رواية جواز صعيدي الفصل الرابع 4 - بقلم نادية محمود

شوق في سرها: يارب دراكولا مايكونش سمع حاجة. عز: احم احم… إيوا يا كبير. سليم بغضب: تعال ورايا… وسابه ومشي. عز: لو ما طلعتش بعد نص ساعة أقروا الفاتحة بقا على روحي… وجري يلحقه. شوق بضحك: عز ده مسخرة. فتحية: ليه يا بتي لبستي خلاقاتك اللي كنتي جاية بيها؟ شوق: ما أنا مش عندي هدوم إلا اللي جيت بيه. فتحية: كيف إكده… هقول لسليم ياخدك وتشتروا اللي نفسك فيه. شوق: ربنا يخليكي يا ماما… معاخذة أنا آسفة يا طنط. فتحية بحنية:

وتتأسفي ليه… فيه بنت تتأسف لأمها؟ شوق: ربنا يخليكي يا ست الكل. عند سهير. سهي بتدخل بغضب: قال اسيبه يطلع مع البت دي لوحدهم ده على جثتي. سهير: اهدي بس وقوليلي حصل إيه. سهي حكت لسهير لما سمعتهم بيتكلموا بعد ما عز خرج من المطبخ وإن فتحية عايزاهم يخرجوا. سهير: أنا هحل الموضوع مش تقلقي. عند سليم. سليم: إيه الجديد؟ عز: زي ما هو هيموت ويعرف خسر الصفقة إزاي مع إن الورق كان معاه. سليم:

وعرفتوا مين اللي اتزرع بينا عشان يوصلوا الأخبار أول بأول؟ عز: حاليا لا بس إحنا بدور مش سايبين الموضوع. سليم: تمام.. روح إنت بقا. عز بسره: الحمدلله… يا فرج الله طلعت سليم. سليم: نادي عليه… عز. عز بصوت منخفض: أستر يارب.. نعم يا سليم. سليم: أتلم شوية وإلا.. ليقطعه. عز: وإلا إيه بس… هتلم والله يا كبير. فتحية: سليم. سليم: اتفضلي يا ماما. عز: طب هروح أغير أنا بقا. فتحية: يعني ينفع مرت سليم الجبالي ميكنش عندها هدوم إكده؟

سليم: أعمل إيه يا ماما طيب؟ فتحية: خد مرتك وهات لها كل اللي تريده دي مش أي واحدة دي مرت سليم الجبالي. سليم بسره: ههههه… لو تعرفي مرتي دي تبع أو جايبها منين. سليم: حاضر يا ماما. فتحية: يحضرلك الخير يا ضنايا. شوق: أنا جهزت. سليم: تمام يلا. فتحية: خلي بالك يا ولدي على نفسك وعلى مرتك. سليم: حاضر يا ماما. سهير: إيه ده إنتوا خرجين ولا إيه؟ شوق: آه يا خالتي. سهير:

طب بقولك إيه يا سليم ما تاخد سهي معاك تفك شوية هي مخرجتش من لما جينا. سليم: عادي يا عمتي.. خليها تيجي. فتحية بمكر: خلاص خدوا إيمان معاكوا تفك عن نفسها هي كمان. في المول. سليم: اتفرجوا براحتكم ولما تخلصوا نادوني. سهي راحت عند مستحضرات التجميل. وإيمان خدت شوق لمحل ملابس. إيمان: ادخلي جربيه مش تخسري حاجة. شوق بزهق: طيب يا ستي هاتي بس مش تبعدي هنادي عليكي تدخلي تشوفيه. إيمان: طيب.

إيمان فضلت واقفة برا لفت انتباهه فستان راحت تشوفه. في الوقت ده سليم كان بيدور عليهم وقف لما سمع صوتها بتنادي على إيمان. فخبط على الباب ولسه هيتكلم فتحت له وسحبت إيده اعتقادا منها إنها إيمان. شوق: هاا إيه رأيـ…. د.. دراكولا.

سليم مش كان مركز مع كلامها… كان مركز عليها بالقميص الأسود الحريري اللي يظهر بشرتها ناصعة البياض ليقترب منها وترجع هي خطوة للخلف إلى إنها اصطدمت بالحائط ليقترب منها ويشتم رائحة شعرها ويقترب لـ… لتقطعهم. إيمان: خلصتي؟ لتزق شوق سليم: وتقول بتوتر… آه.. هغير وطلع اهو ثواني. إيمان: طب هتاخديه؟ كانت هتنطق شوق بـ لا ولكن سليم حط إيده على بقها وهزلها رأسه بـ آه. إيمان: هااا.. يا خيتي. شوق بعد ما سليم شال إيده: آه هاخده.

طلعت شوق الأول واخدت إيمان ومشيوا يشوفوا حاجة تانية عشان سليم يقدر يطلع من غير ما تشوفه. فضلت البنات تتفرج وتشتري كل اللي محتاجينه. وسليم جاله مكالمة وطلع على سطح المول يرد. في الوقت ده هجمت عصابة على المول ومسكوا الكل رهائن. شوق حاولت تتصل بالشرطة لأنها مش معاها رقم سليم واحد من العصابة شافها أخد منها الفون كسره. ومسكها من شعرها وعمر المسدس وطلق طلقة…..