رواية جنون العشق الفصل السابع 7 - بقلم ايمان شوقي

ندي: إيه رأيك في المفاجأة دي يا عروسة؟ الكل كان واقف مصدوم، وكان موجود الإعلاميين والصحافة بيصوروا، بس فاجأهم رد همس.

همس وهي بتمسك إيد زين: لا يا قمر، الشويتين دول تعمليهم على حد تاني، أو حد معندوش ثقة في اللي مرتبط بيه أو اللي هتتجوزيه. لكن دلوقتي اللي يبص على الصور هيلاقي زين كان صغير عن دلوقتي، وغير إن هو لو عمل كدا يبقى قبل ما يعرفني، لكن دلوقتي هو معايا وجمبي. أنا وانتي كدا بينتي إنك إنتي اللي مش كويسة وفضحتي نفسك في وسط الإعلاميين واللي موجودين. زين فرح إنها واثقة فيه وعرف إنها غير ندي.

زين: يلا من هنا، أنا مش طايق أشوفك، وكفاية اللي هيحصلك لو ممشيتيش هتزعلي بجد. لولا إني في فرحي كنت عملت حاجة متعجبكيش، بس علشان أنا مش عايز أضيع فرحتي، فـ حسابك تقل أوي. فهد: تعالي يا أسد، ابعدها من هنا وطلعها. ندي بشر: هطلع، بس افتكر إنك إنتي اللي جبتيه لنفسك وحرقك دمك عليها. همس: اعملي اللي تعمليه، أعلى ما في خيلك اركبيه، إنتي مبتهمينيش ولا يهمني أي حد. خرجت ندي وهي بتتوعدلهم.

(طبعاً مكانتش عارفة إن ده اللي هيحصل، هي وصلها إنهم مجبورين على الجواز من بعض) ريناد: إيه البت اللزقة دي بجد فظيعة. فرح: مش عارفة، أبيه فهد كان جايبها منين ولا عجبته فيها إيه دي، مسلوعة. ضحكوا، الكل عليهم وبدأ الفرح تاني. زين وهو بيرقص مع همس: زين بصوت واطي: على فكرة أنا بحبك أوي، وحبيتك أكتر لما دافعتي عني ووثقتي فيا.

همس: أنا عارفة إن النهارده مكانش هيعدي بالساهل، وعملت اللي كان لازم يتعمل. إنت لو مكاني كنت فكرت في الصورة وعرفت إن دي مش حقيقة، وأنا عملت اللي أي واحدة كانت هتعمله. بعد فترة انتهى الفرح وطلع زين وهمس على أوضتهم. زين وهو بيبوس إيديها: مبروك يا حرم الزين، يلا علشان نبدأ حياتنا بالصلاة. ابتسمت همس: الله يبارك فيك، حاضر. هدخل أستحمى وأغير هدومي وأجهز. زين: ماشي، وأنا هروح كمان أغير وأجيلك.

همس دخلت وبعد فترة طلعت، لقت زين قاعد مستنيها. همس لبست الإسدال وراحت صلت معاه، وهو كان إمامها. (بعد ما خلصوا) همس: صوتك في ترتيل القرآن حلو أوي. زين: طبعاً، أنا خريج أزهر وكمان حافظ القرآن. همس: ما شاء الله، ربنا يثبتك يا رب. زين: يلا علشان ترتاحي. همس: حاضر، يلا هدخل أغير الإسدال. دخلت همس لبست وطلعت. زين: صبرني يا رب، هعمل فيها إيه دي. همس: إيه، روحت فينا؟ زين: لا، أنا موجود، بس عايز أسألك على حاجة. همس: اتفضل.

زين: مستعدة تكملي حياتك معايا ولا هتشيلي حساب السن؟ همس: لا، عمر ما السن كان عقبة، بالعكس، أنا حبيتك لأني حسيت معاك بالحنان والحب. ابتسم زين وبدأوا حياتهم مع بعض. نسيبهم بقى مع بعض شوية ونشوف العقارب. ندي: معرفش يا أمين ده حصل إزاي. أمين: خلاص بقى، فكك منهم وخليكي فيا وفي حياتي. ندي: مفيش غير إننا... أمين: نعممم؟ ده إنتي هتوديني وهتودي نفسك في داهية. ندي: معايا ولا أنفذ بنفسي؟

أمين بشر: معايا، وأمري لله، بس نتسلى بالبت وبعدين نخلص. ندي: أيوا كدا، علشان نكسرها ونكسرهم. (في منزل همس) نسرين: بس مين يا بت يا سمر اللي كانت في الفرح اللي عملت الصور؟ سمر: مش عارفة، ده إحنا دخلنا متنكرين علشان زين ما يشوفناش، ودخلنا بصعوبة. نسرين بشر: بس لازم نشوف مين دي، شكلنا نفكر فيها واحد. سمر: لازم نعرفها وهعرفها. نسرين: قومي نامي دلوقتي ونبقى نتكلم في كدا بكرة.