رواية جراح الحب الفصل الثاني 2 - بقلم ميساء عنتر

في صباح يوم جديد على أبطالنا، في قصر الشناوي تحديدًا في غرفة مالك. مالك صحي على صوت الفون. مالك بصوت نايم: الو. مازن: إيه يا ملوكة، اصحي بقي كل دا نوم. مالك: عاوز إيه يا زفت على الصبح. مازن: خلاص خلاص، اصحي يلا عشان سيادة اللوا عاوزك. مالك: تمام، نص ساعة وأكون عندك. قفل مالك مع مازن وقام أخد شاور ولبس وأدى فرضه ونزل. مالك للكل: صباح الخير. الكل: صباح النور. الشناوي: اقعد افطر يا حبيبي.

مالك: معلش يا جدي مستعجل، لازم أمشي. نادية: ربنا معاك يا بني. مشي مالك، ولسه بيركب عربيته. مالك: وحشتني أوي. التفت مالك وشاف... عند ملك صحيت من النوم. ملك: همممم، أنا جعانة أوي. وقامت دخلت المطبخ ملقتش حاجة فيه. ملك وهي على وشك العياط: أنا جعانة أوي، أعمل إيه دلوقت. وقامت قعدت في الصالة تستنى مالك. في القسم. اللوا: مازن كلم مالك تاني، خليه يسرع شوية، اتأخر أوي. مازن: حاضر يا فندم. مالك لف وشاف.

مالك بابتسامة: شمس، إزيك. شمس بضحكة خطفت قلب مالك: الحمد لله، أنت عامل إيه. مالك: الحمد لله، رجعتي إمتي. شمس: النهاردة الصبح. مالك لسه هيرد، قطعه كلامه رنين الهاتف. بص لقي مازن. مالك: الو، إيه يا مازن. مازن: أنت فين يا مالك، اللوا قالب الدنيا عليك. مالك: جاي اهو في السكة، سلام. وقفل دون أن ينتظر الرد. مالك لشمس: هنكمل كلامنا أما أرجع، يا شمس، ورايا شغل. شمس بابتسامه: أوكي، ربنا معاكم. مالك ابتسم لها ومشي.

بعد شوية، مالك وصل القسم. مالك دخل على طول على مكتب اللوا، وخبط ودخل. اللوا: إيه التأخير دا كله يا مالك. مالك: معلش يا فندم، آسف. اللوا: اتفضلوا اقعدوا. مالك: خير يا فندم. اللوا: فيه شحنة مخدرات هتدخل البلد، وصلت معلومات بتقول كدا. مالك: معلومات منين يا فندم. اللوا: مش مهم يا سيادة الرائد، المهم إنكم تعرفوا معاد التسليم وتقبضوا عليهم، والمعلومات هتلاقيها موجودة في الملف دا. مالك أخد الملف: تمام يا فندم، عن إذنك.

خرج مالك ومازن وبدأوا يشتغلوا على القضية حتى حل الليل. مازن: أنا تعبت، إحنا مش هنمشي بقي، الساعة داخلة على ٩. مالك: أوكيه، يلا. مازن روح بيته ومالك مشي على القصر. مالك: السلام عليكم. الكل: عليكم السلام ورحمة الله. شاديه: أمال مازن فين. مالك: روح لأن الشغل كان كتير النهارده. نادية: ربنا معاكو يا حبيبي، يلا ع تاكل. مالك: هغير وأنزل. طلع غير وأخد شاور ونزل. نادية: يلا يا شمس، أهو مالك جه. مالك: فيه حاجة ولا إيه.

شاديه: لا يا سيدي، بس شمس مكنتش عاوزه تأكل إلا لما انت تيجي. مالك بابتسامة: امممم، يلا تعالي. وقعدوا كلهم سوا وخلصوا. شمس: هعمل نسكافيه وأطلع في الجنينة. مالك: أوك، هسبقك ع برا. شمس قامت عملت النسكافيه وطلعت. مالك: ها ياستي، احكيلي، عملتي إيه برا. شمس: درست بس. مالك: امممم، بس بس. شمس بضحكة: آه بس بس. وقعدوا يهزروا ويضحكوا سوا لحد نص الليل. شمس: يااه، الساعة ٣، إحنا اتأخرنا أوي. مالك: معاكي حق، يلا نطلع ننام.

وطلع كل واحد على غرفته. مالك طلع أوضته وقعد يفتكر شمس، وافتكر إنه جايب لها شوكولاتة. وقام راح أوضتها. مالك وهو بيخبط: شمس، شمس. لا رد. مالك: شكلها نامت، هدخل أحط الشوكولاتة وأمشي. فتح الباب ودخل وانصدم لما شاف...