رواية جميلتي الفصل التاسع 9 - بقلم ريناد

لما يجي من برا هقوله إيه، أنا أصلاً قلتلهم متجوزنيش، هما اللي جوزوني، هما اللي جوزوني، أعملهم إيه بقى؟ هما اختاروا، المفروض هما اللي كانوا يعملوا أكل، مش أنا اللي أعمل أكل. أنا هدخل عليه بكل جرأة وأقوله: "أنا معملتش أكل." هيشلوحني، أنا خايفة يشلوحني. "إيه ده؟ هو إنتِ واقفة بتكلمي نفسك؟ "هو أنت إيه اللي جابك؟ آآآآآآآآآآآ أقصد حمدلله على السلامة، جيت بدري يعني."

"الله يسلمك، كان يوم متعب أوي أوي أوي. بقولك إيه، معلش حضريلي أكل، أنا واقع من الجوع." "ماهو آآآآآآآآآآآآآ ماهو آآآآآآآآآآآآآآآآآآآآ." "ماهو إيه؟ "ماهي بقى." "عاملة مصيبة يا جميلة! "بص حضرتك، هو لا مفر من الهروب، وحضرتك ليك هيبة برضه، بس أمانة متتعصبش عليا." "معملتيش أكل! "لا والله عملت، بس اتحرق." "ياشيخة منك لله." "لأ متدعيش عليا." "مدعيش! ياشيخة ده ربنا يتصرف فيكي بمعرفته، أنا مش مسامحها يارب." (بعياط)

"والله كان غ غ غصب عني، هو هو أنااا يعنيي ك ك كنت أقصد أني معملش أكل." "خلاص يارب، أنا مسامحها يارب، دي تقطع قلب الواحد. خلاص ياستي فداكي." "إيه ده؟ هي دخلت عليك بكده؟ بما إنك سامحتني، أطلب لنا دليفري." (بقرف) "طيب ياحبيبتي، عايزة تاكلي إيه؟ "اطلب لنا ماك." "لأ لاء ماك ده عند أمك، إحنا آخر طبقين كشري وخلصت على كده." "كشري كشري، يا عم أهم حاجة إنك مش زعلان." "لأ مش زعلان، هزعل على إيه؟ "عادي يعني، حتى لو زعلان اتفلق."

"اتفق! *** "طب بصي، أنتِ عارفة أني لما بدخلك في حاجة بحللّك الدنيا، فـ اهدي ومتعيطيش، ومفيش حاجة مستاهلة، وإن شاء الله أنا هظبطلك الدنيا." "والله وعد وعد، يلا سلام سلام." "كنت بتكلم مين يا خالد؟ "كنت بخلص مكالمة مهمة." "ما أهو واضح حضرتك إنها مكالمة مهمة." (وهي بتقلده) "اهدي، متعيطيش، أنا هتصرف." "زي ما بتصرف مين دي اللي هتتصرف لها في الحوار؟ "دي آآآآآآآآآ ثواني، إحنا بدأنا نغير ولا إيه؟ ها بنغير؟

"لأ لأ م مبغيرش، هغير ليه؟ وبعدين ما أهو عادي أصلاً." "واللهِ! طيب تمام، مش هقولك مين." (جزت على أسنانها) "هو أنت مقراتش خبر النهارده؟ "لأ ياستي مبقرأش أخبار، خبر إيه؟ "زوجة تقتل زوجها والسبب مجهول، ياترى هو إيه السبب؟ "يوه يا جميلة، هو الواحد ميعرفش يهزر معاكي؟

متبقيش قفوشة كده. بصي ياستي، أنا هحكيلك، دي بنت عمتي، ودي يعني عندها مشاكل كتير مع جوزها، فَـ أنا كنت دايماً بحلها لها، لأن ملهاش حد بعد ما اتوفى أبوها، وأنا بتدخلها في أي حاجة يعني، وأنا بحلها لها وكده." "امممم، إذا كان كده ماشي." "مقولتليش برضه بتغيري ولا إيه؟ "م م ماهو برضه يعني من حقي أغير، وأنت برضه جوزي، وأنا بحبك برضه." "إيه؟ قولتي إيه؟ "بحبك يا خالد." "وأنا بعشقك ياقلب خالد."