رواية جنون حنين الفصل الأول 1 - بقلم نور محمد

حضرت الظابط معايا -أيوه مين حضرتك -أنا حنين ياباشا الحقوني ياحكومة أنا اتسرقت ياحكومة -مين اللي سرقك يا آنسة وسرق إيه منك -سرق قلبي ياباشا من غير استئذان كمان -هو ده انتي تاني يابت انتي مش هتبطلي لعب عيال ده باباكي فين ومامتك -آه أنا، هو مش الحكومة في خدمة الشعب براضه وأنا من الشعب والله.. يعني لازم تخدمني كمان زيهم -طيب وعاوزة إيه دلوقتي يعني -عاوزة قلبي اللي اتسرق أو رقم حضرتك ينفع برضو

-بت اقفلي حالا ولو رنيتي تاني أنا هحطك في الحجز فاهمة بتهمة إزعاج السلطات ماشي ياحضرت الظابط برضو هيجي يوم وقلبك يحن عليا ويحبني أنا عارفة مانا حجوز ظابط يعني حجوز ظابط برضو تسمع صوت أمها من الخارج أمها: انتي يازفتة التليفون فين يابت وبتعملي بيه إيه كل شوية كده حنين براءة: مفيش ياماما بكلم صحبتي مش انتو مش عاوزين تجيبولي فون تاني عشان كسرت تلاتة قبل كده بس أمها: أهو قولتي بلسانك كسرتي تلاتة قبل كده آخر واحد بـ 6000

جنيه يامفترية حنين: على فكرة أنا مش بكسرهم هما اللي بيتكسروا لوحدهم أعمل إيه يعني ماهو كل ما يقع مني بيتكسر أمها: يارب الصبر من عندك وانتي بتوقعيهم ليه أصلاً يازفتة ماهو لازم يتكسر بعد ما يقع يعني حنين: يعني انتو مش هاتجيبولي فون بقى أنا قاعدة أسبوعين من غير فون ياحنون وكده حرام ده أنا بنتك الوحيدة برضو والنبي لتقنعي بابا والنبي حنان: وأقنعه بإيه ده أنا بقوله كل مرة معلش عيلة وتكبر بس عيلة تلات مرات كتير على

الراجل يستحمل كده حنين: يعني كده ياحنان ده المدرسة مش فاضل عليها غير أسبوعين بس وأنا عاوزة فون ضروري والنبي آخر مرة قوليله حنان: ماشي هقوله بس آخر مرة بعد كده مفيش فون تاني أصلاً غير بعد الجواز ماشي حنين: إن شاء الله يسترك يارب ياحنان ادعيلي كتير بقى عشان أنا نفسي أجوز ظابط كده مالي هدومه حنان: ههههههه ظابط مرة واحدة كده مش لما تلاقي حد يبصلك أصلاً الأول

حنين: لو سمحتي ياماما راعي شعوري شوية وع فكرة أنا ألف واحد يتمناني بس أنا صابرة عشان يجي فارس أحلامي بالبوكس بتاعه ياخدني مانا حجوز ظابط يعني حجوز ظابط أنا بقولك أهو حنان: صابرة إيه ياجزمة، انتي لسه 16 سنة صابرة على إيه بقى، ده انتي لسه مطلعتيش من البيضة يابت الهبلة حنين: لا خدي بالك أنا كبيرة وأعجبك أوي مش عشان 16 سنة، أبقى لسه مطلعتش من البيضة، ولو سمحتي متشتميش نفسك قدامي، عشان أنا أمي محدش يشتمها حتى نفسها

حنان: والله ما عارفة أقولك هبلة ولا أصيلة بس الأكيد إنك مجنونة، يكون في عونه اللي هتبقى من بخته بابنت بطني حنين بثقة: خدي بالك ياماما ده يابخته اللي إحنا من بخته والله 😂 حنان: يعوض عليا عوض الصابرين يارب حنين: ماما أنا عاوزة فلوس عشان عندي درس بكرة مع صحبتي هبة حنان: أبقى بكرة قولي لباباكي هو هيعطيكي الفلوس

حنين بترجي: مبلاش بابا ياماما انتي عارفة إنه زعلان على آخر مرة، لما كذبت وطلبت منه لدرس وأنا جبت بيهم شوكولاتة وأندومي، هو لسه زعلان أنا عاوزة منك انتي ووالله لدرس فعلاً حنان بقلة حيلة: خلاص ماشي بكرة هديلك اللي انتي عاوزاه تمام كده حنين بمكر: تمام يست الكل ربنا يديمك ليا ياحنون قلبي حنان بضحك: ربنا يصبرني على ما بلاني والله خرجت الأم من غرفة ابنتها لتبتسم حنين بمكر حنين: ماشي الخطه (أ) الاستدراج فشلت.. هنبدأ الخطه

(ب) الدخول إلى مباشر الحدث.. بقى فرجني هتفلت مني إزاي تاني ياحظابط، أنا وراك والزمن طويل، مانا حجوز ظابط يعني حجوز ظابط وفي اليوم التالي صحيت حنين وهي تشعر بسعادة جاء وقت الجد دقت ساعة السعد الآن بعد ساعة من تناول إفطارها مع والديها وعمل روتينها اليومي في المنزل وقد دقت الساعة العاشرة الآن حنين: ماما معاد الدرس دلوقتي لو سمحتي عاوزة الفلوس أمشي حنان: حاضر ياحبيبتي عاوزة كام حنين: 100 جنيه ياماما

حنان بصدمة: نعم ياروح أمك ليه إن شاء الله كل ده حنين بكذب: ياماما محتاجة ملخصات وأدوات لزوم الدرس، ودول غاليين دلوقتي وانتِ عارفة، بقى 100 جنيه مش معاكي مانتي محوشة على قلبك ياحنون ياجامد حنان: بت متاكليش بعقلي حلاوة، أنا فاهماكي هما 50 حلو حنين بإصرار: والله ماينفعوا ياماما، بقى الله يسترك هاتي الفلوس اتأخرت بقى حنان: ماشي بس عارفة، لو عرفت اشتريتي بيهم حاجة تاني هعمل فيكي إيه حنين: أبقى احرميني من الميراث

ياحنون براحتك حنان: ههههه ماشي ياخرت صبري في الدنيا وأخذت الفلوس وراحت عند صحبتها عشان يحضروا الدرس بعد ما مرت ساعتين كمان كانت تقف أمام مركز الشرطة وهي تحدث صديقتها حنين بسعادة: هو ده القسم يابت اللي فيه قره عيني، أنا دفعت 30 جنيه للولد اللي في القسم، وقالي الظابط اللي بيرد على رقم الشرطة هنا، خلاص لقيته هنبدأ الخطه (ب) أخيرا هبه صديقتها: حنين انتي متأكدة من اللي هتعمليه ده ممكن تتسجني فيها خدي بالك

حنين بثقة: لا متخافيش أنا مخططة لكل حاجة ومش هخرج من هنا، غير وأنا منتصرة كمان هبه: ربنا معاكي ياصحبتي وخدي بالك من نفسك، انتي لسه متعرفوش وش لوش لحد دلوقتي حنين: لا هو باين عليه مز وعصبي من صوته، بس متنسيش مين هي حنين أحمد، ده أوقع العصفور من على الشجرة بطرف عيني بس هبه: منا خايفة عليكي من ثقتك الزيادة دي خدي بالك حنين وهي تعدل ملابسها لتتقدم للقسم بجدية: لا متخفيش أنا غلاوية ومحدش يقدر عليا 😂

وبعد عشرة دقايق داخل القسم قد سمع صراخها من الداخل حنين بعصبية: يعني إيه ياشاويش مقدرش أقابله، أنا عندي محضر، أنا ليا حقوق هنا أنا مواطنة والشرطة في خدمة الشعب الشاويش: يا آنسة انتي لسه قاصر، وعاوزة وصي معاكي يقدم البلاغ مينفعش انتي بس حنين: يعني إيه أنا اتسرقت، وكمان مقدرش أقدم بلاغ، لا فين حقوقي ياحكومة، أنا عاوزة حقوقي أنا مظلومة ياحكومة، وعاوزة حقوقي فوراً

خرج من مكتبه بهيبته الكبيرة ليراها تحدث الشاويش بصوت عالٍ وتشتكي منه -إيه اللي بيحصل هنا في إيه مين بيزعق كده في قسمي التفتت له لتصعق من جماله الرجولي للغاية فكان شاب أقل ما يقال عليه مز بصراحة من وسامته طويل وعريض بعضلات فاتنة وبارزة للغاية وعيون زيتوني اللون تشع وبشرة قمحاوية فاتحة سبحان من صوره بهذا الجمال الشاويش بخوف: إحنا آسفين يامروان بيه، مشكلة بسيطة بس متشغلش حضرتك بيها

حنين: لا ده كذاب، أنا اتسرقت وجيت أبلغ، وهو مرضيش يخليني أشوفك ياباشا، أنا مظلومة والله معنديش حد يقف معايا مروان بجدية: خلاص تعالي ورايا بعد قليل في مكتب مروان مروان: ها خير يا آنسة حصل معاكي إيه حنين ببكاء مصطنع: أنا اتسرقت ياباشا ومعنديش غير الحكومة تجبلي حقي مروان: واتسرق منك إيه وفين حنين بتوهان: قلبي من ساعة ما شوفتك قدامي مروان: أفندم؟!! حنين بعد أن استفاقت: احم قصدي فلوس يامروان بيه مروان: كام

اتسرق منك كام وفين حنين: بصراحة مش فاكرة كام بس في الطريق اتسرقت مروان بحيرة: طيب هتبلغي إزاي وانتي متعرفيش كام اتسرق منك أصلاً حنين: مش انتو الحكومة، وتعرفو كل حاجة أنا عاوزة حقي ياحكومة بس مروان: تمام هنعمل بلاغ، وهنبلغك لو حصل حاجة تقدري تمشي دلوقتي حنين: طيب ممكن طلب ياباشا قبل ما أمشي مروان: اتفضلي حنين: ممكن رقم حضرتك الخاص مروان: أفندم؟!! حنين: احم عشان أسأل عن بلاغي وكده بس مروان: تمام خدي اهو رقم شغلي هنا

حنين: تسلم من كل شر يارب، ممكن كمان تلغي البلاغ خلاص مالهوش لزوم دلوقتي مروان: أفندم ليه؟!! حنين: احم قصدي عشان، أنا بصراحة مش متأكدة إنها اتسرقت، أو وقعت مني وأنا مش عاوزة أظلم حد بس مروان: تمام ماشي تقدري تمشي دلوقتي ثم خرجت من عنده بابتسامة انتصار في الخارج القسم هبه: ها عملتي إيه جوه حنين بغرور: عيب عليكي أخدت رقمه ومعايا اهو، مش قولتلك هانتصر، كده الخطه (ب) نجحت نبدأ الخطه (ج) إيقاع الفريسة في المصيدة