رواية جحيمي الفصل الثالث 3 - بقلم احمد الروش

مبروك يا مدام حضرتك حامل. صرخت عشق بانهيار: إذاي لا لا كلكم كدابين... أنا محدش لمسني. قعدت أصرخ وأبكي لحد ما وقعت على الأرض. قربت الدكتورة منى وقالت بأسف: كفاية ده بدل ما تفرحي إنك هتبقي أم. عشق بقهر: أنا ماحدش لمسني إذاي حامل إذاي. الدكتورة بصدمة: إيه انتي مش متجوزة ولا إيه. قامت بتعب وقالت: لا متجوزة وكمان أسوأ يوم في حياتي يوم جوازي. طلعت والدكتورة بتبص ليها بنظرات غريبة قبل ما تلفونها يرن.

مشيت في الشارع ودموعها ما وقفتش والناس بتبص ليا ولوشي المتورم من ضرب أخويا. بصيت حواليا وأنا مش شايفة من دموعي لقيتني قدام بيت أبويا. دموعي زادت وصوت عياطي زاد. قربت من الباب وخبط بتعب. فتحت مرات أخويا وأول ما شافتني: إيه جابك أوعى يكون رائد رماكي وجاية لينا بفضحتك. ماردتش عليها ورايحة أدخل. زقتني بقسوة: رايحة فين غوري من هنا. جاي أخويا على صوتها وأول لما شافني قال بغضب: وجاية برجلك كمان يابنت الكل*ب.

قولت بأنكسار: بلاش ضرب... دخلني يا أخويا أنا مش قادرة. زقني بقسوة وقعت على الأرض: غوري أرجعي لجوزك كفاية فضحتينا. قفل الباب في وشي وأنا ببكي أنه يفتح ليا. حسيت بحد ورايا بصيت لقيته سيف والدموع في عينه. قمت وأنا بمشي من جنبه راح مسكني من إيدي. صرخت فيه: سيبني ياسيف. سيف بحزن: للدرجة دي يا عشق مش طايقة لمستي؟ أنا بحبك. عشق بدموع: كل حاجة انتهت يا سيف. أنا اتجوزت وكمان بحبه... أما انت بكرهك ابعد عني.

عينه احمرت وقال بغضب: اسكتي يا عشق. هو مش بيحبك لو بيحبك يضربك بالشكل ده. دموعها نزلت لما افتكرت أنها حامل وكمان ماتعرفش من مين. رفعت عينيها لسيف لقيته قرب منها أوي. حاولت تبعد عنه. لكن اتجمدت وقعدت تترعش لما سمعت صوت رائد. عشششق.