رواية جمعهم الحب الفصل التاسع والعشرون 29 - بقلم مريم حجازي، ندى ربيع، ريناد خالد

منتصف الليل حسام بنوم: لسه منمتيش ليه يا مريم؟ مريم: ابنك عمال يفرك زي الكلب البلدي، مش عارفة اتخمد. حسام بنوم: طب خلاص أنا هنام، وأنتي خليكي قاعدة مع الكلب البلدي، قصدي الواد. يخربيتك لخبطيني. مريم بزعل: هتنام وتسيبني بدل ما تشيل عن مريم حبيبتك؟ حسام: أشيل عنك إزاي؟ آخد الواد أحطه في بطني أنا؟ طيب. مريم وهي تضربه بخفة: نام يا حسام، نام. مش عايزة حاجة. بعد قليل

مريم بخضة ووجع: لا لا مش دلوقتي يا ابن الجزمة، يعني انت سايب اليوم كله وجاي تنزل الفجر؟ يا حزنييييي. مريم بصراخ: الحقني يا حسام، بولد! حسام بنوم: بكرة يا مريم بقى، أنا عايز أنام. مريم: يخربيتككك قوم، يعني هشفط الواد ولا إيه؟ حسام بنوم: نامي يا مريم، بقالك شهرين تصحيني تقوليلي هولد ومش بتولدي. مريم بصراخ: نهارك أسود! قوم بولد بجد والله. حسام بخضة: طب اسكتي لرأس الواد تنزل.. وأنا هقوم ألبس. في المستشفى

حسام اتصل على ندى وفهد عشان يجوا. فهد: يا بنتي خفي توتر، لتولدي مني. ندى بخوف: خايفة على مريم، وخايفة كلها أربع شهور وأبقى مكانها. فهد: طب اهدي، وهي إن شاء الله هتبقى كويسة. ندى: يارب. كان يقف حسام أمام غرفة العمليات بقلق. فهد: إن شاء الله هتبقى بخير، اهدي أنت. حسام: بقالها كتير أوي جوة يا فهد. فهد: متقلقش، وباذن الله خير. بعد قليل ندى وهي تتجه ناحية فهد وحسام بدموع. فهد بقلق: في أي حاجة وجعاكي؟

ندى بدموع: لا، عايزة فراولة. فهد بصدمة: عايزة إيه؟ حسام بابتسامة: قالتلك فراولة، إيه مش سامع؟ فهد: ودي أجبهالك إزاي؟ وأنا اللي فاكرك بتعيطي عشان صاحبتك. ندى بدموع: يا فهد أنجز. فهد: جايب بنت اختي معايا، يارب. حسام بضحك: قابل بقى يا حبيبي، أي مش ناوي تجيب لها وابنك يطلع له فراولاية في وشه؟ فهد: فراولة إيه اللي عايزها الفجر؟ حسام: احمد ربنا، أنا مريم صحتني من أحلى نومة، أجيب لها رنجة...

وطبعًا لازم أجيب للواد يتولد بسردينة في وشه. ندى: يعني مش هتجبلي؟ فهد: بصي، لما مريم تخرج ونطمن، واحنا مروحين هجبلك فدان فراولة. ندى بخبث: ماشي... أنا رايحة أقعد هناك. ومشت وسابتهم. حسام: مش مرتحلها. فهد بقلة حيرة: ولا أنا، وهتعمل مصيبة. ندي بعد أن ابتعدت عنهم وتهاتف ريناد. ندى: الو يا ريناد. ريناد بنوم: عايزة إيه يا بومة على الصبح؟ ندى: مريم بتولد واحنا في المستشفى. ريناد بفرحة: طب هصحّي سليم وأجي.

ندى: وأنتي جاية بقى يا اللي نشالله يخليكي ويسترك. ريناد: أيوه أيوه، أنا عارفة أمور الشحاتة دي كويس، خشي في الموضوع. ندى: قلبي اللي حفظاني... عايزة فراولة. ريناد: ودي أنا أجبهالك منين إن شاء الله؟ ومتخلي فهد يجبلك. ندى بدموع: انتوا كلكم باردين ومحدش عايز يجبلي حاجة. ريناد: خلاص بطلي زفت زن، هجبلك. اترزعي... وهنرن على ضحى بالمرة. ندى: اشطاا، متتأخريش. وقفلوا. بعد قليل خرجت الممرضة من جوا.

الممرضة: اتفضل حضرتك، الطفل ربنا يخليهولك. حسام وهو يأخذ الطفل بلهفة: شكرًا.. مريم عاملة إيه؟ الممرضة: أيوه كويسة، هننقلها أوضة عادية وتقدروا تدخلوا ليها. ندى وهي تشد ذراع حسام زي الأطفال: انزل شوية، عايزة أشوف الواد. حسام: يا شيخة اتنيلي، سبيني أتهنى بابني شوية. وراح دخل لمريم وسابهم. ندى: خليه يعمل أكتر من كدا، والله لأطلعه على ابنه. ندى بفرحة: ريناد جاتتتت! ويييييييي. وجريت عليها.

فهد: طب دي ناسية إنها حامل ولا عبيطة؟ يارب. في الداخل حسام وهو يقبل جبينها: حمدلله على السلامة يا قلبي. مريم بتعب: الله يسلمك يا قلبي... فين ابني؟ حسام وهو يعطيها: أهو يا روحي، قمر. مريم: دا أنا لو كنت بتتوحم على ندى، ما هيطلع شبهها كدا. ندى وهي تدلف الغرفة: أيوه أيوه، أنا عارفة إني مزة. ريناد: هو الواد دا مطلعش شبهي ليه؟ دا أنا كنت طول اليوم عندكوا.

ندى: ولا تزعلي يا بت يا رينو، أنا هجيبك أحنطك قدامي عشان ابني يطلع شبهك. فهد: لا ونبي، أنا مستحملك يا سلاعة انتي بالعافية، هجيب ابن شبهك يبقى خليه في بطن أمه أحسن. حسام: طب انتوا مش ملاحظين إنكم اقتحمتوا علينا الأوضة؟ سليم: يا عم، هو إحنا اقتحمنا عليك الحمام؟ ندى: مريم، ما تجيبي أشيله شوية. مريم وهي تعطيها: امسكي بس براحة ليقع. ندى: ياختي اتنيلي... بت يا رينو. ريناد: أيوه يا صاحبي.

ندى: روحي اقفي آخر الأوضة، وأحدفهولك بس أووعى يقع. حسام بصدمة: أيييييي؟ انتي اتجننتي؟ دا طفل مش عروسة لعبة. مريم: هاتي الواد يا ندى، انتي شكلك هتلعبي بيه. ندى: خلااااص، في إيه... هاخده أفسحه وأرجع. فهد وهو يأخذه منها: تفسحيه؟ هاتي ياندي، هاتي. فهد وهو يشيله: قمر أوووي، ربنا يباركلكوا فيه. هتسموه إيه بقى؟ مريم بحب: هسميه عمر، إنت إيه رأيك يا حسام؟ حسام بهيام: جميل يا قلبي. النــهايــــة الكاتبة ندي ربيع

كدا الرواية خلصت هل حابين أعمل جزء تاني ولا لا قولولي رأيكوا حلقة خاصة من جمعهم الحب بعد مرور 6 سنوات كانت العائلة كلها متجمعة. ريناد: ندى، خلي بالك من قصي لحد ما أجيب أنا وعمر آيس كريم ليكوا ونيجي. ندى: هيبقى ابنك وابني، والبلونة اللي قاعدة جمبي عليا، لا كدا كتير. سيف ابن ندي: أنا عملت حاجة يا ماما؟ ندى: لا يا حبيبي، معملتش حاجة... روح مع خالتو ريناد، هتوديك الملاهي.

ريناد بصدمة: يابنت الجزمة، أنا مقولتش كدا، أنا قولت رايحة أجيب حاجة وهاخد عمر عشان ميتعبش. مريم وهي حامل: أصيلة يا أم رحاب، مش زي ناس. ندى: أييي؟ هتخرجيلي ابني؟ مش كفاية ابن الزنانة، ابنك لسه 3 سنين وزنان كدا، اومال لما يكبر هيبقى إيه؟ ريناد: أنا ابني زنان دا حبيب قلبي. عمر بزهق: بت يا عمتو. ندى بغيظ: حبيب عمتو اللي مترباش، عايز إيه؟ عمر بنفاذ صبر: خلي عيالك جنبك يختي، عشان هنلوح نجيب آيس كريم ومس عايز صداع.

ندى: اللي تشوفه يا أخويا. ضحى: أهععع يا آني يا أما، حد يحوش عني البت بت الزنانة دي، يخربيت زنها. ثم تنظر لريناد. ريناد: لا بقولك إيه، مش كل ما عيل يزل أشيله أنا، م ذنبي إن ابني هادي، نسميه مش بيطلع صوت. ترفع عمر على كتفها وتجري: يلا سلام، هنجيب آيس كريم. مريم: أهع يضهري، يا أني يا أما، البت بترفس ولا العجل الهربان. ندى: إلا قوليلي يبت يا مريم، إنتِ في الشهر الكام؟ مريم: السادس، عقبال عندك.

ندى: بعد الشر عليا ياارب، كفاية بلوة واحدة. تأتي ريناد مع عمر بعد قليل. عمر: جبتلكم آيس كريم. ندى: حبيب ماما، إيه العسل ده. ثم تقذف قصي لريناد: خدي ابنك الزنان، ابن الزنانة ده. سمعت ريناد صوت السيارة في الخارج. ريناد بحماس: سولي جه، سولي جه، يقصي بابا جه، يلا! قصي بطفولية: بطلي حركات الأطفال دي يا ماما، فضحتنا. ضحى: منك لله، ده الواد أهبل منك. ريناد: الله أكبر عليك يبني، طالع لأبوك.... يلا يلا نروح نشوف سولييي.

ضحى: اجري وراها يا ضنايا يا تميم، أبوك معاهم. تميم بطفولية: بابيي جه. يتجه جميع الأطفال إلى باب المنزل، ومن ضمنهم ريناد الطفلة الكبيرة!!! يدخل جميع الرجال للمنزل. محمد وهو يحمل تميم: طيب يا جماعة، في حاجة مهما كنا عايزين نقولهالكم، أنا وضحى. نظر لهم الجميع بانتباه. محمد: أنا وضحى هنسافر كندا الشهر الجاي عشان هعمل شركتي الخاصة هناك وليا معارفي. شعر الجميع بالحزن على فراق صديقتهم، لكن هذا سوف يضمن لها مستقبل أفضل.

انتهى. الكاتبة ندي ربيع الكاتبة ريناد خالد الجزء التاني هينزل من بكرة وتعريف الشخصيات 🥺🥺🥺🥺