رواية جنون العشق الفصل الأول 1 - بقلم الكاتبة الصغيرة

يا ليت قلبي يعلم ما يريد عندها أستطيع التنفس جيدًا، فأصعب ألم تشعر به هو ألم الفراق، فاحذر من هذا الألم. *** نبدأ: في غرفة تشبه غرف الأميرات تتقلب هناك فتاة تشبه الحوريات بشعرها الأشقر الذي يغطي وجهها، لكن يقطع نومها اتصال الهاتف. الفتاة: عاوزة إيه يا فرح على الصبح؟ فرح: والله هو مش أنتِ يا كلبة ياللي اسمك ندى اللي اتفقتي معايا أنا ومريم إننا هنروح الجامعة النهاردة؟ ندى: اهدي يا بنتي، هو راديو واتفتح؟

جايالكم كلها نص ساعة وهكون عندكم. فرح: اتفقنا، ده مريم ناويالك على كل خير. ندى: مريم خلاص جاية أهو، أنا صحيت اعتبريني وصلت عندكم. فرح: خلاص أقفل أنا بقى، سلام. قامت بسرعة توضأت وأدت فرضها ونزلت للإفطار مع والدها. ندى: صباح الخير يا مز، أنت ممكن الرقم؟ ضحك والدها على مزاح ابنته المضحك. ندى: يا لهوي على الجمال يا ناس، بقولك يا أستاذ يحيى هو أنت متجوز؟ يحيى: لا خاطب يا لمضة، بقولك يا بت أنتِ طالعة لمضة لمين؟ ندى

وهي تجري حتى لا يمسكها: هو أنت متعرفش؟ يحيى: لا محصليش الشرف. ندى: طالعالك يا روحي. يحيى وهو يقوم حتى يستطيع الإمساك بها: بقى كده يا ندى الكلب؟ أما وريتك. ندى وقد أمسكها كما يمسك حرامي الغسيل: ماشي، أنا هوريكي بقى أنتِ طالعالي ولا لا. ندى: والنبي يا بوص، البت فرح هي ومريم هينفخوني. يحيى: خلاص امشي، بس بقولك أنا عاوزك تيجي بدري. ندى: أكيد يا بوص متقلقش أنت بس. ندى وقد ذهبت لجامعتها بسرعة لرؤية أصدقائها. ***

أما عند بطلنا فقد استيقظ باكرًا للذهاب للشركة، وقد ذهب وجلس على مائدة الإفطار. مراد: أومال فين عمر؟ الخادمة: لسه نايم يا مراد باشا. مراد: طب خلاص أنا هروح أصحيه. مراد وقد ذهب لغرفة أخيه ليجعله يستيقظ، وقام بفتح الباب له. عمر: حبيبي والله يا كبير، عامل إيه؟ مراد: انجز وانزل عشان نفطر ونروح الشركة، ولا إيه رأيك أنت؟ عمر: لحظة يا فندم، ثانية وأكون تحت. مراد: أنت عارف لو اتأخرت هعمل فيك إيه؟

عمر: عارف طبعًا، خمس ثواني وأكون تحت. نزل مراد وانتظر عمر حتى يأكلا مع بعضهما. مراد: أحمد اتصل بي وقالي إنه وصل للشركة، فانجز عشان نمشي. عمر: يلا يا بوص أنا خلصت.