رواية جنون العشق الفصل الثاني عشر 12 - بقلم الكاتبة الصغيرة

وبعد ما دخلت البنات المدرج وجاء الدكتور انصدمت نادية. نادية: يالهووي! ندا: في إيه يا نادية؟ نادية: الدكتور! ندا: ماله الدكتور؟ نادية: هو نفسه الحمار اللي خبطني بالعربية! فرح: هو ده يا بنت اللذين ده قمر! مريم: ينفع تسكتوا؛ لأننا هنطرد. وبعد أن انتهوا من المحاضرة، ذهبوا للكافتيريا اللي في الجامعة وجلسوا على طاولة هم الأربعة. نادية: ده واحد بارد ورزل قوي ومعندهوش دم ولا نظر وفاشل، وأنا مش طيقاه خالص، نفسي أموته. ندا وهي

تنظر إلى ما وراء نادية: بس ابن حلال والله وطيب. نادية: يا بنتي أنا بتكلم عن الحمار الدكتور بتاعنا، هو كان اسمه إيه؟ جاء صوت من ورائها: آدم اسمه آدم. التفتت نادية بسرعة ووجدته يقف ووجهه أحمر من شدة الغضب، كان شكله مخيف جدًا وكأنه وحش سينقض على فريسته. نادية ببلاهة: دكتور آدم ابن حلال، كنا جايبين في سيرتك بكل خير. آدم: أنتِ عارفة لو قولتي كلمة كمان هقتلك. نادية: هو أنت واقف هنا من إيمتى؟

آدم: من أول "ده واحد بارد" لحد "أنا نفسي أموته". نادية: أنا ما قلتش كده، أكيد سمعت غلط. آدم: أنا همشي بدل ما ارتكب جناية. مشي آدم وهو متعصب جدًا، أما نادية فكانت خايفة جدًا من اللي حصل ومن شكله. نادية: بقى ما تقولوش ليا إنه ورايا؟ مريم: هو إحنا عرفنا نسكتك؟ ده أنتِ نزلتي شتيمة في الراجل وما فصلتيش. ندا: يللا هنروح مطعم ناكل فيه، تعالي معانا يا نادية. نادية بكسوف: بس أنا ما معييش فلوس و...

فرح: ما تكمليش، أنتِ أختنا، ما تحمليش هم، إحنا هنتصرف. مريم: إحنا هنقضيها كلام ليه؟ نروح بسرعة. ندا: يللا كلنا هنروح. وبعد أن ذهبت الفتيات للمطعم للأكل، وما أخذوا بالهم ممن يراقبهم. ******************** في الشركة وتحديدًا مكتب مراد. مراد: ورايا إيه النهاردة؟ السكرتيرة: عندك اجتماع في مطعم *** دلوقتي يا فندم. مراد: ماشي، روحي بلغي الأستاذ عمر والأستاذ أحمد. وقولي لهم إن أنا هسبقهم. السكرتيرة: حاضر يا فندم.

خرج مراد من الشركة وذهب للمطعم، دخل مراد للمطعم ووجد أعضاء الشركة الأخرى قد أتت وذهب وجلس معهم. مراد: هنبدأ الاجتماع لما الأستاذ عمر والأستاذ أحمد يجوا. وبعدها بدقائق وصل أحمد وعمر وبدأوا الاجتماع، ولكن سمع مراد صوت ضحكة يعرفها جيدًا فالتفت ووجد ما صدمه.