رواية حارة الادهم الفصل السادس 6 - بقلم اسماء يوسف محمد

حاتم: المتولي في إيه يابني مالكم تنحتوا كده؟ أدهم: لا ولا تنحتوا ولا حاجة. المتولي: طيب أعرفكم، ده حاتم صديقي في الشغل وصديق عمري. ودي نانة، مراتي وصديقتي في الشغل بردك. أدهم: اتشرفت بحضرتكم، أنا أدهم وده علي صاحبي في الشغل وصاحب عمري. علي: أهلًا بحضراتكم. أدهم: طيب يلا نخش في الشغل. حاتم: ما براحة يا عم هولاكو كده علينا. المتولي: لا ده اسمه في مكانه، الشغل رقم واحد في حياته.

أدهم: والله لولا الشغل ما كنت قبلت الوشوش الجميلة دي. المتولي: ههههه، والله زي الفل. يلا تعالوا نتغدى وبعدين نكمل كلامنا. أدهم: مستورة والحمد لله، احنا ناخد مهمتنا وسلام عليكم. المتولي: إيه يا أدهم مش عايز تاكل عيش وملح في بيتي ولا إيه؟ أدهم: أنا أطول يا متولي بيه، بس خلينا خفاف كده. نانة: إيه يا أدهم طيب كده هتزعليني، متقول حاجة يا أبو علي. علي: يلا يا معلمة متكسفش البشوات، يلااا. الكل بيقعد على السفرة وبيتغدوا. ***

في بيت أدهم. شهد: إيه رأيك يا ماما في الترويقة الحلوة دي؟ أم أدهم: زي العسل والله، أهو تغير كل فترة. سارة: طيب أنا هخش آخد شور لحسن أنا اتمليت تراب. شهد: طيب يا روحي، هجبلك هدوم تلبسيها، وعلي ما تخلصي ونتغدى ننزل نشتري هدوم. سارة: ماشي يا حبيبتي، ربنا ما يحرمني منك. سارة بتدخل الحمام وشهد بتوديلها الهدوم. أم أدهم بتمسك شهد من دراعها. شهد: آآآه، في إيه يا ماما؟

أم أدهم: شهددد، في إيه اتقلبتي كده على قمة الحنية دي، اياك تعملي في البت حاجة يا شهد. شهد: ههههه، أوعي يا ماما دراعي الهو هو، علشان بحبها هبقى بأذيها. أم أدهم: هنشوف. شهد: اطمني يا ست الكل، يلا سيبيني أروح أحط الغدا إن كنا هناكل. أم أدهم: خلاص روحي. *** عند أدهم. نانة: كده اتفقنا يا أدهم، وأظن معتش فيه بعد كده حاجة، ولا إيه يا سطا علي؟ أدهم: تمام، ماشي. علي: على بركة الله. أدهم: نستأذن إحنا بقى.

المتولي: طيب ماشي، سلام. حاتم: هبقى على اتصال بيكم. أدهم: ماشي يا معلمة، سلااام. في العربية. علي: بس حسيتك مش مرتاح في القاعدة. أدهم: آآآه، أصل قاعدة فيها ريحة خيانة. علي: خيانة! من مين منهم، والله لأعلمهم الأدب. أدهم: لا مفهمتنيش بردك، أقولك بكرة هتروق قدامك الصفحة وتشوف كل حاجة. علي: ماشي يا صاحبي. بيوصلوا الحارة. رجالة بتخبط على عربيتهم، بتكسر الإزاز. أدهم بينزل وهو بيحاول يهدي نفسه. أدهم: في إيه يا نمر؟

هو أنت في الدخلة والخرجة إيه بنوحشك أوي؟ النمر: أيوه يا أدهم يا دمنهوري، أنت مفكر نفسك إيه بطل الحارة ولا إيه؟ الكلمة كلمتك والشورة شورتك ولا إيه؟ أدهم: لم الحوش بتوع دول وادخل جوه وخلي الليلة تعدي يا نمر. النمر: ولو مخلتهاش تعدي هيحصل إيه يعني؟ أدهم: منا بقولك خليها تعدي. النمر: طيب مش معديها، وريني بقى هيحصللللل إيه! واهو وبيكسر في العربية. علي: فييي إيه، هييييه، العربية ملكك! أدهم: بقا كده. طيب.

وبيقرب منه وبيضربوا في بطنه وبالبونية في دماغه. وبيضرب فيه. النمر بيقع على الأرض. أم النمر: يلهوووووووووي، ابن الدمنهوري قتلللللل ابني! الحارة كلها بتتلم. أدهم: فييي إيه، هو كله واخد مراته ضرباه شبشب! بين هيجي يطلعهم عليناااااا، اتفوووقووو كددددده! الحارة: اهدي يا أدهم، كلنا شهدين إنه هو اللي غلطان. البوليس بيجي. الظابط: في إيه، إيه اللي حصل يا ابني؟ الحارة: كان واقف بيه، وعربية جت ضربته ومشيت.

أم النمر: كدااابين يبيه، كداابين، دووول كلهم ظالمة، الفتوه داهو اللي ق**تل ابني، قتت***تتله، قت**لله يبيه. الظابط، داه اللي حصل، انطقوووووو، اتخرصتووووو! الحارة: داه اللي حصل يبيه. الظابط: بقا كده، إيه اللي حصل يا أدهم؟ أدهم: دا اللي حصل يبيه، أنا هكدب الحارة. الظابط: بقا كده، طيب هتولي يا ابني الولية دي وابنها فوقوه، وهاتلي أدهم وعلي على البوكس. علي: لبسنا. أدهم: انشف كده. وبياخدهم على القسم. *** في بيت الأدهم.

أم محمد: يا أحمد الحقققق، أدهم خدوه على السجنننن، الحقي يا أم أدهم! الكل بيطلع جري. شهد: إيه، سجنننن! احررري يامااااااا!