رواية جحيم الأسد الفصل العاشر 10 - بقلم ميساء عنتر

أسد أخد شهندا بسرعة على المستشفى ودخلت أوضة الكشف. أسد: هو إيه اللي حصل؟ أنا عايز أفهم. سمر بتوتر: أنا طلعت لقيتها واقعة، معرفش إيه اللي حصل. مهاب: دلوقتي الدكتور يطلع يطمنا. بعد فترة. أسد: خير يا دكتور، مالها؟ الدكتور بابتسامة: مبروك، المدام حامل. أسد بصدمة: إيييي، حامل؟ مهاب حاول يلم الموضوع وقال للدكتور: الله يبارك فيك. وسابهم ومشي. سمر بصدمة: حا... حامل إزاي؟ أسد بص لهم بجمود ودخل أوضة شهندا.

مهاب حاول يلحقه بس قفل الباب من جوه. سمر بعياط: حامل إزاي يا مهاب، حامل إزاي؟ مهاب: اهدي، إن شاء الله كل حاجة تبقى كويسة، اهدي انتي بس. *** في بيت أسد ورهف. رهف دخلت المطبخ لقت الطاسة مولعة والمطبخ كله دخان. طلعت بسرعة لأن هي بتتخنق، بس الدخان بيزيد. رهف بتاخد نفسها بصعوبة: ا... أسد، أسد. ومسكت التليفون ورنت عليه. رهف بتعب: رد يا أسد، رد والنبي. حاولت تفتح الباب بس أسد قافل عليها.

الدخان ملأ البيت كله وهي مش قادرة تتنفس خلاص ووقعت على الأرض. *** سيف سايق عربيته بسرعة البرق وطلع على المستشفى. سيف: لو سمحتي، في بنت لسه جاية اسمها ياسمين. ممرضة: أيوا، في العمليات. سيف جري على العمليات ولقى واحد واقف هناك. سيف: لو سمحت، ياسمين، ياسمين عاملة إيه؟ الشخص: والله يا ابني جوا معرفش. سيف: إيه اللي حصل؟

الشخص: أنا لقيتها مرمية في الشارع وهدومها متقطعة ومغمي عليها. جبتها هنا على طول ورنيت عليك لأن لقيت رقمك متسجل بـ "سندي". سيف بصدمة: هدومها مقطعة؟ الشخص: أيوا يا بني. سيف: شكراً، تقدر تتفضل. وفعلاً مشي الشخص أبو قلب طيب ده. سيف فضل واقف رايح جاي، هيتجنن عليها. *** أسد دخل أوضة شهندا وهو متعصب أوي. شهندا بتعب وخوف: ا... أسد، أنا عايزة أقولك حاجة. أسد قرب منها وضربها بالقلم لدرجة إن وشها اتعور.

وكمل بعصبية: تقوليلي إيه؟ تقوليلي إنك واحدة و*سخة ومتربتيش؟ شهندا عيطت، هي مش فاهمة حاجة: هو في إيه؟ أسد مسك شعرها بعصبية: في إنك متستاهليش غير المو*ت. شهندا بعياط: اااه، شعري يا أسد. أسد: أنا مش عارف هعمل فيكي إيه، مين اللي عمل فيكي كدا، انطقي. شهندا بصر*اخ: أنا مش فاهمة حاجة، ابعد عني بقي. أسد ضربها تاني وفضل يضرب فيها بكل غض*ب لحد ما اغمى عليها من كتر الضرب. طلع تليفونه يعمل تليفون، لقي رهف رنت كتير.

رن عليها بس مش بترد. مهتمش ورن على حد معرفة وقفل. رن عليها تاني، ردت عليه. أسد: خير يا هانم، عايزة إيه؟ رهف بصوت ضعيف: ا... أسد، أنا هموت. أسد قلبه دق من الخوف: مالك يا حبيبتي؟ أنا جاي حالا. وساب الأوضة وطلع بسرعة يجري. مهاب وسمر دخلوا الأوضة لشهندا. سمر: يالههههههوي. الدكتور من وراها بصدمة: إيه ده؟ *** أسد وصل البيت وفتح، انصدم من كمية الدخان اللي في البيت. قعد يدور على رهف لحد ما لاقاها.

شالها، ركبها العربية وحاول يفوقها بس مفيش استجابة ومش بتتنفس. مشي على المستشفى بأسرع ما يمكن، فهو لا يقدر على العيش بدونها. *** في 3 ساعات، الدكتور طلع من العمليات. سيف جري عليه بخوف: خير يا دكتور. الدكتور: للأسف، الآنسة اللي جوا دي اتعرضت لاغت*صاب. سيف انصدم وفضل واقف ساكت وجواه ألف سؤال وسؤال. بص وراه وانصدم.