رواية جوازة صعيدي الفصل الثاني 2 - بقلم رحمة محمد

يونس: قول لسراج بيه إني هنا. هنا: ياربي ده الصعيد فيها حلويات، إيه ده، إنت طبيعي ولا جرافيك؟ يونس: إنتي بتقولي إيه، شكلك متهيالك، وله إيه، دخلني يا مرعي خليني أخلصه. هنا: براحة يا عسلية، جت نيلة في حلاوتك يا شيخ. سراج: إيه الصوت ده، في إيه عندك يا مرعي؟ إيه ده، ابني وبنت اختي ومع بعض، لسه فاكرين تسألوا عني؟ يونس: سراج بيه، ارجوك شوف عايزني في إيه، أنا ورايا أشغالي ومقدرش أتأخر، ده أكل عيش.

سراج: يعني أكل عيشك أهم من أبوك، ده اللي فاطمة ربتك عليه؟ يونس: أنا ماشي، عن إذنك. سراج: خلاص، مش هتتجدد عنها تاني، وإنتي يا هنا تعالي إنتي كمان، أنا عارف إنتي جايه ليه. هنا: احم، حضرتك عرفت. سراج: آه عرفت، وليا كلام تاني معاكي عشان متقوليش من الأول. يونس: خير يا سراج بيه. سراج: أنا أبوك يا يونس، وهفضل طول عمري أبوك، ودي حاجة مش هتقدر تغيرها، لا إنت ولا أمك.

يونس: سيبني أنا وأمي في حالنا، وكفاية عليك مراتك وعيالك، وأظن إنك عارف إني خلاص معادش ليا مكان هنا. هنا: بص، هو بعيد عن فقرة الابن الضال اللي إنت عايش فيها دي، أنا عايزة حضرتك إنت والبغل ابنك تساعدوني. يونس: مين اللي بغل يا بت، إنتي اللي لسانك عايز يتقص منه مترين، اسمعي عاد، أنا لا بحب الحريم ولا الحديث معاهم، وبالخصوص لو زيك مشفوش ترباية، فبعدي عني.

سراج: في إيه يا يونس، براحة، دي بت عمتك برضو، وإنتي يا هنا متنسيش إن يونس كمان أكبر منك، يعني احترامه واجب عليكي. هنا: حاضر، أسف، بس أنا اللي أسلوبي مينفعش عندك، حقك، بص كل اللي عايزاه إنكم تقفوا قدام قاسم وفادي، لأنهم شايفين إني لوحدي ومش هقدر أعمل حاجة، وإنهم ممكن ياخدوا فلوس أبويا، وأنا هسكت عشان بنت، بس ده تعب أبويا وأنا مش هسمح إنه يضيع، فارجوك يا أستاذ يونس بما إنك قد الحيطة.

هنا: احم، قصدك عندك صحة، فهم أكيد هيخافوا، ده أنا خوفت، وأبوك يا عيني خاف. يونس: ممكن تتكلمي جد من غير نص الكلام ما تتضحكي فيه، بس إنهم يستغلوا إنك بنت لوحدك دي مفيش راجل يقبلها أصلاً، فأنا هساعدك بس كرماً لـ عمتي الله يرحمها. هنا: روح يا شيخ، الله يكرمك، يطعمك ما يحرمك يا ربي. يونس: ههههه، إنتي بت مليونير وعايشة في القاهرة، ها؟ هنا: لا، متأخدش في بالك. سراج: بس هتساعدها، بصفتك إيه؟ هتقول لأمك إنها من طرفي؟ إياكي.

يونس: يبقى مش هقدر، أنا آسف، عندك خالك يتولى أمرك، أنا أمي مفيش عندي أغلى منها، وأنا مش هرضى أساعدك.