي أوضتك نامي.

دخلتها أوضتها ونامت. ودخلت تتوضى وتصلي الفجر. وجات الساعة 7 الصبح. وسعاد صحت ولقيت حور مجهزة الفطار. وفطرت وسابت منار نايمة. وحور راحت الشغل. في الشركة. أريان: سهاااا. سها بدلع: نعم يا أريان باشا. أريان: فيه ميتنج على الساعة 3 العصر. قولي للموظفين. سها بدلع: حاضر. عاوز حاجة تاني يا بشمهندس؟ أريان باستحقار: لا. اتكلي على الله وروحي من وشي. سها طلعت متدايقة. ولقيت عز جاي في وشها. عز: فين أريان؟ سها: جوه يا باشا.

عز: أوكي. في المكتب. أريان: الحمد لله إنك جيت دلوقتي. عز: امم. فين حور؟ أريان: مع باقي الموظفين. وفيه ميتنج على الساعة 3. وانت هتحضر. حور هتكون فيه عشان تقدم التصميم. وشوف أنت بنفسك هي رنا ولا لأ. عز: ماشي. هي رنا. وأراهن. أريان بضحك: مترهنش هتخسر. عز بضحك: لما نشوف. وبدأ عز يشتغل أون لاين على شركته. وأريان بيشتغل. وكده لحد الساعة تلاتة. عز: بشمهندسة حور، قدمي التصاميم.

حور: أنا عاملة تصاميم لشوية مشاريع هتتقام هنا. منعا للملجأ والقصر. وبدأت تشرح كل حاجة بدقة وجد. أريان: براڤو عليكي. مع إنك بدأتي النهاردة، بس شغلك حلو. شابوه يا حور. عز: براڤو يا حور. وعلشان كده انتي هتعملي الفيلا التانية اللي هعملها جنب الفيلا بتاعتي. تعايني الأرض وتعملي التصميم ليها. حور بفرحة: شكرا. وأنا بوعدك إنها هتكون فيلا تحفة. بالليل. في بيت عز. مراد: عاملة إيه يا سيلا؟ سيلا بضيق: كويسة.

وحاولت تخبي دموعها. ودخلت بسرعة على أوضتها. ويتبع...