رواية جوازي من الانسة حنفي الفصل الثالث 3 - بقلم هويدا زغلول

فاروق: مين بسمة؟ عاملة إيه وأخبارك إيه؟ تعالي معايا لو سمحت أقولك كلمة على جنب. ياسمين: مين دي يا فاروق؟ وعايز تقولها إيه؟ فاروق: خالتي، اتكلمي لو سمحتي يا ماما مع ياسمين دقيقة واحدة عقبال ما أجي. الأم: ماشي، تعالي يا ياسمين أقولك. يا حبيبتي، إيه يا بت مالك؟ فيكي إيه؟ بلاش تعملي كده. هو هيتجوز مين في الآخر؟ مش أنتي؟ بطلي هبل بقى. أكتر حاجة بتخنق الراجل الست اللي بتخنق عليه، سيبيه، مهو كده كده راجع ليكي.

وكان فاروق واقف مع بسمة. بسمة: حلو أوي الكلام ده. حضرتك نازل تجيب فستان الفرح وأنا اللي اتعلقت بيك، أعمل إيه يعني؟ منك لله يا فاروق. فاروق: اهدي بس يا حبيبتي، مش عايز تكوني مخنوقة كده. أنا هقولك، علشان اتجوزك لازم اتجوز دي الأول. انتي الحب وهي الفلوس، وبصراحة بقى أنا مش قادر على طلبات أبوكي. بسمة: يعني أنت بتحبني وبرضه عايز تتجوزني؟ بس دي شكلها صعب أوي. أنت يا بني هتعرف تبص في وشها إزاي يعني؟

فاروق: أعمل إيه يا حبيبتي، مش علشان اتجوزك. مغلوب على أمري والله، بس قولي لبابا إن خالص شهر بالكتير وهجيب لك شقة وعفش وكل حاجة، بس حاولي تمشي بقى علشان مش عايز مشاكل معاها. بسمة: طيب يا حبيبي، أنا كنت محتاجة فلوس. نفسي أجيب شوية هدوم، عجبني كده. ينفع تديني ولا إيه؟ فاروق: آه آه، خدي خلي دول معاكي دلوقتي، وبكرة هقابلك أديكي أكتر منهم. يلا باي بقى. وبعدها جه فاروق وقال: أنا جيت أهو. هنعمل إيه دلوقتي بقى؟

يلا نجيب الفستان. مالكم واقفين كده ليه؟ ياسمين: هو أنت كنت بتديها فلوس لإيه يا فاروق؟ أنا شفتك على فكرة. أنا لابسة نظارة آه، بس برضه بشوف. فاروق: فلوس جمعية، أكيد آه آه، هي فلوس جمعية. وهي كانت عاملة وتكلمني فيهم. بقولك إيه، يلا نجيب الفستان اللي كان عجبك. فعلاً جبنا الفستان اللي كان عجبني. وبعدها جه يوم الفرح، وأنا كنت خايفة أوي لأن فاروق اتأخر وأنا في الكوافير. ياسمين: ألو، إيه؟ أنت فين يا فاروق؟

أنا قاعدة بالفستان بقالي ساعة ومخلصة مكياج وعايزة أمشي. إحنا كده هنتاخر على السيشن. فاروق: لا سيشن إيه؟ إنسي علشان ميعاد القاعة، مينفعش. أنا جاي ليكي أهو. وقفل السكة. حرام عليكي يا أمي والله. الأم: هو فيه إيه؟ مش أنت اللي عايز تتجوز بسرعة؟ وعشان تتجوز لازم تضحي وتكتب عليها. والله ما عارفة بسمة دي عجباك في إيه. دي معصعصة ووحشة.

فاروق: بقولك إيه، مش وقته. وبعدين أنتِ لازم تيجي تقعدي معايا في الشقة. آه، أنا مش هعيش معاها لوحدي. الأم: أكيد. بس بقولك إيه، عايزك لما تاخد الفلوس تعملي مشروع كده اهو، حاجة أشغل بيها. فاروق: والله حاسس إن مش هاخد منها جنيه، دي بت قروبة. والباب خبط وراح فاروق فتح. ياسمين: إيه كل ده تأخير؟ أنا زهقت وجيت. خالتي فين الأكل؟ أما أنا جعانة أوي، ناكل لقمة وأروح القاعة على طول. فاروق: هو أنتِ معزومة على الفرح ده؟

هو أنتِ بجد طبيعية؟ اللي أنتِ بتعمليه ده. وبعدين خدي هنا، هو أنتِ جيتي إزاي؟ ياسمين: اسكت يا فاروق، ده أنا اتبهدلت بهدلة. الفستان ما كانش راضي يدخل في التوك توك. فاروق: يوم فرحها عند توك توك؟ بسم الله ما شاء الله عليه. ده أنا هشوف أيام بيضة. ياسمين: خالتي سندوتش لحمة على السريع، أصل أنا جعانة أوي ومش هعرف أمشي إلا لما آكل لقمة. فاروق: ورانا قاعة يا ماما، اخلصي بعدين ابقي كلي. مينفعش كده.

وراح فاروق الفرح، ولقاه كل أصحابه. وكانت ياسمين الميكب بتاعها أوفر والفستان شكله وحش. ياسمين: إيه رأيك في المفاجأة دي؟ عزمت كل أصحابك على الفرح علشان يفرحوا ويكونوا مبسوطين. حلو كده يا حبيبي؟ فاروق: هو أنتِ وصلتي لأصحابي إزاي؟ الله يسامحك. ياسمين: من التليفون. بعت لكل اللي على الواتس عندك رسالة بميعاد فرحك. وبعدين إيه؟ مسحت الرسائل علشان متعرفش. مبسوط يا كوكو؟ هههههههه.

فاروق: آه مبسوط يا كوكو. ده أنا عايز أعيط من الفرحة والله. ياسمين: لا اهدي كده يا حبيبي، الناس تقول إيه. تعالي بقى نطلع نقعد على الكوشة سوا علشان نرقص أسلو. فاروق: كوشة وإسلو؟ أعمل إيه يا ربي. والفرح خلص وروحت البيت. وتاني يوم صحي فاروق قبلي وقال: فاروق: بسم الله الرحمن. إيه ده؟ حرام عليكي يا شيخة، في حد يعمل في حد كده؟ وإيه اللي فوق شعرك ده؟ باروكاي. ياسمين: إيه؟ فيه إيه؟

معلش يا فاروق. أنا عارفة إن شعري وحش ولما بنام بيكون متنعكش. أنا هقوم ألمه. فاروق: ياسمين، أنتِ معاكي فلوس كتير؟ ظبطي نفسك، اهتمي بشكل. مينفعش تعيشي كده. أنا آه جوزك، بس مش ذنبي إيه أصحى على المنظر ده. ياسمين: حاضر، ماشي. المهم هقوم أعملك فطار. تحب تفطر إيه يا عنيا؟ فاروق: بقولك إيه، أنا هجيب ماما تعيش معانا هنا أحسن من إنها تقعد لوحدها.

ياسمين: تمام، اللي تشوفه. أنا تحت أمرك فيه يا حبيبي. تحب ألبسك البيجامة الليموني ولا الفوشيا؟ فاروق: أنتِ بتتكلمي بجد؟ أنتِ جايبة الألوان دي في جهازك ليه؟ يا بنتي حرام عليكي. على العموم اللي يعجبك. لبس. بس ممكن أفطر بقى. وخرجت أعمل الفطار. وبعدها لقيته خرج وقال: فاروق: ينهار أسود! إيه ده؟ في عرايس تاكل كده؟ فسيخ ورنجة وملوحة وبصل؟ بصل يا ياسمين. ياسمين: مالو الفطار يا حبيبي؟

أنا مليش في جو اللبن والبسكويت ده. لا، الفطار فطار برضه. وبعدها تليفون فاروق رن. فاروق: طيب بعد إذنك دقيقة واحدة أشوف مدحت صاحبي عايز إيه. ودخل الأوضة وقال: الو؟ إزاي يا نسمة تتصلي بيا النهارده؟ بسمة: أعمل فيك إيه؟ رايح تبعت دعوة لفرحك لبابا على الواتس أهو، بيقول لو شاف وشك مش عارف هيعمل فيك إيه. فاروق: يا غبية يا ياسمين.