تحميل رواية جريمة عشق بقلم مريم نصار pdf

بعد عرض ألبوم صور تيم وميرو. آخر صورة كانت لتيم ومكتوب عليها:

"ميرو ملاك تيم. بحبك يامريم."

وقبل ما الشاشة تقفل ومع رجوع الضوء تيم شال مريم ولف بيها كتير جداً.

ميرو: ضحكت بسعادة كبيرة وحضنت تيم بفرحة كبيرة جداً. وعيطت من فرط السعادة ومش مصدقة إن تيم بيحبها أوي كدا.

تيم: نزلها قدامه وضمها لقلبه عشان مش تدوخ. وبيضحك بسعادة لفرحتها. وهمس: "بحبك."

الكل ضحك وبيسقف ليهم والشباب بيصفروا.

مصطفى طلع ع الاستيدج بسرعة ومسك المايك.

وقال: "مساء الياسمين ع كل الموجودين."

"مساء السعادة ع السكر الزيادة."

"مساء الهنا. ع كيمو أخويا أنا."

"ربنا ما يحرمني منكم. ولا يحرمني منكم. وأفضل متربع ع قلوبكم. وواحدة هيكون حلو أوي. اتعشيت على كدا. هههههههه."

"ودلوقتي بقى جت فقرة الشعبي يعني شباب العيلة وبس."

"ماشوفش خيال واحدة ع الاستيدج. عشان اللي جاي خطر. خطر. خطر. ونفسي أروح قطر. هههههههه."

"يا ريت بقى كل عروسة تنزل تقعد تحت عشان محدش يتعور. عشان اللي جاي خراب ودمار. يلا يا شباب كله يجمع هنااااااا."

تيم وكريم وآريان بصوا لبعض بعدم فهم.

ميرو وليليان وتمارا قاعدين ومش فاهمين حاجة.

آركان: طلع بسرعة. وقال: "يلا يا عرايس انزلوا تحت بسرعة عشان الفقرة. يلاااا انتو هتتجننوا. انزلوا."

كريم: قبض ع إيديه وصك ع أسنانه بغيظ واضح. أخد ليليان ونزلها عند زين وأقسم لو مصطفى بوظ اليوم والفرح هيقتله من غير تفكير.

آريان: نزل تمارا عند محمد.

تيم: أخد ميرو ع ترابيزة مراد.

مصطفى: راح للشاب اللي ع الاستيدج وقال: "اتفضل يا كابتن الفلاشة دي وصلها بشاشة العرض. وشغلها مع بداية الأغنية دي. إشطا."

الشاب: "إشطا يا مان."

آركان: شاور لشباب العيلة كلها وطلعوا ع الاستيدج ما عدا الديزل.

وكمان العرسان. ومش فاهمين حاجة.

مصطفى: شاور لسعيد. "تعالى يا واد فين الشماريخ."

سعيد: "والنبي بلاش. عيلتكم تخوف أوي. هيكلوني."

مصطفى: "ما تنجز يا واد. عشان ما أعملهاش معاك. وفين الصواريخ."

سعيد: بخوف: "أهو أمسك. ولو حد سأل عليا. قوله بيتحاسب. منك لله يا مصطفى. من يوم ما عرفتك وأنا مش عارف أنا نهايتي إيه."

مصطفى: "سودا. نهايتك سودا. بس انت قول إن شاء الله."

سعيد: "إن شاء الله. أطير أنا."

مصطفى: "خد هنا رايح فين. امسك الشامروخ ده."

سعيد: بلع ريقه ونفخ بتوتر. "هتعمل إيه."

مصطفى: رفع كتفه ببراءة. وقال: "مووش عارف. بس يمكن هعمل كده." وولع الشامروخ في إيد سعيد. وجرى. عشان العيلة.

سعيد: شهق بصوت عالي. وقال: "يا ابن اللذين."

الكل ضحك ع مصطفى وحركاته. وآركان وجواد هلكانين ع شكل سعيد.

البنات: بصوا ع سعيد اللي بيجري ع الاستيدج بلخبطة وخوف. وضحكوا عليه.

مصطفى: راح وجاب العرسان. ع الاستيدج. ووقف قدام تيم وكريم وآريان. وقال في المايك: "كل الشباب تعمل دايرة حوالين العرسان. يلاااا بسرعة اجدعن."

الشباب كلها طلعت ما عدا الديزل زي ما قولنا. وعملوا دايرة. آسر وياسين وجواد ومصطفى وآركان وسعيد. والكل بيتفرج ومستني يشوف مصطفى وآركان هيعملوا إيه.

مصطفى: شاور لشاب تاني ومتفق معاه. وشغل دخان كتير. والاستيدج كله دخان ومحدش واضح من الدخان.

كل العيلة بتتفرج بفضول كبير.

مصطفى: قال في المايك: "ابدأ يا مان."

الشاب: حط الفلاشة وشغل شاشة العرض. والكل فتح عينيه بدهشة كبيرة.

وكانت جزئية من فرح فهد ورقصة فهد ومراد والشباب ع أغنية "إخواتي".

الشاب: شغل أغنية "إخواتي". وهيرقصوا نفس الرقصة ونفس الأغنية. ونفس الحركات.

وفهد بص لمراد. وضحك. ورينو سقفت وضحكت. وكل الموجودين. مبهورين.

وبدأت الميوزك. ومصطفى قلع جاكيت البدلة. وحدفه ع الترابيزة.

والشباب بدأ يهيبروا. ونفس حركات مراد وفهد. مصطفى وآركان عملوها.

والفرح بقى فرحين. وبقى مهيبر أكتر. والكل بيضحك ومبسوط جدا. بالفكره دي.

وبدأ مصطفى يغني:

"ابطال الجمهورية عدوا حدود العالمية"

"عاملين فكرة جهنمية هنغنيلكم تحت المية"

"كلهم."

"هربانين من العباسية مريحين بعد العملية"

"القطة بتاعتي المشمشية قاعدة جمبي في العربية"

"آركان."

"هاتها كبدة وواحد سجق حتى البيبسي مأخدتش بوق."

"چواد."

"يلا يا زوكش أنا هنا من الصبح."

"يلا يا شحتة انزل بالبوكس."

"آسر."

"فين الفانك وفين الدوق."

"فين الفانك وفين الدوق."

"العربية عطلانة بنزق."

"العربية عطلانة بنزق."

"مصطفى."

"بصيت وسط المعمعة شوفت سمكة."

"ومدلعة قلبي بينهار يا جماعة."

"كريم."

"يا طبيب هات السماعة."

"كلهم بيشاوروا ع تيم اللي بيضحك ومبسوط."

"يا طبيب."

"يا طبيب."

"آريان اندمج معاهم."

"أنا قلبي كاوفير داخلين خارجين ليلاتي."

"اطلعي باصنصير وطنتك تبقى حماتي."

"في الفرح وجبات كنتاكي أنا هصرف أخلص في شيكاتي."

"والفرح هيمشي كلاتي مش هعزم بس غير إخواتي."

"كلهم."

"إخواتي."

"كريم."

"خدت الرجالة وقلبت علشان الوقت ماثر فيا."

"أنا مغي بيقفل جمعة وسبت علشان إجازات رسمية."

"كلهم."

"هربانين من العباسية مريحين بعد العملية."

"القطة بتاعتي المشمشية قاعدة جمبي في العربية."

"تيم هيبر. واندمج وغمز لميرو. وقال."

"القطة القطة القطة راكبة معانا في الشنطة."

"عاملة حكاية بالسلطة. عاملة حوار على شفطة."

"هوبا هوبا هوبا شافتني بعينها القطة. قالتلي ده انت سكر."

"قلتلها حببتي شكراً."

"مصطفى."

"تيجي جمبي نقعد نتسلى نضيع وقت نروح الفيلا."

"نلم حاجتنا نلم الشلة نجيب كارميلا أنا جبت آخرها."

"كلهم."

"كارميلا الشلة."

"كارميلا الشلة."

"كارميلا الشلة."

"آركان."

"مصاحبش فرافير حتى لو راكبين فراري."

"أنا صاحب التقدير حتى لو حتى هركب أتاري."

"واتاري الدنيا اتاري مش حلوة زي اللي في بالي."

"مش كل اللي تشوفوه غالي مش هقدر بس غير."

"كلهم."

"إخواتي."

"إخواتي."

"إخواتي."

"إخواتي."

تيم وآريان وكريم. هيبروا بمعنى الكلمة. ورقصوا وغنوا. بفرحة كبيرة. وأطلقوا لنفسهم العنان وعاشوا الفرحة.

طبعاً بعد المهرجان والهيبرة اللي شعلها مصطفى وآركان في الفرح. الكل كان مبسوط جداً حتى البنات كانت مبهورة.

وچود كانت فرحانة جداً وكان نفسها تجري ع مصطفى وتقوله إنها بتموت فيه.

تمارا: كانت بتضحك بفرحة لما شافت آريان مهيبر لأول مرة. وقامت وقفت تتفرج عليه بسعادة كبيرة.

ليليان: كانت مبسوطة جداً وقاعدة جمب زين. وزين حاضنها بسعادة كبيرة.

ميرو: بتضحك ومبسوطة جداً وقعدت جمب تالين وضمتها لحضنها. ومراد وفريحة جمبها.

بعد شوية.

همس: قاعدة مع سارة. ومبسوطة أوي بالجو العائلي الأسري الجميل ده.

وأخدت نظرة سريعة ع العيلة وشافت قد إيه الحب بينهم واضح جداً. وكل واحد بيحب التاني أكتر. وكل شوية تبص ع آدم العدوي ومبهورة بطريقة احتوائه ل مريم الجزار.

واتمنت إنها تلاقي الحب اللي يدوم لآخر العمر. ورفعت عينيها تلقائياً واتقابلت في عيون ياسين. واتحرجت نزلت عينيها بسرعة. ونفخت بتوتر.

فهد: قام. وقال: "ثواني يروحي هروح ل مراد وجاي."

رينو: "اوكي ياحبيبي وأنا هروح ل هيلينا."

فهد: راح وقعد جمب مراد. وقال: "مبروك يا صقر."

مراد: "الله يبارك فيك يا حوت."

فهد: "مالك عاقل كدا مش عوايدك."

مراد: "ههههه غصب عني والله. إن كان عليا عايز أهيبر بس مضطر."

فهد: "ههههه طمنتني. أنا كنت قلقان عليك."

مراد: لف وشه وشاف رينو قاعدة مع هيلينا. وقال: "هيلينا هههههههههه."

فهد: بعدم فهم: "بتضحك ع إيه يا واد."

مراد: "فخد السيوفي. هههههه. فاكر يا واد لما هيلينا جت ع مصر. واتربنت العلقة التمام. هههههه لأ وتقولك فخد. ههههه."

فهد: هز راسه بيأس من صاحبه. وقال: "انت يا ابني مش هتتغير أبداً."

مراد: بغمزة: "وحياة الخنفسة أبداً. ياااااه الواحد نفسه في مهمة طرية."

فهد: غمزة: "اممم زي رشا كدا هههههههه."

مراد: بغيظ: "متفكرنيش ببنت الكلاب دي. بس إيه أنا ظبطت أمها. وخدت مني ضرب ما خدوش زعيم المافيا نفسه."

فهد: "ههههههه. مشكلة انت."

مراد: بتريقة: "فخد انت ماي هيرو فخد. ولا بقى المقدم فهد بيبي السيوفي هههههههههههه."

فهد: صك ع أسنانه بغيظ كبير. "أنا غلطان إني جيت أبارك لك. عيل فصيل وبارد."

مراد: بغمزة: "قلبك أبيض يا فهودي."

رينو: سمعت صوت ضحكهم. واستأذنت. وقامت وراحت عند مراد. وقالت: "الله الله ع الضحكة القمر. ما تضحكوني معاكم."

مراد: بخبث كبير. باس ع إيد رينو. وغمز ل فهد.

فهد: غمض عينيه وصك ع أسنانه بغيظ. وقال: "موتك ع إيدي يا مراد."

مراد: بخبث: "ومالو يا روحي اضحكي."

وكمل بمكر: "الواد فهد كان بيكلمني ع ذكريات زمان. وهيلينا لما جاتله مخصوص من إيطاليا."

فهد: فتح عينيه بصدمة كبيرة. وبص ل رينو وهز راسه ليها لأ.

رينو: فتحت عينيها بدهشة وقلبها اتملى غيظ وغيره. "اييييه. هيلينا."

فهد: بغيظ. بص ل مراد. وقال: "ولا الحاجات دي ما فيهاش هزار."

مراد: ببراءة: "أنا يا فهد. انت يا ابني مش لسه قايل كان ذكريات حلوة."

رينو: صكت ع أسنانها بغيظ كبير. وقالت: "والله ذكريات حلوة. اووووكي." وقامت وسابتهم ومشيت.

فهد: عينيه بتطلع شرار. وقال: "وحياة أمي ما هسيبك يا مراد."

مراد: ببرود: "بصراحة أنا شايف إنك مبقتش تهتم بأختي حبيبتي زي الأول. ولأزم أشدك. يلا روح صلح غلطتك يلا. يا. فخد بيبي هههههههه."

فهد: قبض ع إيديه بغضب وحيرة. وبص ع رينو.

وشافها قاعدة لوحدها متنرفزة. وابتسم على غيرتها اللي اتحرم منها. وراح لعندها.

وقال: رينو.

رينو: بتتنفس غيره.

ومردتش عليه. ولفت وشها بعيد عنه.

فهد: ابتسم. وباس جبينها. وقال: بعشقك.

رينو: ......

مراد: لف وشه ليهم. وضحك بصمت. وغمز لفهد: اطلع على الاستديج.

فهد: ضحك بصمت على شقاوة صاحب عمره. وساب رينو وطلع على الاستديج.

رينو: رفعت عينيها بغيرة كبيرة ومتعاظة جدا.

فهد: أخد المايك. وقال: أنا محبتش حد في حياتي قد نجمة فهد السيوفي. وع مر الزمن عشقي ليكي بيزيد ما يقلش أبداً. لأنك أجمل نساء الدنيا لقلبي أنا.

رينو: النار خمدت. وضحكت بدموع وسعادة. وقلبها بيدق بعشق الفهد.

فهد: شاور للدي جي. وغنى ليها.

أجمل نساء الدنيا جوة عيوني إنت

أجمل نساء الدنيا إنت يا حبيبتي

أجمل نساء الدنيا جوة عيوني إنت

أجمل نساء الدنيا إنت يا حبيبتي

خدني الغرام خدني لحكاية حب حلوة

عشت ليها شفت فيها أجمل حياة

أنا مش مصدق نفسي إنك بين إيدي

من يوم ما حبك خذني مش بتنام عيني

أنا مش مصدق نفسي إنك بين إيدي

من يوم ما حبك خذني مش بتنام عيني

جوايا شوق قد الحنان اللي في عينيك

روحي فيك نظرة ليك هي الحياة

أجمل نساء الدنيا في عيني أنا

قدرت تخذني في ثانية من روحي أنا

وعد مني ما حب غيرك في الوجود

إحساس جميل.

رينو: فتحت عينيها بذهول. وقامت وقفت بسرعة. ودموعها نازلة من الفرحة.

فهد: نزل من على الاستديج. ومشي كام خطوة للأثرت قلبه. ووقف قدامها. ومسك أيدها. وغنى ليها بإحساس جديد ومختلف وبيزيد ما يقلش أبداً.

آرين: شافت العشق مابين باباها ومامتها. وضحكت وعيطت بفرحة كبيرة قوي.

آدم مراد: سرح مع كلمات الأغنية. واتخيل أنه بيقولها لآرين. لكن لما شاف دموعها. قلبت حاله. واتخنق عشانها.

محمد: محاوط نور. وبيهمس ليها بشعر غزل. ومبسوط من جو الفرح.

زياد: وماليكه مبسوطين وف عالم لوحدهم.

يوسف: ومريم. بيرجعو بالماضي والذكريات الجميلة.

آدم: محاوط مريم وشاف دموع الفرح في عينيها. وفرحتها لبناتها كبيرة جدا.

أصل هي الأم كدا. دموعها بتنزل لسعادة ولادها حتى لو موقف صغير. تبكي وتتمنى السعادة اللامتناهية لولادها وأحفادها.

آدم: مسح دموعها من فوق النقاب. وهمس: لو عيون آدم ما بطلتش دموع. هبوس عيونك دلوقتي قدام الكل. وف قاموس عشق آدم العدوي. أنه ما يهتمش لأي حد موجود حتى لو كان مين. ماشي يا قلب آدم.

تيم: عايش مع الأغنية وبص لميرو. وقال: مريم انتي ساكتة ليه؟ اتكلمي قولى أي حاجة.

ميرو: بصت بعيد ومردتش.

تيم: مسك كف أيدها وابتسم. مريم والله العظيم بحبك.

ميرو: سحبت أيدها بغيظ مكبوت. وكانت عايزة تصرخ في وشه. وتقوله: اومال ايه اختك دي؟ لكن أخدت نفس عميق وبصت ليه بتوعد وسكتت.

آريان: بهمس. تيما أنا فرحان أوي إنك معايا. تيما أنا بموت فيكي.

تمارا: ابتسمت بحرج. احم. وأنا كمان فرحانة أوي أوي يا آريان.

آريان: وايه كمان؟

تمارا: بحرج كبير. احم وبموت فيك أوي.

كريم: ليلياني. أنا مش مصدق إنك هتروحي معايا ع البيت. أنا مبسووووط أوي. أنا بحلم مش كدا.

ليليان: ابتسمت. لأ يا كيمو مش بتحلم.

الأغنية خلصت. والكل سقف بصوت عالي وصفرو بشغف كبير. وخصوصاً آركان ومصطفى.

فهد: باس ع أيدها وقرب من ودنها. وقال: والله أنا برئ. أخوكي مراد هو اللي عمل كل ده. أنا مالي ومالي هيلينا أنا. حتى اساليه.

رينو: ضغطت ع شفايفها بحرج كبير. وبصت ع مراد.

مراد: ضحك وغمز ليها. وقالها: حصل.

رينو: قلبها دق بقوة لأنه غنى ليها قدام الكل. وقالت برقة: حصل خير يافهد.

فهد: ضحك وقال: وحياة الغيرة اللي كانت وحشاني لا انتقم منك أول ما نروح.

رينو: هههههههه.

مراد: اتنهد بحب لفرحة أخته. وقام وقف. وطلع عند العرسان. ومد إيده لميرو. وقال: ممكن قلب أبوها ترقص معايا؟

ميرو: ضحكت بدموع. وقامت وقفت وحطت إيدها في إيده وقالت: ياريت بجد يا بابي.

مراد: باس ع أيدها. واخدها ع الاستيدج. وطلب من الشاب أغنية مدحت صالح. بنتي حبيبتي.

ومسك أيدها وباس جبينها بحب كبير. وابتسم بحب. ورقص معاها.

ميرو: في حضن أبوها وغمضت عينيها. وأخدت نفس عميق واتنهدت.

معقول كبرتي و العمر عدي بالسرعة دي

بنتي وحبيبتي وكل حاجة في الدنيا ليا

معقول كبرتي و العمر عدي بالسرعة دي

ده أنا لسه شايفك بالضفاير بتجري جمبي وتلعبي

أنده عليكي بسرعة تجري في حضني تجي وتهربي

آه النهاردة بقيتي أحلى عروسة تشوفها عيني

واليوم ده أجمل يوم في عمري حلمت بيه طول سنيني

ولو لقيتي دموع في عيني ده عشان هتمشي وتسيبني

آه النهاردة بقيتي أحلى عروسة ممكن تشوفها عيني

واليوم ده أجمل يوم في عمري حلمت بيه أنا طول سنيني

آه النهاردة بقيتي

أحلى عروسة ممكن تشوفها عيني

واليوم ده أجمل يوم في عمري

حلمت بيه أنا طول سنيني

ولو لقيتي دموع في عيني

ده عشان هتمشي وتسيبني

محمد: شاف تمارا بتتكلم مع آريان وتضحك. وقام. واخدها يرقص معاها.

زين: شافهم بيرقصو. وقام بسرعة. وطلع قدام ليليان. وانحنى ليها بمرح.

ليليان: فرحت جدا. وقامت بسرعة وحضنت أبوها. ورقصت معاه.

وكان الجو دافي وجميل.

آرين: سرحت مع كلمات الأغنية. ورفعت عينيها لآدم. وشافته واقف قريب منها. وعيونهم اتقابلت في اعتراف صريح. بميراث عشق طلع للنور أخيراً.

طارق: شاف فريحة. مبسوطة أوي. وقام. وقال: تعالي يابت يافريحة. ارقصي مع أبوكي.

فريحة: قامت بسرعة وقالت: حبيبي قلبي انت يابابي.

طارق: مسك إيدها وطلع بيها ع الاستديج. ورقص معاها.

مريم عزيز: بتعيط بفرحة كبيرة عشان كريم مبسوط.

كريم: شافها. ونزل بسرعة. وباس ع إيدها. وقال: ممكن مريم قلب كريم. ترقص مع ابنها حبيبها؟

يوسف: ضحك. وقال: مع إني بغير. بس سماح المرادي.

مريم: قامت بابتسامة. ومسكت إيد كريم.

كريم: أخدها ع الاستديج. وباس ع راسها. وضمها لقلبه. ورقص معاها.

آريان: واقف جمب تيم. وقال: اشمعنا أمي يعني؟ وبص لتيم. مش هترقص مع أمك؟

تيم: خبطه في جمبه. اسمها أمك؟ يامتخلف؟ وبعدين ماما منتقبة انت عايز الدكتور محمد يبوظ الفرح؟ امشي من وشي.

آريان: اااه تسلم إيدك يا دكتور. أنا رايح لأمي. ونزل بسرعة واخد ريتال. وقال: تعالي ياروتي. هي جت عليكى ههههه. واخدها وطلع ع الاستديج. ورقص معاها.

أشرف: بص لـ هنا وشافها سرحانة وعيونها فيها لمعة. ومسك إيدها: مالك ياهنايا؟

هنا: بصتله وابتسمت. فاكر يوم فرحنا يا أشرف؟

أشرف: ابتسم. وده يوم يتنسي. كان من أجمل أيامي.

هنا: بابتسامة. كنا ٣ برضو. أنا ومريم ورنا. كان يوم مميز جدا ياحبيبي.

أشرف: حاوطها من كتفها. وباس ع راسها. حبيبتي ياهنايا. انتي وجودك في حياتي كلها مميز.

يوسف: شاف مريم بتضحك مع كريم. وابتسم. وقام طلع ع الاستيدج. وقال: تسمح بقى يا أخ. سيب مراتى وروح شوف عروستك اجري.

كريم: بتذمر. ماهي مع باباها ياحج يوسف. روح ارقص مع ناناه.

مريم: هههههههه.

يوسف: خبطه في كتفه. يامهزء ارقص مع أمي في السن ده ياغبى. وشد مريم منه. تعالي انتي مكانك هنا. مش مع المتخلف ده.

مريم: ههههه حرام عليك يا يوسف. كريم مايستاهلش كل ده.

كريم: بغيظ. وماله سيبه ياست الكل. بكرة أنا مسافر. وغمز: أحلى شهر عسل. ووقتها يعرف قيمتي في الشركة.

التلاتة ضحكو.

حياة: راحت الحمام تظبط حجابها. وخارجة لكن سمعت صوت حاجة اتقطعت. وكان فستانها من ع الكتف وشبك في مسمار. وشـهقت بصوت مهموس. ينهار أبيض. الفستان؟ وحطت إيدها ع كتفها بسرعة. تداري جسمها. لكن اتفاجأت بجاكت اتحط ع كتفها بسرعة. وبصت بدهشة وقالت: آسر؟

آسر: طبعاً كان عيونه عليها في كل خطوة. وأول ما شاف وشها لما اتخضت وشهقت قام بسرعة. وشاف كتفها وعرف إن فستانها اتقطع. وقلع جاكيت البدلة وحطه ع كتفها. وقال: حياة انتي كويسة؟

حياة: بحرج كبير. أيوه لكن الفستان اتقطع. أنا مش عارفة أعمل إيه.

آسر: متقلقيش أنا هتصرف. تعالي اطلعى فوق وأنا هروح أجيب كارما تطلع معاكي. وأنا هتصرف. تعالي. واتحرك.

حياة: ماشيه وراه مكسوفة جدا.

آسر: شاور لـ كارما. وجت: نعم يا أبيه؟

آسر: اطلعى فوق مع حياة وأنا شوية وجاي. يلا ياحياة.

حياة: مكسوفة وطلعت بسرعة وكارما معاها.

آسر: خرج بسرعة بره الفندق. وركب العربية.

كارما: إيه يابنتى اللي حصل معاكي؟

حياة: شالت الجاكيت. وكتفها ظهر.

كارما: شهقت. يا خبر. إيه اللي قطع الفستان كدا.

حياة: بزعل. وأنا خارجة من الحمام. بصي شكلي وحش أوي بالشكل ده. أنا مش عارفة أعمل إيه.

كارما: بتفكير. أكيد أبيه آسر هيتصرف. متقلقيش.

بعد شوية.

آسر: رجع وطلع السلم بحذر. واتصل ع كارما.

كارما: أهو أبيه بيتصل. وردت: الو أيوه يا أبيه. اتأخرت أوي.

آسر: معلش يا كارو. قوليلى انتو في غرفة رقم كام؟

كارما: ٦٢.

آسر: طيب قابليني في الطرقة. أنا جمبك على طول.

كارما: فتحت الباب.

آسر: امسكي العلبه دي. وقولي لـ حياة تلبس الفستان ده. وانزلي بسرعة.

كارما: حاضر يا أبيه. وأخدت العلبه. وقفلت الباب. وقالت: اتفضلي ياحياة. أبيه بيقولك البسي الفستان ده.

حياة: قامت بتعجب. فستان؟ وفتحت العلبه. وكان فستان باللون الأزرق وجميل جدا. وانبهرت بيه.

كارما: واووو تحفة أوي. أبيه آسر بيحب اللون الأزرق جدا.

حياة: ابتسمت بحرج. ومسكت الفستان. وافتكرت لهفته وخوفه عليها. ودخلت الحمام.

لبست الفستان . وكان واسع شوية ولكن مشي الحال . وخرجت .

كارما : بدهشة بجد تحفة أوى . واللون عليكي يجنن . يلا عشان ننزل .

ونزلوا .

حياة : نازلة وماسكة جاكيت آسر ف إيدها ومحرجة جدا .

آسر : واقف عند السلم منتظرهم . ورفع عينيه وشافها نازلة ولابسة لونه المميز . وقلبه دق ليها .

حياة : شافت آسر واتكسفت . وكمان أعجبت بموقفه الرجولي . ووقفت قدامه وقالت بحرج ميرسي جدا يا آسر . أنا مش عارفة لولاك كنت هعمل إيه . بجد متشكرا جدا .

آسر : ابتسم . مفيش بينا شكر والكلام ده . وبعدين ده واجبي . المهم دلوقتي إنتي كويسة .

حياة : بحرج . أيوه الحمد لله . اتفضل الجاكيت . ومدت إيدها ليه .

آسر : مد إيده واخد الجاكيت وايدهم لمست بعض . وقلب كل واحد فيهم بدأ بالنبض من جديد .

حياة : اتكسفت . وهزت راسها بعد إذنك ومشيت بسرعة .

آسر : اتنهد بحب كبير . ولبس الجاكيت . وابتسم .

زياد وماليكه . سألوا حياة ع الفستان وحكتلهم اللي حصل . وعينيها بتدور ع حبها الجديد .

آرين : قاعدة مخنوقة . وشافت آركان عايش حياته . وبصت ع آدم اللي واقف مع شباب عند باب القاعة لكن عينيه عليها .

آدم مراد : بيتكلم مع شباب . ورفع عينيه شاف آرين بتبص له وشكلها مخنوقة . آدم غمزلها وابتسم .

آرين : شهقت وحطت إيدها ع بوقها بحرج كبير وبصت ف الأرض . ولكن قلبها بقى مبسوط .

بعد شوية . وصلت التورتة وكانت هدية من جاسر ومالك . وكانت ١٠ أدوار .

وكل كابلز وقف جنب بعض وقطعوا التورتة .

كريم : أكل ليليانو قطعة . وهي أكلته .

آريان : ابتسم وأكل تمارا . وتمارا أكلته .

تيم : رغم السعادة لكن شايف إن ميرو مبتتكلمش معاه . واخد الشوكة وقرب منها . ومد إيده ليها .

ميرو : اتكسفت جدا . لكن قربت واكلتها منه عشان المنظر العام .

تيم : إيه وأنا ماليش نصيب تأكليني ؟

ميرو : بلعت ريقها بتوتر . احم واخدت قطعة بالشوكة . وقربتها منه . من غير ما تتكلم .

تيم : مسك إيدها بالشوكة . وقرب منها وأكلها وعيونه عليها .

ميرو : اتوترت أكتر . وسحبت إيدها بسرعة . احم .

بعد شوية . الفرح خلص ع خير . وكل عريس أخد عروسته . وودعوا الكل . وكان وداع مؤثر . بالنسبة للأم والأب ومريم والإمبراطور .

كريم : بفرحة كبيرة أخد ليليان وطلعوا ع عشهم الجديد .

آريان : بسعادة أخد تمارا . ع فيلا آريان العدوي .

تيم : بإحساس جديد . أخد ميرو وطلعوا ع عشهم .

فريحة : بتعيط وزعلانة . ومراد أخدها هي وتالين . وطلعوا ع شقتهم .

محمد أخد نور . الحزن والزعل واضح عليهم .

زين : من جواه مخنوق جدا . وشاف دموع ريتال . وأخدها ومشوا .

آسر : شاف حياة بتسلم ع العيلة . وشاور ليها ف إشارة . باي .

حياة : بحرج هزت راسها ليه . باي .

علية الصاوي والسيوفي مشيوا .

همس : رايحة تركب العربية . وخبطت ع إزاز الباب . عمو ربيع . إنت ياعمو ؟ إنت نمت ؟ أوووف . وشهقت . ينهار الألوان . الشنطة والفون . نسيتهم ف القاعة . أوووف . هو يوم باين من امبارح . استغفر الله العظيم يارب .

ياسين : من وراها . أنسة همس .

همس : ضغطت ع شفايفها بحرج . يلهوي سمعني أكيد وأنا بقول العبط ده . احم . ولفت ليه . أيوه .

ياسين : ابتسم لأنه سمعها تاني . وقال شنطتك وفونك .

همس : بفرحة . ميرسي جدا لحضرتك . أنا معرفش نسيتهم إزاي . بجد ميرسي .

ياسين : ابتسم . أنا شفتهم بالصدفة . وندهت عليكي لكن حضرتك مردتيش .

همس : بحرج . لا ماسمعتش أكيد من المزيكا والدوشة . عموما بجد أنا بشكرك من قلبي .

ياسين : أنا معملتش حاجة . تستاهل كل الشكر ده .

همس : بحرج . ميرسي . كلك ذوق . احم .

ياسين : ابتسم . لو محتاجة مساعدة أنا شايفك واقفة . لو مش معاكي عربية أنا ممكن أوصلك .

ولعن نفسه واستغرب طريقه .

همس : لأ لأ . أنا معايا عربيتي . ميرسي لذوقك .

ياسين : تمام . بعد إذنك .

همس : زعلت إنه هيمشي . وهزت راسها . اتفضل .

ياسين : مشي . واضايق من نفسه .

همس : ضحكت ع تفكيرها . ولفت خبطت ع الباب . عموووو ربييييييع . أووووف .

زياد : ودع الكل وأخد ماليكه وحياة ومشوا .

آدم مراد : واقف وعايز يوصل آري لكن استحالة فهد المرادي يوافق . ومشي .

فهد : ودع الكل . وأخد رينو وآرين وآركان ومشوا .

وآدم أخد أميرته ورجعوا ع البيت .

بعد فترة .

فيلا المنشاوي .

همس داخلة الفيلا . وشايلة الجزمة ف إيدها وسرحانة .

رياض : شافها . وفتح عينيه بدهشة . وقال يسرا . بصي شوفي سيدة الأعمال مقدمة . داخلة علينا إزاي ؟

يسرا : شافتها . وكتمت الضحكة . مش معقول . تخيل لو كانت بالشكل ده ف الفرح .

رياض : بزهول دي تبقى كارثة . وهي مالها متنحة كده ليه .

يسرا : بعدم فهم مش عارفة . استنى هنادي عليها . همس .. يا همسسس ..

همس : انتبهت ها وبصت حواليها . وشافت الجزمة ف إيديها . وسابتها ع الأرض بسرعة . ودخلت بمرح . هااااى مساء الخير عليكم .

رياض : بنفاذ صبر . مساء الخير . حمد الله ع السلامة .

يسرا : ههههه مساء الخير ياحبيبتي . قوليلي الفرح كان عامل إيه ؟

همس : بتوهان وهيام . الفرح ؟ الفرح كان قمر . الفرح خطف قلبي . أنا حبيت الفرح أوووي .

رياض ويسرا بصوا لبعض . وبصوا ليها . ف صوت واحد . يعني إيه ؟

همس : انتبهت . احم اء… قصدي كويس . كان فرح جميل جدا . وع أعلى مستوى . احم . تصبحوا ع خير . وجريت من قدامهم .

عند زين العدوي .

زين : قاعد ع الكنبة وزعلان . وحاطط وشه بين إيديه . ومخنوق جدا . وولاده الاتنين بعدوا عنه .

ريتال : صلت القيام . وقلعت السدال ودموعها ع خدها . وشافت حالة زين . وزعلت عليه لأنها عارفة . إن روحه ف ليليان . ومسحت دموعها . وراحت قعدت جنبه . وشالت إيديه من ع وشه . وقالت مالك يازين ؟

زين : اتنهد . ونفخ بضيق . مش عارف ياريتال . الفيلا من غير ولادي كأنها مهجورة من زمان .

وكمان ميرو دي بنتي . يعني ٣ خرجوا من البيت ف يوم واحد . وبصلها . ليليان وحشتني من دلوقتي ياريتال .

ريتال : شافت لمعة ف عيون زين لأول مرة . وزعلت جدا عشانه . وباست ع إيده بحب كبير . وقالت يعني هما راحوا فين يازيني . آريان عايش جنبنا . خطوتين وتكون عنده .

. وكل يوم هيكون معانا ف الشركة . وليليان . نص ساعة وتكون عندها . ونحمد ربنا إنهم اتجوزوا عن حب وندعيلهم ربنا يسعدهم .

زين : بتنهيدة . يارب .

ريتال : تعرف ليليان بتدعي إن كريم يكون زيك كدا .

زين : ابتسم بحب . يارب يحققلها اللي بتتمناه .

ريتال : بدلع . تؤ . إنت متعرفش إن مفيش غير زينو واحد وبس .

زين : ضحك . وقال ليه . يعني فيه كتير جدا .

ريتال : هزت راسها . لأ مفيش . هو زين قلبي أنا وبس . واللي هيعترض ع كلامي . هزعله جامد .

زين : هههههههه . لا خلاص موافق . مش عايز أزعل جامد .

ريتال : بدلع . الجو برد يازينو .

زين : ضحك بصمت . وقال عشان الستايرات ياروتي .

ريتال : ابتسمت بحرج .

زين : قام وشال ريتال . وقال بحبك أوى ياروتي .

ريتال : وأنا بعشقك يازين .

زين : قرب منها بحب كبير واخدها ف عالمه الخاص .

ف شقة مراد العدوي .

فريحة : بعد عياط كتير . دخلت الحمام تاخد شاور .

مراد : ف أوضة تالين . قاعد جنبها وهي بتنام . واتصل ع آدم ابنه. ورد . الو .

آدم مراد : الو .

مراد : إيه يا آدم رجعت ع البيت ولا لسه ؟

آدم مراد : وصلت يابابا. من شوية .

مراد : طيب ياحبيبي . أنا أطمن عليك . الحاج آدم وأمي فين ؟

آدم مراد : طلعوا الجناح من شوية .

مراد : تمام . ربنا معاك .

آدم مراد : ماما عاملة إيه دلوقتي ؟

مراد : لا أحسن دلوقتي .

آدم مراد : تمام . سلم لي عليها وع توتا .

مراد : يوصل ياحبيب أبوك . مع السلامة .

آدم مراد : مع السلامة . وقفلو .

مراد : حط الفون ف جيبه . ومسد ع شعر تالين . وقال أخوكي بيسلم عليكي ياروحي .

تالين : بتتاوب . الله يسلمه . هو ليه أبيه آدم مجاش معانا هنا . يابابا .

مراد : عشان هو بيستريح هناك . إنتي عارفة بقى أخوكي بيجري الصبح وينزل البيسين . وبيتمرن . وحاجات كده اتعود عليها .

تالين : بزعل . أبله مريم وحشتني أوى أوى يابابا .

مراد : بتنهيدة . وأنا كمان . وضحك بتمثيل . بكرة هتجيلنا كل يوم . أومال ؟ دي حفيدة العدوي . يلا ياحبيبتي نامي . إنتي صاحية من بدري .

تالين : تصبح ع جنة .

مراد : ابتسم بحب وباس جبينها . تصبحي ع السعادة ياقلب أبوكي .

تالين : ابتسمت وغمضت عينيها وهي بتقرأ قرآن لحد ما نامت بعمق .

مراد : بص لها كتير . وقال جواه . بكرة تكبري إنتي كمان وتسبيني زي ميرو . وعيونه لمعت واتنهد . وبعدها ابتسم . وشد عليها الغطا . وطفى الإضاءة . وخرج وقفل الباب .

فريحة : خلصت صلاة . وقاعدة ع طرف السرير وزعلانة .

مراد : دخل عليها . وشاف عيونها حمرا . وقال بتمثيل . أنا مشوفتش نكد زي نكد الحريم .

. يفرحوا يعيطوا . يضحكوا يعيطوا . ينجحوا. يعيطوا . يعيطوا يعيطوا . هرمون النكد عندكوا يفوق ع النكد نفسه . إيه ده ؟

فريحة : غصب عنها ابتسمت . وقامت وقفت قدامه وقالت . وبعدين بقى يامراد . أنا زعلانة لأنه طبيعي أزعل بنتي بعدت عني .

مراد : حاوطها من وسطها وقال . الطبيعي إنك تكوني مع مرادك وبس .

. الزعل والحزن ف قاموس مراد لفريحته ممنوع . فاهمة يابنت المستخبى .

فريحة : هههههههههه . يلهوي بقى . قلبي دق من كلامك . وختمتها بالتاتش بتاعك .

مراد : ابتسم . شفتي الضحكة بتنور وشك إزاي ؟ وبعدين ده ف ناس ياما هتموت ومراد العدوي بس يرفع طرف عينيه ويقولهم يابنت المستخبى .

فريحة : صكت ع أسنانها بغيره .

مراد : غمز . بس مفيش غير فريحتي . فريحتي وبس . وباسها برقة .

فريحة : قلبها بيدق . وقالت مراد أنا بحبك أوى .

مراد : وأنا بعشقك يابنت كوم الشكاير . وقرب منها بحب كبير وشالها لعالمهم الخاص .

ف نفس الوقت . عند فهد .

فهد : كلهم وصلوا البيت .

آركان : مسك ضهره وقعد ع الكنبة بتعب . اااه ياضهري ياضياء .

رينو : هههههههه . ضياء مين يا آركان ؟

فهد : تستاهل . مش عامل فيها مستر كارتيه .

آرين : ههههه . دي أحلى فقرة . فقرة القرد . قصدى فقرة آركان ومصطفى .

كلهم ضحكوا .

رينو : بسعادة . بجد كان جميل جدا . ربنا يديم علينا نعمة الفرح .

كلهم آمين .

آركان : قام بتعب . طيب أنا هروح آخد شاور وأناااااام . وياريت تسيبوني نايم ياريت .

رينو : بتحذير . أبدا . نام ياحبيبي وهصحيك تصلي الفجر وكمل نوم . اتفقنا .

آركان : ماشي ياحبيبتي .

المهم بس البت دي متعملش دوشة دلوقتي. أصل أنا عارفها.

آرين: وقفت وحطت إيدها في جمبها بطفولية.

يسلام ياخويا. أنا برضو اللي بعمل دوشة ولا إنت؟ عاااااا. شايف يا بابي.

فهد: وبعددييييين؟ آركان مالكش دعوة بآرين.

آرين: سقفت بفرحة. يس يس وطلعت لسانها لآركان.

آركان: وماله يا بابا دلع فيها براحتك. أصلها جاية بعد 20 سنة وهي اللي على الحجر.

رينو: هههههههه. لا يا قلب ماما، انتوا الاتنين بنحبكم جدا. بس البنت دي مطلعة عيني.

آرين: اعاااااا. هو إيه ده بقى.

فهد: قام وقال لرينو وآركان. بس إنتِ وهو. آرين تعمل اللي هي عايزاه. وغمز لآركان.

آركان: وماله يا بابا يسلام. دي ريبونزل هانم.

آرين: جريت حضنت فهد.

حبيبي بابي أجمل أب في العالم كله والله.

فهد: ضمها لقلبه وضحك.

وإنتي أجمل بنوتة في الدنيا.

رينو: قامت وقالت.

وأنا ابني آركان يعمل اللي هو عايزه. واللي مش عاجبه هيتحاسب.

آركان: حضنها بابتسامة.

قلب آركان والله. هو أنا بموت فيكي من شوية.

فهد: بغيرة.

وحياة أمك. طيب يلا إنت وآرين ادخلوا ناموا عشان مقلبش عليكم انتوا الكل.

رينو: ضحكت بصمت على غيرة الفهد.

آركان: بخوف. جري من قدامه.

تصبحوا على خير.

آرين: بمرح.

أوووكي Dad And MoOoOM. I am so happy. Yes Yes Yes.

رينو: هههههههه. لأ لأ ده جنان رسمي. تصبحوا على خير. هو برج واحد اللي عندي. وباست آرين ودخلت الأوضة.

فهد: ضحك وضمها لقلبه.

آرين: كشرت بطفولية وقالت.

بابي هو أنا لما أتـجوز كدا هبعد عنك صح؟

فهد: غمض عينيه بوجع وقال.

عارفة يا آرين أنا عايزك على طول العمر معايا. متغيبيش عني يوم واحد.

آرين: براءة.

أوكي مفيش مشكلة. أنا معاك على طول.

وكملت بغيظ. بس لو تفكها شوية يا فهد أنا هحبك أكتر والله.

فهد: هههههههه. أفكهـا شوية إزاي بقى.

طيب أنا راضي ذمتك. في أب يبقى عنده بنت في جمالك ومش يغير عليها. طيب دا أنا متساهل جدا معاكي والله عشان متزعليش مني. وطلعها من حضنه. وبيضحك.

آرين: بتذمر.

متساهل؟ اه جدا. يسلااام.

فهد: ههههه. يلا يا روحي ادخلي نامي وارتاحي.

آرين: بمرح.

أوكي. وشهقت. هيييي افتكرت.

فهد: ابتسم.

إيه افتكرتي إيه؟

آرين: بمكر طفولي.

أنا مخبية كوكيز شوكولاتة وكمان شوكليت كتير وتيميز كوكوبوكس. من آركان عشان لو شافهم هياكلني معاهم.

فهد: ضحك بصمت.

طيب مخبياهم فين؟

آرين: بحرج.

فوق المطبخ وأنا قصيرة. وضحكت بطفولية. بس بابي حبيبي هايجيبهم لبنته الحلوة ثح ثح.

فهد: مسح على خدها.

مجنونة يا آريني. تعالي. وراح المطبخ.

آرين: سقفت بفرحة كبيرة. يس.

فهد: جاب الكيس وضحك.

اتفضلي يا حبيبتي. أي خدمة.

آرين: حضنت الكيس بحب كبير.

اااه كنزى حبيبي وحشتني أوي.

فهد: خبطها على راسها. بضحك.

آرين: ضحكت ببلاهة.

ميرسي جدا يا أجمل بابي. تصبح على خير.

فهد: وإنتي بخير يا روحي.

آرين: جريت على الأوضة وقفلت على نفسها.

فهد: دخل الأوضة. ورينو كانت في الحمام بتاخد شاور. وخارجة.

فهد: ابتسم ليها.

رينو: حبيبي أنا جهزتلك هدومك في الحمام.

فهد: قرب منها وخطف بوسة رقيقة.

نجمتي القمر اللي هتلبس الطقم الجديد مش كدا؟

رينو: وشها جاب ألوان. واتكسفت.

فهد: ابتسم بغمزة. ودخل الحمام. ياخد شاور.

رينو: ضحكت بسعادة. وصلت ركعتين لله وبعدها. فتحت الدولاب وجابت الطقم. ولبسته وكان جميل جدا عليها. ووقفت قدام المرايا. تظبط شعرها والميكب. ورشت برفان. وبتغني بسعادة.

فهد: خرج. ودخل أوضة اللبس. وصلى ركعتين قيام. وخرج ليها وشافها جميلة جدا حد الفتنة. وقرب منها وحضنها من الخلف. وحط دقنه على كتفها وقال.

نجمتي اللي كل يوم بتحلو عن اليوم اللي قبله.

رينو: ابتسمت بحب. ولفت ليه ولفت إيديها الاتنين حوالين رقبته وقالت.

مبسوط يا فهد؟

فهد: ابتسم ودفن وشه في شعرها وقال.

مبسوط دي كلمة قليلة جدا عن إحساسي وإنتي في حياتي. أنا بحبك أوي يا رينو. أنا بعشق كل تفاصيلك.

رينو: قلبها دق.

أنا مقدرش أعيش من غيرك يا فهد.

فهد: قرب منها بحب كبير وشالها وراح بيها لعالمهم الخاص.

فيلا العدوي.

في أوضة آدم مراد.

آدم أخد شاور. ولابس بنطلون وتيشرت وقاعد على طرف السرير. ومسح وشه بإيديه ونفخ بخنقة وعايز يكلمها بأي طريقة.

وكل ما يغمض عينيه يشوف صورتها وهي بالفستان وكانت فاتنة لقلبه. ومسح على شعره. وجاب فونـه وفتح الواتس أب. وشافها قافلة. وكتب ليها رسالة.

وصلتي؟

وقفل الفون وحطه جنبه.

الباب خبط.

آدم مراد: بخنقة.

ادخلي يا دادة.

زينب: دخلت.

اتفضل يا سي آدم بيه. القهوة والمسكن.

آدم مراد: هز راسه تمام. شكرا يا دادة.

زينب: العفو يا سي آدم. ولو احتجت لأي حاجة نادي عليا.

آدم مراد: تمام. اتفضلي إنتِ.

زينب: خرجت.

آدم مراد: أخد المسكن. وهيـشرب القهوة وفي انتظار صوت رسالة بـومـبـنـايـة قلبه. وظهر منه شبح ابتسامة لما افتكر وهي بتسأله ببراءة. وبيحب روحها الطفولية جدا. واخد نفس عميق واتنهد.

في جناح آدم العدوي.

مريم: صلت القيام. وبتقرا في الورد اليومي.

آدم: صلى وقاعد جنبها على السرير وبـيقرا.

مريم: صدقت. وقامت. وحطت المصحف على الكمود وبتستغفر. وقلعت الأسدال. وقعدت جنبه.

آدم: خلص. وقفل المصحف. وشاف مريم بتبصله. وقال.

إيه يا روحي عايزه تقولي حاجة.

مريم: ابتسمت.

عايزة سلامتك ديما. بس كنت عايزة أسألك يعنى. إنت خرجت إنت ورعد واتأخرت أكتر من ساعتين. روحت فين؟

آدم: ابتسم. وقال.

رعد كان عايزني في موضوع شخصي. وخرجنا شوية. إنتِ عارفة بقى الدوشة والصوت عالي. مكنش هينفع نتكلم هناك.

مريم: بابتسامة.

طيب الحمد لله. أصلي كنت قلقانة عليك معرفش ليه. وقلبي اتقبض مرة واحدة. ودعيتلك كتير. بس لما شوفتك رجعتلي بخير. قلبي استريح. ربنا يجعلك بخير ديما.

آدم: بغمزة.

قلبك؟ هو أنا جابني على وشي غير قلبك.

مريم: ههههه. تسلم لقلبي يارب.

آدم: رجع خصلة شعر ورا ودنها وهمس.

تعرفي إنتي النهارده كنتي الملكة وسط الأميرات.

مريم: ابتسمت بحب كبير.

حبيبي يا آدم. وإنت ديما سلطان قلبي وكياني.

آدم: رفع دقنها وباسها برقة.

بحبك يا مريم.

مريم: قلبها دق بقوة.

ياااه من زمان مقولتليش اسمي. ومنك ليه نبرة وإحساس مختلف يا آدم.

آدم: ابتسم بحب.

طيب أعمل إيه؟ إنتِ اللي أميرة وماسة وحورية وكل حاجة حلوة. وفوق كل ده إنتِ مريم.

مريم: ضحكت بسعادة كبيرة.

وإنت إمبراطور قلب مريم. ومريم ملهاش معنى غير بوجودك يا آدم.

آدم: بص في عينيها وعشقه زاد لغصن الزيتون. وهمس بهيام.

أميرتي وحشتيني. قرب منها بحب كبير.

عند محمد عزيز.

محمد: مداري حزنه في قلبه عشان نور كل شوية تعيط. وسابها بالعافية ودخل ياخد شاور.

نور: قاعدة بهدومها زي ما هي وبتعيط بشهقات بسيطة.

وقامت خرجت من الأوضة وعينيها بتدور في الشقة كلها على تيم وتمارا. ومش مصدقة إن في يوم وليلة ولادها اتجوزو وسابو البيت. وقعدت على سرير تيم. وعيطت بصوت عالي وشهقات.

محمد: خرج من الحمام. وملقاش نور. ولبس تيشرت بسرعة. وخرج من الأوضة وسمع صوت عياطها.

واتنهد بزعل. ودخل عندها وقعد جنبها. ومسح دموعها وقال بعتاب.

بقى كدا يا نوري. برضو بتعيطي وأنا جمبك؟

نور: بشهقات.

غصب عني يا محمد. ولادي سابو البيت. البيت بقى فاضي من غيرهم. تمارا وتيم وحشوني أوي. وعيطت.

محمد: ضمها لقلبه وربت على ضهرها بحنان.

هش هش. بس يانوري بس. عشان خاطري بطلي عياط. ماينفعش كدا. وبعدين دي سنة الحياة يا حبيبتي. وغير كدا. كلهم جنب مننا الحمد لله. وكمان أنا وعدتك إننا هنبقى نسافر لتيما يومين في نص الشهر عشان عارف إنك مش هتتحملي. وغير كدا يا روحي. كل شوية هنتجمع عند آدم. ليه بقى كل الزعل ده.

نور: طلعت من حضنه ورفعت عينيها ليه وقالت بجد.

بجد يا محمد هنسافر نشوف تيما بجد؟

محمد: ابتسم ومسح دموعها وباسها برقة.

بجد يا روح محمد.

نور: حطت راسها على صدره واتنهدت.

محمد: مسح على خدها. وقال.

قومي بقى تعالي معايا غيري لبسك. وخذي شاور سخن عشان يهدى أعصابك.

وقام واخدها معاه. وجهز ليها هدومها. وابتسم.

اتفضلي يا روحي. وكمل بمكر. تحبي أدخل أساعدك؟

نور: اتكسفت. وهزت راسها لأ. واخدت الهدوم ودخلت الحمام.

محمد: طلعت منه تنهيدة وجع كبير. ومسح وشه بإيديه. وخرج من الأوضة.

ودخل أوضة تمارا. وعيونه لمعت بدموع. وقرب من مكتبها وشاف صورة العيلة. وشال الصورة. وشاف تيما وهي في حضنه وضحك بدموع. وقال.

وحشتيني جدا من دلوقتي يا روحي.

وحط الصورة. وراح قعد على سريرها. ومسك العروسة بتاعتها. وافتكر كل المواقف الطريفة بتاعتها. ودمعة خانته ونزلت على خده. وغمض عينيه واخد نفس عميق واتنهد بتعب.

ومسح دموعه وقام وخرج من الأوضة ولف بص عليها تاني. وهز رأسه باستسلام للقدر وقفل النور والباب.

وراح أوضة تيم. وشاف الكتب بتاعته وصورته مع نور وتيما. وصورة ليه مع محمد. وابتسم بدموع. وسمع صوت باب الحمام. ومسح دموعه بسرعة. وخرج من الأوضة. وراح على المطبخ يعمل مشروب لنور.

نور: لبست الأسدال. وصلت ودعت لأولادها بالسعادة. ودعت لعيلتها. وخلصت صلاة. وقامت قلعت الأسدال.

محمد: دخل عليها. وشايل صينية فيها مشروب أعشاب يهدى أعصاب نورو.

نور: ابتسمت.

تسلم إيدك يا حبيبي. طيب كنت قولي وأنا أعمله.

محمد: ابتسم.

لأ إنتِ في إجازة من دلوقتي. وقعد على طرف السرير. وشاور ليها.

نور: قعدت جنبه واستغربت.

إجازة؟ إجازة إيه؟

محمد: امسكي الأول اشربي ده وإنتِ هتبقى زي الفل.

نور: بتشرب.

اممم تسلم إيدك يا قلبي.

محمد: ابتسم.

اسمعي بقى يا دكتورة قلبي. إحنا الفترة الأخيرة ضغطنا على نفسنا جامد. ومحتاجين فترة نقاهة. لأن بجد محتاجلك جدا. ونعيش أنا وإنتِ يومين حلوين كدا. بعيد عن الشغل.

نور: بفرحة كبيرة.

بجد يبقى هنسافر اسكندرية صح؟

محمد: لأ غلط. هنسافر دهب. إيه رأيك؟

نور: بسعادة.

واو. جميلة جدا يا حبيبي. أنا مبسوطة أوي.

محمد: وأنا مش عايز غير إنك تكوني مبسوطة يا نوري.

نور: ربنا يباركلي فيك يا حبيبي. إنت متعرفش بجد أنا بعشقك ومحتاجلك قد إيه.

محمد: باس كف إيدها.

وأنا تحت أمر بنتي وحبيبتي نورى. نور قلبي وعمري كله. وقرب منها بحب كبير وعاشوا في عالمهم الخاص.

عند كريم.

كريم وصل الشقة. وفتح الباب. وشاور بسعادة.

اتفضلي يا حبيبتي نورتي بيتك.

ليليان: قلبها بيدق بخوف وتوتر.

ودخلت بحرج كبير جداً.

كريم: قفل الباب، ووقف قدامها، واتأمل وشها، وقرب منها باس جبينها.

"مبروك يا حياتي."

ليليان: بتنهج من التوتر، وقالت بحرج.

"ميرسي."

كريم: حس خوفها، وقال.

"تعرفي أنا النهارده أكتر واحد فرحان في الدنيا. يااه، إنتي حلم حياتي يا ليليان."

ليليان: واقفه مكسوفه، وبتفرك في إيديها، ووشها أحمر جداً.

كريم: قرب منها ومسك إيديها وباس عليها.

"حبيبتي اهدى، إنتي ليه خايفة كده؟ ده أنا كيمو حبيبك. تعالي معايا، ومش عايزك تخافي من حاجة. إنتي في بيتك."

ليليان: واقفه مكانها، وأفكارها متلخبطه، ومحرجه ومش قادرة تمشي خطوة.

كريم: ابتسم على خجلها اللي بيعشقه، وشالها بين إيديه.

ليليان: شهقت بصوت مهموس، وقالت.

"كريم نزلني لو سمحت."

كريم: ضحك بصمت، ودخل بيها أوضة النوم، ونزلها في نص الأوضة، وقال.

"أنا هروح آخد شاور وأتوضى وأسيبك تهدّي خالص. وكمان أنا جعان، وأكيد إنتي كمان. وهجهز عشا مخصوص لليليانو قلب كريم. ماشي يا حبيبتي."

ليليان: فرحت إنه هيخرج من الأوضة، وقالت.

"ماشي."

كريم: أخد هدومه، وقلبه بيدق من جمالها، لكن لازم يديها الأمان، وخرج.

ليليان: اتنفست الصعداء، وقعدت على طرف السرير، ونفخت بتوتر كبير.

"أوووف، إيه ده. أنا قلبي كان هيقف."

وبعد شوية بدأت تهدأ، ودخلت الحمام وأخدت شاور. وشافت الطقم، وفتحت عينيها بذهول.

"نعممم؟ ده إيه ده؟ يا حزن الحزن. هو كده على طول؟ طيب مش نبدأ ببجامة طاه. يا ليلة زرقا. أنا هيغمى عليا... وش كده أنا هيغمى عليا."

واتوترت أكتر ووشها جاب ألوان، لما لبست الطقم، ولبست الإسدال وخرجت بتترعش.

كريم: خبط عليها.

ليليان: اتخضت، وقالت.

"ادخلي يا داده. احم، قصدي ادخل."

كريم: ضحك، ودخل، وشاف وشها أحمر جداً، وابتسم.

"تعالي نصلي ونطلع نتعشى."

وفرش سجادة الصلاة وصلى بيها، وقال الدعاء، وقام. ومسك إيدها وأخدها عشان يطمنها، وقعدوا على السفرة، وبدأ ياكل ويأكلها. وشاف إنها بدأت تهدأ وتطمن. وشال ليها حجاب الإسدال، وشاف شعرها اللي محروم منه كل السنين دي، وانبهر من جمالها اللي اكتمل.

وقال فيها كل كلام الغزل. وقرب منها بحب كبير وقلبه هيطلع من مكانه. وليليان كانت هتموت من الإحراج.

ولكن عشق كريم غلب توترها وتاهت في عشق كريم. وشالها وراح بيها على عشهم، لعالمهم الخاص.

***

آريان دخل الفيلا بالعربية. ونزل وفتح الباب لتمارا.

تمارا: نزلت برجفة، وحاطة إيدها على قلبها، ومتوترة.

آريان: قلبه بيدق ليها. وشالها ودخل بيها الفيلا.

تمارا: محرجة جداً، وقالت.

"آريان أنا همشي، سيبني نزلني لو سمحت."

آريان: طالع بيها على السلم، وقال.

"لأ يا تيما، أول يوم تدخلي فيه بيتك لازم تكوني متشالة بين إيديا، ولا إنتي عندك مانع."

تمارا: بلعت ريقها بتوتر ومردتش.

آريان: دخل الجناح، وكان العشا موجود في الأوضة. ونزلها في نص الجناح.

تمارا: كانت هتقع لورا.

آريان: بسرعة شدها عليه، وخبطت في صدره، ورفعت عينيها ليه بتوتر، وقلبها بيدق.

آريان: قلبه بيدق وشاف لون عينيها عن قرب، وتاه فيها. وهمس.

"تيما، أنا بعشقك."

تمارا: بتتنفس بحرج كبير، وجت تخرج من حضنه.

آريان: شدها عليه أكتر، ورفع إيده وفك ليها الطرحة والحجاب، وباصص في عينيها.

تمارا: نسيت كل حاجة حواليها وسرحت في عيون آريان، وقلبها بينبض باسمه وبس.

آريان: شاف شعرها الدهبي اللي انسدل على كتفها، واكتمل جمال القمر. ورفع إيده بين خصلات شعرها بحب كبير.

تمارا: انتبهت، واتكسفت جداً وبتنهج. وهمست.

"آريان لو سمحت."

آريان: عشقه ليها مسيطر عليه، وقرب منها وباسها برقة.

تمارا: جسمها اتشد وقلبها هيطلع من مكانه واترجفت.

آريان: حس بيها، وبعد عنها، وضمها لقلبه بحب كبير ومسد على شعرها يطمنها.

تمارا: مغمضة عينيها ومكسوفة جداً من آريان. لكن حنانه ليها خلاها تطمن.

آريان: كلمها بحنان. وقال.

"حبيبتي أنا. يلا ادخلي خدي شاور، وأنا كمان عشان نصلي ونتعشى."

تمارا: هزت راسها، وقالت.

"حاضر." ومشيت من قدامه بسرعة.

آريان: واقف وعينيه على خصلات شعرها الطويل اللي عشقها أكتر من الأول. وأخد نفس عميق واتنهد. وأخد هدومه وراح الحمام التاني.

تمارا: أخدت شاور ولبست الطقم بعد محاولات كتير. وافتكرت كلام نور ليها، وإنها تكون زوجة مطيعة وحنونة، وتكون الأمان لزوجها وبيتها. ولبست الإسدال وخرجت. وكان آريان واقف منتظرها.

آريان: فرش سجادة الصلاة، وصلى بيها وقال الدعاء.

وقام. ومسك إيدها وباس عليها وقالها.

"تعالي اقعدي هنا على الكنبة."

تمارا: قعدت بتوتر.

آريان: جاب الأكل وقعد جنبها. واتكلم معاها، وقال.

"تعرفي أكتر حاجة أنا مبسوط منها، إنك هتتعيني دكتورة في نفس الجامعة اللي أنا فيها. يعني هنروح مع بعض ونرجع مع بعض."

تمارا: بدأت تهدأ، وقالت.

"فعلاً أنا كمان مبسوطة."

آريان: أكلها، وأكل، وسرح في جمالها من تاني. وقرب منها وباس جبينها وقال.

"أنا بحبك أكتر من أي حد في الكون ده يا تيما." وقرب منها بحب كبير. وتمارا تاهت معاه في عالمهم الخاص.

***

واخيراً عند تيم.

سايق طول الطريق. وحاول يتكلم مع ميرو لكن ساكته تماماً.

وواضح عليها إنها سرحانة كتير.

ووصل عند البيت، ونزل من العربية. وشاف مريم فتحت الباب ونزلت بسرعة، قبل ما يفتح ليها الباب. وفهم إنها زعلانة.

ميرو: طول الطريق جواها إحساس من السعادة اللي مالهاش آخر.

لكن في جزء في قلبها حزين. هي مبسوطة جداً إنها الحمد لله محدش لمسها.

وأكتر من فرحانة إن تيم حب عمرها هو كمان بيحبها.

لكن مش قادرة ما تزعلش. كل ما تفتكر ضربة ليها بالقلم.

وإن دي أول بنت في بنات العيلة حد يضربها. وكمان هجومه عليها واتهامه ليها. نفسها تتخطى وتعيش مبسوطة، لكن صعب حالياً.

وكمان في سؤال شاغل تفكيرها، لما هو بيحبها أوي كده؟ أومال كاميليا دي إيه؟ وكل شوية يقولي إنتي أختي ليه؟

وانتبهت لما العربية وقفت، ونزلت من العربية ومش عايزة منه أي مساعدة.

تيم: تفهم زعلها. وقفل العربية. وقرب منها يشيلها.

ميرو: بعدت عنه خطوتين، وهزت راسها لأ.

تيم: ابتسم. وقال جواه.

"هعمل المستحيل عشان ترجعي لقلبي من تاني." وقال.

"تمام، اتفضلي يا حبيبتي."

ميرو: رغم إن قلبها ملهوف عليه، لكن لازم تاخد موقف.

وكمان اللي شاغل تفكيرها إزاي بيحبها أوي كده؟ وكان ديما يقولها إنتي أختي. وحدد الجواز لمدة سنة واحدة. وطلعت وهي محرجة جداً، وأفكار جواها متلخبطة.

تيم: طلع وراها. وفتح باب الشقة، وقال.

"اتفضلي يا روحي."

ميرو: دخلت وقلبها بيدق بتوتر ومكسوفة. مرة واحدة هتعيش مع تيم وتحت سقف واحد. ولوحدهم. وبلعت ريقها بتوتر.

تيم: دخل وقفل الباب، والابتسامة على وشه. وحط الفون والمفاتيح على التربيزة. ووقف قدامها. ومش مصدق نفسه. إن حلم حياته وعشقه بقت على اسمه وحلاله وملكه في أسبوعين اتنين بس. وابتسم على توترها الواضح عليها.

ميرو: تيم واقف قريب منها وبتتنفس بتوتر من قربه.

تيم: بحب.

"مبروك يا مريم."

ميرو: بزعل.

"مبروك على إيه؟"

تيم: بعتاب.

"إنتي لسه زعلانة مني؟"

ميرو: بصت بعيد.

"لو سمحت أنا تعبانة وعايزة أستريح."

تيم:

"طيب ممكن نتكلم شوية."

ميرو: بصت في عينيه وقالت.

"نتكلم في إيه؟ إنت اتكلمت وقولت وقررت كل حاجة. صدقت فيا إني ممكن أكون عملت كده؟ اتقدمتلي وحددت ميعاد الفرح وحددت المدة اللي هنعيشها مع بعض. بتتهيألي كده مفيش حاجة تتقال."

تيم: بحده.

"مريم أنا مصدقتش إنك تعملي حاجة زي دي أبداً. أنا ثقتي فيكي أكبر من أي حد."

واتنهد ومسح وشه بإيديه.

"مريم لو سمحتي حاولي تفهميني. الموضوع كله كان مؤامرة علينا إحنا الاتنين. والموقف كان أكبر مني ومنك كمان. ومكنتش عارف أفكر. كانت صدمة بجد. وأنا سألتك قبل كده. وقدرت موقفك إنك في حالة صدمة إنتي كمان."

"وإن كنت حددت إن جوازنا سنة، فده عشان إنتي رفضتي. لكن أنا استحالة أسيبك لا بعد سنة ولا ١٠٠ سنة كمان. إنتي حلم واتحقق. وأبقى مجنون لو فكرت أسيبك لأي سبب. أنا مصدقت إنك تكوني مراتي."

ميرو: بتسمع، وقلبها بيدق بسعادة كبيرة، وساكتة.

تيم: بتنهيدة.

"طيب أنا عارف إنك زعلانة لأن اللي حصل ده أكبر من طاقتك. وأنا هصلح كل حاجة صدقيني. وعايز منك تسامحيني ونبدأ من جديد."

ميرو: رفعت عينيها وقالت.

"موافقة أسامحك بس بشرط."

تيم: ضحك بفرحة.

"موافق."

ميرو:

"اسمع الشرط الأول."

تيم:

"من غير ما أسمعه أنا موافق."

ميرو: قالت.

"هي أوضة النوم فين؟"

تيم: ابتسم، وشاور ليها على الأوضة.

ميرو: هزت راسها، وقالت.

"تمام. تصبح على خير." واتحركت.

تيم: تنح.

"إيه؟ تصبح على خير؟ ده اللي هو إزاي؟"

ميرو: دخلت الأوضة وقفلت على نفسها، وسندت بضهرها على الباب.

تيم: راح عند الباب وخبط.

"مريم إنتي هتعملي إيه؟"

ميرو: ابتسمت بمكر. وقالت بتوعد.

"ماشي يا تيم، أنا هوريك مين هي بنت العدوي. وكل شوية إنتي أختي، إنتي أختي. مااااشي."

تيم: خبط تاني.

"مريم إنتي سامعاني يا حبيبتي؟"

ميرو: كتمت الضحكة. احم، وكملت بجدية.

"أيوة، فيه حاجة يا دكتور؟"

تيم: بدهشة.

"دكتور؟ ميرو افتحي يا حبيبتي."

ميرو:

"حاااضر. ثانية واحدة."

تيم: هز راسه وضحك، وواقف قدام الباب.

ميرو: فتحت الباب وخرجت، وشايلة مخدة وغطا سرير، وحطتهم على كنبة الليفنج.

تيم: تنح بصدمة. وقال.

"إنتي بتعملي إيه؟"

ميرو: ابتسمت ببرود.

"بنفذ الشرط يا... دكتور."

تيم: عينيه تايهة ما بين المخدة وبين ميرو. وقال.

"شرط إيه؟"

ميرو: ببرود.

"شرط إن المدة اللي حضرتك حددتها لجوازنا، وهي السنة طبعاً... هتكون فترة خطوبتنا أنا وإنت. وكمان إنت هتنام هنا كل يوم."

تيم: فتح عينيه بدهشة وقال.

"أييييه؟ خطوبة سنة؟ وإنتي مراتي طيب إزاي؟"

"شوفي شرط تاني. كدا ماينفعش، أنا مصدقت تكوني معايا."

ميرو: رفعت كتفها، وقالت.

"اممم، والله ده شرطي، وإنت وافقت عليه من قبل ما أسمعه منك." وكملت بغيظ مكبوت. "وبعدين إنت زي أخويااااا. تصبح على خير." واتحركت.

تيم: مسك إيدها بسرعة.

"مريم. حبيبتي. أنا تيم حبيبك. طيب تعالي نفكر في حل وسط."

ميرو: سحبت إيدها، وكتمت الضحكة، وقالت.

"لأ. إحنا هنعيش السنة دي زي الإخوات. ماااشي يا أخوياا." ودخلت الأوضة بسرعة.

تيم: اتحرك بسرعة.

ميرو: قفلت الباب في وشه.

تيم: بغيظ.

"أخويا؟ أنا أخوها؟ أومال المأذون ده كان إيه؟"

وقلع الكرافت بنرفزة، وتمتم كتير بغيظ.

ميرو: واقفه في الأوضة وسامعة تيم عمال يزعق مع نفسه، وضحكت بسعادة كبيرة. وقالت.

"أوبس، نسيت أطلع ليه بنطلون وتيشيرت." وراحت عند الدولاب.

وجاب لبس ليه. وفتحت الباب.

تيم: جري عليها. حبيبتي سامحتيني صح؟ أنا عارف إن قلبك أبيض والله.

ميرو: ببرود حطت التيشرت والبنطلون بين إيديه وقالت: اتفضل هدومك عشان متخبطش عليا. تمام.

تيم: حاوطها من وسطها. طيب تيمو هايهون عليكي.

ميرو: قلبها بيدق. وفلتت نفسها منه بصعوبة. واتوترت.

وقالت: لو سمحت متحاولش تقربلي. مفيش مخطوبين بيعملوا كده. وبعدين أنا لازم أسامحك الأول.

ميرو: قلبها بيرقص ومبسوط. وهتتضعف. وفاقت. وسحبت أيدها بسرعة.

وقالت بتحذير: أول وآخر مرة تقرب مني. وسابته وجريت من قدامه بسرعة. ودخلت الأوضة وقفلت الباب. وضحكت بسعادة.

تيم: نفخ بنفاذ صبر. وخبط عليها: طيب ماينفعش أنام ع الكنبة عندك؟ حرام كدا والله العظيم.

ميرو: من ورا الباب. قالت بغيظ: انت زي أخويا وماينفعش تنام هنا.

تيم: صك ع أسنانه بغيرة كبيرة. وزعق بغيظ: أنا مش أخوكي ولا انتي أختي.