رواية جوازة صعيدي الفصل السادس 6 - بقلم رحمة محمد

هنا بحيره: طيب بما إنّي في الصعيد، فمش هلاقي لا توست ولا جبن. فوزيه بصوت عالي: لا مفيش يا هانم. هنا: اممم قولتيلي طيب، هو انتي مش بتعملي فطار يونس ليه بقى؟ فوزيه: عشان يونس بيه مش بيفطر أصلاً في البيت، ودايماً بيفطر في شغله. بس أكيد عشان انتي بقيتي مراته، هو عايز ياكل من إيدك، بسيطة دي. هنا: طيب، متعمليه وكأني أنا اللي عملته.

فوزيه: والله يا ست هانم، كان نفسي بس الست فاطمة بعتتلي وقالت لازم أكون عندها دلوقتي. بس لو عايزة نكلمها وأقعد معاكي، ماشية. هنا: لا روحي عشان معاد الدكتور بتاعها، وأنا هتصرف يا فوزيه. فوزيه: ماشي يا ست هانم. هنا: يلا، مفيش مفر، هعمل فطار وخلاص. ده كلهم بيضتين وشوية جبن وعيش. *** يونس: يلا يا سي يونس، تعال، الفطار جاهز. هنا: وه، خلصتي في الوقت. ومالك مغطية الأكل كده ليه؟

يونس: عشان ميبردش يا سي يونس. اقعد بس وقول رأيك. يونس شال الغطا من على الأكل، بس انصدم. هنا: ده إيه ده؟ يونس: الفطار يا سي يونس. هنا: الفطار يا سي يونس؟ والعيش متقطع كده ليه؟ ده أنا شايف وشك من الناحية التانية. هنا: أبداً، حبيت أعمل شكل. قمت زودت العيش. يونس: زود إيه يا ختي؟ طيب سيبي العيش، البيض أسود ليه؟ هنا: ولا حاجة، كنت مغطياه وهو بيتسلق ونسيت أحط ميه في الحلة، اتحرق، واللون طلع على البيض. لكن قلبه نضيف واللهي.

يونس مسكها من قفاها: اااه، قلبي يا بت. حرام عليكي، ليه تعملي فيا كده؟ ليه؟ هنا: أولاً، بطل تهز فيا كأني إزازة دوا كده. ثانياً، الجلابية دي خانقاني. ثالثاً بقى، إيه ده؟ يالهوي. وفلتت نفسها وجريت. يونس: بتضحكي عليا يا وزعة انتي؟ والله ما سيبك. بتزوقي العيش وتسودي البيض؟ ده أنا هسود عيشتك. *** جود: أيوا، يعني ليه كيلو الطماطم بـ 25 جنيه؟ بتطبخ لوحدها؟ البائع: والله دي الأسعار، إن ما عجبك، متاخديش. إيه الأشكال دي؟

جود: أشكال مين يا نصاب انت؟ يعني حرامي وبتغش في الميزان، وكمان بتزود أسعار؟ ده انت هتروح جهنم راكب هليكوبتر. الناس اتلمت، والراجل خاف، بس حب يطلعها هي الغلطانة. البائع: امشي يا بت يا قليلة الرباية انتي، عايزة تسرقي مني؟ ولما أمسكها بتعمل الشويتين دول؟ قاسم كان معدي بعربيته وشاف الموقف، ولسه هيدخل، وقف مصدوم. هنا: بقى أنا حرامي؟ يالهوي! إيه ده؟ ومسكت الجزمة ونزلت على دماغه.

هنا: ده أنا هف*رمك دلوقتي. يلا، كل اللي ليه حاجة عند الراجل ده، أو غش في الميزان معاه، يقرب. وعدد كبير اتلم، وضربوه فعلاً.