لوجي بعصبية: سمعيني تاني كده. قلت ايه؟ قلت لك أنا عايزة أطلق. طالما ما بتحبنيش وبتحب نادين، طلقني واتجوز نادين.
أسد: هه، ده هيحصل بس بمزاجي أنا. أنا لوجي، وأنا مش هعرف أعيش معاك لحد ما يجي لك مزاج تطلقني.
أسد: اسمعي، أنا ما بحبش لعب العيال ده. أنا اللي أعرفه اللي أقوله، انتي تقولي عليه حاضر بدون كلام وخلاص. عشان أمي بره.
لوجي: بس أنا مش خارجة يا أسد.
أسد وهو يمسكها من شعرها بشدة ويضحك: سمعاني بتقولي إيه تاني كده يا حلوة؟
لوجي بدموع: سيب شعري، شعري واجعني.
أسد: هتخرجي دلوقتي تسلمي على أمي وتخلصي كلام معاها وتدخلي جوه بدون غلط، عشان لو غلطتي مش هعديها على خير.
لوجي: حاضر.
وفعلاً لوجي خرجت وقعدت مع أم أسد. وأسد هو كمان خرج وفضلوا قاعدين. كانت لوجي ساكتة ما بتتكلمش، بتفكر في دماغها يوم ما تتجوز شخص يطلع بيحب واحدة تانية.
أم أسد: مالك يا لوجي؟ ساكتة ليه؟ في حاجة مزعلاكي؟
وهي تنظر لأسد: لا يا طنط، كويسة. ما فيش حاجة. ما فيش حاجة، بس أنا تعبانة شوية.
أم أسد: ألف سلامة عليكي يا حبيبتي. مالك؟
لوجي: مفيش، شوية صداع.
أسد: تقدري تدخلي ترتاحي؟
لوجي: بعد إذنك، أنا هدخل أرتاح شوية.
أم أسد: وماله يا حبيبتي، تفضلي.
ودخلت لوجي الأوضة وقفلت الباب، واترمت على السرير وفضلت تعيط بصوت غير مسموع من اللي أسد بيعمله معاها.
في الخارج.
أم أسد: مراتك مالها؟ شكلها مش مبسوطة.
أسد: كويسة، وأمي ما فيهاش حاجة.
أم أسد: ونادين كانت هنا بتعمل إيه يا أسد؟ جاية لك يوم دخلتك ليها؟
أسد: ما فيش يا أمي، كانت جاية تبارك لي.
أم أسد: يا ابني، مراتك غلبانة. حبها وعيش معاها، خلي بالك منها.
أسد: حاضر يا أمي. طيب أنا هنزل بقى وهسيبكم.
أسد: خليك يا أمي قاعدة.
أم أسد: لا، كفاية كده. أنا هنزل، ولما باباك يجي هبقى أجيبه ونطلع.
ونزلت. وأسد قفل وراها الباب وقعد على الكنبة في الصالة ماسك تليفونه بيكتب لنادين وبيكلمها قد إيه هي وحشاه، ونفسه يخلص من جوازته من لوجي عشان يتجوزها. فضلت كلامهم الاتنين طول الليل، ولا فارق معاه لوجي ولا فارق معاه حاجة، لحد ما راحت عليه نومة على الكنبة وهو بيكتب لنادين. وهو نام بره، ولوجي نامت جوه.
في صباح يوم تاني.
كان هو بيلبس ورايح الشغل. لوجي قربت منه وقالت له: هو ينفع أنزل جامعتي؟
أسد سكت شوية كده وقال لها: ينفع، بس بشروط. محدش من الجامعة خلاص يعرف إنك مراتي، ولا يعرف إننا اتجوزنا.
لوجي: حاضر.
أسد: طبعاً دكتور عند لوجي في الجامعة.
ونادين هي كمان طالبة مع لوجي.
أسد: أنا نازل، أرجع ألاقي محضر الغداء. وما فيش خروج من الشقة، حتى الشباك ممنوع تقفي فيه، ممنوع تتكلمي حد، ممنوع الباب ده يتفتح.
لوجي: ليه؟ هو سجن؟
أسد وهو يخرج من الباب قال لها: أيوه، سجن.
خرج أسد وساب لوجي في الشقة. فضلت تعيط وحزينة على حظها، ودخلت المطبخ تعمل الغداء. وبعد فترة من الوقت، الباب خبط. راحت جري فتحت الباب، اتفاجئت بستات كتير واقفين قدام الباب.
لوجي: انتو مين؟
لكن...