رواية حب عبر السوشيال ميديا الفصل التاسع عشر 19 - بقلم نورا محمد

نوران بفرحة: أخيرًا يعني خلاص هنتجوز. أنا كمان هطلب الطلاق من جوزي. محمد: هنتجوز. أنا مشغول دلوقتي. سلام. وأغلق الهاتف دون سماع ردها، غافلًا عن تلك التي تسمعه من البداية. أريج قفلت الشنطة الترولي وكانت ماشية. محمد ببرود: استني، هوصلك. أريج بحزن: مش عايزة أعطلك يا عريس. أه، صح، ألف مبروك. رايحة فين يا رايحة؟ أريج بدموع: أخيرًا اتحررت. هتوحشيني يا ماما. مامت محمد بصدمة: يعني إيه؟ أريج وهي بتحضنها: أنا ومحمد اتطلقنا.

مامت محمد بصراخ: إيه! كيف دا حصل؟ لأ، مش هتمشي. إنتي بنتي قبل ما تكوني مرات ابني. أريج وهي بتطمنها: وإنتي أحلى ماما. ولو إنتي بتحبيني هتسبيني أمشي. بنتك كانت محبوسة وبتتهان وكرامتها كانت في الأرض. مامت محمد بدموع: يعني هتمشي؟ مين هيسأل عليا؟ أريج بابتسامة ممزوجة بالحزن: أنا طبعًا. كل يوم هكلمك. هو أنا أقدر أستغنى عن ماما حبيبتي. يوسف بحزن: وأخوكي ملوش نصيب؟ أريج بضحك: هو أنا أقدر؟ دا إنتي الحتة الشمال.

يوسف بحنية: طيب تصدقي إنتي حلويتي؟ هو طلاق بيحلي كده؟ أريج بغرور: أنا حلوة بكل حالاتي. صح يا مكة؟ مكة بعياط: هتوحشيني. بالله متسبنيش. أنا بكرة أبيه محمد. أريج وهي بتفتح دراعاتها تاخد مكة بحضنها: متخافيش. وبعدين أبيه محمد بيحبك خالص، والحكاية إني أنا وهو مش متفاهمين مش أكتر. وبعدين أبيه يوسف هنا وجنبك وماما بتحبك وأنا هكلمكوا دايما. أنا لازم أمشي. يوسف بمشاغبة: تعالي أوصلك وكمان أفتح معاكي موضوع الجواز مني.

يوووووووووووسف! يوسف بخوف وهمس: هو بيتحول ولا إيه؟ مكة بشماتة: أحسن يارب ياكلكم. محمد: روح على الشركة وأنا هوصل أريج. أريج بمقاطعة: ولا إنت ولا هو. أنا هاخد أوبر يوصلني. سلام. محمد شدها من إيدها: قولت هوصلك يبقى خلاص. طلاق وطلقنا. سبيني أوصلك. أريج بعدت بهدوء: ماشي. يلا. أريج ركبت ورا في العربية. محمد بغضب: أنا مش سواق الهانم. أريج بحزن: بس إحنا دلوقتي بحكم المطلقين. محمد بحده: تعالي جمبي يلااااا. أريج

بغضب نزلت وركبت بجواره: ارتحت كده؟ محمد بغرور: أه. عدى وقت من السكوت. محمد: لو احتاجتي حاجة ابقي كلميني. أريج بحده: آخر واحد في الدنيا احتاجله يبقى إنت. أنا مصدقت علاقتنا انتهت. يبقى أكلمك؟ محمد بحزن: للدرجاتي؟ أريج بغل: وأكتر. إنتي بتشك فيا مع إني مشفتش منك حاجة وحشة. إهانة واتهانت. ضرب ومقصرتش. بنات وبتكلم. خيانة وفي بيتي وعملت. محمد بتوتر: أي كلام دا؟ أريج بتعب: خلاص الكلام ملوش أهمية. تصدق لايقين على بعض. موت.

محمد: مين هي؟ أريج بتعب واضح: اللي هتتجوزها. أنا عارفة كل حاجة. شكرا على توصيلة. أريج نزلت وبعدين رجعت تاني. أريج: ياريت ورقة طلاقي توصل بسرعة. وفرت هاربة بسبب ملامحه التي تغيرت وعروقه التي برزت. محمد بغضب فضل يضرب الدريكسون بسبب كلامها وأنها بسهولة هتبعد عنه وكمان مبسوطة ومستعجلة كمان. *** عند يوسف. يوسف: بتعيطي ليه دلوقتي؟ مكة بشهقة: عشان أبيه طلق أريج. يوسف وقلبه بيتقطع: طيب ممكن تهدي.

مكة بدموع: مش هما بيحبوا بعض ليه اتطلقوا؟ يوسف: الحب مش كفاية. لازم الثقة بين الطرفين. يعني ربنا سبحانه وتعالى مقالش الحب قال مودة ورحمة. بالتالي لو كان فيه مود ورحمة الحب هيجي هيجي. لكن لو واحد بيحب واحدة وكل يوم يضربها أكيد هييجي يوم وتكره أو على أقل تبعد. مكة ببراءة: أنا مش هحب ولا أتجوز عشان متجرحش وأبعد عن اللي بحبه زي أريج. يوسف بحنية: لكل قاعدة شواذ. ومش كل اللي بيحب بينجرح. في ناس تانية عايشين في سعادة.

مكة بابتسامة زادت جمالها: إنت قمر أووووي. يبخت اللي هتتجوزك. يوسف بخبث: يعني يبختك بيا صح؟ مكة بغباء وغيره: لأ. أقصد صاحبتك. يوسف بفرح وخبث: أه. بس على فكرة أنا اللي بختي بيها دي بطل وحدة كدا كلها أنوثة. مش طفلة. مكة بدموع: تقصد إيه؟ أنا ماشية. آآآه. ثواني وكانت في حضنه. مكة بتوتر من قربه: ااااا اصل مفيش. يوسف بمشاكسة: مفيش إزاي؟ قولي. مكة رفعت عينها وبصت في عينه. تائهة في بحر غرامه. مكة بتوهان: هو إنت مش بتحبني؟

يوسف رد عليها بطريقة خلتها تدوب بين إيديه ونسي الدنيا معاه. بعد عنها عندما حس باجتياحها لهواء. مكة بحب: هو أنا طفلة؟ يوسف بحب: أحلى طفلة. مكة بعبوس طفولي: ابعد طيب.