رواية جراح الحب الفصل السابع 7 - بقلم ميساء عنتر

مازن بصدمة: ياسمين ياسمين بصدمة وخوف: مازن قامت شدت الغطا عليها لتداري جسمها. مازن بعصبية: انتي بتعملي إيه هنا ومين ده؟ ياسمين: والله هو هيجي يتقدملي والله. هو بسخرية: يتقدّم لمين ياحلوة؟ ياسمين: حازم يتقدّم ليا أنا... في إيه؟ حازم: انتي واحدة رخيصة سلمتيلي نفسك أول ما قولتلك بحبك وهأجي أتقدملك، انتي عبيطة ولا إيه؟ ياسمين بعياط: مازن ونبي قوله حاجة. مازن بقرف: أقول إيه وزفت إيه. قرب منها ضربها بالقلم.

حازم في الوقت ده طلع جري. ياسمين بعياط: ونبي يامازن ألحقه، أنا كده هموت. مازن: اخرسي بقى، قومي البسي وتعالي احكيلي كل حاجة. ياسمين قامت لبست ورجعت قعدت حاطة راسها في الأرض. مازن بهدوء قبل العاصفة: احكي كل حاجة بالتفصيل.

ياسمين بعياط: هو زميلي في الكلية، كنا صحاب وبعدين قالي إنه بيحبني وأنا كنت بحبه، بس قلبي إنه مينفعش يتقدّم دلوقتي، هو في كلية لسه أكيد هيترفض، ومن ساعتها بقينا بنتقابل كده وهو وعدني والله إنه هيتجوزني. مازن: يعني دي مش أول مرة؟ ياسمين هزت دماغها بلا. مازن: كنتي بتاخدي حاجة للحمل؟ ياسمين بخجل: أيوا. مازن حط إيده على راسه: مش عارف أعمل إيه بصراحة. ياسمين: متقولش لمالك ونبي. مازن: هو ده اللي فارق معاكي، اتفضلي قدامي.

طلعت معاه ووصلها القصر. هي طلعت أوضتها ومازن دخل المكتب لمالك. مالك: ها، عملت إيه؟ مازن: ولا حاجة، مفيش حد. مالك: إزاي بس، ده اللوا اللي قال. مازن: أهو اللي حصل، يلا همشي بقى عشان تعبان. مالك بشك: تمام. مازن طلع من المكتب وهو ماشي خبط في حد. مازن: حاسب، أنا آسف مأخدتش بالي. هي برقة: أنا اللي آسفة. مازن: هو حضرتك مين؟ هي: أنا رؤى، أخت شمس من الأب. مازن: أهلاً بيكي، وأنا صاحب مالك. رؤى برقة: اتشرفت بيك، عن إذنك.

وسابته وطلعت وهو اتنهد وروح. مالك قام راح أوضته لبس ونزل راح عند ملك. مالك بصوت عالي: ملك، انتي فين؟ ملك: أنا هنا يامالك. مالك: عاملة إيه دلوقتي؟ ملك: أحسن الحمد لله. مالك: الحمد لله، ممكن تعمليلي قهوة. ملك: حاضر. وقامت وهي مش واخدة بالها هي لابسة إيه. مالك برغبة: إيه اللي انتي لابساه ده؟ ملك بشهقة: أصل مفيش هدوم ليا هنا، فلبست قميصك. مالك قرب منها وعيونه كلها رغبة وملك اتكسفت من نظراته.

مالك قرب منها وحط إيده على وسطها. ملك لسه هتتكلم قاطعها و... عند ياسمين. قاعدة تعيط وتليفونها رن، لقيته مازن. ياسمين بعياط: الو. مازن: بتعيطي ليه، خلاص عياطك مش هيرجع حاجة. ياسمين: أنا آسفة بجد، مش عارفة عملت كده إزاي. مازن: بصي ياياسمين أنا... ياسمين بصدمة: إييييييي.