رواية غيرة الفهد الفصل الأول 1 - بقلم زهرة الربيع

الحيوان المجنون قصلي شعري يا خالتي، قصيهولي شوفي بقى ازاي.. وبهدلني على السلم. ازاي يعمل معايا كده، بأي حق؟ خالتها قالت: يا بنتي اهدي، اهدي بقى، كفاية عياط. هجبلك زيت حلو وهيطول تاني. بس قاطعتها بغضب وقالت: بقولك قصلي شعري، ده اتجنن خالص. أموت نفسي عشان ترتاحي، هو دخله إيه بيا؟ إذا كان خطيبي نفسُه معندوش مانع. واحد مختل وبس.

قطعت جملتها وانكمشت واستخبت ورا خالتها بخوف لما دخل وخبط الباب بغضب. شاب في سن الـ ٢٨ ببدلة شرطة، طويل ووسيم وله طلة قوية، قال بغضب: هو مين ده اللي مختل يا بنت صبحي؟ زعلانة على شعرك؟ احمدي ربنا ما قصتش رقبتك وارتحت. قالت بخوف وهي ماسكة في خالتها: تقص رقبتي ليه؟ هي حزمة كزبرة؟ أنا مش فاهمة، أنت دخلك إيه بيه؟ سيبني في حالي يا أخيب. اتنهد ومسح على

وشه بخنقة وحاول يهدى وقال: أنا مش شرطت عليكي ألف مرة شعرك يبقى تحت الطرحة؟ ونبهت عليكي إني لو شفته براها هقصه. حصل ولا لأ؟ ضربت رجلها على الأرض بغضب زي الأطفال وقالت: وأنت دخلك إيه؟ دخلك إيه؟ أنا مخطوبة وخطِيبي معندوش تعقيب على لبسي، متدخلش بقى وسيبني في حالي. فهد بص لها بحدة وقال بغضب: متعليش صوتك يا كنوز، أحسن آجي أعرفك الصوت العالي بيبقى إزاي. أنا ساكت لك عشان خاطر أمي مش بترضى فيكي.

وبص لها بنظرة شر وقال: ولآخر مرة هنبهك. متقوليش خطيبي دي تاني. أنتي مش مخطوبة. فاهمة؟ مش مخطوبة. مش كل شوية تقوليلي خطيبي خطيبي. عشان الحثالة، بوقي الرجالة ده أنا مش موافق عليه أصلاً ولا عمري هأوافق. ويلا غوري ادخلي على أوضتك، ولو رجعت وعرفت إنك نزلتي هكسحك. سامعة؟ كنوز بصت له بغضب وراحت على أوضتها وهي بتقول: دي مبقتش عيشة. حرام عليكوا بقى. يلعن اليوم اللي اضطريت أعيش معاكوا فيه. كنوز دخلت أوضتها،

ووالدته اتنهدت وقالت: ملكش حق يا فهد يا ابني. ليه كده؟ بوظت لها شعرها ليه؟ تقصه كده؟ وبعدين البنت نازلة تجيب الطلبات عشان أنا منزلش، يعني بتساعدني ونزلت بطرحتها. فهد قال بضيق: أنا رجعت آخد ملف مهم وقابلتها في الشارع. مطلعة نص شعرها لبره. هي مش محجبة. إيه لازمة شعرها اللي باين ده؟ ونبهت عليها أكتر من مرة. أمه قالت باستغراب: طب أنت قصتهولها إزاي بس؟

فهد قال بضيق: ابدأ. أول ما شفت شعرها باين، أخدت مقص من عم إسماعيل الحلاق وقصتهولها على السلم. عارف إني لو جيت هنا هتمنعيني وأنا عايزها تتربى. أمه قالت بزهول: لااا.. ده البنت معاها حق. أنت اتجننت خلاص؟

فهد قال بغضب: اتجننت عشان بغير على أهل بيتي. لازم أبقى بقرون عشان أعجب الهانم وتعرف تصيع براحتها. مش كفاية مبينة شعرها، لأ وكمان واقفة تضحك مع بتاع الخضار وعمال يعاكس فيها وبتضحك له. ناقصة تربية. أنا قولتلك متنزليش الشارع. أمه بصت له بزهول وقالت: بتاع الخضار؟ عم خميس؟ يا لهوي! ده أكبر مني يا ابني وبيشوفها زي بنته. هيعاكسها إزاي بس؟

فهد قال بغضب: وأنا مالي أكبر ولا أصغر. أنا هعمل له بطاقة. عمال بيقولها أحلى تفاح للتفاح، وأحلى مانجة للمانجة. معاكسة دي ولا مش معاكسة؟ إيه؟ كلو فواكه. مفيش أحلى بصل للبصل، أحلى قلقاس للقلقاس. كنوز فتحت باب أوضتها وقالت بغضب وغيظ: ده لما يكون بيبعلك أنت. فهد قال بغضب: ادخلي جوه، لا أجي أهزأك. كنوز دخلت وقفلت الباب، وأم فهد ضحكت وقالت: أنتوا مفيش فايدة فيكوا.

فهد قال: نهايته. أنا همشي، ورايا شغل. الود البارد اللي لازق لها ده لو جه، متخليهاش تنزله. سامعة يا ماما؟ أحسن والله أقتله وما يهمني. أمه اتنهدت وقالت: سامعة يا ابني. فهد مشي على شغله. وكنوز كانت محبوسة في أوضتها، وكل شوية تبص للمراية على شعرها اللي قصهولها من قدام بقى مقصوص شوية، والباقي طويل وشكله مضحك. قعدت بحزن وقالت: الأهي يا فهد يا ابن خالتي يتقص من مرتبك يا بعيد. هدعي عليك بإيه تاني.

على الساعة واحدة الضهر سمعت صوت صفير عالي. فتحت الشباك وكان تحت العمارة واقف شاب في العشرينات قال: انزلي يا كوكي عايزك. يلا قبل الطور ابن خالتك ما يرجع. كنوز ابتسمت وقالت: ثواني يا نبيل، نازلة أهو. لبست السدال بتاعها بسرعة وجريت، وكانت أم فهد بتصلي. اتسحبت براحة ونزلت من غير ما تقولها. أول ما نزلت تحت، لسه هتطلع من باب العمارة فيه إيد شدتها. وكان نبيل شدها تحت بير السلم وقال: وحشتيني يا بت.

كنوز ابتسمت بكسوف وقالت: أنت أكتر يا بلبل. نبيل كان محاوطها بإيديه وكانت في حضنه وقال: بتحبيني يا كوكي؟ كنوز قالت بكسوف: اممم.. بحبك. بس سبني يا نبيل، ميصحش، عيب كده. نبيل قال: يابنت عادي، إحنا هنتجوز. وقرب منها قوي وقال: وبعدين بحبك مش بتتقال كده. كنوز بصت له باستغراب وقالت: أمال إزاي؟ نبيل قرب من شفايفها وقال: بتتقال كده. ولسا هيبوسها سمعوا صوت فهد بيقول بغضب رهيب: إيه؟ من إمتى الكلام ده؟ ده أنا فايتني كتير بقى.