رواية جوازة صعيدي الفصل الثامن 8 - بقلم رحمة محمد

فاطمة: رايح فين يا يونس في الوقت ده؟ يونس: أبداً يا أمي، هشوف الخيل اللي في مزرعة فارس، لأنه في واحد فيهم تعبان، وهقعد معاه شوية. فاطمة: برضه يا ولدي، فارس ده يا ولدي سمعته مش كويسة أبداً، والصاحب ساحب يا ولدي. يونس: متخافيش عليا يا بطوط يا قمر انتي، وبعدين سمعته دي مع الحريم، مالي أنا بقى. فاطمة: ماشي يا ولدي، بس برضو خد بالك من نفسك. يونس: حاضر يا أمي، يلا السلام عليكم. فاطمة: وعليكم السلام ورحمة الله وبركاته. هنا

شافت يونس خارج من الشباك: اممم، متشيك كده ورايح على فين؟ شكله هيقابل مزة، لا وأنا هسيبه. فوزية من وراها: بتتكلمي نفسك يا ست هنا؟ هنا: بسم الله الرحمن الرحيم! إيه يا فوفا، خضتيني مش كده؟ فوزية: وإيه فوفا دي؟ هنا: يعني انتي سبتي الخضة ومسكتي في فوفا؟ بقولك، هو يونس رايح فين؟ فوزية: رايح عند فارس بيه في المزرعة. هنا: يعني خرج من البيت دلوقتي؟ حلو. بقولك، هو بيطول عنده؟ فوزية: أيوه، بيقعد عنده يمكن للفجر.

هنا: طيب روحي انتي يا فوزية عشان عايزة أنام، ماشي؟ فوزية: حاضر يا ست هنا، تصبحي على خير. هنا: وانتي من أهله. طالما خرج، يبقى أخرج أنا كمان، وبما إنه مش هيرجع بدري، أكون أنا لفيت براحتي، هه. قال مفيش خروج من غيري قال! يالهوي يارب توب عليا من نط البلكونات زي حرامية الغسيل كده. بعدها نزلت وخرجت. فارس: منور يا يونس، أخيراً يا خي افتكرت صاحبك. يونس: هههههه، أعمل إيه، انت سمعتك وحشة وانت عارف الفتنة، هههه.

فارس: هههههه، ده كلام خالة فاطمة ده. المهم، إيه حكاية جوازك دي؟ بتعملها من ورايا. يونس: لا والله مش الحكاية، بس هي جات كده. فارس: لا يبقى تحكي، إحنا مفيش ورانا حاجة. يونس: طيب، هي تبقى... بس قطع كلامه الحارس. الحارس لفارس بهمس: فارس بيه، في بت لقيناها ماشية في الجهة القبلية من البلد، وجبناها على هنا. فارس: حلوة ولا زي وشك؟ الحارس: حلوة إيه دي، زي القمر كمان ويمكن أحلى، وشكلها مش من البلد.

فارس: طيب، روح انت واعمل زي ما انت عارف. طيب يا يونس، المكان مكانك، وأنا هستأذنك بس شوية وراجع، واكيد هنكمل كلامنا. يونس: لا، أنا هروح وأبقى أجي وقت تاني. فارس: ماشي يا عم عشان عريس بس. الله أكبر! إيه الجمال ده؟ قوليلي بقى يا حلوة انتي هنا صدفة ولا 😉😉 قصدة؟ هنا: لا قصدة يا عنيا، بس مش انت.