رواية جريمة عشق الفصل الرابع والعشرون 24 - بقلم مريم نصار

في الفرح. مصطفى نزل وساعد چود ودخلوا القاعة. على أغنية "طلي بالابيض". محمد نزل من العربية ومعاه نور، وماسك كف أيدها وداخل بيها. كأن الحفلة ليها هي وبس. وزين وريتال، ومالك وساره، داخلين القاعة وليهم دخول مهيب كرجل وسيدات أعمال. فارس: جه ووقف قدام چود وباس جبينها. وأبتسم بحب كبير وماشي جمبها.

چود: أبتسمت ومبسوطة. وبصت على الاستديو والتربيزات. وشافت شباب كتير جداً ولابسين يونيفورم واحد، كلهم قمصان بيضا على بناطيل سودا. وكلهم صفروا لمصطفى بترحيب كبير جداً. وكشرت عينيها بعدم فهم وهمست وقالت لنفسها: هما دول أصحاب مصطفى في الجامعة؟ مصطفى: شاور لهم. والمفاجأة إللي چود متعرفهاش إن مصطفى حاجز قاعتين أفراح. قاعة للشباب وقاعة للبنات. واخدها على قاعة البنات وقال: تعالي يا چودي. چود: بصدمة. أنت بتقول ايه يامصطفى؟

مصطفى: يابنتي افهمي. أنا حجزت دي علشانك، لأن كل صحابي إللي في الجامعة جايين علشاني. وزي ما انتي عارفة مش هيقعدوا يشربوا قهوة؟ لأ دول جايين يخربوها. ساعتين زمن بس وهتطلعي انتي وبنات العيلة ونكمل فرحتنا. ساعتين وهيمشوا لأنهم من مناطق بعيدة عن هنا. چود: صكت على أسنانها بغيظ واضح وقالت: هو فرح أسو… أصلاً؟ وأنا برضه بقول مصطفى إزاي يكون عاقل من غير حوارات؟

أسمع أنا ماليش دعوة. إحنا حجزنا قاعة لينا كلنا شباب وبنات العيلة وعيلتي كلها. تقوم دلوقتي تحطني هنا؟ مكنت خدتني دار مناسبات أحسن يامصطفى. مصطفى: هشش وطي صوتك. علشان ملعبش في وشك البخت. يابت افهمي. أنا بغير عليكي يا حماره انتي. إزاي عايزاني اخليكي تقفي وتتمايلي وترقصي قدام صحابي؟ ها؟ قولتلك قبل كدا أنا مش شاهنده يا چود. واعقلي وعدي الليلة على خير. چود: بتتنفس غيظ. أنا عايزة أروح. روحنااااي.

مصطفى: ضغط على شفايفه بغيظ واضح. أقسم بالله لو معديتي يومك. انتي حرة. ميرو: جت. إيه يا جماعة صوتكم عالي ليه؟ وانت يامصطفى. تيم بيقولك أنت هتنام هنا؟ يلا بقى اتفضل من غير مطرود. مصطفى: مسح وشه بأيديه ونفخ وقال: طيب عقليها يامريم. بقولها ساعتين وهنتجمع كلنا. مش معقول اطلعها قدام صحابي الشباب. متتكلموا ياجدعان. مريم: بضحكة. اطلع انت بس ياعريس وملكش دعوة. وأحنا هنظبطهالك. مصطفى: برفض. لأ مش هطلع غير لما أشوفها مبسوطة.

چود: مبوزة ولفت وشها بعيد وبتهز رجلها بنرفزة. ميرو: قربت من ودنها وشوشتها. مصطفى: نفخ بخنقة وقال: هي بتقرالها المصحف في ودنها؟ متنجزو ياجدعان. چود: ضحكت بمكر وقالت: طيب يامصطفى ياحبيبي. أطلع أنت لاصحابك. مصطفى: تنح. حبيبك؟ انتي قولتيها ايه يابركة؟ ههههه. ميرو: ههههه. قولتلها كل خير. يلا بقى اتكل على الله. مصطفى: ها يا چودي. أنا مش مطمنالك. چود: زقته بهزار. يلا بقى امشي. مصطفى: بحماس.

باسها من خدها وقال: هتشوفوا موزة حياتي يا جدعان. ساعتين وراجعلك ياجميل. ومشي بسرعة. چود: ضحكت وقالت بخبث: وحياة أمك لاوريك مين هي چود السيوفي. وضحكت وقالت لمريم: والله أحسن ع رايك ياميرو. إحنا هنرقص براحتنا ونعيش الفرحة الكبيرة. أصل كلهم هرمون الرجولة عندهم عالي. ميرو: بضحكة. مش عايزين جنان يا چود. چود: رفعت حاجبها وقالت بتوعد: هو في أحلى من الجنان يابنت عمي؟ في قاعة الشباب.

مصطفى داخل عليهم والبهجة حضرت. وصحاب مصطفى وسعيد قابلوا مصطفى بالتصفير والترحيب. وفجأة الميوزك ابتدا والشباب أخدوا مصطفى على الاستديو وبدأوا يهيبروا. يوسف: بيضحك وقال بتعجب: كل دول صحابك يامصطفى؟ دول أكتر من العيلة مرتين يبني. فارس: بضحكة. بجد اتفاجأت. وأحلى حاجة عملها مصطفى أنه أخد رأيي في أنه عايز يحجز قاعتين.

يوسف: بتأكيد. فعلاً هو قالي أنه عازم كل أصحابه. من أيام الثانوي لحد الجامعة والجيران كمان. وقولتله ناخد رأي عمك فارس علشان محدش يتفاجيء. فارس: بسعادة. الفرح حلو يا يوسف. وربنا يفرح الجميع. يوسف: آمين يارب. تعالى بقى نستقبل المعازيم. على الاستديو. مصطفى مسك المايك وبيقلع الجاكيت وحدفه لچواد

وقال في المايك بصوت عالي: مساء الأنوار، والكل يقفل على أي حوار. انهرده فرحي. يعني الفرحة الكبيرة، يعني الفرحة المنتظرة. يعني حفيد أشرف مصطفى عزيز بيتجوز. أهم من أنجبت مصر. فرحة انهرده وعايز الكل يفرح ويرقص. إللي مش هيفرح لما يشوف فرحتنا غصب عنه هيفرح. العزول لأ. ونقول تاني العزووول لأ. الصاحب الجدع آه. ويلا فرحة. صحابه بصوت عالي: يلاااا فرحه. وشاور للميوزك وبدأ يغني لحكيم "على الواحدة كله يرقص" والكل هيبر معاه.

كل الشباب عملوا دايرة كبيرة وبيرقصوا بحركات متفقين عليها. چودا طلع جمب مصطفى وشاور لآركان وآسر. آركان: لفهد. بعد إذنك ياحج أنا غير متاح دلوقتي لأي طلبات. سلام. وطلع يجري على الاستديو. فهد: ضحك بصمت. مراد: بيسلم على رجال الأعمال وشاور لفهد. وفهد شافه وراح يستقبل معاه. مصطفى: غنى وقال: واو واو واو واو واو عل الواحدة كله يرقص عل الطبله كله يرقص عل الصفقة كله يرقص اووووه هلا هلا كله يرقص ماتيلا كله يرقص

عل البركة كله يرقص اووووه دلعنا ياعمي يلا بالعقل وبالأصول وان لامو علينا يلا خلي اللي يقول يقول خليه عمال على الله ويلا نكيد العزول عل الواحدة كله يرقص عل الطبله كله يرقص عل الصفقة كله يرقص اووووه هلا هلا كله يرقص ماتيلا كله يرقص عل البركة كله يرقص اووووو هاوووووه واو واو واو اوووووه واو واو واواوووووه واو واو واو اوووووه طير بينا ياقلبي يلا على الحب وعلى الغرام نحضن أيامنا يلا ننسى الآه والخصام

خايفين من بكرة ليه في إيه نخاف عليه هما اللي قبل منا من الدنيا اخده إيه ونجحنا كله يرقص وفلحنا كله يرقص وارتحنا كله يرقص اوووووه وسهرنا كله يرقص وذاكرنا كله يرقص ونجحنا كله يرقص اووووو هاوووووه واو واو واو اوووووه واو واو واواوووووه واو واو واو اوووووه الله على الحب لما بيجمع دول ودول الدنيا بتبقى أحلى واللي بيصبر بينول سلمها للي فوق وانسى الأوهام وفوق دي مصيرها تروق وتحلى دوق طعم الفرحة دوق عل الواحدة كله يرقص

عل الطبله كله يرقص عل الصفقة كله يرقص اووووه هلا هلا كله يرقص ماتيلا كله يرقص عل البركة كله يرقص اووووه وسهرنا كله يرقص وذاكرنا كله يرقص ونجحنا كله يرقص وفلحنا كله يرقص وارتحنا كله يرقص عل الواحدة كله يرقص عل الطبله كله يرقص هلا هلا كله يرقص.. لما آركان وچواد وآسر طلعوا على الاستديج وانضموا للفريق. الفرحة بقت فرحتين. زين بيقابل رجال الأعمال صحابه وبيعرفهم على العيلة. مراد وفهد والدكتور محمد. زين: شاف زياد وشاور ليه.

زياد: قام وقفل جاكت البدلة وأستأذن الضيوف وراح لزين. مالك: قام بسرعة وقال: ثواني يابابا. هروح أسلم على سيادة المستشار وراجعلك. چاسر: اتفضل يبني. وأنا هروح لعمك طارق وعمك أشرف. تيم وآريان وكريم بيضحكوا ع جنون مصطفى وآركان والفرحة اللي طالعة من قلبهم. آدم مراد: قاعد على تربيزة لوحده وباصص قدامه بشرود. في قاعة البنات. چود: طلعت على الاستديو وقالت للبنت بتاعة الدي جي: بقولك إيه ياقمر. البنت: yes.

چود: بعدم اهتمام. وماله يس ميضرش. بصي بقى شغليلي كدا حاجة تفرفشني. عارفة أغنية أمينة "وأخيراً اتجوزت". البنت: yes. چود: برضه مصممة؟ ماشي شغليها بقى. البنت: okay. وشغلت أغنية أمينة والميوزك ابتدا. چود: شاورت لبنات العيلة. حياة وكارما وكمان (آرين) وكانوا بيرقصوا على حريتهم من غير قلق. ميرو: بتسقف بهدوء وبتضحك من قلبها هي وتمارا ونور ورينو وفريحة. على چود وحياة وكارما وآرين.

آرين أول مرة تحس بالفرحة اللي بجد ورقصت مع البنات بحريتها. لأن مفيش حد من الشباب موجود. وچود ندمت أنها اضايقت في الأول. لكن دلوقتي مبسوطة. وشافت رودي بتغني مع الأغنية وبتسقف. چود: نزلت بسرعة وشدت رودي على الاستديو ورقصت معاها. ورودي رغم الحزن اللي جواها. لكن فرحة بنتها وهي بالفستان الأبيض محت أي زعل جواها وعاشت الفرحة اللي بجد في وسط الناس اللي بيحبوها.

البنات نزلوا علشان ياخدوا فريحة ونور ورينو يرقصوا. لكن كل واحدة رفضت بشده. علشان أولاً سنهم ومركزهم وأزواجهم. وكانوا قاعدين مبسوطين. حياة: نزلت أخدت همس ترقص معاها. وهمس سابت محمود وحمزة مع مليكة وسارة. مريم: قاعدة ومعاها رنا بيتكلموا عن طارق وزعله على حفيدته. وهنا وملك بيهونوا عليها. ريتال: قامت بسرعة وضحكت وقالت: أهلاً أهلاً. مدام أحلام. نورتيني. أحلام: بإبتسامة. أهلاً بيكي يا ريتال. ألف مبروك ياحبيبتي.

ريتال: بإبتسامة. الله يبارك في حضرتك. اتفضلي تعالي أعرفك على العيلة. ريتال: راحت عند مريم وقالت: ماما أحب أعرفك على مدام أحلام. من أنجح سيدات الأعمال وزوجها رجل أعمال وابنها الباشمهندس يسري. وفترة تعليمه كلها كانت في فرنسا. ودلوقتي رئيس مجلس إدارة شركتهم. ضيوف زين. مريم: بابتسامة. أهلاً وسهلاً بيكي ياحبيبتي. نورتيني.

أحلام: أهلاً بحضرتك. أنا بجد فرحانة أوي إني أخيراً اتعرفت على والدة الباشمهندس زين. بجد قمة الأخلاق والرقي. وريتال كمان عمري ما شوفت سيدة أعمال بالجمال والأخلاق دي. بجد أنا اتشرفت بحضراتكم. مريم: بفخر. تسلمي ربنا يعزك. ريتال: بإبتسامة. ميرسي جداً. اتفضلي أعرفك على مامتي وباقي العيلة. في قاعة الشباب. الشباب شايلين مصطفى وبيرقصوا والدخان يتصاعد بألوان مختلفة والأغاني كلها مهيبرة زي مصطفى بالظبط.

بيتر وصل. وسلم ع آدم وطارق وباقي الشباب. بيتر: بهمس. ماله طارق يا آدم مش على طبيعته. آدم: لا ده كدا أحسن بكتير. من الصبح وهو متعصب. مانت عارف. أنه مربي چود. والبيت هيفضى عليه. ده تفكيره. بيتر: طيب أنا هتكلم معاه. آدم: ياريت. أنا حاولت معاه وفك شوية. أنت بقى دماغك طقه زيه. أقولك على حاجة؟ قوم خدو واطلعوا ع الاستديو. بيتر: هههههههه. أنت بتقول فيها. والله الموسيقى بتغسلني من جوه كدا. هههههههه. ماتيجي معانا.

آدم: بسخرية. ع آخر الزمن؟ راعي طيب شيبتك دي يامراهق انت وهو. بيتر: طيب اركن أنت. وقال: أحم. ماله كدا ياض يا طاروق؟ شايل طاجن ستك ليه؟ طارق: بتنهيدة. ولا طاجن ستي ولا طاجن لحمة. اتفرج وأنت ساكت. بيتر: كتم الضحكة وقال: تعرف القعدة دي عايزة سجارتين. هههههههه. طارق: بسخرية. دمك يلطش. أنت واللي قاعد جنبي هيطرشق ويضحك. آدم: ضحك بصمت وقال: وأنا كلمتك دلوقتي يا أسد. بيتر: هههههههه. والله العظيم كلمة أسد دي بتهلكني ضحك.

طارق: بغيظ. مش أحسن من حمار السوق. آدم: ضحك. بيتر: بغيظ. صدق أنا غلطان إني بهون عليك. أنت ضربة البوز ليك حلال. يا… يا أسد الغابة. هههههههه. طارق: بغيظ. طيب يا ظريف. الجاتوه هينزل كمان ساعة. تاكله وتتكل على الله. بيتر: ببرود. في ميل؟ طارق: بغيظ. لأ في زفت. أجيبلك؟ بيتر: ياريت مع الزفت شوية قطران. بيفتح النفس. آدم: كاتم الضحكة. طارق: صدق ياض يا بيتر. هتصدق إن شاء الله. أنت واللي قاعد جنبي ده؟ مطمر فيكوا أي حاجة.

آدم وبيتر: هههههههههههه. بعد فترة. الشباب عملوا الواجب مع مصطفى وسلموا عليه وباركوا ليه وخارجين. سعيد: ماشي ومعاه أزايز مياه بيوزع ع الشباب. وشاف بنت داخلة الفندق وواضح أنها تايهة أو متوترة وماشية وكانت هتخبط فيه لكن انتبهت ووقفت. سعيد: قال آسف. دعاء: بتوتر. اء.. أنا اللي آسفة مخدتش بالي. أصلي مش عارفة باب قاعة البنات منين. سعيد: أبتسم تلقائياً وقال: طيب تعالي أنا هوصلك. متخافيش. أنا صاحب مصطفى العريس.

دعاء: هزت راسها بحرج. أهلاً بحضرتك. سعيد: ماشي جمبها وقال: أنا اسمي سعيد وأنتي؟ دعاء: بتوتر. د… دعاء. ومعلش الله يخليك متتكلمش تاني. علشان كده عيب وحرام. الله يخليك وديني عند القاعة ويبقى كتر خيرك أوي. سعيد: أبتسم بإعجاب. دعاء. اسمك جميل جداً. وأنا آسف مكنش قصدي أضايقك. اتفضلي باب القاعة من هنا. دعاء: بتوتر. شكراً جداً لحضرتك. وجريت من قدامه. سعيد:

هرش في قفاه وقال: ماشاء الله. بنوتة جميلة وزي العسل. بس ياترى بنت مين؟ إيه ياسعيد. أنت هتبص لفوق ولا إيه؟ اعقل أنت أبوك موظف حكومي. يلا على الله حكايتي. بعد شوية. چود: مهيبرة على الآخر وبترقص والكل بيسقف ليها. والبنات عملوا جو حلو أوي. كارما جريت على البنات وقالت: مصطفى جااااي يابناااات. كل البنات نزلوا من على الاستديو. وچود قعدت مكانها بتنهج من الرقص. مصطفى: دخل بضحكة وماسك المايك وغنى على طول "حتة من قلبي"

لحسين الجسمي وقال: وش من غير كاني وماني، طبعي بدخل في الموضوع إنت صورتك مستلماني، كل أيام الأسبوع يا حتة، يا حتة، يا حتة من قلبي لقيت نُصي، ولقيت جوي، وعندي إنت في حتة وليه أخبيّت، تعالي بُصي، بتحلـوّي يا حتة، يا حتة، يا حتة من قلبي.. الكل انتبه لمصطفى وضحكوا بفرحة. مصطفى بيغني وماشي لحد ما وصل لچود وفتح كف أيده ليها. چود: ضحكت بسعادة وحطت إيدها في إيده.

مصطفى: اخدها وماشي بيها وبيغنى وخارج بيها للقاعة التانية ووصل للاستديو. ومسك إيدها وباصص في عينيها وكمل وقال: وش من غير كاني وماني، طبعي بدخل في الموضوع إنت صورتك مستلماني، كل أيام الأسبوع يا حتة، يا حتة، يا حتة من قلبي وإحنا سوى لو مين ينساني… أتشغل عنك ممنوع وإنت جنبي إنت مافيش تاني، رقمي من الخدمة أهو مرفوع يا حتة، يا حتة، يا حتة من قلبي آه لقيت نُصي، ولقيت جوي.. وعندي إنت في حتة وليه أخبيّت، تعالي بُصي، بتحلـوّي

يا حتة، يا حتة، يا حتة من قلبي آه وليه أخبي تعالي بُصي، بتحلـوّي وش من غير كاني وماني.. طبعي بدخل في الموضوع إنت صورتك مستلماني.. كل أيام الأسبوع.. يا حتة، يا حتة، يا حتة من قلبي.. مصطفى محاوط چود من وسطها وبيغني ليها. چود بتتمايل مع مصطفى وضحكتها نورت وشها أكتر وأكتر. كل الستات والبنات خرجوا من القاعة وكل واحدة قعدت مكانها.

آسر عيونه على حياة قلبه إللي ماشية كأنها أميرة. وقلبه دق وأتمنى إن يكون اليوم ده هو فرحته بحياته. چواد: شاف كارما ووقف مكانه ونفسه يروح يكلمها. لكن مالك شاور ليها من بعيد. كارما ماشية مع البنات. ومتعرفش ليه شايفه إن چواد مميز عن كل الموجودين. يس: شال حمزه وماسك إيد همس وراح يقعد معاها. محمد: قعد وقال ل نور بضحكة: طبعاً خربتوها جوه. نور: بضحكة. أبداً والله أنا مقومتش من مكاني. مراد:

شد فريحة وقال بتحذير: بت يا فريحة. أوعي يابت تكوني عملتيها جوه ورقصتي. أقسم بالله أبيتك في حضن أبوكي. فريحة: بضحكة. ياخرابي لسه بتغير عليا يامرادي. مراد: بغمزة. ليا مين أنا يابنت المستخبي علشان أغير عليه. انطقي يابت. رقصتي جوه؟ فريحة: هزت راسها بضحكة. للأسف لأ. مراد: رفع حاجبه بمكر وقال: خلاص ياموزتي تتعوض. انهردا. فريحة: بضحكة. لأ أنت بتغير عليا وماينفعش أرقص هنا. مراد: بمكر. وحيات أمك؟

أنتي هتتغابي يابنت كوم الشكاير. بس قوليلي يافريحتي أنتي حلوة أوي انهردا ليه؟ فريحة: بسعادة. علشان أنت معايا ياقلب فريحة. مراد: هرش في دقنه وقال: بقولك إيه. ماتيجي نخلع إحنا. فريحة: ضحكت من قلبها وقالت: وبعدين معاك يامراد. آرين: خارجة وبتضحك وماشية ومعاها حياة وكارما وتالين. لكن عينيها بتدور على المرعب. الأغنية خلصت والكل سقف والشباب بتصفر.

آدم مراد: واقف مع مجموعة شباب بيتكلم معاهم. شاف آرين. ورغم جمالها المسيطر عليه. لكن الغيرة بتاكل في قلبه. وعايز بأي طريقة يتكلم معاها. وبص ع أيديها وملقاش الفون معاها. وقبض على إيده بخنقة. وسابهم وراح وقف في مكان لوحده وبيفكر إزاي يقابلها. تيم: قام وقابل ميرو وقعدوا ع تربيزة وبيضحك وقال: بقولك إيه ياحبيبتي؟ ميرو: نعم يا حبيبي. تيم: بمكر. ماتروحي كدا تتكلمي مع أخوكي. وقوليلوا يندمج معانا أو يطلع يغني أو يرقص. ميرو:

ضحكت وقالت: أنت بتحلم؟ طيب دانا نفسي أشوف آدم بيضحك كدا ومندمج معانا. مش تقولي يغني ويرقص. يامامي. لأ روح أنت وقوله. ولا أقولك لأ بلاش أنت. أنا معنديش استعداد أضحي بيك. تيم: ههههه. للدرجادي آدم شراني؟ ميرو: بتنهيدة. أبداً والله ده آدم أخويا مفيش أحن منه. لكن هو طبعه حاد شوية. وبيحب الجد. وإنسان عملي. هو أنا برضه إللي هقولك يادكتور. تيم: هز راسه. فعلاً هو كدا بالظبط. ميرو:

بصت ع آدم وقالت: آدم شكله مخنوق. وأكيد أنا عارفة سبب خنقته دي إيه؟ تيم: بتفهم. أكيد نفس السبب. ميرو: بدهشة. إيه ده استنى أستنى. دي چود شكلها هتغني. بص هناك. چود: أخدت المايك وغنت بالعربي لـ أصالة. وقالت وهي بتشاور على مصطفى برقة: لما يهل الورد البلدي كل الورد يخاف بالعربي اللي مشافش العربي يبقى لا عاش ولا شاف إبن بلادي يا مالك قلبي يا محلي الأيام وشهامك تتكلم عنك مش محتاجة كلام الله، غيرتك علي حياة إحساس جميل عايشاه

من غير حبيبي أنا هلقى الأمان وياها طب لما يهل الورد البلدي كل الورد يخاف بالعربي اللي مشافش العربي يبقى لا عاش ولا شاف خوفك طول الوقت عليا بيطمني كثير وناهيك عن طبع الحنية بفرح لما تغير الأصل الطيب يا حبيبي باين من العنوان حقك طبعاً تدخل قلبي من غير استئذان الله، غيرتك علي حياة الله، غيرتك علي حياة إحساس جميل عايشاه من غير حبيبي أنا هلقى الأمان وياها لما يهل الورد البلدي كل الورد يخاف

بالعربي اللي مشافش العربي يبقى لا عاش ولا شاف.. چود كلمات الأغنية زودت الحماس عندها وغنتها لمصطفى من قلبها وزاد جنونها. وقالت في المايك بصوت عالي جداً: بحبااااااك يامصطفى. الكل سقف وصفر. مصطفى: فتح عينيه بزهول وقلبه بيدق. وشالها ولف بيها كتير. چود: اتعلقت في رقبته وبتضحك. مصطفى: نزلها وباس راسها وقال: أنا إللي بموت فيكي. چود: ضحكت بدموع وسكتت. مصطفى: بهزار. إيه ياتراب القمر. رجعتي في كلامك ولا إيه؟

چود: هزت راسها لأ. بس بابا طارق صعبان عليا أوي يامصطفى. مصطفى: بص ع طارق وشاف آدم وبيتر بيتكلموا معاه. بس هو دبلان وعيونه فيها لمعه وخنقة. وباصص عليها. مصطفى: مسك المايك وقال: جد العروسة اللواء طارق باشا السيوفي. حفيدتك مش عايزة ترقص معايا سلو. وقالت ياجدو يابلاش. طب ده اسمه كلام. الكل سقف. وچود سقفت وهزت راسها بالموافقة لجدها. طارق: أبتسم. فارس: مسك إيد أبوه وساعده يطلع لچود. آدم وبيتر سقفوا.

طارق: مسك إيد حفيدته وباس جبينها. الميوزك ابتدا ع أغنية هادية ورقص معاها. مصطفى: قال وأنا هفضل واقف كدا؟ أنا هروح أجيب مرمر. ونزل واخد أمه في وسط ضحك من الكل. ورقص معاها. ميرو: خرجت منها تنهيدة وقالت: واو جميل أوي. تعرف ياتيمو. بجد بتمنى أرقص معاك. الميوزك يجنن. تيم: أبتسم وقال: أمنية مرة واحدة ياميرو؟ وفتح كف إيده وقال: وأنا وعدتك إني أحققلك كل أمنياتك. ميرو: بدقة قلب وكسوف. وقالت بتوتر: بس…

تيم: بابتسامة. من غير بس. يلا هاتي إيدك في إيديا. ميرو: حطت إيدها في إيده وقام واخدها على الاستديو ورقص معاها. وميرو غمضت عينيها وبترجع بالذكريات. ليليان: خبطت كريم في كتفه وقالت: إيه بقى. مش هتقولي تسمحيلي بالرقصة دي؟ كريم: ضحك وقال: وأنا أطول ياباشا أرقص مع ليليانو حبيبة قلبي. استنى هسأل عُمر لأي حد وجايلك. همس: مرة واحدة. ياسين أنا عايزة أرقص معاك. يا أما أقسم بالله. الوردية عليك انهرده. تسهر وتربي عيالك.

ياسين: بضحكة. لأ وع إيه الطيب أحسن. قومي معايا. همس: بكبرياء. أيوه كدا. الحمشنة حلوة مفيش كلام. بس استنى لما أقلع الجزمة. ياسين: من بين أسنانه. طيب اعمليها علشان يومك يقفل معايا. همس: صدق برضو الحمشنة حلوة عليك. مالها الجزمة يعني. دي جميلة جميلة. تعرف أنا بموت في الكعب العالي. يلهوي ع السعادة إللي أنا فيها. يلا ياحظابط يلا. آرين: قاعدة ومهتمة بآيان وبتسرق نظرات لآدمها. ونفسها تسأله إيه رأيه في الفستان.

(ولو علمت ما بداخل معشوقها ومُدمنها من نار تتأجج، لهرولت مختبأة في كهفِ أبدي..) فهد: قاعد مع رينو ومراقب تصرفات آدم وشايف أنه مضايق. رينو: بسعادة. يارب عقبالك يا آرين يابنتي. تعرف يافهد. أنا مستنية اليوم إللي أشوف فيه بنتنا في الكوشة. فهد: هز راسه بصمت. رينو: بتكشيرة. فهد أنا بكلمك. فهد: أمم سامعك. وإن شاء الله. رينو: بـ "إن شاء الله" ومـالك بتقولها من غير نفس ليه بقى؟

اوعى يافهد تكون لسه عند تفكيرك وإن آرين صغيرة والكلام ده. وابتسمت بتنهيدة وقالت: شايف آرين جميلة إزاي يافهد. بنتك كبرت وشايفاها بقلبي قبل عيوني إن مفيش زيها.

فهد: غصب عنه ابتسم بحب وقال بشرود. آرين فعلاً مفيش زيها يا رينو. آرين بنتي وحبيبتي وفراشة الدنيا كلها. بشوف فيها امبارح وانهردا وبكرة. بشوف فيها الشقاوة والبراءة والطفولة والنضج. آرين ميكس جميل من كل حاجة. اااه يا رينو لما تشوفي تصرفاتها وتعمل أنها غيرانة من إنك نجمتي وحبيبتي. بتاخد قلبي. شايف فيها رينو. نوتيلا آدم العدوي. شايف فيها كل حاجة حلوة. آرين مش بس بنتي. آرين هي انتي يا رينو. انتي وآرين لما بتخيل أنكم ممكن تبعدوا عني. بحس إن روحي بتتسحب مني.

وضحك بصمت وكمل وقال: وآركان. آركان اللي واخد شطر كبير جداً من قلبي. شايف فيه أخويا وصحبي وعشرة سنيني مراد. شايف فيه ذكاء جدو آدم. شايف فيه قلب فهد السيوفي. شايف فيه حاجات كتير جداً. أما بقى آيان.!!! ده في منتصف قلبي. وشايف فيه أنا وأكتر. رينو: قلبها بيبكي من فرحتها إن زوجها بيحب عيلته بعد العشق. وضحكت بدموع وسعادة وحطت إيدها ع إيده وقالت: وأنا شايفه كل الدنيا فهد السيوفي وبس.

فهد: انتبه وفاق من شروده. وأبتسم لرينو وباس ع إيده ورتب عليها. الرقصة خلصت والكل نزل. وميرو معدتها قلبت وعايزة تروح الحمام بسرعة. تيم: بسرعة شاور لآرين. آرين: بصوت عالي علشان الميوزك. باااابي. فهد: بص ليها. نعم ياحبيبتي. آرين: ميرو شكلها تعبانة. وتيم بينادي عليا علشان أروح معاها التواليت. اوكي. فهد: بص ع ميرو وقال: طيب بسرعة. وماتسيبهاش. ولو تعبانة أوي نرجع ع البيت.

آرين: هزت راسها اوكي. اتفضل بقى حضرتك آيو. وسابتهم ومشيت. چود: رايحة تقعد. مصطفى: شدها من إيدها وخبطت في صدره وقال: يلا ميكس. الميوزك اشتغل على أغنية شادية وفريد الأطرش. وچود ابتسمت بمكر وقالت: چود: ياسلام على حبى وحبك. وعد ومكتوب لي أحبك. ولا أنامش الليل من حبك. ياسلام على حبى وحبك. مصطفى: ده ما كان على بالي أحبك. ولا أنامش الليل من حبك. ياسلام على حبى وحبك.

چود: ياحبيبي هواك جنني. والشوق ملاني جراح. وحياتك تبعد عني. وتسبني علشان أرتاح. مصطفى: زقها بمرح وقال: وانا يعني ماسك فيكى. ماهو قلبي مشغول بيكي. چود: بغيظ. حبك حيرني. مصطفى: بغرور. وأنا زيك برضه. چود: خبطته في كتفه وقالت: ربي يصبرني. مصطفى: رفع إيديه للسما وقال: أيوه أنا في عرضه. چود: بغمزة. اعذرني لاني بحبك. مابنامش الليل من حبك. ياسلام على حبي وحبك.

مصطفى: بغمزة. مش ممكن أعيش من بعدك. ده خيالك جنبي ليلاتي. وأقول لو ربنا يخدك كنت أعمل إيه ياحياتي. چود: زقته. إن شا الله أنت ياحبيبي. ياهنيا وكل نصيبي. هولع في روحي ياقبلي وعنيا. مصطفى: بمكر. لا أوعى ياروحي ده واجب عليا. چود: من بين أسنانها. من ساعة قلبي ما حبك. مابنمش الليل من حبك. ياسلام على حبي وحبك. وعد ومكتوب لي أحبك. يا سلام على حبي وحبك.

حبتني صحيح. أُمال. ياسلام على حبي وحبك. وعد ومكتوب لي احبك. يا سلام على حبي وحبك. الكل شايف وسامع مصطفى وچود وكأنه عرض مسرحي وبيسقفوا ومندمجين جداً. وفهد ورينو بيضحكوا عليهم ومركزين معاهم. في الدور اللي فوق. ميرو: بترجع في الحمام. وفكت الحجاب. ولستة هتظبطه. آرين: واقفة وقالت بقلق. ميرو أنتي كويسة ياحبيبتي؟ ميرو: من جوه. أيوه يا آرين بس استني شوية لسه هلف الحجاب.

آرين: أوكي خدي راحتك أنا مش همشي غير بيكي. هستناكي بره اوكي. ميرو: أوكي يا حبيبتي. آرين: خرجت من الحمام الخارجي وشهقت من الخضة. عاااااا. بسم الله الرحمن الرحيم. آدم مراد: صاكك على أسنانه وباصص ليها بغيره كبيرة. آرين: بتاخد نفسها بالعافية وحطت إيدها ع قلبها وقالت. إيه يا آدم حرام عليك. آدم مراد: …………. آرين: نزلت إيدها وبصت عليه وشافته على نفس الوتيرة وقالت جواها: هو بيبص عليا كأني مجرمة لييييه؟

أنت ياعم انت. والله دراكولا مظلوم جنبك. يخربيتك هتطلعني من الدنيا قبل ما أفرح بشبابي. بصي بصي يا آرين. عينيه بتقلب نور. يامااامااا. أيتها الروح الشريرة انصرفي. انصرفي. آدم مراد: شاف جمالها عن قرب ورغم عشقه لتفاصيلها. لكن مش عارف ما يغيرش عليها. وفكرة إن حد يتفتن بيها مجننا عقله. آرين: كشرت عينيها للصمت ده وقالت بغباء. يمكن بتخيل. أيوه ماهو المرعب شبح لازم أتخيله. ورفعت إيدها

وشاورت قدام عينيه وقالت: أنت جوه. اء.. قصدي أنت هنا. ولا مشيت وسبت الرعب ليا. واتخضت من نبرته. يامااااامي. ورجعت بضهرها وخبطت في الحيطة. آدم مراد: بنبرة حادة وشر قال من بين أسنانه بغيره كبيرة. أنتي إيه إللي انتي لابساه ده؟ وأنتي إزاي كداااا…!؟ آرين: فتحت عينيها. بصت ع فستانها

وبصت لآدم وقالت جواها: يا حول ده فستان. ولونه أزرق وبكم ومحترم ماله. إيه ده يكون المرعب عنده عمى ألوان. أيوه هي ماتجيش غير كدا. اووو ياحرام مسكين يقلبي عليك يا مرعب. آدم مراد: قرب منها وخبط بإيده على الحيطة جمب وشها. آرين: شهقت وغمضت عينيها. آدم مراد: قال بحزم. هو أنا مش بكلمك. آرين: وهي مغمضة هزت راسها بتوتر. أيوه أيوه. آدم مراد: شاف خوفها ونزل إيده بهدوء ومسح وشه وشعره وقال بتمثيل الهدوء. فتحي عينيكي يا آرين.

آرين: هزت راسها لأ. أنت بجد بتخوفني. وأنا معرفش أنا عملت إيه لعصبيتك دي. آدم مراد: بتنهيدة. طيب فتحي عينيكي. آرين: بتذمر. طيب الدار أمان؟ آدم مراد: يابنتي فتحي عينيكي خليني أعرف أكلمك. آرين: فتحت نص عين وقالت بهزار. كابتن كابتن. هو المرعب مشي؟ آدم مراد: هز راسه وغصب عنه أبتسم وقال. أيوه المرعب مشي. آرين: بنفس الشكل قالت. أحسن برضه. أصله بياكل الأطفال الصغيره. من سن 17 ل 30 وأنت طالع.

آدم مراد: ابتسم بصمت وقال بتنهيدة. أنتي مجنونة يا آرين. آرين: فتحت عينيها بزهول وقالت: ميييين؟ آدم إبن خالو مراد القمر. أزيك. الحمدلله جيت في وقتك. كان في مصاص دماء هنا كان مخوفني. وقلبي ده كان بيدق من الخوف. بس ربنا يهديه بقى. آدم مراد: اضايق من نفسه إنه خوفها منه وقال بتنهيدة. أنا مش بخوفك مني يا آرين. أنا… وغمض عينيه بتعب وقال. مش هتفهمي احساسي وإيه اللي حصلي أول ما شوفتك بالفستان ده.

آرين: بفرحة من غيرته عليها قالت بطريقة جميلة. أنت قولت ممنوع أي لون فاتح وكمان أحمر ممنوع ومستردا. ومسموح بالغوامق. وأنا قولت يابت يا آرين. لأ لأ أنا مش بت أنا ليا اسم اوكي. المهم قولت يادكتورة آرين. اللون ده عجبني جداً وأكيد هيعجب المرعب. اء.. قصدي هيعجب آدم. وهيقولي برافو عليكي يا رينو ياصغيرة. وتستاهلي علبة نودلز وكمان علبة شوكليت كبيرة. ويسلام بقى لو برطمان نوتيلا. اممم صدق جوعت أوي.

آدم مراد: بدقة قلب قال جواه. صدقت يا أمبراطور. وإن آرين هي الوحيدة مهديء لغضبي. في القاعة. الكل سقف بعد ما مصطفى وچود رقصوا سلو مع بعض لوحدهم. وشالها ولف بيها. أشرف كان مبسوط جداً. وجاسر مراقب تصرفات ونظرات حفيده. مالك: قعد جمب أبوه وقال. أنا دلوقتي عرفت أنت وآسر بتمرنوا على مين من بنات العيلة. جاسر: ابتسم. طول عمرك أبو المفهومية. صح النوم يا سيادة المستشار.

مالك: بضحكة. ما هو ربنا يبارك لينا فيك ياحج. أنت الضلع الثابت لعيلتنا. وآسر وكارو طول الوقت معاك أنت وست الكل. جاسر: بحب. وأنا عيني لأحفادي قبل ولادي. وأنت متحملش هم حاجة. مالك: بص له بابتسامة وقال. حياة بنت زياد مش كدا؟ جاسر: هز راسه بإبتسامة وقال أيوه. وقريباً هنفرح. إن شاء الله. بعد كدا. ومصطفى وقف معاهم. وشغلوا فقرة الشعبي وكلهم رقصوا مع مصطفى. ومصطفى فرحته واضحة للكل. والكل بيسقف بفرحة كبيرة.

بعد كدا وصلت التورتة سبع أدوار. ودي هدية من فهد ومراد. ومصطفى قطع التورتة مع چود وأكلها وهي أكلته. وخلص الفرح على خير. وطبعاً كالعادة الكل ودع مصطفى وچود. وداع مؤثر من طارق ورنا وفارس ورودي. ومصطفى اخد المفاتيح من آركان واخد عروسته على فيلا مصطفى عزيز. وكل العيلة ودعت بعض ورجعوا على بيتهم. فيلا مصطفى عزيز.