رواية جواز غلطة الفصل الثالث عشر 13 - بقلم شيماء محروس

حمزة مسك إيد دهشوري وضرب أول طلقة، جت في نادية. داس ع المسدس تاني، طلعت طلقة جت في هدى. آخر طلقة حمزة حرك إيده وضرب آخر طلقة دخلت بدهشوري، ووقع ع الأرض. حمزة جرى فك نادية وهدى، ولاقى لسه فيهم نبض. نادى ع الرجالة اللي كانوا معاه، شالوا نادية وهو شال هدى وحطهم في العربية، وأخذهم ع المستشفى. حمزة وهو شايل هدى وهي بتنزف: دكتور دكتور، عاوز دكتور بسرعة. وجابوله ترولي، وواحد لهدى وواحد لنادية، ودخلوا الاتنين العمليات.

حمزة قاعد ع الكرسي وحط راسه بين إيده وبيعيط جامد وبيكلم نفسه: لا متروحيش مني، أنا مصدقت لقيتك. طلعت الممرضة وقالت: عاوزين دم لأن المريضة نزفت دم كتير. حمزة بلهفة: خدي مني أنا. أخدت عينة دم، حللتها، وبعد شوية طلعت. حمزة: انتي ماخدتيش دم مني ليه؟ الممرضة: فصيلة الدم مش مطابقة. حمزة بغضب: والعمل إيه دلوقتي؟ الممرضة: هاتلي حد من قرايبها. حمزة فكر للحظة واتصل بحد من الرجالة: هاتيلي الحيوان بسرعة. ***

من جانب تاني، كانت سهير لابسة أسود وبتحضر لجنازة ناصر. سهير بخبث وهي بتنزل دمعتين: يا حبيبي يا ناصر ع اللي حصلك يا حبيبي. المحامي: المرحوم كان موصي إن حمزة يدفنه. سهير: وبعدين يعني هيبات؟ وهي بتعيط ده حتى إكرام الميت دفنه. المحامي: ده وصية ميت ولازم تتنفذ. *** في حتة تانية، كان شريف واقف في الحتة اللي ساكنة فيها سها، ومعاه رجالة محوطين المكان. شريف: هطلع أنا الأول، وأول ما أعملك إشارة تطلعوا على طول. : ماشي يا باشا.

سها فتحت الباب ودخلت، وجت تقفل الباب. شريف زق الباب. شريف: استنى بس، مستعجلة على إيه؟ سها بتوتر: شريف إيه اللي جابك هنا وعرفتي مكاني إزاي؟ شريف: مش وقته الكلام ده، وقفل الباب. شريف يتقدم خطوة لقدام وسها ترجع لورا. سها بخوف: انت عاوز مني إيه؟ شريف: كل خير، وبصله من فوق لتحت، وطلع تليفونه: اطلعوا. سها زقته بخوف وطلعت تجري، وقفت وقالت الباب الأوضة على نفسها. شريف فتح الباب للرجالة، دخلوا الشقة، وشاورلهم ع باب الأوضة.

*** حمزة: خدي منه عينة دم وحلليها بسرعة. الممرضة بخوف: حاضر. : مش هتاخدي مني حاجة غير لما آخد فلوسي الأول. حمزة رمى في وشه الفلوس بقرف: خد ويلا. خدت الممرضة عينة دم، وبعد شوية عينة الدم مطابقة. أخد منه كيس دم.