رواية جرح الأيهم الفصل الثاني والستون 62 - بقلم أيلان

أيهم : أنتِ مرة أوگفي بمكانچ. ضحكت وركضت بالفيديو وهو يلحقني. لمن كنا بتركيا كنت رايدة أصور البحر لملاك. هو وقف قدامي وأنا أريد أوخر. تجيت راسي على تجوة القنفة. سارت دمعتي على جانب وجهي. بقيت على نفس الابتسامة، بلعت غصتي. مسحت دمعتي، فتحت عيوني بهدوء. گعدت على حيلي، رفعت نظري للشباك. بدأت تشرق الشمس. گمت، لميت الألعاب اللي على الگاع. رتّبت البيت، دخلت المطبخ لميته. أنداريت للتلفون لمن رن المنبه، أخذته.

غلقت المنبه، شمرت التلفون على القنفة. مشيت للغرفة، فتحت بابها ودخلت. دحگتلها أبتسمت، گعدت يمها. دنگت بست راسها. مُلاذ : نوني... قبل سنتين ونصف: بقيت بالمستشفى بسبب وضعي. ما ولدت ولادة طبيعية، رجلي كانت مرضوضه. وأصابيعي واحد منها مفسوخ. بنتي هم بقت بالخدج، أجاني جسار. متصلة عليه سلوى قبل لا أگعد. جسار : وأنتِ محزوزة ملزوزة تطلعين وتروحين تشترين وأنتِ حامل؟ مُلاذ : جنت جوعانه. جسار : جان خابرتيني، صاحبي قريب عليچ.

أخلي يجيب ألچ المسواك لحد الباب. مُلاذ : ما أدري. أشم گفى أيدي. يسأل وهو موجه كلامه لسلوى. جسار : شگد وتطلع من المستشفى؟ سلوى : الطفلة أسبوع وتطلعونها. أما مُلاذ فما أعرف، ما سألت الدكتورة. هز رأسه بقبول. أندار دحك ألي، حجيت بتعب. مُلاذ : أيهم؟ نزل عيونه للكاع ساكت. وهو منزل راسه، فهمته بدون ما يحچي. مُلاذ : أريد أنام. دحگوا ألي ساكتين، هو وسلوى. هز رأسه بقبول وطلعوا من الغرفة. وخرت الشال من راسي.

أهتز جسمي أبچي، خانگه صوتي. دموعي مثل الجمر تنزل على خدي. نفسيتي متدمرة وروحي مشتعلة نار. كل ما أغفى أحلم بي وقلبي يريد ينفجر. شسويت بنفسي ما أعرف لمن عفته. ليش ما كنت محترگه روحي مثل هسه؟ ساعات ألوم نفسي وأگول ذنبي. عفته وسافرت، ساعات أگول لو ما تطلقنا. ممكن چنت راح أتحمل ويا الوجع. اللي هسه هو جاي يعيشه. يمكن بوقتها چنت رح أحمل حمل كامل. وما أولد ولادة مبكرة، بس الضغط والخوف. كل يوم رح يزيد بگلبي عليه وعلى بنتي.

أشتاقيت له، أريده وياي. ما أريد بعد لحظة تمر عليه بدونه. بالنهاية تعبت ونمت، فزيت على سلوى. خلت الشال على راسي. سلوى : أجت الدكتورة وجسار رح يدخله. هزيت راسي بقبول. دخلت الدكتورة تشوف وضعي ودخل جسار. شوية وحاچت الدكتوره سلوى. بعد ما طلعت سلوى ترجمت ألي. فهمت قصدها بدون ما تترجم. بعد يومين أكدر أطلع من المستشفى. هزيت راسي بقبول ساكته. دحگت لجسار وحچيت بتساؤل. مُلاذ : شلون راح أسجل الطفلة؟ جسار : يمي عوفيها.

مُلاذ : شراح تسوي؟ جسار : يمي ما عليچ. مُلاذ : شنو اللي يمك؟ رح تسجلها بأسمك؟ جسار : شنو أسجلها بأسمي؟ شبيچ خبله أنتِ؟ مُلاذ : لعد تگلي يمي؟ شنو اللي يمك؟ أبوها ماكو شلون راح نسجلها؟ بأسم منو تتسجل؟ جسار : بأسم أبوها. مُلاذ : شلون؟ جسار : ما عليچ هسه أنتِ خلي بالج صافي. أنا كل شي متكفل بي وأساعدچ بكل شي. سكتت تعبانه وهو طلع من الغرفة. مرت الأيام، طلعوني من المستشفى. وبقيت أنتظر بنتي شوكت يطلعونها.

أجاني نوح للبيت هو وكم بنية وياي. أتحمدوا ألي بالسلامة، أتشكرتهم. وسلوى وجسار موجودين، ودعوهم وراحوا. جسار بقى كم يوم ودوم يسألني على نوح. حسيت ضاج من سالفة نوح. أجا للبيت بس غلس لأن هو مديري وعرف من سلوى. أخذت نيل بعد أسبوع. چانت سلوى تساعدني وجسار ينام بالصالة. محضرة كل شي ألها، سريرها وكل شي يخصها. من أول ما عرفت أنا حامل بنية بلشت أشتري. لذلك تقريباً كل شي چان جاهز إلا أشياء قليلة. شربتها حليبها ونامت بهدوء.

جسار كانت هتان تتصل هواي عليه. وهو گایللها أنه هو بأربيل. گمت بصعوبة مشيت للمطبخ، دخلت. سمعته يتعارك وياها، عبالها يخونها. جسار : هتان لا تغثيني! سكت وهي تحچي. بعدين عاط متنرفز. جسار : شهالحچي؟ خل أرجع وأنا أعلمچ. بالأخير أتنرفز كلش. وهو واگف گدام شباك المطبخ يحچي. ما يدري بيه واگفه بـ إيده أستكان الشاي. ضغط عليه حيل وتهشم الأستكان بـ إيده. سد الأتصال متنرفز، رحت عليه. مُلاذ : جسار أيدك!! أندار دحك ألي، أيده تنزف.

راح للمغسل يغسل ودمارات گصته ناطه. جسار : ليش گمتي؟ مُلاذ : زينه أكدر أمشي. جسار : اگعدي حتى لو اگعدي ع الكرسي. لزمت بالكاونتر. سندت نفسي عليه وحچيت. مُلاذ : شبيها هتان؟ كز على أسنانه ساكت. مُلاذ : أرجع جسار هسه تفكر غير شي. هي أصلاً ما تدري بيه أرجع، ما بيه شي أنا. البنية يمكن تعبانه وتحتاجك وياها. جسار : أهلها يمها وأنتِ أسكتي. لا تحرگين أعصابي أنتِ هم. مُلاذ : جسار أرجع أنا زينه.

سلوى موجودة وتجيب ألي كل شي أحتاجه. شوف حتى رجعت أوگف وأمشي، أتحسنت. الباقي أنا أحله، لا تخلي بالك. جسار : لا مُلاذ شلون أعوفچ هنا؟ على الأقل خل تكبر الطفلة شويه. مُلاذ : جسار الله يخليك لا تتعبني. أرجع أنا زينه والله زينه. قابل شنو تسويلي بعد أنت؟ جسار : تريدين أكل شرب شي تشترين؟ وگعتي صار عليچ شي؟ شلون؟ مُلاذ : لا ما يصير ألي شي وسلوى يمي. عدها سيارة هي جاي تجيب ألي أغراض. گعدت على الكرسي وكملت كلامي.

أقنع بي يرجع للعراق لخد ما بدأ يقتنع. بعد يومين رجع للعراق وأنا بقيت وحدي. سلوى تنام بشقتها والصبح تجيني. خاف أحتاج شي. چنت بفترة للنفاس، نفسيتي متدمرة. شگد أبين گدامهم ما بيه شي. بس چنت كلش تعبانه، نيل الليل كله تبچي. ما أعرف شنو أسوي ألها، أشربها حليبها. وأغير ألها ملابسها، أشيلها وأظل أفتر بيها. بس ماكو فائدة تبقى على فد بچيه. لحد ما أهلك من التعب وهي شوي تسكت. وبعدين ترجع تبچي وأنا أغفي من التعب.

بقت الليلة كلها تبچي وأنا من أشوفها تبچي. روحي تنمرد أحس روحي جاي أذيها. بس بشنو ما أعرف، رغم مربيه ملاك من قبل. بس ملاك لمن بدأت أنا أعتني بيها عمرها سنتين. چنت أفهم شنو تريد من تأشر أو تلح أو تبچين. يظل أحاول وياها بس تبقى تبچي ما أفهم. گعدت الگاع يم كاروكها وهي نايمة بي. أسمع صوتها تبچي، هزيت الكاروك ساكته. دموعي گامت توخز عيني وأنا مانعتهم ينزلن. غطيت وجهي وبچيت بـ جزع وحيرة وتعب. ما أعرف شسوي بعد. گعدت على ركبي.

مُلاذ : شسوي والله سويت كل شي، شسوي؟ أخذت الحليب ودموعي على خدي. أريد أشربها ما تقبل تشرب وتبچي. طلعت من الغرفة أتهسترت، ما أعرف شسوي. گعدت بـ باب الغرفة ساكتة أذاناتي أهدء نَفسي. كلما أحاول أهدء نفسي وأفكر، أرجع أبچي. دخلت للغرفة شلتها بحضني. نمت على الفراش ونومتها على صدري. نزعت ملابسها، ظليت أمسح على ظهرها بهدوء. شوي شوي گامت تسكت، نزلت راسي دحگتلها. گاعدة بس هدأت من البچي، ذبيت نفس براحة.

شلتها نومتها بين أيديه وأنا أمسح على راسها. حركت أطراف أصابعي على وجهها بهدوء. وأستقرت على گصتها، بقيت أحركهم بهدوء. همست بصوت ناصي وأنا أهزها. مُلاذ : أنا گمرة ضواي على نهر النيل. أكو ولد حلو يلعب بالمي أسمه أبيل. أبو يركض ورا بنص الليل. وگف وشاف الگمرة وحبها حيل. جابوا بنية صغيرة وجهها جميل. گمرة وكحة خلت أيهم يتخبل لأن هي تعيل. أبتسمت وأنا أشوفها تغمض بعيونها الصغيرة. وترجع تفتحهم وتفتح وتحرك بأيدها.

خليت أصبعي السبابة بأيدها. أبتسمت لمن لزمته وشوي شوي بدأت تغفى. مرت هيچ الأيام، أيام تظل تبچي. ومن أنومها على صدري لمن تهدء. حاولت بكل طاقتي أعتني بيها بأتم شكل. أخذت أجازة من شغلي. كل اللي يشوفها يگولولي هاي البنية شلون تعيش. ضعيفة حيل وصغيرة، غير عن باقي الأطفال. خفت من كلامهم، الخوفني أكثر بچيها المستمر. لمن أخذتها للطبيب گلي مغص بسببه تبچي. بفترة حملي الدكتورة وضحت الحمل بنسبة خطر.

حتى لمن ولدتها، أكدت الدكتورة نيل تحتاج. للعناية التامة بدون تقصير. خصوصاً ولدتها ولادة مبكرة وبسبب حادث. لمن وگعت من الدرج أنا هم تأذيت. عمرها بلش يصير بالأشهر. منومتها بحضني وأهزها. جمالها ياخذ گلبي كل ما أشوفه. تشبه أيهم، سمرا، عيونها كبار وعسليات. شعرها أسود مثلي، شفايفها طالعة عليه. هم كبار وخشمها صغير. هتان: فتحت باب البيت ودخلت. ضايجة كلش من جسار. جبنا الطريق كله نتعارك. أسبوع هو مختفي، لا يخابرني ولا يسأل.

ذبني يم أهلي وراح. أخابره يگلي أنه بأربيل. أنداريت لمن لزم أيدي. جسار : وين وين؟ نترت أيدي من عنده. هتان : ما يخصك. والله لو ما أيهم وباهر. وأخاف يتعاركون وياك وتصير مشكلة. ما أرجع لو على گص رگبتي وخل تفيدك أربيل. جسار : مرة أنتِ وگولي ما أرجع. لو مو أيهم وباهره. هتان : ولو مو فجر والنسوان مو؟ جسار : يااا قندرة شجاب فجر شجاابها. هتان : لعد وين چنت؟ ها وين چنت؟ جسار : گلتلچ بأربيل يم صاحبي. هتان : يم صاحبك؟

والنسوان أكيد ببيت صاحبك. عض أصبعه بعصبية. حصرتني الضحكة على منظره بس سكتت. جسار : هتان والله العظيم. أذا بعد تگولين أنا خاينج حظج أطيحه. هتان : أقنع روحك بهالحچي. حامل بأبنك وهسه من شفتني سمنت. گمت تدور بنات، شعليه أنا شعليه؟ گمت أبچي وأحچي. هتان : غير أبنك المكبر بطني. شعليه أنا تخونني ها؟ جسار : ولج ولج منو خاينچ؟ لا تخبلين. رفعت أيدي خليتها على عيوني وبچيت. من صدك أنقهرت، الليل كله أخابره ما يجاوب ولا سأل عليه.

بس مرتين قهرني كلش. وأنه حامل روحي صايرة بخشمي. صرت سمينة مو مثل قبل، چنت رشيقة. شالني بين أيديه ومشى بيه للقنفة. گعد وأنه گاعده بحضنه وعيوني مدمعه. هتان : وخر وخر. درت رجليه أريد أقوم، سحبه. نو مدهن وأنه گاعده على رجله. جسار : دگعدي أم زرور. هتان : حتى أنت عندك زرور. ضحك وگال. جسار : لا تجفصين. هتان : والله بس أنا تحچي عليه. وتگلي زرورج صايرات سمينات. أنت مو حامل وزرورك سمينات. ضحك يهتز جسمه. هتان : لا تضحك عليّ.

جسار : يلا زين ما أضحكه. هتان : لا تاخذني على گد عقلي. جسار : ميخالف تعالي. حضن راسي لـ صدره. هتان : وين چنت؟ جسار : بأربيل. هتان : وحق الله جذاب. جسار : هتان! هتان : گلي وين چنت لا تجذب. جسار : يم مُلاذ. رفعت راسي مصدومة دحگت أله. هتان : مُلاذ؟ هز رأسه بقبول. گعدت على حيلي. هتان : شبيها شكو؟ جسار : ما بيها شي. رحت أشوفها وأتطمن عليها. هتان : لعد ليش ظليت أسبوع؟ جسار : مريضة چانت وتعبانه. هتان : شبيها مريضة؟

جسار : هيچ فلاونزا عادية. هتان : أكيد؟ هز رأسه بقبول وهو يمسح على شعري. باس گصتي حيل ورجع راسي على كتفه. جسار : لا تحچين لأيهم. هزيت راسي بقبول. هتان : ما أحچي، جسار. جسار : ها رمانتي. هتان : خطية أيهم. جسار : ليش؟ هتان : شنو ليش؟ ترا هو كلش تعبان. جسار : أعرف. هتان : شفته لمن أجيت؟ جسار : أي. هتان : خطية ضعفان، حتى شيب طالعله. جسار : المهم عايشه. هتان : بس مو مثل قبل. شوفه هسه شلون بارد.

حتى لا يحاچينا ولا ياكل ويانا وطول الوقت. طالع من البيت بس بالليل يرجع علمود أبيل. جسار : خلي يسوي الشي اللي يرتاح أله. هتان : برأيك هو مبتعد عننا ليش؟ جسار : ما أعرف، يمكن يخاف عليكم. هتان : من شنو؟ جسار : يفكر إذا يتقرب منكم. يصير الكم شي بسببه. هتان : يعني يلوم روحه؟ جسار : أي، الصار بأبيل خوفه. گام يعتبر نفسه مسؤول عن كل وگعة توگعوها. وحسب تفكيره إذا أبتعد عنكم. ما يصير ألكم شي. هتان : بس حتى غياب مُلاذ مأذي تره.

جسار : بويه الرجال گلبه مشيب من الضيم. هتان : زين من عرفت؟ جسار : أعرف من زمان. بس أول ما تعرفين شغلة تخص أهلچ بيها أذية. تندفعين وگلبچ مليان وجع حتى تأذين الأذى. بگلام أو فعل، طبعاً اللي أذى أهلچ مباشرة. هذا ما ينفهم وتظلين حاقدة عليه كل عمرچ. جسار : بس اللي يكون بداخل هذا الذنب. حتى لو جزء صغير ويعرف بي وما گلچ. حتى هو راح تريدين تعاقبينه. لمن تهدأين يلا تبدأين تفتهمين أسبابه. هتان : صحيح أيهم علمودنا سكت.

جسار : أعرف وبعدين فهمته. خليت أيدي على لحية جسار. رفعت راسي عاينت أله. جسار : نبوس لو لا؟ هتان : لا، بعدني ضايجة، جذبت عليه. جسار : ها؟ لوفيها بعد لوفيها. گمت من حضنه ومشيت. هتان : راضيني لمن أحاچيك. جسار : وشلون أراضيچ؟ درت وجهي وأنه أمشي للغرفة حچيته. هتان : يمك هاي. بعد ما حسيت غير أنشاليت بين أيديه. عاينت أله وهو حچا بأبتسامة. جسار : عندي طريقة للمراضاة كلش حلوة. تعالي خل أعلمچ عليها. ضحكت بكل صوتي.

وهو مشى بيه للغرفة دخلنا. جسار : سدي الباب. رفعت أيدي سديت الباب وأنه أضحك. غاده: أركض ورا أدهم. أمي گاعده وتضحك عليه. جنات : دعوفي. غاده : يمه راح أبچي أسكتي. أريد أفوت أسبحه وأروح أنام شويه. شرد لغرفة أيهم وأبيل. ختل ورا أيهم وهم گاعدو. وگفت بالباب وعضيت إصبعي أله. وهو خاتل ورا أيهم ويضحك. أيهم : شبي؟ غاده : ما يقبل يسبح. أندار أيهم، شال أدهم گعده بحضنه. أبيل گاعد يمهم ومبتسم. ظل يسولف وياه بصوت ناصي.

وأدهم يجاوبه وما يقبل يسبح. أيهم : أسبح بابا. حتى يطلعك مازن أنت وأبيل. وسع عيونه وضحك. أدهم : والله؟ هز رأسه أيهم بقبول. گام أبن الزفرة، أجاني طيارة يركض. بعدني ما حاچيه، راح قبل سيده للحمام. غاده : شكراً خويه. هز رأسه بقبول ساكت. لحگت أدهم للحمام. غاده : أبن الزفره. صار لي ساعة أركض وراك فحطتني. ضحك وهو يكمز. رحت خليت مي بالطشت. وگعدته بي، ضحكت عليه يطبش بالمي. درت على راسه شامبو، متت من الضحك.

ساعة أسوي له سبايكي لو الزگ شعره. أدهم مكيف ويضحك. بالأخير خلصت وطلعته. لفيته بالمنشفه وبدلت أله. شوي وأمي راحت. گالت تعبت وتريد ترجع تنام. ودعناها أنا وعمتي وراحت. أجا مازن، صار من العائلة. أصلاً ما يرفع عينه ويدحك ألنا أبد. إنسان كلش محترم وحباب. ما يحاچينا غير بالخويه وأخيتي. گعد يم عمتي، أنا رحت للمطبخ. حميت الشاي، بالغرفة أيهم يبدل لأبيل. حتى يطلعون هو وأدهم ويا مازن. سمعت عمتي تگله شوكت تتزوج وتسولف ويا.

تريد أدور لك على بنية؟ مازن : البنية موجودة. -بعد ليش ما تخطبها؟ دحگتله يدحك لـ عمتي. أبتسم وگال بحزن. مازن : البنية موجودة. بس الأهل ما موجودين. خطية گالها بنبرة فد تقهر. نزل عيونه من عمتي للكاع ساكت. مازن : حجيه خل أنتظر أيهم والجهال بره. -ليش يمه خاف ضوجتك؟ مازن : لا أبد بس أريد أدخن. وهنا تصير ريحة جكاير خاف تختنگون. هزت راسها عمتي بقبول. وهو دخل المطبخ حتى يطلع لبره. غاده : أجيبلك الشاي لبره خويه؟

مازن : لا، لا تزحمين نفسچ. غاده : لا وين أزحم نفسي. هسه أكمله وأجيبه ألك. مازن : على راحتچ. طلع برا بالساحة أشوفه من الباب. لأن سيم يبين، گاعد على الصبة يدخن. بالغلط سمعته يحچي بالتلفون. وأنا واگفه أخلي أكواب الشاي. مازن : أي خل يخطبچ ووافقي ما أفيدچ أنا. خطيه أنقهرت عليه واضح يحب البنية. بس ما يريد يظلمها وياه. مازن : أي زين تسوين أحسن. وين هذاك عنده أهل ومعروف أصله من فصل. وين أنا لا أهل ولا أصل ولا فصل.

أستغفرت، هسه أنا شعليه بالولد. عبالك أتصنت عليه بس هو صوته مسموع. مازن : أجيت لأبوچ أربع مرات ورفضو. المرة الأخيرة لا خلا طرد وما خلا حچايــة. تعبت عليه، هسه جايه تلوميني؟ وتگليلي أنت جبان وأنت تخليت عني. أدحك أله خطية گامت دموعه تنزل. وهو يحچي ويبـلع ريگه. مازن : ولج أنتِ لو شایـفتـه نار گلبي. تسولفين بـ كيفچ وتدوسين بـ بطني. ليش أنا الگلت لأمي تعوفني بالشارع؟ هاهيه تاره وافقي وشوفي حياتچ. سد الأتصال.

دحگت للشاي هسه غير يصير. الولد عاتب حبيبته وخلص، وتعـارك وياها. وأرتبطوا وأنفصلوا ورح تتزوج. والچاي بعده. نزلت راسي أدحك للنار، طلعت ما فاتحتها. غاده : أيا خوثه وتلومين الچاي. غميت روحي وفتحت النار على الچاي. أمشي وأدردم على نفسي وفوگاها ضايجة. لأن منتظرة الچاي يصير وأسمع الولد. صبيت الچاي وديته لعمتي ورجعت وديت أله. أخذ مازن الجهال وطلع. لـ بعد شوية جابهم وأجا. بدلت ألهم وعشيتهم. أجا باهر سأل على أيهم. گلتله طلع.

نومت الجهال، بالليل كلش. هستونا نريد نگوم ننام وسمعنا الباب يندگ. عمتي : منو يجي بهالوقت؟ باهر : أيهم يمكن. غاده : غير عنده مفتاح. باهر : يمكن ناسي. لبست شالي ولميت ألعاب الجهال. عدلت الصالة، رفعت راسي. وسعت عيوني مصدومة، دحگت لمازن. أيهم وباهر ساندينه وهو بنصهم. أيهم : گومي يمه. گامت عمتي بسرعة گعدوه على القنفة. وشالوا رجليه ينزعونه حذاءه. صوت مشتغل بتلفونه: "باجر أتزوج وأخونچ وأصرخ لغيرچ تعالي".

وگفت على صفحه يم عمتي. موسعة عيوني وأيدي على حلگي. ومازن خطية وجهه أحمر ويدمع ويحچي وي الشعر بصوت سكران. مازن : باجر تهدني السنين. وأكبر وتكبر جهالي. أيهم : أنعل أبوك لابو جهالك. سده هذا سده لا أسبهم واحد واحد. سد الصوت أيهم. ومازن دفعه ورجع شغل الصوت. مازن : وأبدي أسولف على القديم. الماله أول وماله تالي، أنتِ يا أول ذنب أبيض. أنتِ يا أخر عشك يمرض. أيهم يمسح دموع مازن ويرجعن ينزلن.

وهو مغمض عيونه خطيه ما يدري بالدنيا. صوته مشحرج، لزم أيهم وجه مازن. أيهم : كافي. باهر : ليش شارب؟ دحك أله أيهم ساكت. ورجع دحك لـ مازن. مازن : بنات الليل مجبورات. ما شافن حضن دافي ولا شافن گلب صافي. عاشن وي ظرف مشؤوم چان من الشرف خالي. وأنتِ الما غلطت وياچ مالچ كل عذر مقبول. خنتيني ومسحت دموعي بـ چتافي. واگفين وصافنين عليه ما ندري شنسوي. حتى أيهم سكت وصفن، حچا بنبرة. والله العظيم كسرت گلبي، قهرني.

مازن : تعاليلي تعاليلي. الشمس غيرت تفاصيلي تعاليلي. ولو عندچ مطر عل غير منج گطره خليلي. تعاليلي انه العليّ سويته و زيادة. بس عيونچ الوكحات تكره بيت العگادة. عليچ تخبل الحلقة ولو مو أنه جايبهه. خطيبچ گلتله لا تحتار هذا اللون يعجبهه. خلص الشعر ورجع ينعاد الصوت. أيهم سد التلفون ومازن راد يحجي صاح بي. أيهم : كاااافي. مازن يريد ياخذ التلفون من ايد أيهم. دفع ايده وأنطا التلفون لباهر. گعد أيهم گدام مازن ركبة ونص.

مازن : باجر أتزوج وأخونچ. نزل أيهم راس مازن لـ چتفه. أيهم : كافي حبيبي. أهتز جسم مازن يبچي ويحچي بالشعر وأيهم يمسح على شعره. دار وجهه أيهم مسح عينه، گام وگف. لازم وجه مازن، خلاه يتمدد على القنفة. فتح أيده المنغلقة بأحكام على شال. مازن : جيبه. أيهم : اشش هذا الشال يمج نام. سد باهر الضوه. وأيهم گعد يم مازن. أيهم : روحوا ناموا. باهر : وأنت شلون؟ أيهم : أنام هنا ادخلوا ناموا. سكتنا ودخلنا ننام. نزعت شالي وگعدت.

غاده : هاي شنو ما عدكم واحد يحب حب عادي؟ جاي أستغرب كل ما أشوف واحد منكم يبچي. لأن يحب بنية، بس أنت شو ما بچيت عليه. باهر : چا أحنا مثلهم. غاده : حرامات ما گليتك تگلي لمن قبلت بيك. الفاهية گبل قبلت دشوفي دموعها. تشوفي يبچي عليچ جاي أتحسر. باهر : غاده گومي عني لا أدفرج. منو بچا عليچ من جبتي أدهم. ولمن وگعتي من الدرج. غاده : اييييي أنت هم باچي عليه. باهر : أول مرة أشوف مرة تفرح. لأن رجلها يبچي عليها.

غاده : لعد باهر أنا ما چنت أصدگ رجال يبچي علمود بنية. عبالي كلهم يخونون حتى أنت. چنت منتظرة شوكت تخونني شو أتزوجتك. أيهم ومازن وأيمن الله يرحمه. چان يموت على صافيناز صدمتوني. باهر : أمي معلمتنا ما نستغل بنية بيوم. لمن نحب، نحب بروحنا مو بـ گلـبنا. گمت وگفت حاوطت رگبته بأيديه. على ثغري أبتسامة واسعة. غاده : أممم يعني. أنت تحبني بروحك مو بـ گلبك؟ باهر : انه أحبچ بكل حواسي. برُوحي وعقلي وگلبي وعيوني وأيديه.

غاده : عقلك وگلبك أفتهمنا. بس شلون يعني أيديك وعيونك؟ باهر : يعني عيوني ما تحب تشوف غيرچ. وأيديه تحب تلمسچ. ضحكت. باهر : شنو رأيچ أدهم يصير أخ چبير؟ غاده : أممم. ضحك وباسني. ما خلا ألي مجال حتى أفكر. گعدت الصبح، لميت شعري وشديته. أنداريت لباهر ندسته. غاده : باهر. ما گعد، ندسته مرة ثانية. غاده : باهر اگعد حبيبي. فتح عيونه بنعاس. باهر : شكو؟ غاده : گوم شوف الولد موجودين لو لا. باهر : يا ولد؟ غاده : مازن وأيهم.

باهر : صدگ نسيتهم. گام يشوفهم، دخل الغرفة. باهر : طالعين. هزيت راسي بقبول وگمت. أريد أطلع وباهر واگف گدامي بالباب. رفعت عيوني أله أبتسمت. أبتسم على أبتسامتي وباس شعري. مرت الأيام، أجت ألـنا هتان حامل. وخطية تتشكى من نفسها لأن سمنانه. غاده : ولچ عادي طبعاً تصيرين سمينة. هتان : يعني هسه أنا سمينه؟ غاده : لا لا بس بطنج تكبره. هتان : شلون أذا ظليت هيچ؟ جسار بعد ما يحبني. غاده : هههههه نچبي ولچ ترجعين مثل قبل.

وبعدين شبي السمن؟ هتان : ما بي شي. بس أنا ما أريد جسمي يتغير. هتان : وين أمي؟ ليش ما گعدت لسا؟ غاده : أنا هم أستغربت منها. كل يوميه تگعد من الصبح. هتان : خل أقعدها وأجيچ. غاده : تمام. أنداريت أكمل الريوك. گعد أبيل، غسلت أله وأنا أغسل لأبيل. سمعت صوت صريخ هتان، أنهبطت. بعد أريد أدوس على رجليه ما أكدر. شلون طلعت من الحمام. ووصلت لغرفة عمتي ما أعرف. وهي على نفس الصرخة. فتحت الباب ودخلت. دحگت لهتان تصرخ بأسم أمها وتبچي.

دحگت لعمتي نايمه. ما گعدت من صوت الصريخ. غاده : شكوووو هتاااان شكوووو؟ گعدت الگاع منهاره وتصيح بكل صوتها. أبيل من الخوف على بچيها گام يبچي. ما أدري شنو السالفة، رجليه ترجف. رفعت أصبعها أشرت على أمها. خلت أيديها على راسها لزمت شعرها وصرخت. رحت ليم عمتي موسعة عيوني. گعدت يم راسها. غاده : عمه؟ ضربت خدها، وجهها ثلج. غاده : عمه گعدي. موسعة عيوني وأدحك ألها. نزلت دمعتي مصدومة. رفعت أيدها وهديتها، وگعت.

شهگت مصدومة وخليت أيدي على حلگي. دحگت لهتان تدك وتلطم وتصرخ. ما أدري شسوي أبچي وأدحك ألها. هتان أريد أوكفها ما أكدر، شعرها كله بالكاع. ملخت وجهها وأسمع صوت أدهم وأبيل يبچون. ركضت على التلفون ما لگيت رقم گدامي. غير رقم جسار، أتصلت أول ما جاوب حجيت. غاده : جساااار الحگلي. جسار : شكووو؟ شكو هتان بيها شي؟ شكووووو غاده جاوبي. الشهگه بصوتي حجيت. غاده : عمتتتي عمتي ما تگعد. وهتان هتان تصرررخ وتبچي. جسار الحگلي.

خابر الولد وحاچيهم. ما أگدر أقللهم ما أگدر. سد الأتصال بسرعة. وأنا رجعت للغرفة مصدومة. دموعي تجري على خدي. لزمت أيدين هتان التدك على وجهها وتبچي. فلتت أيديها وراحت تزحف ليم أمها. تبچي ولازمة أيدها تتوسل بيها تصحى. هتان : يمه گعدي يمممممه. يمه أبوس أيدچ أگعدي. لزمت أيديها تبوس بيهم. گامت وخرت الغطى عنها وتبوس برجليه. تتوسل بيها تقعد، لزمتها أريد أهدئها. ما أگدر ألها، روحي راحت. أبچي بكل صوتي.

نزلت الگاع تضرب أيدها بالكاع وتبچي. هتان : يممممه گعددددي يمه لااا تعوفينييي. سمعت صوت الباب يندگ. ركضت فتحت الباب دخل باهر. باهر : شكووو شبيها أمي؟ دخل للبيت يركض. هستوني سديت الباب أريد أدخل البيت. أندگت مرة ثانية رجعت فتحتها دخل جسار. جسار : شكوو شكو وين هتان وين أمها؟ أشهگ وأبچي. جسار : أجا باهر؟ حچاها وهو يدخل البيت، لحگتهم. دحگت لباهر گاعد الگاع ولازم بأيد أمهم. وسع عيونه بدهشة وصدمة وصافن عليها.

گعدت بـ باب الغرفة أبچي. ركض جسار لهتان الملخت روحها لازمها. حچا باهر صوته يرجف بعد ما باس أيد أمه. باهر : يمه شو گعدي عايني ألي. هتان : رااااحت أمي رااااحت. يممممه گعدي حاچينيييي يمه. نزلت راسها للكاع منهارة. جسار محاوط ضلوعها وكاعد وراها. باهر : يمه. خلا أيده الترجف على عيونه. وبكى مهدود حيله بـ جزع وقلة حيله. يعرف ماتت ويعرف ما يفيد شما سوه. بس يريد يحاول ما يريد تعوفه. باهر : يمه. باس أيدها ودموعه مغرگه وجهه.

أريد أقوم يمه وأهدئه ما أكدر. نزل راسه يبچي بحرگه، لزم وجهها. سحب راسها خلاه على صدره. يبكي ويحچي. باهر : يمه علمتيني أحب برُوحي. بس أنا ما أريد أحبچ برُوحي. أريد أفديچ بروحي. الدنيا انگـلبت وكلنا گاعدين نبچي. رفعت عيني لمن دخل أيهم الغرفة يركض. دحك لهتان يريد يحچي ودحك لأمه. سكت وعيونه متوسعة على أمه. ظل واگف هيچ بالباب ويدحك ألهم. وهم يصيحون ويبچون. دقايق مرت وهو بمكانه. دحك أله باهر يبچي بكل صوته ويحچي.

باهر : صفينا بلا أم أيهم. صفينا بلااا روح أيهم. أتقدم بصعوبة دحك ألها وگف يمها. وهتان بعدها مستمرة تناشغ وتبچي. دنك شم أمه حيييل وباس عيونها المغمضات. نزلت دمعته صافن بوجهه ولازم أيدها. أيهم : يا ريحة العافية. أنهمرت دموعه على وجهي. شال عمتي بين أيديه بهدوء. مشى بيها يريد يطلع من الغرفة. صاحت هتان وراه بكل صوتها ما قابله. تريد تفلت أيدين جسار وتلحگه بس أيهم طلع. وسعت عيوني مصدومة. لمن شفت قطرات دم على الگاع.

رفعت راسي لهتان الوگفت. نزلت راسها دحگت الگاع. جسار وراها واگف نزل نظره الگاع. بعد ما شاف نظراتنا، توسعت عيونه مصدوم. وگعت هتان بين أيديه مغمي عليها. ركض عليهم باهر. فقدت هتان طفلها وسوينا فاتحة عمتي. هتان مرت بأكتئاب ما گدرت تطلع منه. أخوانها متشتتين وباهر كل ليلة يبچي. أيهم أصلاً ما نسمع صوته ولا شفنا. بس بالفاتحة نشوفه وواضح شلون مهدود حيله. رغم هذا الوجع سندوا أختهم وبقوا وياها. چانت أيام مثل السم تمر علينا.

عيوننا ما تجف من دموعها. عمتي چنت كلش أحبها وعلى طول وياها. ما شفت فد يوم شي مو زين منها. دائماً عاملتني مثل ما تعامل هتان. مرت الأسابيع، حاول باهر يرجع مثل قبل. ورغم هالشي واضح بعيونه الكسرة والصدمة. ماتت فجأة بدون سبب. متوقف گلبها عن النبض وتوفت. هتان چانت صدمتين ألها. وهالشي دهور حالها أكثر، أمها وطفلها. جسار حاول وياها حتى ياخذها لدكتورة نفسية. بس چانت رافضة أشد الرفض وعلى طول تبچي. أتمرضت كلش أيام طويلة.

مريضة ونايمة بجرباية أيهم. دخل جسار الغرفة وأيهم گاعد. شالها. گامو باهر وأيهم بسرعة وگفوا بوجهه. أيهم : وين؟ جسار : لبيتنا. باهر : هتان وضعها تعبان مو وقتها أبد! جسار : أعرف أعرف وضعها تعبان. وأعرف مو وقتها وما ماخذها. حتى أسوي مشاكل وياكم. جسار : بس هذا البيت جاي يأذيها أكثر. من ما ينفعها، لازم تبتعد عن هذا البيت لفترة. لحد ما ترجع لوعيها وتصحى على نفسها. كل ما أدورها جاي ألگاها بغرفة أمكم. وعلى فراشها وتبچي.

جسار : إذا هسه رفضتوا وگلتو ما تروح. فما عندي مانع أتعارك وأخذها. لأن ما أريد تزيد أذيتها فوگ ماهي متأذيه. ومستعد أبقى وياها لآخر لحظة. لحد ما تتحسن وتصير زينه. عبرهم وطلع من البيت وهم راحوا ورا. طلعت وراهم، صعدها بالسيارة. بالكشن الورا نومها، مديت علاجاتها أله. أخذهن وصعد بالسيارة، راح أيهم وياهم. ودعنا جسار وراحوا. دخلت للبيت صار صنطه ماكو ولا صوت. حتى الجهال هادئين ما الهم صوت. هتان: روحي أحسها منتهية.

منظر أمي ما يروح من بالي. عيوني جفت گد ما بچيت عليها. أتمنى حلم وأصحى منه وألگاها گدامي. نزلت دموعي على المخده. أنفتحت باب الغرفة وأنسدت. حسيت عليه گعد يم راسي. يمسح على شعري، دنك باس كتفي. أحس هدوء الدنيا كله وبنفس الوقت. وجعها كله محفور روحي. أنداريت لجسار خليت راسي على صدره. بچيت بحرگه، جسمي يهتز وروحي تريد تطلع. الصخونه حارگه راسي وعيوني. لابسه بس گيمونه ومحتره، أريد أموت من الحرج. جسار : آش بابا حبيبتي أهدئيه.

هتان : أريد أمي. جسار : شحچينا؟ هتان : أريدها أريدها وياي. مسح دموعي بـ أيده. جسار : هتان حبيبتي دحگي لي. رفع وجهي بـ أيده وأنه مغمضة وأبچي. نزل أيده يمسح دموعي مره ثانية. جسار : شو أفتحي عيونج ودحگيلي. فتحت عيوني يوجعني. أحسهم مشتعله بيهم نار. رفعت عيني لجسار عاينت أله. والشهگه بصوتي. جسار : الموت نهاية كل أنسان. رب العالمين لطف بحال أمچ وأخذها يمه. اللي أنطاها هذي الروح أخذها مرة ثانية.

أعرف مو سهل وأعرف ما تتقبلين هسه. بس أنا أريد گلـبچ يرتاح، أمج بمكان أحسن. من هذي الدنيا الفانية هتان. هتان : بس أريدها يمي. ما أريد تعوفيني ما أريد أعيش بدونها. جسار : هتان راح أسألچ سؤال. بس جاوبيني بدون بچي زين حبيبتي؟ سكتت بس دموعي بقت تنزل. جسار : الچتال... ليش ما ميت لحد هسه؟ رغم جرائمه توصله أعدام. والقاضي چان يگدر يحكم بالأعدام. بس أخذ طلب مُلاذ بعين الأعتبار وحكم مؤبد. هتان : ما أعرف.

جسار : موت الچتال بالطريقة. اللي قاسمها أله رب العالمين. چان يگدر يموت خلال لحظة وحدة. بس ما مات، تدرين ليش؟ هزيت راسي برفض. جسار : الإنسان السيء مكتوب بقدره. يتلوى يتلوى لمن يموت، يتعذب بالدنيا. ويندار بي الوقت يلا يموت. جسار : تخيلي أمچ شكد أنسانه زينه. وشكد رب العالمين يحبها! ماتت بدون وجع. بدون ما تتأذى بسبب مرض أو أي شي ثاني. قنعني كلامه بس تبقى غصة بگلبي موته. ما أنسى لو شمهما يصير ما أنسى.

ولا راح أگدر أنسى، فقدتها وفقدت أبني. جسار : أبچي أحزني بس لا تدمرين نفسچ. الموت حق وحق كل إنسان بهالدنيا. نهاية كل إنسان رح تظلين ورا كل شخص يمووت. هيج تسوين بروحچ؟ هتان : أمي الراحت مو أي شخص. جسار : أعرف ومستحيل ألومچ. أو أگلچ لا تبچين بس اللي أريده منچ. خليني أساعدچ حتى تگدرين تعيشين. لا تعوفيني بدونچ، ما أريد أشوفچ هيچ. ناهيج عن وجع گلبي من أشوفچ هيچ. روحي من جوفها جاي توجعني. سكتت وظليت صافنه لحد ما غفيت.

بمرور الأيام حاولت أتخطى الصار. بس صعبة صعبة حيل. نهاية كل يوم أنهار. بدأت أراجع يم دكتورة نفسية. بس ما چانت زينه أبد وجسار دور وحده غيرها. والثانية چانت زينه بشغلها وساعدتني هواي. حتى أتخطى وأنسى وأتعايش وي الوضع. لحد ما رجعت تقريباً مثل قبل. بس بقى بداخلي فد شي مكسور. ملاك: بلشت أمتحاناتي من زمان وخلصت. چان گلبي متروس خوف. خاف ما أجيب المعدل الأريده. بس سلطان وأمي دائماً يشجعوني.

هم الوحيدين اللي ساعدوني بهالفترة الصعبة. طلعت المعدلات، التلفون بـ أيدي. وسلطان واگف يمي والرابط ما يفتح. گمت أبچي من الرعب. وأمي بأيدها الجكليت منتظرة أحچي. حتى تطشه علينا وتهلهل. طلعت ودخلت من الرابط ألف مرة. بالنهاية گعدت الگاع والتلفون گدامي. وأبچي أريد أشوف درجاتي. گعد يمي سلطان يهدأني وأخذ التلفون. طلع من الرابط ورجع دخل صاح. سلطان : فتح. أخذت التلفون بسرعة وهو ضحك وگعد. سلطان : أيدي خضرا.

ضحكت أمي، دخلت على مدرستي. أدور أسمي وأيديه ترجف. شفت أسمي، قريت درجاتي صرخت بكل صوتي بفرح. ملاك : 98,67. بچيت بفرح. ما أسمع غير هلاهل أمي وبچيها. وأنا طايرة طايرة من الفرح وسلطان حضني. عندي درجة الدور الأول صارت 99,67. بيومها طلعت واتونست ونسة مو طبيعية. والعصر أجو گرايبنا يباركون ألي. شگد أتمنيت مُلاذ موجودة وتشوف. متأكدة هي چانت أول وحدة رح تفرح ألي. بعدين رحت قدمت وطبعاً ردت طب أسنان.

أنتظرت تطلع القبولات والحمدلله طلعت. وقبولي طب أسنان، رغم أفرح. بس تبقى فرحتي مكسورة بدون مُلاذ. نور: أتجمعنا أحنا وعمتي وعزيز وضرغام. فرشنا سفرة وگعدنا ناكل. لمة عائلية وأجواء حلوه من زمان مفتقدتها. خلصنا أكل وبدينا نلم الماعين. أجت لالي يمي تساعدني هي وليان. نور : أي لالي شلونچ وي ضرغام؟ لالي : زينه. ليان : زين ليش مكشولة وتحچيها؟ لالي : حياته كلها شغل. أحس روحي شي ثانوي بحياته. ليان : طبعاً حبي غير ضابط.

أكيد دوم يكون عنده شغل. بس أنتِ مو شي ثانوي. نور : ليش شبي؟ لالي : هو يتصرف وياي عدل وحباب. بس لمن يخابرون يتبخر يختفي من گدامي. وأنتِ بعد أحسبي 24 ساعة يخابرون عليه. شوكت أشوفه ويشوفني ما أدري. ولا تستغربن إذا هسه عافني وراح. نور : طبعاً لازم يروح بسرعة. ينزلون بيهم عقوبة إذا تأخروا لو ما راحوا. أتذكر أسكندر يخابرونه. يظل ما يندل راسه من رجليه. ويركض منا ومنا حتى يلحگ. مرة من گد ما مستعجل يزلك بالباب. ضحكت لالي.

لالي : أتخيل ضرغام يزلك بالباب. الا أموت من الضحك عليه. نور : هههههه هو وقتها عزيز چان واگف. وشافه گام يبچي من الضحك. وأسكندر ما خله مسبه تعتّب عليه. لو مو مستعجل چان گتل عزيز. ضحكن ليان ولالي. شوية ودخل ضرغام صاح لالي. گامت تشوفه، شوية ودخلت عيونها مورمه. نور : يااا هاي شبيچ؟ لالي : ماكو شي أريد تلفوني. أخذت تلفونها من على الميز. وطلعت من المطبخ، ظلينا أنا وليان. وحده صافنة بوجه الثانية.

لحگناها للغرفة، دخلنا لگيناها تبچي. نور : ولچ شكو أحچي. لالي : ماكو شي حبابات عوفني. نور : يا أحچي؟ لالي : سمعني وأنا أحاچيچ. نور : ياااا لعد أنتِ قابل شحچيتي؟ ليان : شبي شنو حاچاج؟ لالي : مفضلني على كل الناس وعلى كل شي. ويركض علمودي ويسوي كل شي علمودي. بس أنا ما مقدرته ولا مقدرة تعبه. نور : ليش هيچ يحچي؟ لالي : هو أصلاً كل شي عنده واجب. يسوي ويخلص هاهيه خلص واجبه. نور : شنو يعني حتى بعلاقتكم؟ مسحت دموعها لمن نزلت.

لالي تكتم هواي بعدين تنفجر. لالي : ليش هو شوكت صارت عدنا علاقة؟ من أتزوجنا لحد هسه ولا مرة گال يحبني. ويجيني عبالك آله عنده أنا يخلص ويعوفني. نور : مو هستوچ تگولين حباب؟ لالي : أي حباب وزين وبس. ما جاي أحسه زوجي ولا أحسه يحبني. حتى ما گلي فد يوم أحبچ. نور : لالي اكو زلم ما يعرفون يعبرون. هسه أركان واحد منهم شلع گلبي. يلا أتقدم خطوة ووصلنا لهاليوم. لالي : كلمة يستكثرها عليّ؟ من تزوجنا لسا أنا وحدي بين أربع حيطان.

وهو بشغله، يتصل مكالمة مدتها 50 ثانية. يگلي شلونچ ويغلق الأتصال، هاي علاقتنا. نور : زين ما حاولتِ ويا؟ ما أتقدمتي أنتِ خطوة؟ يمكن هو ما يعترف بمشاعره. لالي : ليش أنا اللي أحاول ليش مو هو؟ نور : على بختج لالي. هذا زواج عمر كامل تظلين تتحدين وتقارنين. أتقدمي خطوة أذا هو أتقدم هم خير على خير. ما سوى شي حاچي و گليله سببج وعوفي. سكتت محتارة بعدين وافقت على كلامنا. يومين وأجتنا لالي بس هالمرة تختلف.

نور : سويتي الحچيت الج عليه؟ هزت راسها بقبول مبتسمة. نور : مبين فادت؟ لالي : أي هو طلع متردد. نور : شفتي. أبتسمت ساكته. بعد كم شهر ولدت أبني. سميته "أيليا"، أركان كلش فرحان بي. بس راكان ضاج منه ودائماً يزعل منه. لمن يشوفنا نهتم بي رغم ما نفرق بينهم أبد. بس بعد طفل وظلينا نقنع بي. أخوك جاب لك حلويات. أخوك جاب فلان شي ألك. لحد ما بدأ يتقبله بعد معاناة. بعد سنتين ونصف: مُلاذ: گمت، لميت الألعاب اللي على الگاع.

رتّبت البيت، دخلت المطبخ لميته. أنداريت للتلفون لمن رن المنبه، أخذته. غلقت المنبه، شمرت التلفون على القنفة. مشيت للغرفة، فتحت بابها ودخلت. دحگتلها أبتسمت، گعدت يمها. دنگت بست راسها. مُلاذ : نوني... لزمت خدودها أبوسهم. مُلاذ : نوني يلا گعدي مامي. أتـنـحـسـت بـنـومـهـا، فـتـحـت عـيـونـهـا و سـدتـهـم. شـلـتـهـا و مـشـيـت بـيـهـا. مُلاذ : يـلا مـامـي يـلا نـگـعـد حـتـى نـطـلـع. فـتـحـت عـيـونـهـا تـدحـك ألي.

خـلـت رأسـهـا عـلـى كـتـفـي مـنـعـسـه. أخـذتـهـا غـسـلـت وجـهـا لـمـا گـعـدت. مُلاذ : هـا مـامـي؟ ضـحـكـت و حـضـنـت رگـبـتـي. نـيـل : مـامـي. مُلاذ : روح مـامـي تـعـال نـتـريـك. نـزلـتـهـا لـلـگـاع. لـزمـت أ يـدهـا و مـشـيـنـا لـلـمـطـبـخ. مُلاذ : يـلا شـنـو نـا كـل؟ شـلـتـهـا گـعـدتـهـا عـلـى الـكـاونـتـر. أشـرت عـلـى الـلـهـايـة مـالـتـهـا. مُلاذ : خـتـولـيـنـيـل. نـيـل : أمـم. هـزت رأسـهـا بـرفـض عـود أر يـدهـا.

مُلاذ : خـتـولـيـنـيـل. نـيـل : ثـيـثـي. ضـحـكـت و بـسـتـهـا. مُلاذ : خـتـولـي ثـيـثـي. نـيـل : ثـيـثـي. غـسـلـتـهـا و أنـطـيـتـهـا أ لـهـا. أر يـد أبـطـلـهـا مـنـه. بـس تـحـبـهـا و مـتـعـودة عـلـيـهـا مـا تـعـوفـهـا أ بـد. ضـحـكـت، أ بـتـسـمـت عـلـى ضـحـكـتـهـا. شـلـتـهـا خـلـيـتـهـا بـالـگـاع تـفـتـر. فـتـحـت الـثـلا جـة طـلـعـت عـسـل. دحـگـت ألي و خـرت الـلـهـايـة بـسـر عـة و أجـتـنـي. مُلاذ : عـسـل.

نـيـل : عَـمـعـم. و كـلـيـنـي. كـلـش تـحـب الـعـسـل. كـل يـومـيـة الـصـبـح أو كـلـهـا عـسـل. مُلاذ : يـلا عـمـعـم نـا كـل عـسـل؟ أحـچـيـهـا و أضـحـك عـلـى سـوالـفـهـا. هـزت رأسـهـا بـقـبـول. طـابـگـة أ يـديـهـا و مـبـتـسـمـة. مُلاذ : گـولـي عـسـل. دحـگـت ألي و ضـحـكـت بـبـراءة. گـمـت خـلـيـت أ لـهـا بـالـخـاشـو گـة عـسـل. نـزلـت عـلـى ر گـبـي گـعـدت گـدهـا. مُلاذ : أجـت أجـت الـطـيـارة.

فـتـحـت حـلـگـهـا و و كـلـتـهـا. ضـحـكـت، صـفـگـت أ يـديـهـا. مُلاذ : عـفـيـة نـونـي عـفـيـة. هـي هـم كـيـفـت و صـفـگـت. رحـت شـغـلـت الـتـلـفـزيـون طـلـعـت أغـنـيـة أطـفـال. گـعـدتـهـا يـمـي بـكـرسـيـهـا و گـفـت أسـوي ر يـو كـو أغـنـي أ لـهـا. مُلاذ : ذهـب الـلـيـل طـلـع الـفـجـر. و الـعـصـفـور صـو صـو. و خـرت الـلـهـايـة بـسـر عـة و حـچـت. نـيـل : ثـو ثـو. رجـعـت الـلـهـايـة. مُلاذ : هـهـهـهـه.

شـاف الـقـطـة گـالـهـا بـسـبـس گـالـتـلـه. رجـعـت و خـرت الـلـهـايـة بـسـر عـة و حـچـت. نـيـل : نـونـو. ضـحـكـت مـن كـل گـلـبـي عـلـيـهـا. بـقـيـت أسـوي ر يـو كـو أغـنـيـلـهـا. حـتـى خـلـصـت و گـعـدنـا نـا كـل أنـا ويـاهـا. دخـلـت الـغـرفـة الـمـلـمـهـا. دورت عـلـى قـمـيـص أبـوهـا مـا لـگـيـتـه. أ نـد ر يـت و صـحـت أ لـهـا. مُلاذ : نـانـي. مـا أجـت، رجـعـت صـحـت مـرة ثـانـيـة. مُلاذ : نـانـي.

أجـتـنـي تـركـض و تـحـك بـشـعـرهـا. نـيـل : أمـم. مُلاذ : ويـن قـمـيـص بـابـي. مـشـت و أنـا مـشـيـت و را هـا. راحـت لـ و را الـقـنـفـة. طـلـعـت د بـد وبـهـا ضـامـتـه بـالـزاو يـة. و مـلـبـسـتـه الـقـمـيـص. أهـتـز حـسـمـي أضـحـك. نـيـل : دوديـي. مُلاذ : بـس هـذا مـال بـابـي. ظـلـت تـدحـگـلـي و هـي تـحـك شـعـرهـا و صـافـنـة. مُلاذ : هـذا قـمـيـص بـابـي. هـزت رأسـهـا بـقـبـول.

نـز عـت الـد بـد وب الـقـمـيـص و أجـت مـد تـه أ لـي. مُلاذ : شـكـراً نـانـي. لـزمـت بـ مـلابسـي و أنـا أمـشـي و هـي تـمـشـي و راي. دخـلـنـا الـغـرفـة أنـا ويـاهـا. فـتـحـت بـاب الـكـنـتـور. طـلـعـت مـلابـس أ لـهـا و أ لـي. خـلـيـت لـبـسـتـيـن گـدهـا. مُلاذ : نـانـي. رفـعـت رأسـهـا دحـگـت ألي. مُلاذ : ?this or this. أشـرت عـلـى الـلـبـسـة الـثـانـيـة. جـانـت جـامـسـوت و تـحـتـه تـشـيـرت أبـيـض.

يـلـي مـا أخـتـارتـه بـنـطـرون و تـشـيـرت كـامـلـات سـوه. لـونـهـم وردي و أ بـيـض. لـبـسـتـهـا الـجـامـسـوت. مُلاذ : تـعـالـي نـمـشـط شـعـر چ. نـيـل : بـابـي بـابـي. عـافـتـنـي و راحـت لـلـمـيـز. تـريـد تـفـتـح الـمـيـز مـا تـگـدر. لـحـگـتـهـا. فـتـحـت الـمـيـز طـلـعـت صـور أبـوهـا. بـاقـيـة عـنـدي الـه 4 صـور طـبـعـتـهـم. و صـورة بـابـا يـلـي بـايـسـنـي بـيـهـا. و صـورة بـابـا وي أ يـهـم و أ يـمـن.

أخـذتـهـم و رجـعـت گـعـدت عـلـى الـفـراش. تـدحـك ألـهـم و تـگـلـب بـيـهـم بـحـضـنـهـا. نـيـل : بـابـي. مُلاذ : بـابـي حـلـو و هـوه. هـزت رأسـهـا بـقـبـول و هـي مـبـتـسـمـة. مُلاذ : شـو فـي هـذا أ بـيـل. حـركـت أ يـدهـا و هـي تـحـچـي. الـلـهـايـة بـحـلـگـهـا. نـيـل : بـي بـي. ضـحـكـت و د نـگـت بـسـت كـتـفـهـا. مـشـطـت شـعـرهـا و خـلـصـت. سـويـت أ لـهـا ذ يـل حـصـانـات ثـنـيـن. خـلـيـت فـيـونـگـات لـونـهـم أحـمـر.

د ر تـهـا أ لـي دحـگـت أ لـهـا. خـلـيـت أ يـديـه عـلـى حـلـگـي بـحـركـة أنـدهـاش. مُلاذ : و ا ا و نـانـي و ا ا و. You are so beautiful! أحـچـي ويـاهـا أنـگـلـيـزي و عـربـي و تـركـي. مـن أ گـلـلـهـا أنـتِ حـلـوة بـالأنـگـلـيـزي تـفـتـهـمـنـي. تـد نـت عـلـيـة خـلـت أر نـبـة خـشـمـهـا عـلـى خـدي. و تـحـركـهـا عـلـى خـدي و تـبـوسـنـي. أ بـتـسـمـت و شـلـتـهـا نـزلـتـهـا مـن الـجـربـايـة.