رواية جراح الحب الفصل التاسع 9 - بقلم ميساء عنتر

ابني أنا صدمة حلت ع الكل. دخل ووقف قدام مالك من غير خوف، وهو بيبص لياسمين. شمس بصدمة: عمااار. فجأة قلم نزل ع وش عمار من مالك. رؤى مش قادرة تمسك نفسها من العياط ع أخوها. مالك بعصبية: انت ضحكت ع اختي ي زبالة. وقرب منه ضربه. شمس بصوت عالي: مالك سبيه، واختك مش صغيرة ع يضحك عليها. مالك بصوت جهوري: ونتي بتدافعي عنه لي؟ يكونش دا حبيبك ولا حامل منه انتي كمان؟

شمس بصوت عالي: ماااالك احترم نفسك، أنا شمس مش ياسمين. وبعدين دا عمار أخويااا. صمت تام حل المكان. قطعه عمار. عمار: أنا جاي عشان اتجوز ياسمين، مش عشان نتخانق. مالك بص لياسمين بكسرة: كتب الكتاب بكرة. وسابهم ومشي. عمار سابهم ومشي، راح الجنينة. شكراً إنك عملت كدا. عمار التفت: متقولش كدا، عادي، انت أخويا ي مازن. مازن قرب منه حضنه: شكراً ي حبيبي. عمار بادله الحضن: انت أخويا، يلااا. ياسمين طلعت ليهم برا.

ياسمين بعياط: هو، هو انت مين؟ مازن: ياسمين، دا عمار، أكتر من أخ ليا. ياسمين: طب هو ليه، ليه يشيل ذنب حاجة هو معملهاش؟ مازن: ياسمين، أنا كنت بحبك، فا هيكون صعب عليا إني اتجوزك، فا كان لازم حد يشيل الليلة، لأن الحيوان اللي عملتي معاه كدا هرب ومش راضي يعترف بالطفل. ياسمين: انت قلت لأستاذ دا إيه؟ مازن بتنهيدة: هقولك. Flash Back عمار بيكلم مازن فيديو: مالك ي صاحبي، مدايق ليه؟ مازن: أخت صاحبي ف مشكلة. عمار: مين؟ ياسمين؟

مازن بحزن: أيوا. عمار: مش دي حبيبتك؟ مازن: هحكيلك. وحكي له مازن كل شيء. مازن: بس يسيدي، وأنا مش هقدر اتجوزها، باختصار، لاني بحبها ومش هستحمل إن حد غيري يكون لمسها. عمار: أنا عندي فكرة. مازن: قول بسرعة. عمار: أنا هنزل مصر وهقول إني أنا أبو الطفل دا. مازن: إيييي؟ عمار: مفيش غير الحل دا. مازن بحزن: تمم. End Flash مازن: بس كدا، دا اللي حصل. ياسمين لعمار بعياط: أنا آسفة، حياتك باظت بسببى. عمار: ولا يهمك، عن إذنكم.

وسابهم ودخل. ياسمين: مازن، أنا آسفة. مازن بحزن: خلاص ي ياسمين، اللي حصل حصل، سلام. وسابها ومشي. ياسمين قعدت ع الأرض تعيط. مالك مشي من القصر متعصب، وراح عند ملك. ملك: مالك، حمد الله ع السلامة. مالك بضعف: مش قادر ي ملك. ملك جريت عليه: مالك ي حبيبي. مالك حكلها كل حاجة. ملك بحنية أخدته ف حضنها: ي حبيبي براحة عليها، أكيد الشخص دا ضحك عليها وهي صدقته، الحب أعمى. مالك بصالها بحب: ربنا يخليكي ليا ي ملك. ملك بصتله بحب وسكتت.

مالك: أنا مش وحش والله، ولسه امبارح بس عرفت إنك شريفة، وكل اللي حصلك ف حياتك دا كان غصب عنك. ملك: عرفت منين؟ مالك: سألت عليكي. ملك: الحمد لله إنك عرفت. مالك: ملك، أنا...... ملك بصتله بصدمة ودموع.